المزادات العلنيه

[تنومه1]

السلام عليكم
تقام مزادات على فترات متفاوته ويعرض فيها انواع مختلف من المعروضات سيارات معدات مكائن اجهزه وتباع بمبالغ زهيده لا تذكر وبعض المعروضات تباع باسعار السوق ( التوفيق من الله ) وبعض المعروضات تكون جديده لم تستخدم وخاصة مزادات الدوائر الحكوميه تكون معروضاتها من الاصلي الجيد .
لكن يجب عليك ان تعرف سعر السلعه الي بتزاود عليها كم تسوى في السوق حتى تعرف كم حد المزايده الاعلى ويبقى لك مكسب من وراها .اذا حضرت للمزاد سجل بياناتك عندهم ورقم جوالك ( مجاني التسجيل ) وبعده بتجيك رسالة جوال اذا فيه مزاد قادم
اعرف اشخاص ليس لديهم اي وظيفه او عمل سوى متابعة المزادات ولا قين من وراها خير كثير افضل من الوظيفه بعشرات المرات .
وهي دعوه لابنائنا واخواننا حيث ان حضورهم للمزادات محدود للغايه ( والله يرزق الجميع من واسع فضله وليس حسد لاياً كان ) ولكن حب الخير لابناء البلد جعلني اتكلم بهالموضوع .
على سبيل المثال العام الماضي مزاد بالرياض بيعت ميكروباصات 15 راكب بحدود 3000 ريال
والامثله كثيره .
احضر المزاد وشوف الوضع وافهم الي قاعد يصير ولا تستعجل في المزايده لان المزادات كثيره وقارن بين سعر المعروض وسعره بالسوق وتتضح لك الامور اكثر وتعرف ان فيها خير كثير وانت اولى من غيرك .
مع العلم انه بدأ موسم المزادات

[ابو صالح 4]

جزاك الله خير لحبك للخير
انا ودي اغامر في هالمزادات بس ما اعرف وين محلها

[الحربي حاتم]

بسم الله الرحمن الرحيم
بارك الله فينا وفيك

[N أبورغد N]

انا كل الي مرت علي نصب واحتيال والزين يقول مبيوع !!!
دلنا على المزادات الصاحية

[هايل العتيبي]

نبي مزاد المعدات الثقيله والمكائن

[تنومه1]

ابشروا بالعون واذا الاداره تسمح انزل مواقع المزادات الحاليه وموعدها .
وبالنسبه لحكاية مبيوع راح زمانها .

[اكسير الحياة]

الله يوفقك يالغالي وهذا الصح واتمنى من الادارة الموافقة على وضع جدول للمزادات

[عالم مجنون]

الله يجزاك خير بس كيف نعرف اوقات المزادات واماكنها للعلم انا من اهل الغربيه

وتقبل مروري

[sgl2002]

فيه مزاد شهر اربعه للرجيع الدفاع المدني

مواتر مامشت واجد

كابرسات ولاندكروزرات وبترولات ودداسن مرشوشة وبعضها رشات بلد

وممشاها من ١٥٠ الف وانت نازل

ومديلاتها من ٢٠٠٢ وتحت للباترول والددسن

و٩٥ وتحت للكابرسات واللاندكروزر

[راعي المطافيل]

عزالله انك انسان ناصح بارك الله فيك

[com.الطراعيز]

مشكور الله يعافيك

[asxz]

جزاك الله خير

بس وين مكانهم في الرياض

[ابوعبدالرحمن.]

