جرابوكس السوزوكي تكفون

[طلال السعوديه]

السلام عليكم ورحمة الله وبركاته
اخواني اعضاء المنتدي مساكم الله بالخير تكفون الي عنده خلفيه عن فك جرابوكس السزوكي 85 تو ستروك وقصدي بفك الجربوكس اخراج عمود الرفاس والتروس الداخليه انا حاولت اسحب الجلبه الي بين عمود الرفاس وجرم الجربوكس علي بالي مثل طريقة فك الياماها بس ماضبطت معي تكفي يامهندس عبدالله واعذروني علي الاطاله وهذي صور الجيير











http://im30.gulfup.com/6cDL1.jpg (http://www.gulfup.com/?tNKZoD)






http://im30.gulfup.com/QjOl2.jpg (http://www.gulfup.com/?ufc1CO)


http://im30.gulfup.com/mXy03.jpg (http://www.gulfup.com/?sO8aGJ)

[طلال السعوديه]

افا كل الاخوان الي مرو علي الموضوع ولا فيه احد منهم يعرف طريقة الفك او شرحي للمشكله مو واضح تكفون افزعولي

[عقام الرايس]

اخوي طلال انا ما تطلع عندي الصور لاني ادخل من مكتب العمل

عموما اذا احتجت جربوكس سوزوكي كامل 85 كلمني
0590324225

[م/عبدالله]

اعتذر منك انا انتظرت الصور من اجل اعرف الموديل .. ورحت نمت ....لكن مستحيل
مانرد عليك .. ابشر بسعدك
المجموعة الخلفية لهذا النوع ... تنفك ولكن تحتاج الى زرقينة

على فكرة مايحتاج تفك الاعمدة وتخرج معك احيانا تكون
ماسكة جامد لذلك نستخدم الزرقينة

كلمني واشرح لك بالتفصيل اذا احببت تفرط الجيربكس كامل



http://im17.gulfup.com/R49R1.jpg (http://www.gulfup.com/?HzMHNf)
http://im15.gulfup.com/QoZx1.jpg (http://www.gulfup.com/?X6EQe8)

وتابع الرابط هذا

http://www.youtube.com/watch?v=Zje2nAncgmA&NR=1&feature=endscreen

[طلال السعوديه]

اسف علي تاخري بالرد

هلا بك اخوي عقام الرايس طمنتني دام فيه جرابوكس مثله عندك اجل بسوي الي مايتسوي بالي عندي لين ينفك واذا مانفك دقيت عليك ومشكور ماقصرت والله يجزاك خير

[طلال السعوديه]

مهندسنا عبدالله مشكور علي ردك علي موضوعي وادري انكم ماراح تبخلون علي بخبرتكم فالله يجزاكم خير بالنسبه لطريقت الفك الي حطيتها والله مجربهم الثنتين وهذي صور للزرقينه معهم شديته بالزرقينه لين تعدلت الحلقه الاخيره الي تركب بالجلبه اليكم الصور


http://im28.gulfup.com/ewRW3.jpg (http://www.gulfup.com/?hdCEVg)

مااقولكم اني سخنتها الي شويتها شوي سبحان الله كانهم صارو قطعه وحده


http://im28.gulfup.com/AhTP4.jpg (http://www.gulfup.com/?87yNPV)



وهذي صور الطريقه الثانيه غيرت السلاسل بامسامير استيل ومعكوفه من طرفها ومع قوت الشد تعدلت عكفت احد المسامير والزرقينه انتهت صلاحيتها هههههههه

http://im28.gulfup.com/iifO1.jpg (http://www.gulfup.com/?TmFfDV)


http://im28.gulfup.com/6WZS2.jpg (http://www.gulfup.com/?I33tJp)

[طلال السعوديه]

سامحوني الصور طلعو بالحجم الكبير

[wafi6556]

