عندي هالدافورين .. وكم سؤال

[رواق]

مسيكم بالخير ..

كم سؤال وأبي فزعتكم


أولا :

عندي رأس تيرا الكوري هذا

http://www.mekshat.com/pix/upload05/images249/mk11921_666.jpg





وأيضا عندي هالبريموس الهندي






http://www.mekshat.com/pix/upload05/images249/mk11921_777.jpg

وصخات مرة وماقد سويت لهن صيانة

حتى إن الهندي شعلته صارت ضعيفة مهما أرفع الغاز .. بل إني أرفع الغاز وبعد شوي تبدأ تنقص الشعلة

فهل هناك محل في شمال الرياض يضبطهن وينظفهن يرجعن جدد ؟ وبكم تقريبا ؟




اشتريت هالمحول :

http://www.mekshat.com/pix/upload05/images249/mk11921_888.jpg



http://www.mekshat.com/pix/upload05/images249/mk11921_999.jpg



وأول ملاحظة بلد الصنع، في جهة ايطاليا ، وفي جهة مكتوب E.E.C

وش السالفة ؟

وسؤالي هو : ركبت المحول على دبة بريموس الهندية وطبقت تمام وفتحت الغاز ومافيه أي مشاكل ... هل أقدر أشبك عليها لي وأوصله بالقز ابوعينين ويشتغل طبيعي أو يبي لها وصلات أو محولات ؟



ثالثا :

مثل ماتلاحظون الدبة اللي عندي مافيها دعامات للأحمال الزايدة ، هل لو وديتها محلات الرحلات يركبون عليها دعامات ابقدر بعدين إذا احتجت أفك الراس وأركب بداله المحول عشان أمدد للقز ؟ أو هم يثبتون الراس بالدعامة ؟



رابعا :

أبي هالشبك اللي حطه أبومنصور في أحد مواضيعه ، وين ألقاه ؟

http://www.mekshat.com/pix/upload02/images88/mk30441_fisalalmansour14222.gif






وشكرا

[رواق]

وش دعوى يا إخوان ؟

تراها أسئلة واحد مبتدئ .. يعني أي طالب سنة أولى مواقد يرد عليها :)

[قصيمي قمر]

بالنسبة لي للأسف ما أعرف لكن انصح أنك تجرب وعند محلات اليابس في الديرة عند سوق الزل والمحلات إلي جنبه اتوقع يفيدونك.
تحياتي لك

[رواق]

ينطيك العافية ياقمر


مريت اليوم محلات البرية ..

الدافور صار فيه مشكلة في المفتاح وضبطها ، ونصحني أحط الشربوش في موية تغلي وبعدين انفخه وأركبه على الدبة وأشب النار على الواطي مرة ربع ساعة .. والآن قاعد أنتظر هالربع ساعة تخلص :)

القز ابوعينين صار فيه تنسيم من المفتاح ، وقالوا البرية يبيله تبديل اللي بين المفتاحين مع المفاتيح ، مانصلحه وده للسنيدي ... ووديته للسنيدي وأنتظر النتيجة بعد العصر



موقد التيرا قالوا البرية ما ننظفه ، وماعرفوا يفكونه ، وخافوا ينكسر .. وديته للسنيدي قالوا ماننظفه بس خله عندنا نفكه لك وتلقاه جاهز مع القز وتاخذه انت تنظفه


ويبقا السؤال كيف أنظف الشربوش حقه ؟

أحطه في موية تغلي زي شربوش الدافور ؟




وباقي الشبك اللي ينصفط مالقيته عند البرية .. وما امداني أدوره عند السنيدي قفلوا عشان الصلاة ، أبدوره بعد العصر وأرد لكم

[رواق]

أبشركم النتيجة فتاكة مقارنة بالوضع السابق

هنا على النار العالية

http://www.mekshat.com/pix/upload05/images249/mk11921_321.jpeg





على النار الهادية

http://www.mekshat.com/pix/upload05/images249/mk11921_123.jpg




وضغط الغاز صار ثابت ماعاد ينقص زي أول
والسبب كما قال لي : المفتاح فيه مشكلة ، بالإضافة إلى عدم تنظيف الشربوش منذ مبطي


مع الشكر للأخ "عارف" في محلات البرية

[الوافي29]

بارك الله لك

[رواق]

ولك يالوافي الف عافية