المساعد الشخصي الرقمي

مشاهدة النسخة كاملة : عندي مشكله بالباترول ومالقيت لها حل........


جربوع داعس
23/08/2006, 05:43 AM
السلام عليكم ورحمه الله وبركاته


احب اوضح لكم نوع جيبي لكي تحلون مشكلتي باذن الله
معاي باترول سوبر سفاري 2005 مشيت فيه تقريبا 4000كيلو وهو وضعه حلو جدا مافيه اي عيوب والحمدالله وبعد كذا بديت اسمع صوت طقه خفيفه في القير طبعا القير اتوماتيك وبعد كذا بدا يزود صوت طقه القير وانا حاط وضع D بعد ما ابعد رجلي عن دواسه الفرامل يطلع الصوت بعد كذا وديته للصيانه وقالو لي الصوت طبيعي هذا نشحمه لك ويخف الصوت وشحموووه لي مافي فايده نفس الصوت يطلع لي والى الان الصوت موجود بس يروح ويجي بين فتره وفتره........
فارجو من لديه الخبره ان يفيدنا في ذلك وجزاكم الله خيرا







http://aljrboa.jeeran.com/4800.jpg
bb5599
23/08/2006, 05:51 AM
وعليكم السلام...
اخوي الجربوع الداعس.. تذكر يمكن انك اخذت فيه مطب جامد أو نطة من نفود ...
فأتوقع إنه شيال القير..
... وأبعطيك رقم فني قير اتوماتيك ممتاز اتصل عليه واسأله..

اسمه تحسين رقمه 0503282970
جربوع داعس
24/08/2006, 03:39 AM
مشكور اخوي بي بي بي على التواصل وكلامك صحيح 100% باني اكلت مطب اكله


قوويه الا مو اكله الا طرت بالهواء طيره عصفور ودبيت بالسفلت دبتين خفيفتين:D

بس رحت للصيانه وقلت لهم شيال القير وشيكو عليه ويوقولون مافيه اي شي وقلت لهم

علبه التروس يمكن او انه ال abs يعني فرامل مانع الانزلاق بس مافي فائده تذكر

وجزاك الله خير وباتصل على الرقم اللي كتبته لي واشكرك كثير الشكر اخوي



ووين بقيه الاعضاء انتظر اجابتكم على احر من الجمر لاتبخلون علينا جزاكم الله خير







http://sf0ry.jeeran.com/11.jpg
المعمري
24/08/2006, 05:30 PM
اخوي اذا كان الصوت وانت واقف يعني توك بتعشق القير هذا طبيعي هذا الامان تبع القير سواء كانت السياره مشغله او طافيه
والله اعلم


اخوك
m1m
25/08/2006, 02:24 AM
عندنا لاند أتوماتيك له أربع سنوات من وكالته فيه الطقة إذا رفعت رجلك عن البنزين وانت مهدي يطق وهو أمر عادي

المهم أنتبه ( تنتل) سيارة مغرزة .. تزود الطقة وتعدم القير

وإذا بغيت تتأكد توجه لذيب لتأجير السيارات وخذ واحد مثله وجرب :)
سعد الدين
25/08/2006, 02:31 AM
هذا الصوت كان في سيارة زميل لي

كان يطلع صوات طقات سريعة

وبعد الفحص للقير وجد أن الجنزير يبغالة تغيير

طبعا القير عادي والسيارة 2001 سفاري
القناص
25/08/2006, 02:40 AM
هذي الطقه عاديه في الجيوب

