اكثر ممشى موتر

[التمسساح]

من خلال الموضوع نبي نعرف اكثر ممشى موتر لأي عضو في المنتدى مع ذكر هل تم عمل توضيب للمحرك ام لا لكي نعرف قوة تحمل كل موتر واتمنا التفاعل من الاعضاء

[التمسساح]

لا يجي احد ويقول الموضوع مكرر

[التمسساح]

مافي ولا واحد يعطيني وجه

[مركز أميره]

فيه سيارات كملت مليون كيلو

وعلى ما اذكر كامري 2000 ..

[NissaN 1990]

عندنا نيسان 1998 ماشي 420 ألف قير تماتيك وأتوقع يمشي كثرها ماشاء الله
وعندنا فورد فكتوريا 1997 ماشي فوق ال 500 ألف وعلى وشك توضيب
وفيه رجال أعرفه معه نيسان موديل 90 أو 91 مشى عليه 600 بدون مايوضب مكينته قير تماتيك وباعه وأشترى VTC 4800

[التمسساح]

مشكورين على مروركم الطيب ونتمنى تفاعل اكثر من باقي الاعضاء

[يكفيني نظرة]

ولد عمي باع ماركيز 99 ماشي 700 كان يحلف لي انه توه واقف جاي من الشرقيه واخذ خاله الموتر ومشى لمكه ويحلف انه ماطفاه.

[كومبو]

ماشاء الله عليكم جميعًا
أكثر موتر ممشى عندنا فان هونداي وصل 196 تقريبًا 2008

[وليد اللهيبيي]

قولو ماشالله
جيب لاندكروزر صالون 1984
مشى للحين 900 الف كيلو
بس سويت له تغير شنابر لمن مشي 600 الف




ملاحظة
عمر المحركة تعتمد ع رجل السايق

[MIDLAND]

شفت تكسي بدبي 2008 ماشي 700 الف يقول بس قطع استهلاكية وزيت وبنزين
ويقول خويه معه 2007 ماشية 800 الف ونفس الحالة

[التمسساح]

مشكورين على مروركم الطيب

[ذيب زلفاوي]

انا ركبت مع تكسي باستراليا ماشي 700 والسياره فورد فالكون اتوقع موديلها 2002 الي 2005

[aliwww]

اتوقع نوعية الزيت لها دور في ذلك وكذلك مكان الاستخدام

[المنطلدز]

كان معنا تويتا جيب لاندكروزر قديم او مايسمى بالعدني

مششيناه مليون ونص وثمن بعناه بمبلغ 15 الف ريال

[بدوي جنوبي]

فيه واحد بجده معه لكزس أعتقد موديل 92 سيدان مشت 999 الف يعنى كملت المليون
لكن ما يطلع في العداد مليون يرجع يصفر من جديد يقولو ان الشركة كرموه واعطوة سياره جديده
لكزس ،،،

اللى يخلى السياره تمشي أكثر
هو الحفاظ على تغيير
-السيفون ،، و الزيت ما يتعدى 4000 - 5000 لاى سياره
- تغيير ماء الرديتر كل 3 - سنوات مع بلف الحراره
- تغيير البواجى كل 60 الف تقريبا
- لا تمشي على السياره سرعات عاليه لانها تستهلك من عمر المحرك
- اللى يهلك المحرك هو الوقوف لفترات طويله والمحرك يعمل خاصة في فصل الصيف والمكيف شغال
- لا تكثر من أحماء المحرك أكثر من 3 الى 5 كأقصي حد دقائق في فصل الشتاء (أذا ما حمى المحرك أمشي بسرعات منخفضة حتى يصل أنمبير الحراره للحد المعروف ) .
- حافظ على تنظيف فلتر الهواء كل شهر وبعد سنه يتم تغييره (يحكم تغيير فلتر الهواء أجواء المدينه )

تقريبا هذه الأشياء تطيل من عمر المحرك أذا تم تغيير قطع غيار أصلي .

أكثر سيارات ألاحظها تمشي مسافات طويله بدون توضيب هى تويوتا وفورد .

