بطاريات اوبتيما الصفراء/مكان الشراء ومحلات البيع واسعار والمعلومات المهمة(( شاركونا))

[سيف الظفير]

السلام عليكم ورحمه الله وبركاته

كما في عنوان الموضوع من خلال المكتن نتبادل الخبرات والمعلوم حيال بطاريات الاوبتيما المشهورة بخاصية ((الديب سايكل )) ويه الاحتفاظ بالطاقة الكهربائية الكامنة لعدة سنوات وعمرها الافتراضي الذي يتجاوز 4 سنوات.


اي معلومة تفيد اخوان هنا

ما نستغني عن مشاركتكم يالغالين


محبكم ابو صالح الظفيري

[WWS]

حي الله آبؤ صـآلح
خبري بهـآ بشـآرع آلريل قبل 3 شهؤر
مـآني متذكر بـآلضبط آسم آلمحل

ؤ بعنيزه قبل آشـآره آلصنـآعيه ؤ آنت متجه شرق
بمحل مدري هؤ آلمشعـآن آؤ آلشعلآن
عنده آلحمرـآ ؤ آلصفرـآ
هـآلكلآم قبل آسبؤع تقريبـآ

[سيف الظفير]

طيب يالذيب وش اشتري

الحمراء ولا الصفراء مع ان موتري مجهز كامل بكل شيء كهرب وثلاجة وكنود و و و ( تجهيز الصبي الكامل )

[WWS]

طيب يالذيب وش اشتري

الحمراء ولا الصفراء مع ان موتري مجهز كامل بكل شيء كهرب وثلاجة وكنود و و و ( تجهيز الصبي الكامل )


الله يعطيك خيره ؤ يكفيك شره

ؤ الله يـآخيي آبؤ صـآلح مـآلي علم بهـآ بشكل كبير
ؤ كنت متردد آركبهـآ ع آلجمس



السلام عليكم ورحمه الله وبركاته

كل عام واعضاء واداره وزوار مكشات بخير وصحه قبل الزحمه http://www.mekshat.com/vb/images/smilies/smile.gif
قمت بجوله خطافيه بشارع الريل لهذا اليوم السبت الموافق 27 رمضان 1432هـ
وكالعاده الاسعار كلمالها تلتهب الله يخارجنا ويرفع عنا الغلاء


ولقيت عند احد المحلات بطاريه اوبتيما اللي تكلمو عنها الاخوان بالمنتدى والكثير يبحث عنها بالرياض ولولا العيد كان شريتها

حصلت عنده الحمرا 50 امبير بـ 1200 بعد المكاسر 1100

والضمان سنتين وكيلها يقول عمرها الافتراضي عشر سنوات http://www.mekshat.com/vb/images/smilies/icon15.gif
http://static.summitracing.com/global/images/prod/large/ult-9004-003_w.jpg

ثم بدأت البحث عن بطاريه باقادر اليابانيه 80 امبير ولقيتها بـ 430 بعد المكاسر

هنكوك80 بـ 350

بانسونيك التيلنديه 80 امبير بـ 310 ويمدحها راعي المحل يقول تجي على الكزس وكاله

بانسونيك 105 بـ 360 ريال

فيه نوع كوري بس نسيت اسمه بـ 260 ريال

وهذا مالدي احببت ان اشاركم فيه لأخذ فكره مسبقه عن الاسعار
وكلٌ يدلي بدلوه لتعم الفائده وفق الله الجميع لما يحب ويرضى

ودمتم بود







لكن شف هـآلرؤـآبط إن شاء الله تفيدك
,,,
,,
,

للبيع بطاريات اوبتيما جديده ضمان 3 سنوات (http://www.mekshat.com/vb/showthread.php?t=496621)

مطلوب بطارية اوبتيما . . . (http://www.mekshat.com/vb/showthread.php?t=519826)


ؤ إن شاء الله تحصل آللي تبيه

[الرقيب سكاكا]

السلام عليكم

اخوي سيف بالنسبة للقارمن هل هو عربي او انجليزي

واذا ممكن تنزل لنا صور للجهاز

[طارق الحريري]

