هل يوجد تفصيل توانك فيبر

[ذيب عتيبه]

السلام عليكم ورحمه الله


أخواني لا استغني عن مساعدتكم

بالنسبه للفيبر .. هل يوجد تفصيل للتوانك الفيبر ..


جزاكم الله خير

[ابوسند9]

اخوي ذيب
انت تبغاه ليش؟ وكم لتر تبغى؟
عشان نشاركك بالفكره

[N أبورغد N]

لا مافيه تفصيل خاص
لكن تقدر تقترح اذا اقتراحك مطلوب في السوق يسونه لك
اما اذا غير مرغوب بيكون غالي جدا عليك لانه قالب جديد مكلف
والافضل تستفسر من المصنع نفسه

[ذيب عتيبه]

اخوي ذيب
انت تبغاه ليش؟ وكم لتر تبغى؟
عشان نشاركك بالفكره




رحم الله والدينك ومن يقرى

لعيونك نتشارك بالفكره يآعم ;)

اقصد الله يعافيك تانكي ماء .. يتوفر في المحلات وبعض المصانع توانك فيبر مصممه لسيارات معينه .. واحتاج تصميم خاص لفراغ موجود عندي بشنطه كنت مصممها للعده وصارت كبيره على العده شوي وفكرت استغل بعض المكان لتانكي الماء .. فيه خيارات اخرى .. المنيوم وحديد وغيره ولكن اختياري للفيبر بناء على خفته ومضمون اكثر من غيره من ناحيه تغير الطعم ..

عقب الكلام هذا كله والشرح الله لايهينك ي قلبي :p تعلمني محل يفصل غصب :D

[ذيب عتيبه]

لا مافيه تفصيل خاص
لكن تقدر تقترح اذا اقتراحك مطلوب في السوق يسونه لك
اما اذا غير مرغوب بيكون غالي جدا عليك لانه قالب جديد مكلف
والافضل تستفسر من المصنع نفسه




حي ردك ياابو رغد ومشاركتك يالامير

المشكله الله يعافيك ان تصميمي بناء على موقع محدد داخل شنطه عده :D

يعني مستحيل يكون مرغوب لان التفاصيل من شنطه عده لاخرى تختلف

اللي اعجبني بالفيبر خفته وذرابته وغير ذلك الصدى وغيره من مميزات الفيبر


حي اسمك وردك وعافاك الله

[وسام الغضب]

السلام عليكم
بالنسبة لخزانات الفيبر قلاس للسيارات موجود عند واحدمن الشباب صاحبي عندة محل خزانات وعندة تقربا حجمين داخل السيارة وحجم للند الشاص يوضع في الحوض

[راعي المسرى]

السلام عليكم
أخي الكريم : فيه مصنع فيبرجلاس بالصناعية الأولى بالرياض يفصل توانك على الطلب سبق فصلت عنده قبل 7سنوات أو أكثر....

وموقعه كانه ما تغير (إذا دخلت الصناعية الأولى من البوبة الغربية قبل ميدان العمل ووجهك غرب يجيك ثاني تقاطع رح معه بس ما أدري يمين أو يسار نسيت والله العظيم يجيك المصنع قريب من التقاطع وواجهته غربية ومحله واضح ومكتوب مصنع فيبر جلاس)
بس فيه عيب اذا أبطت فيه الموية أيام كثيرةيجي له طعم

[سيف وقلم]

ترى فيه فرق بين الفيبر والبولي ايثلين

[ذيب عتيبه]

السلام عليكم
بالنسبة لخزانات الفيبر قلاس للسيارات موجود عند واحدمن الشباب صاحبي عندة محل خزانات وعندة تقربا حجمين داخل السيارة وحجم للند الشاص يوضع في الحوض




الله يطول عمرك ولايهينك ..


حي الله ردك

[ذيب عتيبه]

السلام عليكم
أخي الكريم : فيه مصنع فيبرجلاس بالصناعية الأولى بالرياض يفصل توانك على الطلب سبق فصلت عنده قبل 7سنوات أو أكثر....

