ودي منكم تشوروني في الربع اربع ابواب

[ابوتركي83]

السلام عليكم ورحمة الله وبركاته
يا اخواني قررت اشري ربع اربع ابواب وش رايكم فيه علما ان استخدامي للبر كثير مقانيص وكشتات مثل ما تعرفون حتى للعايله افضل من الربع من ناحية ان السياره اوسع واريح
من الخلف سست مو مشكله السياره طويله ومطبه اخف من الربع.
والله يحفظكم ويرعاكم.

[طواش]

الموتر جديد عالساحه
اتوقع لايصلح للعايله وللمقناص وذلك لان مطبه قوي بيهلك العايله وكذلك الطيور بالملوع ههههه لانه سسته 12 ريشه !!!! واشوف الغمارة والكرسي الخلفيه ضيق جدا ولا اعلم هل يوجد مكيف خلفي اما لا والمحرك اذا نفس محرك الشاص العادي فهو ضعيف وخاصه في الرمل

اشوف الموتر بيخدم العمال والشركات فقط اما البدوي ماظن يصلح له وذلك لضيق الصندوق

[ابوتركي83]

مشكور اخوي يعطيك العافيه على رايك والطيور ملعها الربع وودي اخفف عليها ههههههه لكن ودي احد جرب الموتر يفيدني اكثر اللي مجربه

[hgsvphkd]

مانصحك به

لـه من 2009 وهو طالع قليل شارينه ماتلقى بالدريه غير 1 او 2

خذلك فتك نفس الربع الحجم

وافضل

وانا من معجبين جيب الربع وان شاء الله 2014 ربع لي واحد


اما 4 ابواب نادر تلقى احد استعمله وبعدين يوم تركبه كآنك راكب بعيييير


هذي وجهة نظري\

تقبل مروري بصدر واسع

[ابوتركي83]

مانصحك به

لـه من 2009 وهو طالع قليل شارينه ماتلقى بالدريه غير 1 او 2

خذلك فتك نفس الربع الحجم

وافضل

وانا من معجبين جيب الربع وان شاء الله 2014 ربع لي واحد


اما 4 ابواب نادر تلقى احد استعمله وبعدين يوم تركبه كآنك راكب بعيييير


هذي وجهة نظري\

تقبل مروري بصدر واسع


الله يعطيك العافيه اخوي ما قصرت كلامك على عيني وراسي
اللي مجرب السياره يعطينا يقولنا ميزات وعيوب السياره
بالنسبه لي استخدامي للسياره في البر كشتتتات اما الخط عندي كامري

[((ابوملاك))]

اجل خذ شاص اربع ابواب ابيع على الاقل وونش ودف لوك ونظره

[ابوتركي83]

للرفع الله يرفع مقداركم

[ذيبان 2000]

حتا انا افكر فيه لكن الشاص غمارتين اطلق منه

[ابوتركي83]

حتا انا افكر فيه لكن الشاص غمارتين اطلق منه

حياك اخوي ذيبان
الله يسهل امورك وتشري الموتر اللي في بالك
طبعا على حسب احتياجك تختار السياره والله يوفق للجميع
واذا عندك معلومات عن السياره لا تبخل علينا عشان نستفيد وغيرنا يستفيد.

[كومبو]

اجل خذ شاص اربع ابواب ابيع على الاقل وونش ودف لوك ونظره

+++++++++1

[مدهوش]

السلام عليكم ورحمة الله وبركاته

اولا الله يسهل امرك ويكتب لك الخيرة في امورك كلها .

ثانيآ عورني راسي قرابه 10 دقايق جالس احلل وش اللي يقصده بقوله (ربع 4 ابواب :confused:) ما قدرت استوعب لين قريت كل الردود وفهمت المقصود واهني اخوي (طواش) لأنه فهمها بسرعه لكن يمكن اختلاف المسميات والمناطق يسهل للبعض فهم المقصود بشكل سريع :D.

عموما الموتر هذا نسميه عندنا (الريال) لأن في ربع تايوتا وفيه نص اللي تندته فيبر وفيه الريال وهو المقصود :good2:

ما علينا وماهو موضوعنا المسميات وابدخل بصلب الموضوع : واحد من الربع (مجرم طلعات ومقانيص ما يقر بالديرة ابد ابد) اشترى واحد 2009 بيج الحقيقة ما قبلنا شكله بالبداية لكن بعد ما زبطه بالون وحركات حلوة وجنوط هلل مرشوشات طلع كذا :good2: ...

طبعأ الرجال اعرفه الحديد اللي تحته يموع ويذوب من زود الجور والتكسير (وحسب كلامه) يقول توي احصل مرادي ولقيت السيارة اللي تلبي احتياجاتي من حيث المتانة والتحمل والسعه .

تعتبر هذي وجهه نظر لكن هو جرب وخاض الميدان وهذي وحدها كافيه ويبقى اختلاف الرأي وللمعلومية عندي سيارتين جيوب كلها نيسان (عشان محد يقول متعصب :j)

[ابوتركي83]

السلام عليكم ورحمة الله وبركاته

اولا الله يسهل امرك ويكتب لك الخيرة في امورك كلها .

ثانيآ عورني راسي قرابه 10 دقايق جالس احلل وش اللي يقصده بقوله (ربع 4 ابواب :confused:) ما قدرت استوعب لين قريت كل الردود وفهمت المقصود واهني اخوي (طواش) لأنه فهمها بسرعه لكن يمكن اختلاف المسميات والمناطق يسهل للبعض فهم المقصود بشكل سريع :D.

عموما الموتر هذا نسميه عندنا (الريال) لأن في ربع تايوتا وفيه نص اللي تندته فيبر وفيه الريال وهو المقصود :good2:

ما علينا وماهو موضوعنا المسميات وابدخل بصلب الموضوع : واحد من الربع (مجرم طلعات ومقانيص ما يقر بالديرة ابد ابد) اشترى واحد 2009 بيج الحقيقة ما قبلنا شكله بالبداية لكن بعد ما زبطه بالون وحركات حلوة وجنوط هلل مرشوشات طلع كذا :good2: ...

طبعأ الرجال اعرفه الحديد اللي تحته يموع ويذوب من زود الجور والتكسير (وحسب كلامه) يقول توي احصل مرادي ولقيت السيارة اللي تلبي احتياجاتي من حيث المتانة والتحمل والسعه .

تعتبر هذي وجهه نظر لكن هو جرب وخاض الميدان وهذي وحدها كافيه ويبقى اختلاف الرأي وللمعلومية عندي سيارتين جيوب كلها نيسان (عشان محد يقول متعصب :j)
يعطيك العافيه اخوي اشكر فيك حسن اخلاقك وردك المميز واشكر جميع الاخوان اللي تفاعلوا مع الموضوع