جزاك الله خير على التنبيه وحب الخير

[مجهر الحق]

ياليت مشرفين مكشات اهل الاختصاص يضعون موضوع ويثبت واي عضو يعرف عن اي مزاد قريب يكتب لنا في الموضوع موقع ووقت المزاد لنكون علي اطلاع وجزاك الله خير الجزاء يا صاحب الموضوع

[تنومه1]

مزاد الشرق الاوسط على طريق الدمام وانت خارج من الرياض ثاني محطة بنزين اسمها محطة هلا بعدها يمين مباشرة طبعاً المخرج قبل المحطه بنص كيلو تقريباً المزاد بدأ اليوم الاثنين الموافق 4/ 2/ 1434هـ .
معدات ثقيله + سيارات بمختلف الانواع ( مجدد ومفحوص ) + رؤوس تريلات + مواطير كهرب وغيرها كثير .
والله العظيم اني مانزلت الموضوع الا رغبة في الخير للجميع وليس لي في المزاد اي علاقه او معرفه وانت بتشتري بفلوسك .
حضرت اليوم واسعار روعه ولا تخطر على البال والعدد كان قليل جداً وتوقعت انهم بيوقفون المزاد او ياجلونه لكن الله يجزاهم خير استمروا وباعوا لمن حضر .
يا شباب توكلوا على الله وهو الرزاق الكريم واعذروني على التاخير في تحديد وقت المزاد لانه ما جاني رد من الاداره

[تنومه1]

المزاد القادم بالرياض مزاد شركة الخريف على طريق الخرج بعد مصنع الجبس خلف شركة الخريف من الغرب بتاريخ 12/2/1434هـ

بالنسبه لاهل الغربيه مزاد في شهر 3 لشركة بن دعجم بجده .

اهل القصيم مزاد البيت العربي في القصيم عند كبري الغماس طريق بريده المدينه المنوره السريع يوم الاربعاء والخميس والجمعه 6+7+8 /2/ 1434هـ

[سفاري 9]

مزاد الشرق الاوسط انتهى ولا باقي ومتى يحرجون

[الاجودي]

جزاك الله خير

[ابوكشتات]

جزاك الله خير والله يكثر من امثالك

[ولد دقله]

يا شباب احد يعرف متى مزاد الجيش

[moooj]

يا شباب احد يعرف متى مزاد الجيش




هههههههههههههههههههههههه
تبي الهمر H1
انا بعد انتظره:good2:

[moooj]

صاحب الموضوع
اسأل الله الكريم من له خزائن السماوات والأرض ان يوسع لك في رزقك ويصلح لك المال والذرية
ويمدك بالصحة والعافية ما حييت ويوفقك لكل خير

[ولد دقله]

هههههههههههههههههههههههه
تبي الهمر H1
انا بعد انتظره:good2:

لا

ابي راس تريله 6في 6 او 6*6

[مدهوش]

بارك الله فيك يا صاحب الموضوع والله يرزقنا وياك من واسع فضله ويغنينا بحلاله عن حرامه

السؤال : وين بالتحديد نسجل بياناتنا هل فيه جهه محدده او اي مزاد يقام سجل بياناتك لأول مرة ومن ثم تجيك رسايل وهكذا ؟

[عالم مجنون]

اخوي تنومه المزاد حق بن دعجم الي في جده في شهر ثلاثه عربي ولا ميلادي وأي يوم بالضبط والله يسعدك لو تعرف وين يقام المزاد موفق الله يجعلها في موازين حسناتك

[هايل العتيبي]

المزاد القادم بالرياض مزاد شركة الخريف على طريق الخرج بعد مصنع الجبس خلف شركة الخريف من الغرب بتاريخ 12/2/1434هـ

بالنسبه لاهل الغربيه مزاد في شهر 3 لشركة بن دعجم بجده .

