شوركم علي ياهل مكشات وين اطلع

[وسيع البنايد]

وين اقرب مكان مربع من الرياض وفيه سيول و الا في حروة مطر هالخميس والجمعه الشباب يحمسوني للطلعه ونا محتار مادري وين الوجهه
لا خلا و لا عدم

[وسيع البنايد]

معقوله 125 رجال ما احد يرد العلم

[ذيب النشاما]

حياك الله وسيع البنايد.

عندك روضة التنهات فيها ربيع جيد وريحة النفل طيبه.
ونقا التنهات يمها قريب اذا بتغير جو وان كنت تحب النفود.
عسى الله يوفقكم ويسعدكم ولا تنسون نظافة المكان بعد خروجكم.
تحياتي.

[وسيع البنايد]

لاهنت ياذيب وجزاك الله خير

[راع البنلي]

السلام عليكم ورحمة الله وبركاته
اذا انت راعي نفود عليك بحومت النقيان
تقبل مروري

[moon almoon]

السلام عليكم
بعد اذن وسيع البنايد
ياراعي البنلي وين تصير حومت النقيان

ولك فائق تقديري واحترامي
أخوك أبومحمد

[moon almoon]

ولو يحصل الإحداثيات أكون لك شاكرا

[فهد 003]

أنا من أهل القصيم وما أعرف المواقع اللي قريبة من الرياض
لكن قبل أسبوع كنت في التنهات وماشاء الله حلوة وبداية الربيع فيها واضح
وقريب منها نقا التنهات شمال الغرب من التنهات حلوة للجلسة في الليل والحطب والنوم فيها
وفيه شعيب الشوكي جنوب غرب التنهات شعيب حلو فيه الطلح كثيف وفيه الماء ناقع الى الأن
حومة النقيان تكون بعيدة شوي عن التنهات وهي امتداد نفود الدهناء باتجاه الشمال الغربي
امسك الخطوط اللي مع بطين النفود لين تشوف النقيان واضحة كبيرة على يمينك بس بعيدة عن التنهات

[abo.hesham]

وصف جميع الرياض والشعاب حول الرياض
أفضل أماكن الكشتات قرب الرياض
________________________________

http://www.mekshat.com/vb/showthread.php?t=501532


رحلة ممتعة

[مطاع شمس]

نفود ثرمداء بمنطقه الوشم

[قصيمي قمر]

التنهات وبس

[احمد ديزرت]

نفود عرق التنهات

[وسيع البنايد]

الله لا يهينكم الجميع

[قلايد الخيل]

الله يجيب الخير

[saldoba]

رح للذيبية او ام سدرة

[الخلاوي 15]

الله الله في النظافه .. وانتم اهل وعي مايحتاج من يوصيكم

[alrahal_ksa]

هلابك اخوي العزيز
بنسبة للمكان الممتاز والقريب لرياض
هو شبك المطار القديم
بعد ماتتعداء تفتيش المطار يجيك مخرج جامعة نوره اول ماتجي المخرج هدا ونتبه لصبات
تحصل صبه منزوحه لدخول السيارات ابد خش ودخل جواء الموقع ممتاز وقريب جدا
وممتاز للعوائل

[الطروح]

المستوي نفود الداهنا
( أشيقر )