المساعد الشخصي الرقمي

مشاهدة النسخة كاملة : مشورتكم يالربع باللاندكروزر 6 و 8 سلندر (قير اتوماتيك )


أسير المساري
02/12/2012, 11:41 PM
السلام عليكم ورحمة الله وبركاته

اخواني الكرام احتاج مشورتكم خصوصا اهل التجربه والخبره

انا ناوي بمشيئة الله على شراء لاندكروزر 2013 قير اتوماتيك ومحتار بين 8 سلندر و 6 سلندر

استفساري ابي اعرف هل السته سلندر قير اتوماتيك أفضل من الثمانيه وخصوصا عزمه كيف

قومة الموتر وكيف وضعه مع العروق هل عزمه وسط أو قوي او ضعيف لان اغلب ظني اني اباخذ

سته سلندر لان صرفيته اقل بس اخاف يخيب ظني في العروق وابي شوركم ونصيحتكم

لكم مني كل الود والاحترام وبانتظار ردودكم
نواف 94
02/12/2012, 11:57 PM
والله ياخوي انا اقول لو تاخذ 8 سلندر افضل بما انه اوتوماتيك وغير كذا مرغوب اكثر
أسير المساري
03/12/2012, 12:36 AM
والله ياخوي انا اقول لو تاخذ 8 سلندر افضل بما انه اوتوماتيك وغير كذا مرغوب اكثر

بيض الله وجهك على النصيحه اخي نواف وننتظر الاخوان
ابوزياد وراما
03/12/2012, 01:28 AM
اولا اسال الله ان يدلك ويسر لك الخير
الثماتيه سرندل افضل واقوي ويعتبر شيك ف حالة البيع وبالتوفيق
Salamah.y
03/12/2012, 01:31 AM
بما انك تبي تماتيك , و عندك القدرة المادية على قيمة الاثنين خذ لك ثمان سلندر احسن
و بالنسبه للصرفية , يارب لك الحمد ,,,,, الله يديم رخص البنزين , بديارنا !!
ما اتوقع انها بتفرق معك واجد , سالفة الصرفية ~

,

الله يوفقك بالاختيار الانسب
تحيااتي ,, @~
راعي الشاخوفه
03/12/2012, 09:21 PM
خذ 8 سلندر. ولا 6سلندر قير عادي
التعـ King ـديل
03/12/2012, 09:37 PM
السته سلندر مهنا عزم وهو قير عادي ولا احد يقولي متعصب اكثر من عضو بالمنتدى اتصل علي يبي حل لموتره وبدون ذكر اسماء

انا دامك تبي تويوتا خذ 8 سلندر اقوى عزم بس ثقيل اذا 4.7 وابو مكينه 5.7 غالي بالحيل والله يكون بعونك

لكن النصيحه الاخويه من مجرب خذ لك طير شلوى ابو 320 حصان باترول 8 سلندر 5.6 لتر
لاندكروزر11
04/12/2012, 08:10 AM
خذ 8 يالله لك الحمدالبنزين ارخص من الماء وانا جربت 8 الحقيفه مهب بكفائة 5700 سيكويا لاكن افضل بكثير من 6
سيف الظفير
04/12/2012, 09:20 AM
والله العظيم اني بايع بريمي لؤلؤي قير عادي وسبير علاق واخو الجديد بعته ممشاه 45000 الف فقط

علشانه 6 سلندر موديل 2009 أول ما نزل


وخذيت بعدها موترين الاول سعودي اسود سبيرين ونش 8 سلندر ولكن اللون ما عجبني


والثاني ولله الحمد النقوة

سبيرين فتحة ونش دفلك بريمي فل الفل خذيته اخو الجديد واهم شئ كان عندي 8 سلندر


فكيت دبات التلوث وركب السبرنت بوستر وركب فلتر AFE الامريكي الاصلي جايبينه من امريكا

وصار الموتر ولله الحمد والفضل والمنة يلالاعب الريح وعلى قولتك سالفة العروق ما عادت اكبر هم
مبارك الشمري
04/12/2012, 11:03 AM
والله أخوي انا من وجهه نظري أخذ الثمانية ولا أشاور

