شوركم يارجال بالربع 2013 تايوتا البريمي

[جديعان]

السلام عليكم ورحمته وبركاته

قلت مالي الا استشير هالمكشاتيه انا راعي طلعات وروحات وسجات وعزبتي على قدي
رايكم فيه يصلح للستخدام اليومي بالبلد علمن مغير انا والمعزبه :D
وسعره 131 الف
ياليت اللي مجربه كيف عزمه مريح ولا مغير مناقز ياليت اللي يفيدنا يكون مجرب الموتر وبكل امانه يعطينى السلبيات والايجابيات

[google-999-]

والله بما انك انت والمعزبه, انصحك تشوف لك موتر ثاني
لآنه مايناسب العائله ابد , ومن ناحية النشاط الموتر معروف ماشاء الله وبالتوفيق

[زيــآدِ]

لا ما يصلح لك

[جديعان]

طيب ابي السبب ليش ما يصلح ابي السلبياات ليكون علشان سمعته انا ما اقتنع من الخزعبلات :D
ابي ليش ما يصلح للعيله انت والمعزبه واذا عندك بزر او اثنين بكفي وش المشكله :mad:

[وجعين]

المشكله انك تبي تنقلب انت والمعزبه ما يصلح للعائله الا اذا انت تبي تخاطر رفيع وقصير وماهنا اسرع من قلبته ما تشوف الشباب مايرفعون الا بربع دورلك جيب راسي وسيع بعدين مانتب باتل على بزر و131 حرم تحطه بسياره بهذا الحجم الصغير

[sgl2002]

غير مريح
ثقيل بالنفود لكن عزمه يغطي ثقله
سريع الانقلاب
اصوات هواء وغير معزول
ضيق من الخلف جدا
سعره مبالغ فيه
تطفش باقل من شهرين من ركوبه


ان طعتني والشور لك

خذ اف جي
او ربع باترول ٢٠١٢ مكينة فتك

[هايبر]

عندي لك شور طيب .دبر لك واحد من ربعك او اخوياك و خذلك مشوار عليه للبر و بعدها راح توضح الصوره لك اذا هو مناسب لك او لا. لان االتقدير في هل الامور مجاله واسع و يختلف من شخص الى اخر .

[تساهيل1]

الربع قوي وحق جلد 24 ساعه خصوصا من 2009 وتحت مجرب لي 2008
له معي سنه ونص ولا زال معي للان ابو رفارف وصدامات فضيه اللي يسمونه فل جلللللللللد مايقول اح
بس احس من تالي ظهري فيه وجع لازم اسند على الطاره وانا اسوق تقل ابو 60
شكله فقرات الظهر والله العالم ويكفينا الشر
و 2010 وطالع مكينته خياس ماتجي 4500 ومشاكلها وأإأإأجد مثل الجي اكس الراسين من 2008




مطبه قوي ينثر عزبتك قدامك هذا اذا ماطارت مع الدريشه وانا مدرعم ^^


عليك بالاف جي


تماتيك ونشيط خفيف نفس+شبابي + للعائله الصغيره+مريييح كنك راكب كابرس 89 ماتحس بالمطب


او اكستيرا نيسان هذا ملك الدفع الرباعي لحد الان حتى الربع المعدل بلموت يمشي وراه


واذا مصمل على ربع خذ باترول الجديد حتى تحس له هيبه وركاده



وانت شف اللي يجوز لك وموفق

واهم حاجه الشي اللي براسك ومشتهيه لايهمك احد او فلوس طقه وفل حجاجك ياشنب دامه ماهو حرام


وعلى البركه مقدما

[باوزير]

خذ يا اف جي او نيسان ربع فتك على قد فلوسك

[كومبو]

غير مريح بتاتًا
طع شوري لا تآخذه عليك بالاف جي

[فهد 333]

الموتر مافيه كلام للبر والقنص والمشاوير
لكن للعائله ماانصحك أبدا
والسبب ضيق ويناقز وغير ملائم والصراحه مشبوه للعائله
خذ أف جي اذا مناسبك

[جفناوي]

وأنا أقول اللي قالوه الإخوان وأزيد على ذلك حرام عليك تتعب المعزبة

[أبو صاروخ]

اذا نفسك فيه لاتحرمها منه خذه ورتاح نفسين

[الخلاوي 9]