اهل القصيم مزاد البيت العربي في القصيم عند كبري الغماس طريق بريده المدينه المنوره السريع يوم الاربعاء والخميس والجمعه 6+7+8 /2/ 1434هـ

اخوي المزاد الي في الرياض
وش هل هي سيارات ولا معدات ثقيله

[سيف وقلم]

مزاد الشرق الاوسط على طريق الدمام وانت خارج من الرياض ثاني محطة بنزين اسمها محطة هلا بعدها يمين مباشرة طبعاً المخرج قبل المحطه بنص كيلو تقريباً المزاد بدأ اليوم الاثنين الموافق 4/ 2/ 1434هـ .
معدات ثقيله + سيارات بمختلف الانواع ( مجدد ومفحوص ) + رؤوس تريلات + مواطير كهرب وغيرها كثير .
والله العظيم اني مانزلت الموضوع الا رغبة في الخير للجميع وليس لي في المزاد اي علاقه او معرفه وانت بتشتري بفلوسك .
حضرت اليوم واسعار روعه ولا تخطر على البال والعدد كان قليل جداً وتوقعت انهم بيوقفون المزاد او ياجلونه لكن الله يجزاهم خير استمروا وباعوا لمن حضر .
يا شباب توكلوا على الله وهو الرزاق الكريم واعذروني على التاخير في تحديد وقت المزاد لانه ما جاني رد من الاداره


جزاك الله خير, متى الوقت الصبح وإلا العصر؟

[تنومه1]

جزاكم الله كل خير والله يرزق الجميع .
1. مزاد الشرق الاوسط مستمر واسعار روعه جداً وعدد الحظور قليل لا يذكر.
2. مزاد بن دعجم اتأكد بكره واعطيكم خبر عنه .
3. مزاد الخريف والشرق الاوسط منوع مثل باقي المزادات . سيارات صغيره +معدات + مكائن منوعه +مواطير كهرب+تريلات + بوبكاتات واشياء كثيره منوعه.
4.اروع وافضل مزاد حضرته مزاد الشرق الاوسط المقام حالياً لدرجة ان معظم السيارات الصغيره مجدده ومفحوصه وموديلات حديثه بعضها 2011.
5. المزادات تبدأ بعد صلاة العصر مباشرة.
6. بالنسبه لنظام المزادات اقل شي في جيبك (5000 ) ريال . اذا شريت شي اعطهم عربون (2000 ) ريال ووفهم حقهم اليوم الثاني مباشرةً او في نفس اليوم هذا يزرع لك مصداقيه عندهم ويخدمك اذا العربون ما يكفي اذا لك رغبه في شراء اشياء اخرى.
7. حاول تكون علاقه ومزح وتنكيت مع المنظمين واعرف اساميهم حتى تناديهم باسمائهم مما يوحي لديهم ان لك معرفه سابقه بهم ( طبعاً ما رح يدققون من كثر الناس الي يمرون عليهم).
8. اذا كونت علاقة ثقه معهم ممكن تشتري وانت مريح وبدون عربون يعني اسمك اصبح ثقه لديهم وهذا مطلب وهم من حقهم ما يعطون ثقتهم الا من يستحق .
9. اي مزاد تحظره سجل بياناتك ( اسم ورقم جوال ) في استمارة المزاد تخدمك بعدين اذا بيقام مزاد تجيك رسالة جوال والتسجيل مجاني لا يترتب عليه اي شئ .

[عالم مجنون]

طيب وين موقع مزاد الشرق الاوسط الله يوفقك

[تنومه1]

مزاد الشرق الاوسط على طريق الدمام وانت خارج من الرياض ثالث محطة بنزين اسمها محطة هلا بعدها يمين مباشرة طبعاً المخرج قبل المحطه بنص كيلو تقريباً المزاد بدأ اليوم الاثنين الموافق 4/ 2/ 1434هـ .

[basbadi]

جزاك الله خير موقع مزاد بن دعجم وين بالضبط

[تنومه1]

حسب وصفهم على طريق جيزان بعد نقطة التفتيش يبدأ يوم 8/3/1434هـ

[نحال مكشاتي]

من يفيدنا عن تاريخ مزاد الدفاع المدني بالرياض ؟

[راعي السيل]

حضرت مره مزاد للدفاع المدني في الرياض قريب من حي الجنادرية
سيارات قديمة مغبرة موقفة في حوش ، والله ما يدرون هي تشتغل ولا لا، وتباع على 30 الف! من بعدها الغيت سالفة المزادات الحكومية من راسي ، اذا عندك معرفة بالجهة البائعة بتاخذ الزين من السيارات ، وغيره انت وحظك!