حياك الله اخوي سيف الظفير بالنسبه للبطاريات اوبتيما ماعليها كلام

واسال مجرب ولا تسال خبير حسب المعلومات اللي بالكتالوج

ان الحمراء للتشغيل افضل والصفراء للتمديدات الكهربائيه افضل

وان البطاريات لها قابليه للشحن والتفريغ بالنسبه لي ركبت ثنتين كلهن

حمراء وحده جديده ووحده مستعمله لهن اكثر من سنه الحمدلله من احسن مايكون

يعني انصحك تركب حمراء للتشغيل وصفراء للكهرب والله يسهل امرك

[00mohammed00]

الله يوفقكم

[saldoba]

كانوا يبيعونها عندنا مستعملة على 10 و 15 دينار يقولون من الجيش الامريكي مستعملة قليل , الحمره حق 8 سلندر والصفرة حق 6 سلندر , بس ما اشوف اعلاناتها الظاهر انقطعت ,, وشكرا

[سيف الظفير]

ننتظر معلومات من الشباب الباقين

[saldoba]

قبل كانت عندي مرسيدس صغيرة مكان البطارية ورا بالدبة كانت البطارية تقعد اقل شي ثلاث سنوات وكانت تماتيك ماتعبأ استعملت السيارة 15 سنة اذكر بدلت البطارية 3 او 4 مرات كانت اطول البطارية لما بعت السيارة وشريت برادو البطارية حدها من سنة الى سنه ونص استغربت , ولما سألت ليش البطارية عمرها من سنة الى سنه ونص وفي المرسيدس من ثلاث الى خمس سنوات كان الجواب ان بطارية المرسيدس ماتجيها حرارة المكينة لانها في دبة السيارة اما البطارية الي عند المكينة تأثر علها حرارة المكينة , قلت والعمل شنو اسوي هالحين قالوا اخذ بطارية تويوتا الاصلية الي تعبأ ماء هذه يمكن تقعد من سنتين ونص الى ثلاث سنوات والحين اخذتها صارلي شهرين ولما توصل ثلاث سنين اعلمكم اذا كنا من الحيين :D

[استحملك]

سلام عليكم. انصح أوبتيما الحمراء. على موترك

[سعد القاسم]

الله يعطيك العافيه
انا اخذت البطاريات لي ولربعي من شخص معنا هنا في المنتدى اسمه الهواوي رجل تعاملت معه ونعم الرجل بصراحه
اخذت من عنده للبطارية الاحتياط الي عليها الثلاجه والكنود واللمبات اخذت الصفرا
والتشغيل اخذت الحمرا
واخذت يمكن حول 6 حبات صفر للربع بصراحه بطاريه الا قالو بطاريه

ولكن حاليا السوق عندنا تعبان وقليله تلقاه والاقل من ذالك ان يكون عليها ضمان

وان شاء الله فيه محاوله من الاخوان في ورشة الصبي انهم يجيبون منها الله يعطيهم العافيه
تجربتي للبطارية والسيارة طافية
جلست الثلاجه الويكو الكترونية شغاله على درجة 1 تحت الصفر عللى الضعيف 32 ساعه وبالصيف ايضا
تجربتي للصفراء تقريبا 6 شهور

شكرا ابو صالح على هالموضوع

[أبوفاطمة]

حياك الله اخوي سيف الظفير بالنسبه للبطاريات اوبتيما ماعليها كلام

واسال مجرب ولا تسال خبير حسب المعلومات اللي بالكتالوج

ان الحمراء للتشغيل افضل والصفراء للتمديدات الكهربائيه افضل

وان البطاريات لها قابليه للشحن والتفريغ بالنسبه لي ركبت ثنتين كلهن

حمراء وحده جديده ووحده مستعمله لهن اكثر من سنه الحمدلله من احسن مايكون

يعني انصحك تركب حمراء للتشغيل وصفراء للكهرب والله يسهل امرك


كلام سليم :good2: و عندي الحمره للتشغيل أما الصفره فهي تفرغ الكهرب بشكل بطيئ وهي مناسبه للتجهيزات الكهربائيه

[ناصح]

موضوع مهم

لكن غريب مالها وكيل هنا...!!!