اشهد بالله انهه موتر مابعده كرف وجلد وتحمل شكل وعزم جبار متماسك .. بسس الموتر شبابي بنسبة 90 بالمية "
يعني آدا معك عايلة الاف جي زين ..
والمناقز ماشوف انه عيب لانك ماخد موتر برر والي يبي الراحه ياخد موتر صغير ويريح نفسه .. ~

[س.س.التميمي]

خذلك اف جي مريح وشبابي
امريكي مامن فرق وبالعكس امريكي افضل من السعودي فيه اشياء ماوصلن بالموديل الجديد السعودي خذاه واحد من العيال من جده موديل 2007 ب 82 الف بس جديد بمعنا الكلمه

[الربذي]

وعليكم السلام انت مااستشرت الا تبي تسمع الشور قدامي وبيوم واحد انقلاب ربعين بسبب الامطار وانا وصديقي شلنا راعيه من الارض طايح كله طين وسالته ونحن بطريقنا للمستشفى وش سبب انقلابه قال الماء الي بالاسفلت نقعه قلبته يقول امشي 120 الاخرى ربع ايضا بعد الحادث الاول تقريبا باربع ساعات ويبعد عن الموقع الاول تقريبا 20 كم وقتها كنت راجع من الدوام المسافه 60 خارج حائل كان يوم ديم وامطار وخير رجل وزوجته وطفلته الوحيده متزوج من سنه وشوي المصيبه الطفله منقلب عليها الربع وامها تصيح صياح يهد جبال موقف تنزل دمعتي منه كانت تحاول الام فتاه بيديها الضعيفتين رفع الجيب وتصيح باسم طفلتها وتردد فلانه فلانه طبعا السائق الزوج وزوجته سليمين تماما بس الطفله طاحت وانقلب الربع عليها وكفراته فوق رفعوا الربع الخايس الا منظر ابكى الرجال صايره لحم مفروم امها ابعدوها بالقوه عده رجال كادوا يعجزون عن ابعادها ويكذبون عليها يقولوا بنيتك بخير بخير لكن عند ربها باذن الله عقبه كرهت الربع.. ولايمكن ان يجي عائله لانه مصندق والامان قليل به الاف جي افضل ارسى ونفس المكينه ونفس العزم نصيحه هج عنه خذ اف جي افضل اذا مصر على باب وربنا يحفظكم

[abo naser 1]

السلام عليكم

هذا رابط ارجو انك تشوفه قبل لا تقرر الله يكفينا واياكم شر الحوادث والسرعة
http://www.youtube.com/watch?v=aci-ugvqgX4

[جديعان]

والله اني انخررررررررررررعت الله يكفينا الشرررررر يارب ولا يبلانا والمسلمين اكثر اللي يتقلبون من السرعه والتفحيط وووو وبعدين السيارات كلها اذا اسرعت انسى الامان والسلامه

يارجال هو الموتر اللي صراحه يبيض الوجه بالبر وانا رجال ماني بمطيور لكن الله يكتب اللي فيه خير يارب

[وجعين]

وعليكم السلام انت مااستشرت الا تبي تسمع الشور قدامي وبيوم واحد انقلاب ربعين بسبب الامطار وانا وصديقي شلنا راعيه من الارض طايح كله طين وسالته ونحن بطريقنا للمستشفى وش سبب انقلابه قال الماء الي بالاسفلت نقعه قلبته يقول امشي 120 الاخرى ربع ايضا بعد الحادث الاول تقريبا باربع ساعات ويبعد عن الموقع الاول تقريبا 20 كم وقتها كنت راجع من الدوام المسافه 60 خارج حائل كان يوم ديم وامطار وخير رجل وزوجته وطفلته الوحيده متزوج من سنه وشوي المصيبه الطفله منقلب عليها الربع وامها تصيح صياح يهد جبال موقف تنزل دمعتي منه كانت تحاول الام فتاه بيديها الضعيفتين رفع الجيب وتصيح باسم طفلتها وتردد فلانه فلانه طبعا السائق الزوج وزوجته سليمين تماما بس الطفله طاحت وانقلب الربع عليها وكفراته فوق رفعوا الربع الخايس الا منظر ابكى الرجال صايره لحم مفروم امها ابعدوها بالقوه عده رجال كادوا يعجزون عن ابعادها ويكذبون عليها يقولوا بنيتك بخير بخير لكن عند ربها باذن الله عقبه كرهت الربع.. ولايمكن ان يجي عائله لانه مصندق والامان قليل به الاف جي افضل ارسى ونفس المكينه ونفس العزم نصيحه هج عنه خذ اف جي افضل اذا مصر على باب وربنا يحفظكم