[ابوسند9]

موضوع جيد
لكن اعتقد انه مكرر

[التمسساح]

مشكورين على مروركم الطيب وكل عام وانت بخير

[التعـ King ـديل]

كان عندي باترول 91 شريته من راعيه اللي فاكه وكاله وكان ماشي 650 الف واستخدمته لحد مامشى 780 الف وبعدها بعته على واحد قبل 4 سنوات ولحد الان معه ولا دخله ورشه ولا توظيب ماشاء الله تبارك الله بس مدري كم ماشي الحين لكن مايقل عن 900 الف لان راعيه يداوم عليه مدرس بشروره واهله بالرياض وكل اسبوع او اسبوعين جاي خط من شروره للرياض واحسب من 4 سنوات لحد الان كم يكون ماشي

[التمسساح]

كان عندي باترول 91 شريته من راعيه اللي فاكه وكاله وكان ماشي 650 الف واستخدمته لحد مامشى 780 الف وبعدها بعته على واحد قبل 4 سنوات ولحد الان معه ولا دخله ورشه ولا توظيب ماشاء الله تبارك الله بس مدري كم ماشي الحين لكن مايقل عن 900 الف لان راعيه يداوم عليه مدرس بشروره واهله بالرياض وكل اسبوع او اسبوعين جاي خط من شروره للرياض واحسب من 4 سنوات لحد الان كم يكون ماشي





الله يعطي راعيه خيره ويكفيه شره ومشكور على تنويرك موضوعي

[يزيد 999]

اذكر انه اكثر سيارة مشت بالعالم فان من فورد مشت فوق ١٧٠٠٠٠٠ كيلو !! اما بالنسبه لسيارة أنا ملكته فهو موتري حاليا فورد أف 150 موديل ٢٠٠٤ ماشي ٣٣٠٠٠٠كيلو

[الرحال تبوك]

السلام عليكم ورحمة الله وبركاته
كانت عند اخوي سياره سوزوكي بالينو بكس مشت ى421 الف وباعها وهي ممتاز محركها

[برق البشاير]

يقول بعض أهل التجربة : مما يطيل عمر المحرك الحفاظ عليه من الحرارة والاهتمام بتغيير الزيت في الوقت المناسب . وبالحال المشاهد فسيارات تويوتا القديمة موديلات الثمانينات والتسعينات صبورة .

[التمسساح]

شكرًا لكل من شرف الموضوع بمروره الطيب

[ابونبيل]

مراح تلقا مثل محركات الامريكي القديم اعرف واحد شخصيا معه كابرس 89 والى الان عنده يوم مشا مليون و300الف وضبه والحين ماشي 100 بعد التوضيب تقريبا ماشاء الله تبارك الله

لاكن دج الامريكي من تالي

[المنيعي1]

اكثر ممشى لسيارة ملكتها باث فندر 2004 ماشي الأن 406000 كلم . ولم يطلب توظيب إلى الأن ولله الحمد .

[التمسساح]

اكثر ممشى لسيارة ملكتها باث فندر 2004 ماشي الأن 406000 كلم . ولم يطلب توظيب إلى الأن ولله الحمد .



ماشاء الله تبارك الله الله يعطيك خيره ويكفيك شره وعقبال المليون واكثر بدون توظيب وشرفت موضوعي بمرورك الكريم

[قلايد الخيل]

ماشاء الله والله اني رضيت بممشى سيارتي

انا ماشيه تقريبا 260 الف هايلكس دبل2008
موظبه بسبب الحراره

[sgl2002]

موتري باترول ٩٨ ماشي ٣٦٠ الف ولا نقص ولا حرارة ولا دخنه وهذا بفضل الله ثم فضل المحافظه على الزيت والفلاتر ونظام التبريد مع اني شين بالاستخدام اذا دخلت البر

الوالد معه جي اكس من عام ٩٣ وحتى الان

فيه جلد بلوف فقط وماشي ٥٥٠ الف

بس استخدام الوالد ماعمره عداه ١٢٠ ولا يجور عليه باي حال من الاحوال

[التمسساح]