ياساتر استر...داحس والغبراء
بعض الأحيان الشغله تعكس مع الواحد...لكن لو اعطاها واحد ثاني الله يفكها على يده مباشره
فأقترح توديه مخرطه واكيد عندهم زرقينه صلب الصلب...وليتك تفك عامود التعشيق قبل الشغل عشان الواحد لا ينساه ويكسر القير لأن بعض الجربوكسات يكون العامود معشق تعشيق اسفل المجموعه فلازم فكه قبل سحب عامود الرفاس...وعساك عالقوه

[م/عبدالله]

حياك الله ... اخوي ... ماشاء الله عليك ... الزرقينة مثالية وطبقتها صح
تقول الزرقينة ماجابت نتيجة .. والدق ايضا .. حتى الشوي
طيب اسمع جيب علبة فلاش ورش المجموعة مضبوط .. واتركها
وبعدين غسلها بالماء الحلو .... وجرب مرة اخرى

اذا مافاد .. اذن تحتاج زرقينة نوع اخر ... تعمل بالطرق
تربط في طرف العمود على سنة الصامولة .. ولها عجلة
تدفع الى الخلف وكأنك تطرق ... احاول اجيب صورتها لك .

هذا حلها الاخير .. وتخرج بأذن الله

بخصوص العمود الطويل الخاص بالدوران المعشق مع المحرك
لاتحاول تطلعة .. لان فية صامولة من الداخل تشده مع الترس .
وبخصوص عمود التعيشق .. مالة علاقة ياوافي ... لانة الان يحاول
يسحب الجلبة الخاصة بالصوف ..

http://im27.gulfup.com/GxTs1.jpg (http://www.gulfup.com/?msnBBU)

[طلال السعوديه]

هلا بك اخوي wafi ومشكور علي مرورك وعلي النصيحه بس اخاف اقولك وديتها للمخرطه والله عجزو فيها اول ماجيتهم قالو نفكها قولت خير وبركه المهم تفلسف علي ابو هنود شوي وتغلي بسعر قولت ماشي بس فكها قام صخنها وياكثر ما نصرف عليها غاز هالقطعه غاز يستوي حاشي هههههههه وقام يطقطقها من يمين ويسار وويرش عليها مزيل صدا وجاب السييخ الي فيه مطرقه مثل حق ورشات محركات البحر وهات ياطق وولا فيه فايده بالاخير قال روح دور مثل الجلبه الي ماسكه العكس واذا حصلت بنكسرها هذي ما تطلع الي تتكسر منقال تتكسر انا احذت الجير ومشيت الحين عندي فكره بطبقها الي هي بستخدام عفريتين وان شاء الله تنجح بس افضا لها

[طلال السعوديه]

مهندسنا عبدالله يامرحب فيك بعمل بنصيحتك واحط لها فلاش وان شاء الله تفك وتسلم علي النصايح والله يجزاك خير

[م/عبدالله]

شوف الزرقينة اللي اتكلم عنها ... هذا علاجها عندنا
لان الطرق .. يكون في السنتر والعمود هو اللي يحرك
المجموعة من الداخل الى الخارج

http://im30.gulfup.com/aym51.jpg (http://www.gulfup.com/?mxakHI)

[wafi6556]

عساك عالقوه ياطلوو ويعجبني اصرارك وبأذن الله يجيب نتيجه طيبه
وهلا حبيبي ابو محمد...قير السوزوكي ما اعرفه ولا عمري فرطته واقول ينفك عامود التعشيق احتياطاً اذا مافي معلومه 100%100 انه مو معشق بالمجموعه ولو تلاحظ الآن بدأ التوجه والشغل على عامود الرفاس بالزرقينه الثانيه ولو طلع عامود التعشيق معشق راح القير سكراب

[م/عبدالله]

كلامك مضبوط ياوافي ... في حالة سحب حشوة الجيربكس
لابد من تحرير الكلتش من عصى التعشيق .

