استفسار بخصوص g

[نواف بن ناصر]

بسم الله الرحمن الرحيم

يالربع من شاور ماخاب
بحثت ولا لقيت اجابة كافية
ناوي بأذن الله على جي 2012 او 2013
. ودي اخذ تماتيك
اصحاب الخبرة فقط افادتكم
مكينته 4.0. صحيح او لا
وهل الفرق واضح بينه و بين قير العادي
مع العلم استخدامي بر. مقناص ليس تطعيس و استعراض

هل فيه فرق بين مكينة g و gx

طبعا اتكلم عن الاتوماتيك
شاكر لكم ..
اتمنى الافادة حتى تعم الفائدة للجميع
للمجرررررب فقط

[ذيب زلفاوي]

صراحة العزم بطه لان وزن الموتر ثقيل مررة على المكينه

انصحك بالباترول الجديد بالمكينه الجديده بس للامانه ماجربته

[نواف بن ناصر]

جعلك تسلم
ننتظر تجارب الاعضاء

[FAHAD - 506]

السلام عليكم ورحمه الله وبركاتة
ياخوي انا معي لاند ٢٠١١ مهوب ٢٠١٢ والحمدلله الموتر مكفي وموفي ولا خذته والا وانا مجربه قبل لاشتريه ومعجبنبي وبقوه نشاطه وانا اطلع النفود في فترات متباعده ولا قد دعست له الدعسه كامله ماشاء الله ولا اشتكيت منه ابد والمكينه 4.0 السته سلندر وللمعلوميه ال١٢ نشطوها زود عن الي قبلها
ولا تعتمد على كلامي انا انصحك انك تجرب وترتاح رح محل تأجير وخذلك لاند
وانا موتري توماتيك تبترونيك ^_^

[نواف بن ناصر]

بيض الله وجهك يا فهد

[أبو صاروخ]

المفخره بضاعه الله سخرها لنا له الحمد والمنه
__ جرب __ استخير __ والف امبارك عليك
وطبعاً الاستندر g مكيف واحد بدون ثلاجه اخف وزنأ
انا كان عندي 2006 استندر مكيف واحد وبدون ثلاجه قير عادي ما شاءالله طلقه يعجبك
ونا افضل الاستندر الجديد الي من الخلف ابواب مش شطنه

[نواف بن ناصر]

ما شاء الله يا ابو صاروخ 2006 ستاندر. انشهد انه موتر
انا انشد عن الجي تماتيك 12 او 13
رحت لتاجير السيارات لقيت gxr
طبعا المكينة تختلف عن g

[على رمشي تمشي]

ولد عمي معه جي وجربته مديله 2010 والله بصراحه ثقيل يالله يالله يمشي وقيره اوتو
اما ال2012 يقولون تغير عزمه ولا جربته والله

[نواف بن ناصر]

على رمشي ..
هذي المشكله العزم
بدفع لي 100 و زود و اخشى اني ابتلش

[أبو صاروخ]

ما شاء الله يا ابو صاروخ 2006 ستاندر. انشهد انه موتر
انا انشد عن الجي تماتيك 12 او 13
رحت لتاجير السيارات لقيت gxr
طبعا المكينة تختلف عن g


ما اقدر افيدك يالاخو لانه معرف احد عنده 2012 او 2013 بس انت دايمن اشتر الجديد (الحديث) انت ابحث في قوقل ان شاءالله تحصل مبتغاك
وبخصوص الاتمتك مريح في المدينه حتا في البر
وذا عندك عائله خذلك مكيفين يستاهلون :good2:

[قلقانش]

حياك الله اخوي

انا من ملاك فئة G ابوب موديل 2011 قير عادي

بالنسبة لهالسيارة

وزنها اقل من جي اكس لانها خالية من ديكورات الأبوب ومن الثلاجة
فا كهربتها مو ضايعه

بالنسبة للمكينه وخفتها السيارة خفيفه لكن بالبر لا تقارن بالنيسان مهما كان التويوتا من ثمانينات القرن السابق

الى الموديلات الحديثه لم تتغلب على مشكلة الوزن واكتفت بالقوة

لكن زيما قلت لك خفيف وتسارعه لابأس فيه لكن بالبر يبي له رجال راكد ومهو كثير مراقى وتطعيش مثل حركات هالشباب

صرفيته بالوقود ممتازة وتكييفه ممتاز لان ما على الكمبرسر ضغط
وفيه امكانيه تخليه مكيف ونص للمرتبة الوسطى كلها تكاية ستاندر خليجي بدون ثلاجة تطبق على الديكور
ومن المصنع فيه مدخل للتكييف المنبعث من التكاية يطبق طبيعي

مكينته نفس مكينة الجي اكس ار 6 سلندر ما فيه فرق ويمكن هو انشط لانه قير عادي ولفة تروسه اكبر من التماتيك

وسلامتك ان كان تبي النصيحه وانت راعي بران وغراز ونفود يا تحول على الفتك الجديد او تاخذ لك فوتينر 6 سلندر منا زينه

اما ان كنت راعي كشتات ذربة وشغل شيبان فا لا بأس فيه مهو قليل شر لكن يبي له واحد باخص بدروبه ومطاليعه

ونتمنى لك التوفيق