اشكر الجميع لتشريفهم الموضوع بردودهم الطيبه

[ليميتد2006]

كنت اشتغل بوكالة تويوتا بالصيانه على ايام 2010
جات كامري 2008 ماشيه 700 الف و كسوور
يبي يغير زيت و فلتر بس
ماشالله الموتر مافيه الا العافيه
بس بعرف وين راح على الموتر خلال سنتين
ماشاء الله تبارك الله الله يبعد عنه شر العين

[التمسساح]

كنت اشتغل بوكالة تويوتا بالصيانه على ايام 2010
جات كامري 2008 ماشيه 700 الف و كسوور
يبي يغير زيت و فلتر بس
ماشالله الموتر مافيه الا العافيه
بس بعرف وين راح على الموتر خلال سنتين ماشاء الله تبارك الله الله يبعد عنه شر العين






ماشاء الله تبارك الله هذي أكيد مع رجال كداد رايح جاي ومشكور على مرورك

[مكشآتي للآخر]

الجمس حق الوالد ..2003 ماشي 240 الف بدون فك المكينة ولله الحمد
ماشاء الله تبآرك الرحمن
والجمس الي عندي توة جديد 2010 ماشي 145 تقريبآ
ولله الحمد بس زيت وسيفون اشياء استهلاكية .. ماشاء الله..

[ملك الفكتوريا]

واحد من الشباب معه فكتوريا99 ماشيه الان حول 750 الف كيلوا وما غير الا بيرنقات القير لانه يعشق والسيارة تمشي


وعمي باع كراسيدا ماشيه 700 الف


وكان عندنا جمس علق الكليوامترات على 800الف وكديناه سنتين زياده



ولا انسى الاسطورة موتر جارنا فكتوريا 96 مماشيه 900 الف

[التمسساح]

الف شكر لكل من عطر الموضوع بمروره العطر

[مخ سعودي]

كان مع ولد عمي كامري ٢٠٠٠ باعه وهو ماشي ٨٠٠ الف وكسور غير فيها قير وسير التايمن ٣ مرات ينقطع فجاه وركبت مع كامري ليموزين موديلها من الشكل الجديد يمكن ٢٠٠٧ ممشاها ٥٠٦ الاف وماشاء الله مافيها قربعه ولاشي
وعندنا ماكسيما بصور عدادها ٩٩ مشت ٧٠٠ وعليها ومكينتها شد بلد وحتى الان مافيها الا العافيه

[عاشق داتسن]

ددسن موديل 93 ماشي 920الف

[التمسساح]

ددسن موديل 93 ماشي 920الفعقبال المليون
مشكور على مرورك

[التمسساح]

انا عن نفسي اكثر مشي موتر مر علي فورد فكتوريا موديل 99 طبعا استخدام امريكي وشفته في معرض في تبوك وكان حق اجره في امريكا كان عداده900 الف وعليها طبعا بالميل يعني بالكيلو اكثر من مليون و ستمائة الف كيلوا الكلام هذا قبل اكثر من 7 سنوات قبل مايمنعوا استيراد الموديلات القديمه

[التمسساح]

كان مع ولد عمي كامري 2000 باعه وهو ماشي 800 الف وكسور غير فيها قير وسير التايمن 3 مرات ينقطع فجاه وركبت مع كامري ليموزين موديلها من الشكل الجديد يمكن 2007 ممشاها 506 الاف وماشاء الله مافيها قربعه ولاشي
وعندنا ماكسيما بصور عدادها 99 مشت 700 وعليها ومكينتها شد بلد وحتى الان مافيها الا العافيه
بأنتظار الصور يالغالي ومشكور على مرورك الطيب

[وااضح]

سيارتي الثانيه كامري ٩٧ ماشيه ٧٠٠ مع تغير شنبر ع ٦٠٠ الف اختياري ليس إجباري
وموفق

[هدد 1]

معي دادوسن 2001 مشيتها 450 الف وبعتها ومكينتها اذا عايرتها بعد اي مشوار طويل تحلف ان زيتها جدييييد

[تميم2222]

عندك مكينه النيسان.. ولكزس والفكس ار هذي هي التوب في كثر الممشا غيره ... ما سمعت ..