ياخي الله يهديك خربت يومي كله بها القصه وحزنتنا انت تبي الرجال يصرف نظر عن الموتر والله لو هو على صغيره لاصار كاتبن له الله ينقلب ان ينقلب

[Salamah.y]

ان جيت للمنظر و القوه و تحمل الكدة و الكرف و الطرب
عز الله انه موتر يبيض الوجه , و ياصل اماكن ما ياصله غيره

لكن عيبه الامان و الرساوه معدومه زي ما قالوا الشباب
و الراحه طبعاً تنساه لأنه سست خلفي , كذلك صوت الهواء

,

اذا انت تبي موتر نشيط للبر و يبيض الوجه
فيه الباترول الشكل القديم ابو رفارف سود , تحصله موديل 2012 اصفار
مادري اذا نزل 2013 او لا , المهم انه موتر طيب و سعره حول سعر الربع
ارسى و اريح من الربع ~

,

الله يوفقنا وياك و يكفينا شر هالحديد و كل مسلم

[طواش]

الرجل هذا لا يقتنع
الله يصلح حاله
شوف الموتر هذا لايصلح لك
http://www.ifurat.com/arl/cars/news/تويوتا-تطلق-lc79-لعام-2013-فى-السعودية-،-وتتيح-خيار-الكابينة-المزدوجة-لمحبيها

[راعي الشاخوفه]

خذ لك اف جي نشيط وان كانك راعي بر وطلعاتك واجد خذ الاف جي قير عادي
الربع يصلح شباب وانت بتتحمل مناقنزة ومطبه ولا المعزبه بتتعب منه وفكر للمستقبل

[عااشق نفود]

مايحتاج مشاور موتر يطربك بس اذا كنت بتتحمله

[ابومارية]

ابقولك سالفه تونس عنه واحد من خوينا عنده ربع قعد يبيعه سألته ليه قال خذينا عليه عمره ومعي المعزبه

يقول بلشت لازم اوقف يابغينا نرضع البزر . والله هذا كلامه وباعه مجبور وشرى هدد .

[على رمشي تمشي]

عز الله انه موتر لاصار معك سياره صغيره للأهل - انا معي بوليسي وصغيره للعائلة

[جديعان]

:good2:
عز الله انه موتر لاصار معك سياره صغيره للأهل - انا معي بوليسي وصغيره للعائلة
هذا اللي بيصير طال عمرك ابي اخذي اكرلا ولا اكسنت والربع لشدااايد :good2::good2:

[sgl2002]

اذا تبي تختبر رساوة الموتر وقوته

اقرب مثال اطلع النفود بربع واطلع بلاند والا باترول

وشف راعي الربع يقوم يحذف به الموتر يمين ويسار بعكس اللاند والباترول

[abo naser 1]

:good2:
هذا اللي بيصير طال عمرك ابي اخذي اكرلا ولا اكسنت والربع لشدااايد :good2::good2:



نصيحة أخ لأخوة جرب ربع النيسان 2012 مافية مقارنة بينه والتويوتا قوة المحرك وقوة الدبل والدفرنس الرساوة والراحة ومتعة القيادة

ربع التويوتا 2013 مكينة أصغر من الأولة 2009 وتحت سست سريع انقلاب وقوة مطب ومستخدمينة في الغالب صغار سن والمحرك الجديد أقل صبر وتحمل من السابق

معلومة بسيطة خلال أسبوع واحد فقط محل لتجهيز سيارات الدفع الرباعي في القصيم من تمديد كهرباء وبطارية أضافية تم تجهيز 32 شاص نيسان خلال أسبوع فقط في محل واحد كلهم مخلين تويوتا ليه 1- السعر مناسب 2- قوة المحرك 3- الراحة ومتعة القيادة 4- مواصفات أفضل

شاص نيسان + كورلا = شاص تويوتا من ناحية القيمة
وش خلا أبو جميل سعره حمارة ب 160 الف ((لا ومأخذ أفضل وكيل في اليابان والصين وعند ربعة مأكلهم أكل))
مع أن الأفضلية لصالح النيسان بالمميزات

[جديعان]

والله ياخوي سعر النيسان الربع اتوقع 170 الف والربع التايوتا الفل 131 الف
صح ان النيسان اقوى مكينه وهو افضل من التايوتا بالنفوووود دبلاته قويه لكن التايوتا اصبر وامسك بالسعر وبعدين انا ركبت النيسان ياخي تحس انه مهو متمااسك انا ركبت التايوتا ياخي فرق والله