[مشلخ الذيب]

هل مزاد الشرق الاوسط مازال مستمر ؟

[ذيب شراوة]

ياليت تعطينا المزادات الجاية

نبي نحضر ابي جيب وراس تريلا ان لقيت

[اكستيرا]

السلام عليكم ياشباب وش اخر المزادات في الرياض ابيلي موتر اكسره في البران

[Mhana ali]

الله يجزاك خير ويكثر من امثالك

[YOKUN]

ودي يتثبت الموضوع ويكون محدث باستمرار من جميع الاعضاء

كان فيه مزادات بالباحه ويجي واحد يشري كل السيارات جمله

[راعي المكشايت]

والله المزدات مطارد فيها من سنتين ما لقيت اي شي مناسب لي من ناحيه السعر فهو قريب من سعر المعارض ما يفرق الا الف ريال اكثر او اقل بقليل والسيارات ما تدري عنها حظك نصيبك فيها مكينه او لا وكلها نظافتها اقل من الجيده

اما اللي اشوف انها مواتر نظيفه وعليها كلام سيارات المجاهدين اعرف شخص يطلع منهم سيارات ولاكن يرفض انه يعلمني وين مكانهم دورت ودخت وكلمت ناس في الجهاد وما حصلو علم الكل متكتم على الموضوع لانهم عارفين انها نظيفه ويبونها لهم

اللي عنده علم يا اخوان في سيارات المجاهدين يخبرنا

[تركي لعبدالله]

ياأخوان يوجد مزاد بتاريخ 24/3
وهذاء الرابط http://www.shababonaizah.com/showthread.php?t=429453

[تنومه1]

مزاد شركة الملتقى بالرياض ايام
17+18+19 ربيع الاخر 1434هـ
المزاد منوع ( تريلات - معدات - سيارات مختلف الاحجام والانواع )



























/FONT]

[آآآبو سعود]

وين موقعه فيه بالضبط بالرياض وربيع الاخر يعني شهر 4

[تنومه1]

http://wikimapia.org/#lat=24.5726685&lon=46.7319102&z=18&l=10&m=s&v=4

مخرج شارع الفريان على الدايري الجنوبي من تحت الكبري باتجاه الجنوب نهاية الشارع حرف T ثم يسار بعد مصانع الحجر على اليسار

ملاحظه :
فيه هاليومين مزاد في الشرقيه لعبدالله فؤاد لكن ما اعرف الموقع بالضبط


والله كريم ويوفق الجميع

[تنومه1]

مزاد شركة العجمي
المزاد منوع ( تريلات - معدات - سيارات مختلف الاحجام والانواع )
السلي قبل مدرسة دله وانت متجه شرقاً
بدأ يوم امس الاثنين 8/4/1434هـ

[تنومه1]

1 - مزاد شركة الملتقى يبدأ 4/16/ 1434هـ
منوع واكثره سيارات صغيره مخرج شارع الفريان على الدايري الجنوبي من تحت الكبري باتجاه الجنوب نهاية الشارع حرف T ثم يسار بعد مصانع الحجر على اليسار .
2 - مزاد شركة التسهيلات طريق الخرج القديم قبل كبري بترومين على اليسار وانت باتجاه الجنوب يبدأ يوم 1434/4/22هـ.
3 - مزاد شركة المبرد حي القادسيه شارع السلطان قابوس بجوار استاد الملك فهد رحمه الله يبدأ يوم 1434/4/23هـ..

[ذيب شراوة]

من يفيدنا عن مزادات الشرقية هاليومين

عندي دورة ف الشرقية من 27/4

[تنومه1]

مر على شركة عبدالله فؤاد او مرهون ناصر ويفتونك يا الذيب

[Jeeper]

يعطيك العافيه اخ تنومه1

ياليت تفيدنا عن المزادات فالمنطقه الغربيه

[ايه احبك]

يعطيك العافية اخوووي تنومة . واحي فيك حبك لمنفعه اخوانك بالمنتدى . والله يرزقك وييسر لك امورك .

