مافائدة الفصله في بعض السيارات [الأرشيف]

مشاهدة النسخة كاملة : مافائدة الفصله في بعض السيارات

ماء نوفا

10/12/2012, 10:35 PM

السلام عليكم
لماذا تفصل بعض السيارات بل اكثرها على سرعه محدده مالفائده منها

كومبو

10/12/2012, 10:53 PM

السلام عليكم
لماذا تفصل بعض السيارات بل اكثرها على سرعه محدده مالفائده منها

وعليكم السلام
غالبًا حماية للقير هذا توقعي
لأن البي إم مضبوط الكترونيًا على 250 كلم /ساعة
ولو تبيعم يفكون الفصلة تدفع زود 12.000 ريال تقريبًا

التمسساح

11/12/2012, 12:43 AM

عندي تاهو ال تي زد ٢٠٠٨ استخدام امريكي يفصل على١٦٠ وواحد من اخوياي معاه تاهو ال تي زد ماخذه وكاله سعودي من الجميح يفصل على١٩٥ نفسي اعرف السبب وكل المترين شد بلد

اكسير الحياة

11/12/2012, 01:00 AM

ولا تنسى الاف جي يفصل 185 وجيب المازدا يفصل 165 ؟؟؟؟ والسبب غير معروف

سيف الظفير

11/12/2012, 01:35 AM

ازززين يا رجال وش تبي بالسرعه

خلنا على ١٤٠ ووالله سرعه مناسبة وزينة

سعيد المعمري

11/12/2012, 09:53 AM

صحيح اظن ان لها علاقة في حماية القير و المكينة ...

PATHFINDER 4

11/12/2012, 10:40 AM

لها دور في حماية المكينة والقير (والمكينة بشكل اكبر)
لو تلاحظ نمر القير سواء عادي او اوتوماتيك لها رقم معين توصل له ولا تتعداه ويبدأ الموتر يتفتف
الهدف منه المحافظة على القير

FORD1969

11/12/2012, 11:55 AM

صحيح اظن ان لها علاقة في حماية القير و المكينة ...

مالها أي علاقه السيارت القديمه مكاينها اقل تطور وسرعاتها مفتوحه ولا ضرها

السيارات الجديده تتحمل السرعه اللي مكتوبه على طبلونها

السبب الرئيسي السلامة فقط لاغير والدليل تفاوت تحديد السرعه من سياره لأاخرى على حسب انظمة وقوانين البلد ..........هذا لايعني اني انصح بفك الفصله الله يكفيكم شر الحوادث

sgl2002

11/12/2012, 12:52 PM

حماية القير

وبعض السيارات بعد فترة من فك الفصله يخبط القير

x.ls1.x

11/12/2012, 12:58 PM

اخوي السبب الي يوضح لي هي قوانين البلد من ناحية السلامه . لو تلاحظ اغلب السيارات الي تكون وارد امريكا او كندا فاصلها يكون عال160 او 170 مثل الجموس والفرود والجيوب النيسان والتويوتا وغيرها وبعض السيارات الصغيره , اما السعودي او الخليجي فالغالب يكون عال190 ,, طبعا لا انكر ان فك الفصله وتعدي السرعه المحدده للسيارة قبل الفاصل هو السبب الاول في تخبيط القير ..

سلطان الخير12

11/12/2012, 01:10 PM

الفصله تكون لحماية القير والمكينه مما يزيد في عمرهم

سلطان الخير12

11/12/2012, 01:13 PM

الفصله تكون لحماية القير والمكينه مما يزيد في عمرهم
المكينه الي تفصل عند ضغط 4او 3
غير الي ماتفصل نهائي يوصل في بعض السيارات الي 6 والبعض منها8

وجعين

11/12/2012, 02:11 PM

اعرف الجواب بنفسك (اخوي عنده هلي 2004 فك الفصله وعقبه صار عميل لتشليح كل ما اخذ له مده راح يشتري قير لانه يمشي فوق 200 ثمن يفرط القير اخر شي ركب قير كرسيدا ورتاح صار يتحمل السرعه العاليه الله يفكه ويفك المسلمين من السرعه كذالك واحد معه ددسن2010 فك الفصله بعد كم شهر فرط القير عرفت ليش حطوا الفصله!

