المساعد الشخصي الرقمي

مشاهدة النسخة كاملة : هل لها علاج


جيتك يابعد حيي
22/08/2006, 05:59 PM
بسم الله الرحمن الرحيم

مساكم الله بالخير/

يالربع أهل الخبره بالطيور
عندي طير صايبته جدره في مخالبه ثنين بأحد كفوفه والمخالب طالعه بس ظعيفه مره وميجي طولهن نص صانتي ولونهن يميل (للشهاب) أبيض .
مع العلم ان الموسم اللي طاف أنكسر واحد وطلع بداله بس مثل ما قلت لكم ظعيف بالحيل.
هل للعلة هذي علاج ناجح ومؤكد؟
أفيدوني عسى الله يرزقكم باللي تمنونه
أبو شعلان
23/08/2006, 01:56 AM
بسم الله الرحمن الرحيم

أخوي صفوق مساك الله بالنور والسرور .....

كان اللي في طيرك جدرا أكيد تكفى لاتخليه .... كانك في الرياض ودّه للعويدي خلّه يشوفه ... هو أبخص بهالمور ...

لأن الجدرى ماهي بسيطه ... ولاتخاف كل شي له علاج ....

والظاهر من إسمك ( صفوق ) يافي حايل أو حولها هههههههههههههههه

,,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,
:j :j
طيرحوران
23/08/2006, 09:05 AM
حياك الله أخوي صفوق وابشر بسعدك
أولا يجب ان تعزل الطير عن باقي الطيور فورا إذا كان موجود معه طيور
علاج الجدره إذا كانت في البدايه سهل بإذن الله وهو الكي على موضع الجدره
ووضع الطير على ارضيه حاره مثل الصبه وماشابهها ووضع ضلال على الطير المهم يوكر الطير على مكان حار وبإذن الله تشفى
وإذا كنت لا تجيد هذه الأشياء فأنت في أي منطقه علشان نرسلك إلى احد يكوي طيرك
والف شكر مع تمنيايتنا للطيرك بالشفاء العاجل
والسلام
جيتك يابعد حيي
23/08/2006, 02:18 PM
أبو شعلان تسلم على الطرح الجميل انت وطير حوران
أما بالنسبه لسؤالك ياابو شعلان عن اني من حايل ولا لا انا كنت في حايل قبل 4 سنوات وأنا حاليآ بحفرالباطن بس زياراتي عن حايل ماتنقطع...
واما عن الطير فالطير له فتره طويله صايبته الجدره ، ومن ناحية عزله عن الطيور خالط طيور واجد بس لله الحمد ماصابهن شي.
المشكله في المرض هذا انه مثل ماقلت له فترة ظويله معيب المخالب الثنين هن صحيح المخالب ظاهراة بس ظعيفات حيل.
ولا أدري مع الكي هو يجيب نتيجه ولا لا ولا أدري من وين يكوى الطير بحالة أن المخالب ظاهره.

ولكم شكري على التفاعل مع الموظوع..............
م-ت-ن-ا-ث-ر
25/08/2006, 09:16 AM
لا لا لا تكويه والله كويت طير وعز طير مات بعد الكى بسبوع انتبه وديه المستشفى اوعند الصيدليه يعطيك مضاد حيوى وخذ مطهر وطهر مكان الجدره وخذ كممات معقمه وكل يوم لبس الوكر كمامه معقمه ولا تعلف على الوكر ابد
ويقولو فى طريقه ثانيه كريم وملح مخلوط مع بعض تدهن مكتن الجدره بس ترى ماجربت
الله يشفى طيرك
جيتك يابعد حيي
25/08/2006, 01:23 PM
الله يعطيك العافيه يالمتناثر
كلامك طيب وراح أجرب اللي قلتلي
ارسال
27/08/2006, 04:00 AM
اخوي صفوق جرب هل وصفه اذا مافادة اطلق الطير وسبله وانا خوك
اول شي دورلك عقرب سوده وحطه بالمقله لين يطلع الدهن الي فيهااااا وبعدين جيبلك خرجه وقطه بالدهن مال العقرب ولف ادين الطير فيهااا
وثانين علف الطير بالحم صافي يعني مافيه اعظام
وثالثن اذا عنده طير غيره شيله لان الجدر تعدي
واهم شي الدهن لايحوش ايدك لانه يصيب مرض بالجلديه يعني البس دس
وهذا الوصفه ترا مجربه بالكويت وانشالله على الله شفاته ............
وانشالله الله طيرك وكل طير مريض يارب
جيتك يابعد حيي
28/08/2006, 01:59 AM
تسلم اخوي ارسال بس وين نبي نلقى العقرب
ارسال
28/08/2006, 03:17 AM
ومنقال سالم ياصفوووق .......
انا اقولك رح للبر ودور اهل الغنم واهل البل وهم يطلعونهااااااااا لك اسأ ل مجرب ..........
وخلهااااااا على الله وتعب على هل شي واذا مافي فايده علف الطير وسبله وانا خووووك الي جابه يجيب غيره ........
والله يوفقك ويرزقك ويشفي طيرك ............
جيتك يابعد حيي
28/08/2006, 09:18 PM
تسلم ياارسال والله يكثر من أمثالك.