[Mohammed5d]

ياشباب استفسار انا بطاريتي على وشك اغيرها وماعندي بطارية اضافيه هل تكفي الحمراء اشغل عليها لمبات وكنود وثلاجة صغيره

[بلحارث]

اهم شي اذا حصلتها ان تكون عن طريق شخص ثقه لان هناك نوع مجدد وليس جديد وسعرها غالي يتعدى الالف ريال وحتى الجديدة لابد معرفة سنة الانتاج وان لاتكون مخزنه

[راعي طفات]

في الرس

محل العبيشي للبطاريات - غرب بندة -

أذكر مريته قبل بالحج 1433 باقي عنده وحد بضمان ( الصفراء ) أعتقد سعرها 1200

وعنده مجموعة جدد بدون ضمان وحول هالسعر

أظن تجي مقاسين

[saldoba]

هذا رابط واحد يبيع بطارية اوبتيما بعسر 50 دينار للحمرة
http://www.mazadq8.com/vb/showthread.php?t=832564

اظن الحمرة اقوي من الصفرة بالامبير

[azoz111]

طيب يالذيب وش اشتري

الحمراء ولا الصفراء مع ان موتري مجهز كامل بكل شيء كهرب وثلاجة وكنود و و و ( تجهيز الصبي الكامل )


أخوي سيف مركز الصبي عندهم طلبك انا متواجد عندهم قبل اسبوعين نجهز موتر واحد من الشباب وخيرنا بالبطارية العادية والأوبتيما

والله يدلك على الي فيه خير

[AMERALNET]

هلابك اخوي الله يوفقك بالنيل من مرادك
لاكن انا اخذتها تقريبا برمضان بـ800ريال صفراء قوتها 55 امبير
والسياره مجهزه...
شف الرقم هذا محلهم طريق العروبه بالرياض
012012122

[سيف الظفير]

هلابك اخوي الله يوفقك بالنيل من مرادك
لاكن انا اخذتها تقريبا برمضان بـ800ريال صفراء قوتها 55 امبير
والسياره مجهزه...
شف الرقم هذا محلهم طريق العروبه بالرياض
012012122



جزاك الله الف خير يالغالي ومشكور وما قصرت يالذيب ابتصل الان عليهم اشوف الاسعار والله يستر

[سيف الظفير]

أخوي سيف مركز الصبي عندهم طلبك انا متواجد عندهم قبل اسبوعين نجهز موتر واحد من الشباب وخيرنا بالبطارية العادية والأوبتيما

والله يدلك على الي فيه خير



الصبي من الحبايب وابو شهد ونعم الله الله يدلنا على الله فيه الخير ويرخص الاسعار لكل المسلمين.

[ابوسند9]

اخويsaldoba
وكلامك على متمه
لكن انا اذكر البطاريات قديم شوي تجلس معاك سنتين مرتاح
وش معنى الان؟؟؟ كويس ان كملت سنه وشهرين مع المحافظه!
فما اعتقد ان البطاريه تأثر عليها الحراره
لذالك البطاريات الان اصبحت سيئة للغايه وصناعه خليجيه
اما قديم مافيه اللى ياباني ياباني
وانا اوفقك الراى ان اي بطاريه تشتريها من اي وكاله افضل من التي تباع بالسوق بشرط ان يكون مصدر الصناعه دوله ذات جوده
اما بخصوص بطارية اوبتما
فيه ناس تمدحها وفيه تسبها ويقولو ما كملت سنتين
وفيه اذكر واحد هنا يبيعها عنده مستعمل وجديد
لكن سؤالي هنا للمجربين
هل تشتغل الثلاجه يوم كامل بدون ما اشغل السياره للشحن؟
اذا كان الجواب نعم فهي تستحق
اما غير ذالك اشوف البطاريه مقاس 105 امبير افضل منها
[/QUOTE]

[N أبورغد N]

فيه واحد يجيبها في البديعه
له اعلان في المنتدى قسم قطع الغيار بحاول اجيبه لك ان توفر لي الوقت

[سيف الظفير]

جزاك الله الف خير


تواصلت مع الاخ هواوي والله يرزقه عارض الـ ٧٥ امبير صفراء بـ ١٨٠٠ ريال والله يرزقه من واسع فضله ولكن هذا سعر خيالي جداً على بطارية ولو كانت اوبتيما ولكن للاسف عدم وجود وكيل هو من ضر المستهلكين بالرياض والسعودية عامة

[العقارب]

انا شاري من شارع الريل الصفراء ب 800 ريال من اسبوعين وقبل شهرين بعد بنفس السعر..