بالله من نضرتك الثاقبه وشرايك وين اللي تحس انه متمااسك وشوف الصور
الربع النيسان

http://automarket.ae/wp-content/uploads/2012/08/217.jpg

http://www.mekshat.com/pix/upload05/images226/mk34212_mm03.jpg


http://www.mekshat.com/pix/upload05/images226/mk34212_mm16.jpg




الربع تايوتا



http://im30.gulfup.com/rBlA5.jpg




http://im30.gulfup.com/9zlF3.jpg







http://im30.gulfup.com/Gnt46.jpg



http://img.haraj.com.sa/userfiles30/2012-09-22/505d9bc73a153.jpg


http://img.haraj.com.sa/userfiles30/2012-09-22/505d9bc73a153.jpg (http://doraan.com/vb/)

[الربذي]

ياخي الله يهديك خربت يومي كله بها القصه وحزنتنا انت تبي الرجال يصرف نظر عن الموتر والله لو هو على صغيره لاصار كاتبن له الله ينقلب ان ينقلب
ياهلا بك انا فقط احاول اوصف الموقف اسف لازعاجك بس اعلمك بسبب كرهي له

[جديعان]

سبحان الله

[abo naser 1]

والله ياخوي سعر النيسان الربع اتوقع 170 الف والربع التايوتا الفل 131 الف
صح ان النيسان اقوى مكينه وهو افضل من التايوتا بالنفوووود دبلاته قويه لكن التايوتا اصبر وامسك بالسعر وبعدين انا ركبت النيسان ياخي تحس انه مهو متمااسك انا ركبت التايوتا ياخي فرق والله

بالله من نضرتك الثاقبه وشرايك وين اللي تحس انه متمااسك وشوف الصور
الربع النيسان

http://automarket.ae/wp-content/uploads/2012/08/217.jpg

http://www.mekshat.com/pix/upload05/images226/mk34212_mm03.jpg


http://www.mekshat.com/pix/upload05/images226/mk34212_mm16.jpg




الربع تايوتا



http://im30.gulfup.com/rBlA5.jpg




http://im30.gulfup.com/9zlF3.jpg







http://im30.gulfup.com/Gnt46.jpg



http://img.haraj.com.sa/userfiles30/2012-09-22/505d9bc73a153.jpg


http://img.haraj.com.sa/userfiles30/2012-09-22/505d9bc73a153.jpg (http://doraan.com/vb/)



السلام عليكم

أخوي لولا أختلاف الاراء لبارت السلع وكلاً ورغبته وخذ ماترغب لا مايرغبون الناس اذا انت مقتنع بالتويوتا خذ ولا تشاورانت الي تبي تدفع و أنت المستخم وكلاً له مزاياه

صحيح التويوتا شيك ومتماسك ووكيل أفضل لأكن كذلك النيسان يمسك سعره بل في بعض الموديلات بعد استخدام 15 سنة تبيعة براس ماله مثال 97 ونازل ومرشوش بقيمة ربع تويوتا 2002 وبالنسبة للقربعة وتهريب الهواء بالخط فقط من 97 ونازل وكلها من ربل القزاز ومن مجاري المراتب الأمامية والديكور الداخلي اما من 98 وطالع بالعكس مافية قرقعة جلب القزاز أفضل والمراتب أقوى و الديكورات أجود لآكن تميز 97 ونازل بخفة الوزن والمرونة والشكل

والأسعار تقريباً با الأمارات

فئــــــــــــــة S ب 12000 درايش هندل مراتب متقابلة
فئــــــة GL ب 135000 قزاز كهرباء ثلاجة دفلك مراتب عرض نياكل المرايات وطاية
وفئة سفاري ب 165000 الف فتحة دفلك تخشيب فيابر وصدامات نفس الون مراتب عرض

الألون/ أبيض , فضي , ذهبي , أسود

[ls1.5700]

لاتعدى هالمزيون



http://automarket.ae/wp-content/uploads/2012/08/217.jpg

[أبا مجاهد]

عليك بالف جي لك ولعائلتك وللبران والخطوط

[جديعان]

الله يكتب اللي فيه خيررر

[ماء نوفا]

جذه ولا تشاور انامعي واحد ونا والعايله بس عليه للبر خفيف نفس وانت منت مطعس ومعك العايله حق تمشي بس اذا العايله معك خذه ولا راح تندم

[جديعان]

الله يعطيك العااافيه