كيف اتاكد من نظافة المكينه في التشليح

[ماء نوفا]

السلام عليكم
عندي كامري ابي اشتري له مكينه ماهي طرق كشف نظافة المكينه

[دائرة 11]

وعليكم السلام

اخوي اذا انت من الرياض راسلني خاص ..وبضمانتي انا

تحيتي

[abo naser 1]

السلام عليكم

أخوي انا شايف قبل أسبوعين عن تشليح ابو فهد أكبر تشليح لبيع المكاين بصناعية القديمة بالرياض توهم منزلين مكاين كامري يابانية قلبتها تقول ماممشت واضح على الشكل الخارجي والقزوز لونه ماتغير وكذلك عيار الزيت اذا شفته قالب أسود حتى من فوق فهاذي جاية حرارة او خطوط مستمرة مع سرعات عالية وكذلك الثروتل افتحه بيدك شف فيه زيوت وأوساخ تبين هل المحرك مكدود او لا هذا على حسب خبرتي.
الأسعار لأخت الجديدة فوق 8000 ريال مع التركيب.

[SGL]

دخل يدك باالكزوز وشف الكربون بصابعك اذا لقيت كربون ثقيل كنه مخلوط بزيت ابعد عنها وبخصوص المكاين اليبانيه سمعت انها من الداخل تختلف يوم توضبها مالها قطع ونسيت ماقولك فك غطى الزيت وشوف فيه باالغطى زيت مثل الشحم اولونه ابيض دليل فيها حراره ورفع عيار الزيت وشمه في ريحت بنزين دليل فيها شنبر

[كبسولة2]

تعرفها زي ماقال الاخ ابو ناصر

من الأقزوز

من الثروتل

من اطراف الرأس مع السلندر مكان التقائهم

من اطراف السلندر مع الكارتير شيك عليها إذا فيه تهريبات زيوت

والمكاين الي جاية من اليابان أفضل من السعودية مليوووووون مرة

ركب وانت مطمن 100 %

هل تعلم أن السيارات في اليابان يغيرون مكاينها كل 3 سنوات او 4 سنوات

كل سنة عند الفحص الدوري للمركبات يضعون ختم على آخر المكينة

اول سنة اخضر ثاني سنه برتقالي ثالث سنة يضعون أحمر

رابع سنة يجب تغير المحرك بواحد جديد إذا أردت أقتناء السيارة لمدة طويلة

لماذا لأن المحرك بعد فترة من الاستخدام تصبح أنبعاثات الغازات منه كثيرة وهذا يضر البيئة

وجمعيات البيئة لديهم قوانينها صااارمة والمصنع موجود والمحركات مليانه في المستودعات لديهم

اشتر وركب أما المحركات المفكوكة تصدر للخليج والعالم العربي

وبعض دول أفريقا واوروبا الشرقية وروسيا

كما أنهم شعب واعي متحضر ملتزم بالقوانين والصيانة الدورية

السرعات عندهم محدده المكينة لاتتعرض لضغط قوي

مو مثل ربعنا هنا يمشي من حفر الباطن إلى نجران

ورجله واصله للمكينه 220 والمكيف شغال تقول يبي يطير

غير التفحيط وتل الموتر في نمرة ونمرة

وللمعلومية كل المكائين سواء السعودية واليابانية مافي فرق ابد

وانصحك باليابانية مهما كانت للاسباب التي ذكرتها لك

[وجعين]

السلام عليكم

أخوي انا شايف قبل أسبوعين عن تشليح ابو فهد أكبر تشليح لبيع المكاين بصناعية القديمة بالرياض توهم منزلين مكاين كامري يابانية قلبتها تقول ماممشت واضح على الشكل الخارجي والقزوز لونه ماتغير وكذلك عيار الزيت اذا شفته قالب أسود حتى من فوق فهاذي جاية حرارة او خطوط مستمرة مع سرعات عالية وكذلك الثروتل افتحه بيدك شف فيه زيوت وأوساخ تبين هل المحرك مكدود او لا هذا على حسب خبرتي.
الأسعار لأخت الجديدة فوق 8000 ريال مع التركيب.


مثل ماقالك ابو نزار خذ استعمال ياباني اخوا الجديد لانهم في اليابان ماعندهم سرعة مثلنا يعني من 100 وتحت اما عندنا فحدث ولا حرج تلقاه2011 وماشيه مش الويل وجايه حراره ومفوره تخبر الحر عندنا بالصيف انا اخذن مكينة مكسيما استعمال ياباني مشاء الله جديده بس احرص على الظمان لو خمسة ايام ومسك خط اقل شي 150 كيلو وتبين معك المكينه

[Vتكان]

ابسط شي فك غطاء الزيت وحاول انك تويق معه اذا شفت لون السبرنق اسود اعرف ان راعيها مايواظب على تغيير الزيت ويكرف المكينه وزيتها منتهي اما اذا شفت السبرنق لونه فاتح شوي يعني ان راعيها مواظب على الزيت
لكن حتى ولو ماتعرف المكينه صح الا اذا اشتغلت لانه ممكن تكون الروس سليمه وتشغلها ويطلع صوت سبيكه
عموما عليك بالمكينه اليابانيه لانها دئما تكون اخت الجديده وهج عن الامريكيه (اغلب الامريكان نظامهم يغلقون الزيت مايغيرونه)
اهم شي لاتقرب التشاليح الي بالصناعيه القديمه (نصابين مع مرتبه الشرف)
موفق

[ماء نوفا]

يعطيكم الف عافيه ماقصرتو

[أرض الحجاز]

معلومات مفيده جدا


استفدت الله يجزاكم خير