[مطاع شمس]

عندى لومينا 2000 ماشيه 45000 بدون توضيب مكينه

[mohannadAs]

http://www.toyota4arab.com/forum/up/20735/1196538358.gif


http://www.toyota4arab.com/forum/up/20735/1196538509.gif

[مدور طريق]

واحد من اخواني فاك تويوتا كرسيدا مديل 1990 اذكر عدادها صفر من جديد :D
جلست معاه عشرين سنه عشره معاه وعشر مع اخوي الثاني :D
وبالاخير اعتقناها وبعناها على سوداني ب10 الاف قبل كم سنه

حالينا مع كامري 2003 ماشيه 430 الف صارلها 10 سنين معي :good2: ولله الحمد

والله اوقات ادق سلف من الرياض ولا اطفي السيارة الى بدبي :D
مشيتها شرق غرب جنوب شمال
الكموره ما مثلها وخاصة القير العادي يا لبى قلبه دق سلف وامشششششش :D

:f

[m3ax]

كان عندنا جمس 83 شريناه ماشي 150 ألف بعد قفل العداد يعني مليون وميه وخمسين الف :o

استخدمناه بعدها 10 سنوات وبعناه والحين راعيه الجديد يستخدمه عااااادي ولا كأنه قد مشى :D

وجدي عنده سوبر 99 سعودي فاكه وكاله ماشي اكثر من 900 الف واذا وقف جنبك تقول توه طالع من الوكالة اللهم صلي على سيدنا محمد

ما شاء الله عليها الله يبارك لهم فيها

[عقووول]

انا عندي لكزس 300 es ماشية 410000

وعندي باترول 92 بابين ماشي 600000

والحمدلله كلها تطربك

[التمسساح]

مشكورين لمروركم الطيب

[ابوكشتات]

انا شفت تاكسي كابرس صابونه موديل 93 لشايب راعي خطوط عدا المليون كيلو وصفر من جديد وعلى كلامه يحلف لاوضب مكينه ولاقير والدفرنس ماخرب معه ماشاءالله .

[bandar1989]

خالي عنده هايلكس ٩١ ماشيةو٧٢٠ الف كيلو بدون مشاكل تذكر

[التمسساح]

مشكورين على مروركم الطيب

[التمسساح]

اشكر الجميع على مروره الطيب

[التمسساح]

نبي تفاعل اكثر يشباب

[ددسن مسدرك]

عندنا جمس موديل 2005 مشى إلى الآن 450 ألف و لله الحمد

[حر اليدين]

http://www.mekshat.com/pix/upload05/images249/mk18900_the%20pickup%20speedo%20meter.jpg



هالصورة شفتها في النت الواضح انها ددسن 98 مقبلة على المليون


تقبلوا تحيتي اخوكم حر اليدين

[التمسساح]

مشكور اخوي حر اليدين لاعدمناك

[فياض الربيع]

اكثر سياره مشت معي كراون فكتوريا 2001 مشيت فيه اكثر من 500 الف كلم
مافكيت فيه لا مكينه ولاقير ولادفرنس وبعته بس كنت اغير الزيت على 5000 مع السيفون
كنت اشتري الزيت السيفون من الوكاله وبعته ومكينته وقيره مافيها اي شي وكنت مواظب على تغيير
زيت القير مع الفلتر كل 100 الف والدفرنس غيرته مره واحده يوم مشي 250 الف كلم

[فياض الربيع]

ترى على فكره الممشى مايضر السياره اذا كنت محافظ عليها تعيش
الممشى القليل ماهو شرط لنظافه السياره اخوي الصغير كان معاه هايلكس
موظبه وهو ماشي 70 الف فقط لانه يطعس دايم وصار ينقص كثير قال المكانيكي يحتاج توظيب

[ابوهايلكس]