[طلال السعوديه]

مساكم الله بالخير جميعا ابشركم حليت المشكله وطلعت العكس وراح اوريكم صورت الجلبه الي سحبتها ووالزرقينه المستخدمه بسحب طبعا الزرقينه مع التوليف لكي يستفيد منها كل من واجهته نفس المشكله الحمدلله انا تعلمت من الشي الي حصل معي بعد التجارب والاستشارت والخوان الي ماقصرو من اعضاء المنتدي واخص بالذكر المهندس عبدالله وعقام الرايس والاخ وافي الله يجعله في موازين حسناتكم واليكم الصور






اولن صورت الجلبه اعقد قطعه في جرابوكس السوزوكي




http://im23.gulfup.com/gUKV1.jpg (http://www.gulfup.com/?3O3mfO)



وهذي الزرقينه المبروكه الي سحبت الجلبه غصبن عليها ومركب عليها اسياخ استيل وقطعه مولفه بالمخرطه بين الاسياخ والزرقينه

http://im18.gulfup.com/xwze1.jpg (http://www.gulfup.com/?dfR08O)



وهذي القطع وبيهم القطعه المفصله بالمخرطه جمب السيخ وفيها فتحيتين لركوب المسامير
http://im18.gulfup.com/joYj2.jpg (http://www.gulfup.com/?yQGYOi)


وهذي صورت الزرقينه الاساسيه وبالشكل الي شريتها فيه



http://im18.gulfup.com/UX7Y3.jpg (http://www.gulfup.com/?5gA3Gz)





وان شاء الله اكون افدت من واجهته نفس المشكله ولو بشي بسيط

[م/عبدالله]

الف مبروك .... وفعلا الحاجة ام الاختراع

ما شاء الله تبارك الله .... الله يعطيك العافية ... ويبارك لك

[wafi6556]

عشت ولله
:Dالزرقينه للبيع:D

[طلال السعوديه]

الف مبروك .... وفعلا الحاجة ام الاختراع

ما شاء الله تبارك الله .... الله يعطيك العافية ... ويبارك لك



يبارك فيك مهندس عبدالله واشكر متابعتك اموضوعي

[طلال السعوديه]

عشت ولله

:Dالزرقينه للبيع:D



هلا وغلا يا وافي وعاش غالليك
بنسبه لز رقينه حلالك وتامر عليها

[عقام الرايس]

احلى مافي الصورة يدك وهي محنية هههههه

سلمت يمناك وعالبركة ان شاء الله مشي الحال ... واذا ما نفع الجربوكس الي معك بس كلمني زي ما خبرتك والجربوكس بين رجليك مقابل دعوة في ظهر الغيب

تحياتي

[طلال السعوديه]

ياهلا وغلا بعقام الرايس مشكور علي العرض وعساك علي القوه يارب واسفي ان الوقت ماساعدني اقابلك لاكن ان شاء الله اذا الله عطانا عمر نواجهك عل خير

[طلال السعوديه]

يقولون الي يفك شي لازم يركبه وانا حبييت اوريكم طريقت تركيب الاجزاء الداخليه للجيربوكس وتغيير الصووف واسف علي تاخري بالموضوع لان الاختبارات شوي امسكتني وبعد الاختبارات جات سالفت القطع وااه يالقطع تضرب مشاوير وتروح وتجي وتولف وياليت تحصلها كلها الي احيان ترجع القديم وتركبه وتقول يارب يضبط والسبب قطع سزوكي مافيه حتي ينبع وصلتها وانا ادور القطع والحمدلله حصلت بعضها المهم ت تركيب الجير وحبيت اشاركم بالصور ليستفيد منها الجميع


اولن هذا القطع بعد التنظيف والغسيل

http://im35.gulfup.com/kBSC1.jpg (http://www.gulfup.com/?FYVnAm)


وحبت الرمان هذي انتبهو لها ياشباب هي الي توجهلك عصي التعشيق لما تعشق

http://im35.gulfup.com/2aBo2.jpg (http://www.gulfup.com/?RJtxq4)


