معلومة مهممممممممة لمن فقد مفتاح سيارته

[كبسولة2]

السلام عليكم ورحمة الله وبركاته

أخواني المكشاتية نظراً لكثرة السنين التي مضت والتطور الذي حصل

وتقدم الانسان في السن ينسى بعض المعلومات التي اكتسبها

ولا ادري هل هو زهايمر كما يقولون :D

أم خرف يصيب كمبويتر الرأس ؟؟؟ :D

وعندما أجد موضوع لأحد الأعضاء يسأل عن شيئ

أتذكرها وأحاول الكتابة عنها لمساعدة البقية

على العموم هذه معلومة لمن فقد مفتاح سياراته وأذكرها موجودة في النيسان

الددسن من موديلات 80 إلى 92 أعتقد والجيوب القديمة

الشركة تضع مفتاح سبير أحتياطي بجانب القير من الامام تحت الفرشة ومثيت

على صاجة الارضية

http://www.mekshat.com/pix/upload05/images249/mk41037_131996254389.jpg

[ذيب زلفاوي]

اول مرة اسمع بهالمعلومه

طيب موجوده بالسيارات الجديده او المفاتيح الي فيها شفره

[العاااازف]

يقص نسخة وتوضع بالمغناطيس وتحط بمكان امن لوقت الاحتياط

[طواش]

وين هذي السيارة الددسن 80 الىى 92 هذي من سيارات الطيبين هههههه

[بدوي جنوبي]

واللى يدور المفتاح وهو في يده ويش تقول عنه :D

[ليميتد2006]

البلا كيف افتح السياره
صارت معي و قفلت على المفتاح بشنطة الموتر
و تم احضار علىقة ملابس و مفتاح عجل و فكيت الباب و فكيت الشنطه و اخذت المفتاح
بش وين احط المفتاح برا السياره احس مافي مكان مناسب
معي كامري وين ممكن اني اخفي المفتاح بمكان غير ظاهر

[00mohammed00]

المشكلة اذا قفلت عليه

[قناص 28 عفيف]

واللى يدور المفتاح وهو في يده ويش تقول عنه :D
تصير معاي اكثر من مره يارجل :D

[التعـ King ـديل]

تصير معاي اكثر من مره يارجل :D


شيبتو انت وبدوي جنوبي ،، يالله حسن الخاتمه :D

[WWS]

ذكرتن آبؤ فـآرس
بجيب شـآص 84 عند الؤـآلد الله يطؤل بعمره ؤ بعمرك ع طـآعته
طلعه من حؤشه بـآلمزرعه ، عطـآنيه قـآل ؤده لؤرشه خـآلك يلحمؤن آلكندـآسه
ؤ آنزل تحت آلمؤتر مع آلعـآمل
ؤ آلآ آشؤف مفتــآح مربؤط بقؤه بسيم بــآلشـآصي
ؤ مير آسـآل آلؤـآلد عنه ، قـآل من شريته ؤ آنـآ حـآطه
ؤلآ به مؤتر آشريه آلآ ؤ آسؤي به تسذـآ
آخره ؤـآنيت آلشفر حمرين
مـآيندرـآ ؤيش تؤـآجه سؤــآ بـآلبر آؤ آلديره
من ضيعه آلمفتـآح ؤ تبحل بعمرك



واللى يدور المفتاح وهو في يده ويش تقول عنه :D



الله يرحم ضعفنـآ ؤ ضعفك
مؤ لحـآلك بهـآلؤقت الله يستر مع هـآلزخم آلتكنؤلؤجي خلآص يبدـآ ينسى آلمؤدمـآني
الله يمتعك بـآلصحه ؤ آلعـآفيه ؤ كل من يقرـآ

[عآشق الذيب]

يعطيك الف عافيه
معلومه جديده

انا قفلت على المفتاح داخل السياره
واخر شي كسرت القزازه :D

[المميـز]

واللى يدور المفتاح وهو في يده ويش تقول عنه :D




تهون عند اللي يدور نظارته وهو لابسه :)

::::

يعطيك العافيه اخوي كبسوله على التوضيح الحلو

:

[ابو سالم22]

مشكووور يالغالي على المعلومه الجديده

الله يرحم الحال

[سعيد المعمري]

انا بالنسبة لي حاط مفتاح اسبير في البوك >>

[مطارد مطر]

يعطيك العافيه وبيض الله وجهك ..تحياتي لك ..

[كبسولة2]

حياكم الله جميعاً

[جراند شروكي]

طيب وشراييك بالي يكسر مثلث السياره ويوم يفتح الموتر ويروح بيشتري المثلث يطلع اغلى من قزاز السواق ههههههههههههههههههههههههههههههه
صارت معي وحقدت على نفسي

[ahmad_99]

السلام عليكم
طيب على صالون تيوتا 86 ؟

[كبسولة2]

كل السيارات متطابقة في الطريقة تويوتا نيسان امريكي

[عاشق القصيد]

المشكله اذا دخلت البر
وتوك شاري سياره جديده
وحطيت كل شي في مخابيك في درج الجيب ومن ضمنها مفاتيحك
وتوك شاب ضويتك وقاعد تصلح قهيوتك
ومادريت الا وباب السياره يقفل اتومتك اذا ماقفلت السياره بعد مرور عدة دقائق
في ذلك الوقت تجلس تكمل شغلك في تصليح القهوه وتقعد تهوجس وشلون تفتح باب السياره
والله حاله.....

[شفر 10]

الحل علق بسيارتك من الخارج هذا الشيء (قطاعة أو شلاخة الزجاج)

http://www-img.toolstation.com/images/library/stock/webbig/50639.jpg


لو تقفلت السيارة عالمفتاح بكل رومانسية وذوق سو لك شق مربع على حجم يدك وفك الزر
أولاً: راح تسلم من مشكلة الزجاج المتناثر وحوسته
ثانيا :يمديك تلصق عالفتحة وتسلم من الهواء وانت ماشيء لمحل تصليح الزجاج

[سعد العقص]

لاهنت على المعلومه

[م.العبيدي]

واللى يدور المفتاح وهو في يده ويش تقول عنه :D

ياكثر ما تصير ... وانا ازود عليك انى ادور نظارتي وانا لابسها