عندي فورد سعودي 99 مطلع جديد الحين ماشي 400 وماشاء الله لا حرارة ولا تتوظيب ولا شي نسافر ونروح ونجي كنه جديد

[دوج رام 98]

معي كابرس 2006 أخذته من الجميح أصفار بـ 68 ألف , ثمانية سرندل , كانت أسعار طيبه في وقته , ماشي إلى الآن أكثر من 400 ألف , وماشاء الله تبارك الله , ماشفت منه إلا كل خير وأسافر عليه كل ديره , حتى دول الخليج

ماشاء الله تبارك الله

[turkiq]

فعلا اوافق الشباب .. اذا استخدامك للسيارة زين فالممشى ما يأثر كثير عليها

بالنسبة لي شفت باترول في مركز صيانة ماشي 700 الف الا شي بسيط
وعلى كلام الفني المكينة شد بلد ما انفكت ما شاء الله

اما كسيارة امتلكتها شخصيا فاطول ممشى كان على سيارة هيونداي سوناتا 2006
قطعت بها تقريبا 280الف بدون توظيب

وسبق وركبت مع صاحب ليموزين هيونداي النترا يقول قطع مليون وصفر العداد
بتوظيبه وحده.



اعتقد مكاين النيسان ال 6 سلندر من اطول المكاين عمراً
هذا بمشاهداتي والله اعلم

[الاشهب 507]

اول شيء اذكرو الله
وصلو على محمد
موتر فور رنر 93 ماشي 900050
تسعميه وخمسين الف كيلو
منغير توضيب. ماوجهتني إلى مشاكل
معى الدفنرس الخلفي وباقي خربان إلى
يومكم عجزت فيه لاهوه ولا الفرامل الخلفيه
شاب راسي منه يرج رجه من الدفرنس الخلفي
غير طبيعيه بس لو توفر معي دراهم اكيد دفرنس
وكاله من غير اي نقاش
ما شاء الله لاقوة إلى بالله
الاشهب 507

[باترول مغرز]

معي شاص نيسان 2003 ماشي 820 الف تقريبا ولا اغير الا قطع استهلاكيه ولا عليه ابد

[الذئب الاليف]

ماشاء الله عليكم



اكثر موتر مشى معي فورد ماركيز موديل2000

مشى 90 الف

[خالد الحارثي]

عندي جيب 2012 ماشي حول 110 الف

ومعي جمس 2001 ماشي حول 460الف

[ابو محمد64]

باترول 99 مكينة 4500 مشيبت 980 الف وبسبب البنشري ما شد صرة الزيت راح الزيت وخبطت المكينه

[اليامي قطر]

موتر الوالد جكسار 2005 تماتك وارد الفطيم

ماشي الحين 450 الف لكن الوالد وضبه يوم مشا

300 الف لان العزم تردا اشوي بدون حراره او نقص زيت

قير .. دفرنش .. بدي .. شد بلد مادقه الشاكوش

[سحب ممطرة]

ما شاء الله تبارك الله

الله يعطيكم خير مواتركم ويكفيكم شرها


لكن هناك قاعدة بممشى السيارات

وهي ان المكينة كل ما زاد عدد السلندارات كل ما تحملت بزيادة

يعني الموتر الثمانية او السته سلندر افضل من الاربعة سلندر بالتحمل و يصبر على الجلد اكثر وعمرها اطول ولا يضرها الممشى الكثير عكس الاربعة لان المكينة صغيرة ولا تحمل

[@..ابن الدلم..@]

معنا ددسن موديل 99 مشى 700

[عبقري91]

مشاءالله تبارك الله.
عندي كامري 1998 وقف عدادها 999999 الف يعني باقي خطوه وطق مليون لاكن ماجت. خرب مدري علق. المهم كديدها كم سنه ولا عندها مشكله
بس بعد ال3 الاف تنقص اقل من ربع
وسلملي عليها ان اشهد انها سياره. ماتطلب. شي

[محمد آلمالگي]

