السيارات الصينية !!!!!

[ولد الأجاويد]

السلام عليكم ورحمة الله وبركاته






يالربع فيه وكالة سيارات صينية
اسمها جيلي

أشوف لهم سيارات منتشرة وفيه ناس تمدحها
وأسعارهم خيالية والله

بس تعرفون ما خاب من استخار ولا ندم من استشار

وعطونا رايكم فيها من واقع التجربة لأحد معارفكم أو أقاربكم



تراي أنتظر ردودكم يالمكشاتية

[3leee_1989]

فعلاً كلامك صحيح السياره منتشره وصار شكله مألوف

[الصحافة 15]

والله أعلم أن وكيلها هو نفسه وكيل فورد

[العسلي2011]

صحيح طاحو فيها العالم وشكلها جميل بعض الشي
والفئه الكبيره منها تجي مكينة متسوبيشي
بس مايندرا عن استخدامها بعد كم سنه من الكرف

[ولد الأجاويد]

الله يجزيكم خير

وإن شاء الله نستفيد من خبرة الإخوان بهالمنتدى الطيب المبارك

[ابو صالح 4]

هل يجي منها دبل واين وكالتهم

[tevo]

السيارة وكيلها الحاج حسين علي رضا وكيل مازدا ووكيل ميركري وبيجو حاليا .
ما اعتقد عندهم جيبو كل الي عندهم او شفتها انا 3 سيارات مقاس جدا صغير بحدود24 الف ومقاس مثل الكورلا ومقاس مثل الاوريو سعرها ومواصفاتها ممتازه لاكن الله اعلم عن قطع الغيار.

[ERIC7]

وكيلها الحاج حسين علي رضا وكيل مازدا وسابقا وكيل كيا و ميركوري
حاليا فيه ثلاث موديلات كلها سيدان باندا صغيره
2013EC7 مثل حجم الالنترا والكورلا وفلها ب 46 جير توماتك جنوط فتحه جلد حساس خلفي ومكينتها صينيه مطورتها شركة المانيه اعتقد بورش مكينتها 1800
2012EC8 كبيره وفخمه فلها ب 75 والنص ب 60 الفل تزود عن النص عدد الايرباقات وحساس امامي وفتحه وشاشه بدون نفقيشن وبدون كميره خلفيه كلها ولا اذكر الباقي بس كلها جلد الا السياحي
والسياحي 2013 قير عادي بحدود 51 اذا منيب غلطان ومكينتها متسوبيشي 2000 و 2400 ومنتشره مع اللموزينات هالاايام
كل السيارات مضمونه مكينه وقير 5 سنوات او 150 الف واول سنه ضمان شامل
طبعا للاسف كانت الاسعار اقل بس مع زيادة الطلب ارتفع السعر
كنت عندهم اليوم وصراحه السيارات اسعارها مقارنة باخواتها يجبر الواحد عليها
مثلا EC7 فلها ب 46000 والالنترا نص فل ب 64500 ولا فيها لا فتحه ولا جلد ولا ايبي اس وايرباق واحد واعتقد مافيها حساسات بعد يعني فرق 18500 وسعر قطع الغيار رخيص مقارنة بالكوري والياباني المقتدر اكيد ما انصحه فيها لاكن اللي على قد حاله مثلي ياخذها والا يبيها موتر ثاني لداخل البلد اتوقع تمشي الحال مع العلم اني ماقد جربتها لاكن اسعار السيارات طايره وانحدينا اجل الكروز من نفس الفئه فلها ب 76000 عند الجميح والله انها جازت لي رغم ارتفاع قطعها لاكن ردني مركبها لان مراتبها رياضيه ولا تنفع للمتان وبدال ما اقصدها خمس اواربع سنين واضيق على عمري اقصد صيني سنتين
السياره جديده على السوق واللي يقولك عنها شي ماله حق لا مدح ولا ذم يبيلها كم سنه عشان تطلع عيوبها ومميزاتها وممكن يرتفع سعرها اذا زاد الطلب عليها والله يكتب اللي فيه الخير لنا ولك ولجميع المسلمين

[ERIC7]

على فكره مريت صيانتهم وسالت قطع الغيار رخيصه مثلا
الفحمات اي سي 7 145 امامي والخلفي نفس السعر
اي سي 8 185 والخلفي نفس السعر
الصدام 400
الاسطب نسيت بس الظاهر 400 والفلاتر رخيصه نوعا ما في المجمل اسعارهم رخيصه للقطع الاستهلاكيه
لاكن البلا تخاف يرفعها وياخذ مقلب في نفسه مادرا ان ميزته السعر عن السوق

[شاووش]

والله مايندرى عنها لنها باقي جديده فالسوق
وناس يمدحها وناس يذمها ..
ولولا سعرها ماحد شراها ..
ولاكن لا انصحك بالمخاطره

[خالد 1234]

فيه واحد ماخذها لولده لها قرابة السنة
Ec 7
ماخذ اللي يسمونه الشباب سياحي
مكيف ودركسون هواء قفل مركزي ريموت كنترول والسيارة من الداخل واسعه مقارنة بالسيارات المماثلة لها
والسعر
31500ريال مع تأمين سنة ضد الخير
ياجماعة والله سعر مغري

[انس العلوي]

هذي السيارات موجود منها الكثير في العراق

انصحك لا تقترب من السيارات الصينية ولا يغرك سعرها الرخيص

ترا استهلاكية وبعدين محد يشتريها منك وتصرف فلوسك على استبدال قطع الغيار وماترتاح تسوق وايدك على كلبك

وهي اصلا مامسموح تدخل اوربا ولا امريكا لان فشلت بأختبارات الامان

[سيف وقلم]

http://www.youtube.com/watch?v=aTxYz5J60_Y

[ولد الأجاويد]

والله ما قصرتوا يالأجاويد
كفيتوا ووفيتوا

والله يجزيكم خير

[ERIC7]

بالنسبه للاخ اللي يقول ان السياره ما تدخل اوروبا اقول له ان السياره على ماسمعنا انها داخله اوروبا بعد ما اخذت تقييم عالي 4/5 في اختبارات التصادم واسعار قطع غيارها تعتبر جدا رخيصه مقارنة بغيرها من السيارات في السوق السعودي والاخ ماقصر حط مقطع لاختبار التصادم


http://www.youtube.com/watch?v=aTxYz5J60_Y

[انس العلوي]

بالنسبة للاخ صاحب الموضوع اذا مصر على شراء سيارة صينية فاني سبق وان قلت لك انها استهلاكية وغير متينه لكن ان كانت تعجبك

فأنصحك اشتري byd لان هي الاقل سوءا من بين السيارات الصينية

[sulaiman.fj40]

لاانصح اي انسان باستخدام اي سلعه صينيه مهما كانت ويجب علينا محاربة المنتجات الصينيه لخطورتها وردائتها واتفق تماما مع الاخ انس الذي ادلى برأيه من واقع تجارب اخواننا العراقيين-انتبهوا اخواني فسلامتنا هي الاولى-

[ولد الأجاويد]

بيض الله وجيهكم يالأجاويد