مطلوب حر طلع وسبوووووق

[قناص متقااعد]

السلام عليكم ورحمة الله وبركاته مطلوب حر طلع من الدرجه الاولى شرط سبق وصيد يكون ملون اشقر كاشف ومايكون تفريخ ويكون عمره مايتجاوز الثالث وراح تكون تجربته على حباره من عندي وافكها له طلع واذا صاد واطلعه من مسافه محدده راح اخذه في حالة توفر الشروط يرجا وضع رقم الجوال وبستثناء الموضوع حق جميع مجلس التعاون في اي من منطقه راح اجيه والله ولي التوفيق

[صقار الأسياح]

موجود هات حباراك وحمامتك وطلع معه عشر طيور ان طلعن قبله لاتاخذه والسبق هات حمامتك جاهز لياقيا بس العمر خامس وذبح قبل ايام طلع راسلني كان لك شف السوم 40000الف ريال

[نمر القريني]

هلا بك يا قناص...موجود الطير لونه كاشف و يعرفونه اهل الكويت اسمه منقاش..ماخذ في مسابقه الطلع الاول و الجائزه سياره..و معروف الطير في السعوديه...و لكن عمره خامس..و بالنسبه للسبق جب حمامتك الي تهقى بها.. وان بغيت تجيب النحم جبه معك و جب معك طير يرفعها..و لحق بمنقاش ان ما برد حرتك فخذه مقدم من دون قيمه..و لكن سومته 60000 الف...من احد صقآقير الشيوخ..ان كان ودك تطرب رآسك حتى لو مانت شآري فحيآك الله..على العين و الرآس..

[حشّار]

الله يرزقك وإذا شريت من الشباب والا فيه طير بس اللون حمر وسومه ٥٠٠٠٠ لكن ركاده وطلع رصيده من الحباري في اربع سنوات ٣٦

[قناص متقااعد]

لا هنتو ياربع وبيض الله وجيهكم بس انا ادور من سن ثالث وتنازل

[بونايع]

موجود الطير قرناس ثالث هات حباراك وحمامتك وانشالله اتروح متنومس

والطير موجود فالامارات

[قناص متقااعد]

ولاتهون بونايع ارسلي رقمك