عندي سوبر سفاري ونفس الطقه

وكان عندي جيبين قبله وفيها نفس الشي ولكن بنسب متفاوته

ا
جربوع داعس
25/08/2006, 03:44 AM
اشكر الاعضاء الكرام

المعمري على رده الجميل
m1m كلامك صحيح 100% وان جربتها نتلت جيب وزاد صوت الطقه
سعد الدين على رده المفيد
القناص طمنتي كثير بردك وعلى قولتك طقه بنسب متفاوته تجي وتروح وجزاكم الله الف خير على مروركم
المعمري
25/08/2006, 05:42 PM
الظاهر ياخوي انت تقصد الطقه وانت ماشي بالسياره.........
اذا كنت تمشي علي سرعه خفيفه مابين 40-60 ورفعت رجلك عن البنزين تسمع صوت الطقه هذا عادي انا كان معي باث موديل 2002
ونفس الحركه وشريت جديد 2005 وطلع نفس الحركه مع السياره جديده ...مع تحيات
اخوكم
جربوع داعس
27/08/2006, 04:00 AM
مشكور اخوي المعمري على تواصلك لكن اللي انا اقصده اذا وقفت وانا على وضع D مافي اي صوت لكن الصوت يطلع بعد مابعد رجلي عن مكبح الفرامل وانا في الوضع D فقط احس القير تحرك من مكانه واسمع صوت طقه قويه اما اذ ضغطت على البنزين بغض النظر عن السرعه سواء امشي 10 او 120 مافي اي اشكاليه ولله الحمد....
اشكرك اخوي مره اخرى على تواصلك المستمر معنا:good:
العوشز
27/08/2006, 06:44 AM
رغبه في المشاركة مع الإخوان لعلي أفيدكم
أنا أيضا عندي باترول 99 وإذا رفعت رجلي عن البنزين أحس كأن القير تحرك وكأن فيه طقة أحسها في عصا القير إذا وضعت يدي عليه ( الفير عادي )
وأظن ذلك شيء طبيعي
altheeeb79
27/08/2006, 08:18 AM
السلام عليكم00 اخواني أي عادى وأى توماتيك تقولون طقه بالسياره وخصوصا بالمحركات(قير دفرنس مكينه) لاتقولون عادى 00 يرجع للوكاله وترجع دراهمي 0أما أقول عادي هالحين وبعد سنه أو سنتين أو ثلاث أو00000 بعد مايخلص الضمان يطلع لي بلوى لا وألف لا0 الله يأخذ الوكاله وساعتها اذا ماهي عارفه وش المشكله(واذا الوكاله تقول عادى هالصوت ومافيه مشكله يضمنون القير مدة العمر الافتراضي للقير أما يجيبون عماله تصلح سياكل بديرتهم وهنا يصلحون سيارات جديده واخر موديل فبعيد عن شواربهم أصدق انه الصوت عادي00 ياجماعه القير الاتوماتيك اكثر حساسيه من القير العادي000000000000000
باترول 82
27/08/2006, 11:49 AM
والله ياخوي مادري وش اقولك لكن انا معي باترول سفاري (82)!!!! وفيه اصوات كثيره

مادري لوأعرف اللي تقصده منهم وافيدك

مجرد مرور وشكراً
F34666
28/08/2006, 02:54 PM
اخي جربوع لايضيق صدرك قدامك الضمان طويل لو في القير خلل راح يبين

ولكن واحد من الشباب معة سفاري جديد فيه نفس الصوت الي تحس انه من القير ولكن بعد الفحص تبين انه من اذرعة الدفرنس الخلفي يمين ويسار تحتاج الى كبس مع التشحيم وهي تقع امام الكفرات الخلفية وشكراً

انا موجود بالرياض حاضر للمساعدة
ajlan34666@gmil.com
جربوع داعس
01/09/2006, 05:45 AM
اشكرك اخوي العوشز على تواصلك وانا يحصل لي مثل مايحصلك بالضبط ان القير يتحرك من مكانه مع انه اتوماتيك

واشكر الذيب على حماسه وكلامه العقلاني (واذا الوكاله تقول عادى هالصوت ومافيه مشكله يضمنون القير مدة العمر الافتراضي للقير أما يجيبون عماله تصلح سياكل بديرتهم :d وهنا يصلحون سيارات جديده واخر موديل ) والله وصدقت اخوي الوكاله الحين تخرب سيارتك بدال ماتصلحها علشان كل مره تزورهم وياخذون عليك دراهم ياخي المسجل خرب علي ويوم وديته لهم صلحوه وقالو لي سوء استعمال وادفع 170 ريال تهاوشت انا والموظف وبالاخر اخذت سيارتي وماعديتهم والله ولا ريال بيلعب علينا في كل شي

واشكر اخوي باترول على التواصل
اخوي F34666 مشكور على التواصل وشكلي بطاوعك بروح افحص اذرعه الدفرنس وان شاءالله اطلع بنتيجه ومشكور مره ثانيه على اجتهادك ومساعدتك
وجزاكم الله الف خير ودمتم سالمين
الراعي
01/09/2006, 08:21 PM
اي صوت بالسياره ماهو طبيعي اذا كان خاصة بالقير او المكينه لاتهمل اصلاحها

تحياتي للجميع , , ,