[سيف الظفير]

انا شاري من شارع الريل الصفراء ب 800 ريال من اسبوعين وقبل شهرين بعد بنفس السعر..


كم امبير يالغالي تراها تجي

48

55

75

[العقارب]

75امبير طال عمرك ... مافيه الاهي في السوق والحمراء قليله جدا..

[ابوميس الحلوه]

ماخذ الحمراء من محل بصناعية النسيم 850 ريال في شهر 11 -2012 والى الان ماشاءالله ابداااع اللي يبيها يراسلني خاص وماله الا رضاه ان شاءالله

[سيف الظفير]

الله ينفع بكل مشاركة

[أبو نادر.]

صدق البيطاريات صارت جودتها ضعيفه
وحدها سنه بالكثير وتتغير
كله من المقلد والردي عندنا

[ابوسعد3211]

السلام عليكم يا شباب
أنا اخبرها سعرها ١٢٠٠ وكان يقولون عمرها عشر سنوات
ولكن اللي أشوفه كثير يذمه وفيه ناس تمدحها
طيب خلونا نتكلم بالمعقول ١٢٠٠
وخلونا نقول بتجلس سنتين
ليه مااشتري بقيمتها اربع بطاريات وانتهينا
بالمختصر آس ديلكوا او التعبيه وريح نفسك
وأتمنى من الاخوان اصحاب التجربة يفدونا

[abahal]

بطاريات اوديسي افضل منها لانها مصنعه بامريكا
اما اوبتيما مصنعه بالمكسيك

[rigidman]

بطاريات اوبتيما ضمانها المصنعي 3 سنوات على اكثر تقدير وسعرها غالي

بطاريات انرجايزر ضمانها سنة ونص بربع القيمة وصناعتها اوروبية

[ابو ســــاره]

جزاك الله الف خير


تواصلت مع الاخ هواوي والله يرزقه عارض الـ ٧٥ امبير صفراء بـ ١٨٠٠ ريال والله يرزقه من واسع فضله ولكن هذا سعر خيالي جداً على بطارية ولو كانت اوبتيما ولكن للاسف عدم وجود وكيل هو من ضر المستهلكين بالرياض والسعودية عامة

انتبه ترى 75 امبير كبيرة جداً وحجمها غبي على شكل معين وما راح تركب في موترك.
55 امبير حجمها صغير ومناسب .
وبكل الاحوال ترى البطارية ما كملت معي ستة اشهر وخربت معي وهي جديدة بكرتونها واغراضها مشتريها من محل 4500 بالربوة وركبت بدالها يوسا ب240 ريال لها الان سنة ما شكيت من شي :good:

لكن الحق ينقال ان اوبتيما كانت قوية جداً ما يظعف كهربها ابداً وقت طوييييل .

[حسام الجوف]

اخي ابو سارة ياليت توضح نوع البطارية التي خربت وباعتقادك ماهو سبب الخراب وماذا كنت تشغل عليها لو تكرمت وشكرا جزيلا موسبقا على قولت المثل اسال مجرب ولا تسال طبيب والسلام عليكم

[ابو ســــاره]

اخي ابو سارة ياليت توضح نوع البطارية التي خربت وباعتقادك ماهو سبب الخراب وماذا كنت تشغل عليها لو تكرمت وشكرا جزيلا موسبقا على قولت المثل اسال مجرب ولا تسال طبيب والسلام عليكم

نوعها اوبتيما الصفراء 55 امبير جديدة بكرتونها وكتلوجها .
لا اعرف سبب تعطلها ولكن ممكن من عدم تفريغها او استخدامها بشكل دوري استخدامي لها قليل .
اشغل عليها ثلاجة واظائة وايكوم وجارمن وكمبرسر هواء