خاصه انك تقول القير تماتيك
البديع 828
04/12/2012, 08:11 PM
٨ سلندر وبس..
سواءً بالقديم أو الجديد أو القير العادي أو التوماتيك
ماراح تحسف ..
يكفي إذا استخدمته استخدام زين وانت تكرفه راح يتعدى عداده٧٠٠ الف وأنت تضحك
فهد 333
04/12/2012, 08:31 PM
أخوي الغالي
السلام عليكم جميعا
انا موتري 2007 تماتيك 6 سلندر الصراحه الموتر ماعليه كلام حتى بالنفود العيب الوحيد ان القير هو اللي يتحكم بالنفود لاانه حساس لكن اذا نزلت الهواء على 20 مايوقف وبدون دبل امشي لكن الافضل القير العادي من هالناحيه
اما عدد السلندر ان الصراحه متحسف مااخذت 8 وان شاء الله راح اخذ 8
بالنسبه للبيع ال 6 سنلدر يمشي بالسوق احسن من الثمانيه والسبب ان بعض الناس يحبه للسفر والبلد مو حق طعوس وبر ويحسب للبنزين الف حساب
بالنسبه لك انت استخير الله سبحانه والله يكتب لك الخير
سؤال ولاعليك امر كم سعر 2013 جديد 8 سرندل رقم 2
الشقب1
05/12/2012, 06:31 AM
السلام عليكم يااخوي انصحك بالثمانيه سلندر افضل بكثير 1 اقل صرفيه بترول 2 ابرد حراره والموتر مرتاح في القومه والقوه 3اذا انت راعي خطوط وسفر يفيدك ولاحظ اغلب السيارات 6سلندر مع الزمن تصرف زيت وتعال صلح بلوف وجلد بلوف ونصيحه اذا انت حاجتك لمقناص عليك 8 سلندر في اكس ار 2007
كومبو
05/12/2012, 07:24 AM
السلام عليكم ورحمة الله وبركاته

اخواني الكرام احتاج مشورتكم خصوصا اهل التجربه والخبره

انا ناوي بمشيئة الله على شراء لاندكروزر 2013 قير اتوماتيك ومحتار بين 8 سلندر و 6 سلندر

استفساري ابي اعرف هل السته سلندر قير اتوماتيك أفضل من الثمانيه وخصوصا عزمه كيف

قومة الموتر وكيف وضعه مع العروق هل عزمه وسط أو قوي او ضعيف لان اغلب ظني اني اباخذ

سته سلندر لان صرفيته اقل بس اخاف يخيب ظني في العروق وابي شوركم ونصيحتكم

لكم مني كل الود والاحترام وبانتظار ردودكم


وعليكم السلام ورحمة الله وبركاته

عزم الستة 39.3/4400
عزم الثمانية 44.8/3400

مقارنة القوة مع الوزن
6 سلندر 9.0 كجم لكل حصان
8 سلندر 8.4 كجم لكل حصان

تغيرات القير
6 سلندر 5 سرعات
8 سلندر 6 سرعات

من خلال تجربتي لأقوى مكاين تايوتا وأخف سياراتها
سكويا / GX460
وجربت أضعف مكاينها أيضًا
فورتشنر 4 سلندر قير عادي دفع رباعي
هايلوكس قير عادي دفرنسين
جيب ديهاتسو تيرويس
فأقول في النفود العلم على السواق أنسم الكفرات وما قد وقف بي أي موتر منهم والحمد لله

الفرق اللي لا ألاحظه هو في طريق السفر فقط وبالذات عند المساقط في الطرق المزدوجة (اللي تكون طريق واحد رايح جاي)
والفرق الآخر عداد الضغط (حنة المكينة) أمشي 140 بالفشفش والضغط على 3 لكن بالسكويا الضغط على 2 بينما الهايلوكس الضغط 4 لاختلاف حجم المحرك ونسب القير والدفرنس
الصحافة 15
05/12/2012, 10:02 AM
الأخوان ما قصرو (ولكن أسال مجرب ولا تسأل طبيب) أنا بايع 6سلندر 2008 وخذت 2011 8 سلندر نصيحة خذلك (8 سلندر) الستة سلندر ثقيل ومتعب 0
ابوفهد الشريف
05/12/2012, 10:44 AM
جماعه الخير ابي اقول شي عن السته سلندر
كلام الاخوان صحيح بخصوص السته سلندر انه ضعيف وفيه حنه في مكينته
لكن الكلام هذا ينطبق على موديلات 2011 ونازل
لكن من موديل 2012 وطالع تغير عدد الاحصنه في مكينه السته سلندر والثمانيه بعد
كانت الاحصنه 270 واصبحت 301 اي مايعادل عدد احصنه الثمانيه سلندر فالموديلات 2011 ونازل


