المكاين ماتدق سلف

[عشقان بحر]

مهندس عبدالله تحيه طيبه ...

انا عندي مشكلة في المواطير ماااتدق سلف نهائي علما بأن الكهرباء واصله للمواطير بس لما اجي اشغلها ودق سلف لاحياة ولاحركه مااافي نفس .... لانه البوت كان واقف شهرين
هل المشكله تكون من الريموت يبغاله تنظيف ,,, وللمعلوميه اني لقيت الفيوزات حقت المواطير محروقه وغيرتها قلت يمكن منها برضوا دقيت سلف نفس المشلكله مافي حركه ونحرقت الفيوزات الجديده كمان ,,, البوت عليه 2مواطير سوزوكي 40 الشبح امل افااادتي عن المشكله في اسرع وقت

ولك مني جزيل الشكر

[عقام الرايس]

ما نتعدى رأي المهندس وننتظر افادته

اذا كانت الكهرباء واصلة للمواطير وقوة التيار طبيعية ماهي ضعيفة تبقى عندك مشكلة الكيبلات الواصلة للمفاتيح خصوصا وانك تقول فيه حرق للفيوزات

جرب تدق سلف من نفس السلف وصل له كهرباء مباشرة للبطارية واحد على البارد في اي مكان في الماطور والثاني على مسمار الموجب الي تلقاه مغطى ببلاستيك ويبين معاك

اذا برضو مافيه تجاوب يمكن يكون من راس السلف نفسه يكون عاض ومصلب مع الوقفه وهذا يبين معاك ايضا اذا خليت الاضاءة شغالة في القارب ودق سلف اذا شفت الاضاءة تخفت وتقل مع دق السلف تعرف ان البطارية اما ضعيفة او ان السلف عاض ومصلب

وقبل كل هذا تأكد ان اصابع البطارية موصولة بشكل جيد وماعليها ملوحة

في انتظار المهندس للبت في الموضوع