وموقعه كانه ما تغير (إذا دخلت الصناعية الأولى من البوبة الغربية قبل ميدان العمل ووجهك غرب يجيك ثاني تقاطع رح معه بس ما أدري يمين أو يسار نسيت والله العظيم يجيك المصنع قريب من التقاطع وواجهته غربية ومحله واضح ومكتوب مصنع فيبر جلاس)
بس فيه عيب اذا أبطت فيه الموية أيام كثيرةيجي له طعم




وعليكم السلام ورحمه الله


رحم الله والدينك عن النار .. ولاهنت جعلك تحيا ..


ماقصرت وابحاول اتبع الوصف .. وان مالقيت درب له الله لايهينك اابراسلك وعلمني :D:D


حي الله ردك يالامير

[ذيب عتيبه]

ترى فيه فرق بين الفيبر والبولي ايثلين




اررحب تراحيب المطر يا سيف وقلم


اخوك ادري بالفيبر .. ولكن هالبولي ايثلين ماعندي عنه اي معلومه .. بعد اذنك لو تبين لنا هالشي والافضل ؟؟ او احد الاخوان


ولاهنت يالغالي

[ابوسند9]

ترى فيه فرق بين الفيبر والبولي ايثلين
اخوي ذيب الله يحييك
زي ما ذكر اخونا سيف وقلم
الفيبر مشكلته انه مع الوقت يجمع او ساخ في الداخل بحكم سطحه الخشن من الداخل واحينا يطعم وغير خطر الكسر وهو ما كان يستخدم قديم لخزنات المنزل
اما البولي ايثلين نفس خزنات مصنع الوطني للسيارات وغيرها ومن المصانع
لكن دام انك ملزم عليه زي ما ذكر لك اخونا العضو راعي المسرى بخصوص الوصف
وانا اشوف ان الالمنيوم افضل لاطعم ولا رائحه ولا صدء
اما الفيبر خطر ينكسر ويطعم وقابل للاوساخ
واذا تشوف فرق السعر بيسط فصل المنيوم افضل
واخير المكان عندك ما فكرت تشوف جركل يركب فيه ويكون ثابت وتركب له هوز من اسفل

[N أبورغد N]

ارجو المعذرة اخي انا بالفعل اقصد البولي اثلين

[ذيب عتيبه]

اخوي ذيب الله يحييك
زي ما ذكر اخونا سيف وقلم
الفيبر مشكلته انه مع الوقت يجمع او ساخ في الداخل بحكم سطحه الخشن من الداخل واحينا يطعم وغير خطر الكسر وهو ما كان يستخدم قديم لخزنات المنزل
اما البولي ايثلين نفس خزنات مصنع الوطني للسيارات وغيرها ومن المصانع
لكن دام انك ملزم عليه زي ما ذكر لك اخونا العضو راعي المسرى بخصوص الوصف
وانا اشوف ان الالمنيوم افضل لاطعم ولا رائحه ولا صدء
اما الفيبر خطر ينكسر ويطعم وقابل للاوساخ
واذا تشوف فرق السعر بيسط فصل المنيوم افضل
واخير المكان عندك ما فكرت تشوف جركل يركب فيه ويكون ثابت وتركب له هوز من اسفل




رحم الله والدينك عن النار ..


رأيك على العين والراس ياابو سند ..وراح آخذه بعين الاعتبار

الالمنيوم افضل بمراحل ولكن السبب الوحيد اللي جبرني ابعده عن حساباتي.. السعر ..

أحتاج افصل وبمقاسات دقيقه وبمنحنيات كثيره وهالشي بيرفع سعر تفصيل هالتانكي غالي جدا جدا اذا كان من الالمنيوم ..

بالنسبه للجراكل فكره ممتازه .. ولكن بحثت في المحلات المتخصصه في الخرج ولا لقيت اي جركل مناسب .. ولكن اببحث في الرياض .. اذا لقيت والا توكلت على الله ومريت مصنع الفيبر ..

وابطبق كلامك اذا كان السعر مقارب توكلت على الله وفصلت المنيوم والله يعوض :D



جزاك الله خير يالغالي .. لاعدمناك

[ذيب عتيبه]

ارجو المعذرة اخي انا بالفعل اقصد البولي اثلين


حيآك الله ياابو رغد .. انا بالفعل اشكرك بشده على تفاعلك ;)