تجربتي الشخصيه انا مطلع GX 2012 سته سلندر قير تماتيك ( والله يطرح لي فيه البركه )
وزميلي مطلع 2013 ثمانيه سلندر GXR


ماقولكم مافيه فرق لا فيه فرق بين الثمانيه والسته ( وعلى فكره الفرق بسيط )
لكن مكينه السته الجديده ماهيب بسيطه خفيف نفس جدا بالنفود يطربك ولا عمرك بتقول ياليت ماخذ 8 ابدا
بالخط والله اني مثبت على 180 ولا تسمع صوت حنه ولا خرابيط
مانبي نهضم حق ال 6 سلندر


زميلي جرب موتري بالخط بالنفود
يقول موترك اخو موتري لكن الفرق بالنفود : نفس الشي بس صوت ال6 اعلي شي بسيط
على الخط : ال8 انشط بالعزم لكن الممشا واحد ( بس ومو معناه ان السته ضعيف )


الشي اللي اعجبني بال 6 سلندر ان صرفيته بالبنزين اقل من ال8
طلعنا من الرياض للقصيم ونفس الممشا موتري ال6 صرفيته اقل من ال8 بفرق كبير


السته سلند ممتاز ولا فيه اي عيب نهائيا خصوصا موديلات 2012 وطالع ( هذا هو معي ولا افكر اغيره )
ال8 سلندر ممتاز ولا يعيبه شي بعد
لكن انا ملاحظ الشباب يذمون بالسته وكلامهم ممكن يكون صحيح بس للموديلات القديمه


وبالنهايه خذ اللي انت مقتنع فيه اهم شي... لانك بتدفع مبلغ مهوب بسيط فلا تاخذ شي الا وانت مقتنع 100 %


تحياتي للجميع والكلام اعلاه من واقع تجربه وليس نقلا للكلام

وياليت احد الشباب يعطينا رايه بمكينه السته سلندر موديلات 2012 وطالع من المجربين
باترول 88
05/12/2012, 10:57 AM
الصراحه اتفق مع اخوي التعـ King ـديل
لان كثير اشوف بقسم الاعطال مشكله في الاندكروزر الجديد وهو تعليق الدبل
والباترول ما عليه غباار
ولاكن يميز الاندكروزر يمسك سعره
وسعر الاندكروزر 8 سرندل 2013 توماتيك وفتحه ونش ودفلك 241 الف
والله يكتلب الي فيه الخير
صديق وفي
05/12/2012, 11:02 AM
خذها مني نصيحة اذا تقدر على قيمة 8 سرندل لاتشاور الا الكريم استخر وتوكل على الله مايخذلك لا بر . ولاخط . ولا عند البيع ...........
أب رحي
15/01/2013, 10:03 AM
وعليكم السلام ورحمة الله وبركاته


الـ6 سلندر الجديد تعبان...
اذا بتاخذ بنصحك خذ الـ8...
هذا كلام الاغلبيه...
وازيد من الشعر بيت الـ6 سلندر الجديد بعد فتره لازم تسوي ميزانيه لـ صبابات المكينه
لأنك رح تسمع صوتها...

تقبل مروري.
حفيد بن صعصعة
15/01/2013, 11:33 AM
8 سلندر ولا افكر 6 سلندر مجربه قير عادي مافييه عزم ابد
بايسن حار
15/01/2013, 08:44 PM
كان عندي لاندكروزر 2000 6 سلندر تماتيك
ثقيل بالحيل كأنك تسحب مقطوره

الـ 8 أفضل مافيها كلام