التمسساح

11/12/2012, 03:53 PM

ابوراكان تبوك

11/12/2012, 04:16 PM

فائدة الفصلة حتى تخرب الكرونة على طوووووول

ls1.5700

11/12/2012, 08:53 PM

انا بتكلم عن تجربه ومن واقع حقيقي ماهو قال وقيل
اللي يقول الفصله تضر القير او الكارونه او شي اخر
اقول له اسمحلي معلوماتك غير صحيحه قد يكون اللي فاصل الفصله
يجور على الموتر تطعيس وتفجير وغيره الشي الكثير وبالاخير يقول المشكله اني فاصل العداد
الفصله هي من ضمن وسائل السلامه فقط وتختلف من البلد المصنع الى البلد المصنع الاخر
انا كان معي باترول مركب عليه مكينة دينالي 6 لتر وامشي عليه 240 كم ومع النزله اكثر
اخذ عندي الموتر 6 سنوات والله ماذكر خرب فيه قير او كارونه والموتر من يد نشيط الى يد فسقان
ولحد الان الموتر موجود مع واحد من اقاربي ويمحطه محط
وهذى اكبر دليل لان الباترول محددين سرعته على 180 كم ومكينته 4200
وهذى اخر حد توصل له السرعه
بينما حنا نوصله فوق 240كم ولا شاف الا العافيه
واصحاب الجيوب الربع كلهم فاصلينه ولا اشتكو شي من بعد الفصله
اللي يبي يفكه الفصله لايخاف يفصله وهو مغمض
اما عن طريق الكمبيوتر او يفصله ويركب فيش فاصل عنده متى مابغى يشبكه او يفصله هو اللي يتحكم فيه
وكل الشباب مسوين الحركه
والله ولي التوفيق

ملك الفكتوريا

11/12/2012, 10:49 PM

السبب الرئيس للفصلة هي السلامة

وسبب تخبيط القير هو ان القير يحتاج لمبرد قير اضافي او اكبر لحماية القير

تفكير شركات السيارات هو وضع فصلة للامان وتوفير مبلغ المبرد

أنا بعد الحادث وبعد البرمجه انفكت الفصلة وما غير تمعيط بكراتين الاربعه والستة سلندر

الفورد لا مشى مشى

وأذكرموقف بطريق الدمام الجبيل بعد الحادث باخر الليل ماشي وشوي الا اكورد يكبس وانا خايف قلت يمكن شئ مهمل او طايح ووقفت وشوي الا يمشي من جنبي ويكبس ويضحك

ضربت بوري وادعس وراه واكبس ودعس

يحسب السيارة تفصل وجيت جنبه واشطفه واخليه

والموقف الثاني كامري على خط الرياض يوم تعدا يعطي اشارات تحدي وتم شطفه واهانته بالفرامل والدعس لين تاب يرفع راسه لا مر 8 سلندر

ليتنا على الاقل من صنع

لكن رحت برمجت حفاظا على الروح اولا وعلى السيارة

واخيرا ارتحت

صحيح لا سافر بعض الاحيان اطفش لكن مجبور ما اتعدى 170 ولو انها سرعه

وبعض الاحيان الشباب يتكلمون لكن ما همني موتري واعرف قدره لا بغيته

وعارف ان الفورد مركب للراحه وصنع يوصلك لاي مكان واي مسافه بيقطعها

لكن اذا بغيت تطر كلها مبرد قير وبرمجه

فيه فرود فاك فصلته ومركب مبرد قير وماشيه اموره مضبوط

والفورد اذا فكيت فصلته نهائي يمشي على اقصى قوة للقير وللعلم هو اربع نمر

يوم فكيت الفصله وانا ماشي 140اكتم له يرجع للثالث ويريح للرابع على 195 تقريبا

وهذا مقطع لماركيز مع مرسيدس والسرعه حول 250 كلم

http://www.youtube.com/watch?v=0f7mJ8rcKGw

وسلامتكم

ابو سالم22

11/12/2012, 11:14 PM

الفصله وضعة لسلامتك من السرعه القاتله فلا تعبث بها
الله يحميناً ويحميكم من شرووور السرعه

ماء نوفا

12/12/2012, 12:24 AM

يعطيكم العافيه على الردود

ذيب زلفاوي

12/12/2012, 10:05 AM

الفصله وضعت لحمايتك انت والسياره

الجموس الامريكيه تفصل على 170 والسعودي قبل 200 لان السعودي فيه مبرد قير والامريكي مافيه

وفيه سيارات ماتحط فاصل زي الكوريه وفوق هذا يحطون طبلونها 260 وهي 4 سلندر يعني ماتجيب 200 بس ديكور

وترا السرعه الزايده مره من اهم اسباب تخبيط القير والمكينه والدفرنس وخاصه للسيارات الي مهي مخصصه للسرعه زي الجيوب والوانيتات

emm

12/12/2012, 01:23 PM

انا موتري كورلا2007 ما يفصل ولا شي يجيب 220 وهو يضحك

abe majad

12/12/2012, 02:04 PM

والددسن 2005 تفصل على 175
والفصلة حماية القير معلومه من مهندس