وهذا مكانها باسفل عصا التعشيق

http://im35.gulfup.com/0ay53.jpg (http://www.gulfup.com/?wnCoxK)



وهذا مكانها بداخل القير
http://im35.gulfup.com/qAge4.jpg (http://www.gulfup.com/?0nSs0z)

والحين جا وقت تركيب الصوف والرمان
http://im35.gulfup.com/D8np5.jpg (http://www.gulfup.com/?54wqOf)


وكذا تكون راكبه بمكانها وبقي الرمان
http://im35.gulfup.com/TGyx6.jpg (http://www.gulfup.com/?knCN9A)

وهذا الرمان وبدايت تركيبه

http://im35.gulfup.com/PkK67.jpg (http://www.gulfup.com/?5A8wwY)

بعد تركيب الرمان بمكانه نحط شويت معجون سيلكون (جالموكه) علي الجلده الي ماشر عليها بيدي لانها مهمه واذا كان فيها قطع صغير تدخل الماء علي الزيت
http://im35.gulfup.com/fZoO8.jpg (http://www.gulfup.com/?T756kF)

الحين انا خلصت من الجزء العلوي وبقي الجزء السفلي واول شي بوريكم الصوفه الي تجي بعمود الرفاس وهم ثنتين وفي الصوره ببين لكم ان وحده رفيعه وحده تخينه شوي وهي الي انا ماخذها من عند محلات تبيع جميع انواع صوف السيارات والحمدلله طلعت نفس المقاس بس اتخن شوي وهذا مايضر
http://im31.gulfup.com/cuH51.jpg (http://www.gulfup.com/?nPpJHJ)

والحين ركبت بمكانها بشويت دق بسيط مع انو الجلبه فيها كسر وماحصلنا مثلها بس ان شاء الله تمشي
http://im31.gulfup.com/7FUI2.jpg (http://www.gulfup.com/?FtDeiv)


نجي الان لتركيب التروس الداخليه وهذا الترس الاول
http://im31.gulfup.com/dSPZ3.jpg (http://www.gulfup.com/?ADbbQW)

بعدها نركب عمود الحركه
http://im31.gulfup.com/M7Ae4.jpg (http://www.gulfup.com/?WfkMvf)


بعد تركيب العمود نركب الترس الصغير والصامولت الشد
http://im31.gulfup.com/5KGT5.jpg (http://www.gulfup.com/?zq8Nql)

نشد علي الصاموله شوي بمفتاح الربط
http://im31.gulfup.com/tXr26.jpg (http://www.gulfup.com/?w4w5yD)

بعد كذا يجي دور تركيب عمود الرفاس
http://im31.gulfup.com/2UCD7.jpg (http://www.gulfup.com/?UA9YkS)

والقطعه الاخيره في اسفل القير الي تمسك التروس والعمود والي طلعت الشيب في راسي يوم ماطلعتها ونصيحه شباب لازم تحطون شويت زيت لصوفه لجل ماتنقطع ويخربها العكس (عمود الرفاس)

http://im31.gulfup.com/vRQo9.jpg (http://www.gulfup.com/?aIvtXl)

وكذا تكون ركبت وكل شي تمام
http://im31.gulfup.com/ELsM10.jpg (http://www.gulfup.com/?rlYC6w)

والحين جاي دور طرمبة الماء واترككم مع الصور
http://im35.gulfup.com/ATJY1.jpg (http://www.gulfup.com/?AQ6P4c)

http://im35.gulfup.com/PXLL2.jpg (http://www.gulfup.com/?DyOThX)



http://im35.gulfup.com/xQTV3.jpg (http://www.gulfup.com/?1Oc8xc)

وكذا يكون انتهينا ومابقي غير الزيت وان اشاء الله يكون كل شي تمام واسف علي الاطاله وكثرت الصور




ر