كامري ٢٠٠١ مشت معانا حول ٤٠٠ او اقل شوي بعناه قبل سنه ونص ب١٥٥٠٠ م اول سومه كان مشيي عليها تطعيس ومطامر كانها جيب طبعاً لا تنقص ولا تدخن ولا اي شئ فيها كانها ٢٠١٣ سيارات لا يعلى عليها ابداً

[ابوناشي511]

معي شاص ماشي 869 كم ولاعمري حطيت فيه غير بنزين وزيت
مديله 2014

[عاشق الهدد051]

معي شاص ماشي 869 كم ولاعمري حطيت فيه غير بنزين وزيت
مديله 2014

هههههههه الله يوسع صدرك يا ابو ناشي

[اليامي قطر]

معي شاص ماشي 869 كم ولاعمري حطيت فيه غير بنزين وزيت
مديله 2014

اذكر الله لاتخبط مكينه موترك :good2:

[فياض الربيع]

معي شاص ماشي 869 كم ولاعمري حطيت فيه غير بنزين وزيت
مديله 2014

حتى الزيت بدري المفروض ماغيرته ههههههههههه

[حسن الراشدي]

عندي نيسان 99 ماشي 400 الف و سكويا ماشي 2013 110 الف

[dhoomi]

هايلوكس 1998 استخدمها شخصين فقط من الوكاله .. مشت 750 وطفى العداد ... وبعناه والمكينه والقير مافكت ولا توضبت ولله الحمد
عاشت معنا مايقارب 13 سنه وكملت مع راعيها الجديد باقي المشوار ... حقيقة سياره تستحق الذكر تجسد الصناعه القويه لليابان.

[الحربي 591]

اذكرو الله
ما شاء الله تبارك الله
تاهو 2008
الممشى 311الف
تم تغيير تكايات البلوف بسسب نوع الزيت اللي اركبه والسيفون مضروب
وإلى الان ما شاء الله 🐴 حصان

[فياض الربيع]

امس اسولف مع واحد من الشباب معاه دسن ٩٧ gl شاريها باسمه وكاله
يقول صفر وعد ١٠٠ الف يعني ماشي مليون و١٠٠ الف وتم توضيب السياره
وهي ماشيه ٧٠٠ الف كلم وماباع السياره مع ان معه سياره غيرها بس موقفها

[حبيتر]

فورد 2003 مشي معي 380 وبعته قبل سنتين وللحين ماشي مع راعيه بدون اي مشاكل في المكينه صراحه الفورد سياره تتربع على عرش السيارات في صبر وتحمل المكينه وفق ذالك المكينه هادئه جدا

[كحيلان تميم]

معنا هايلوكس ديزل 2002 قرب يمشي 300 الف لاكن وضبناه والحين بدا يخبط .. بس استخدام غشامه ولا الومه .. يوم كان برجل الوالد كان نضيف يوم اخذته انا ومن عقبه اخذوة اخواني خربناه .. ياحسافته .. والى الان موجود معنا ..

[صواعق نجد]

يعطيك العافية على الموضوع القيم اخي الكريم
بالنسبة لوجه نظري
الممشى ليس مقياس على جودة الممحرك فتجد سيارات ماشية اكثر من 500 الف وزيادة وتجدها في قمة ادائها
و تجد الي ما وصلت 150 الف أو حتى أقل وتكون في حالة يرثى لها
لأن ذلك يعتمد على السائق وقيادته
واهتمامه بالتشييكات اللازمة من زيوت وماء وغيره

بالنسبة لتجربتي تريل بليزر 2007 دبل
وصلته الى 320 الف وبعته و لا مرة رأيت انه نقص او حتى تغير لون زيته
لكن مواضب على تغيير زيته كل راس شهر فلتر الزيت كل ثلاث شهور فلتر الهواء كل سنة
اما الموية ما اذكر غيرتها او زودها
القير كل ستة شهور عن طريق سحب زيتة

مع العلم اني ارهقه في البر وقت مواسم الامطار واعتدال الجو

الزيت المستعمل سوبر جي تي 30/10 وانا ارى انه الأفضل على الأطلاق

مع العلم البليزر أستخدام أمريكي

تحياتي للجميع