واذا فية مزادات الايام القادمة ياليت تخبرنا بها .

[تنومه1]

يعطيك العافية اخوووي تنومة . واحي فيك حبك لمنفعه اخوانك بالمنتدى . والله يرزقك وييسر لك امورك .

واذا فية مزادات الايام القادمة ياليت تخبرنا بها .

ولك مثل هالدعوه الطيبه

بالنسبه لمزاد شركة التسهيلات فانا اعتذر من الجميع لأن الوصف السابق كان فيه خطأ والوصف الصحيح هو
طريق الخرج القديم وانت نازل جنوب قبل نفق بترومين على يدك اليسار ساحة التنادي للمزادات العلنية
ويبدأ يوم الاثنين 1434/4/22هـ . أسأل الله ان يوفق الجميع
بالنسبة لمزاد الملتقى انتهى

[ابو حسان الجنوبي]

الله يجزاك خير الجزاء

تقبل مني ازكا التحايا وأطيبها ودمت بود

[ابومحمد وسعد]

يعطيك العافية اخوووي تنومة . واحي فيك حبك لمنفعه اخوانك بالمنتدى . والله يرزقك وييسر لك امورك .

[ايه احبك]

up
للــــــرفــــــع

[ذيب شراوة]

مر على شركة عبدالله فؤاد او مرهون ناصر ويفتونك يا الذيب

ممكن وصف لمكانها التقريبي

[تنومه1]

[B][SIZE="6"]مرهون ناصر
المنطقة الشرقية - الخبر :(المكتب الرئيسي)
http://www.marhoonauctioneers.com/index-ar.htm
==================
عبدالله فؤاد
طريق الدمام الخبر جوار شركة فورد
http://www.afauction.net/index.php?option=com_content&view=article&id=58&Itemid=78
ولهم فروع في الرياض والغربيه

[ali003]

الله يوفق الجميع

[الثبيتي2]

الله يعطيك الف عافيه ياعسل

[sgl2002]

غدا مزاد الدفاع المدني بمقرهم بالشفا طريق ديراب - حي الحزم

[تنومه1]

جزاك الله كل خير يا sgl2002

[تكانة]

أخوي sgl2002

وين مكانه بالضبط ؟

ياليت تكتب الوصف

[هيتاشي]

جزاك الله خير على التنبيه وحب الخير

[تويوتا 2010]

السلام عليكم

على ذمة الراوي

مزاد في شهر 6 هجري

في أسكان القوات البحرية / الرياض / طريق الخرج

كميات من التالف والرجيع ( أجهزة منزلية + بطاريات + أغراض مكتبية + اجهزة كهربائية .... والكثير) لاتوجد سيارات

لاتنسونا من الدعاء

بارك الله فيكم

عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

موفقين بأذن الله

[الاشهب1]

الشرق الاوسط الي على طريق الدمام. ،عن خبرة سابقة فيه نصب اكلت لي فيه مقلب اما المزادات الحكومية ان كانها مفتوحة لكل الناس وهذاقليل قبل تصفية السيارات النظيفة والي فيها مكسب واضح انصح بها والله الموفق

[تنومه1]

عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

اشكر الجميع على التفاعل والله يختار الخيره الطيبه لنا ولكم .

[faisal98]

السلام عليكم ورحمة الله وبركاته

اخواني حبيت استفسر اذا احد عنده خبر عن مزادات قريبه يفيدنا فيها جزاكم الله خير

[تنومه1]

مزاد الهويش يوم الخميس الموافق 1434/5/23هـ
الموقع السلي جنوب مزاد الفوزان والعقل
المزاد على اكثر من 80 جيب كبسوله تويوتا وعدد من الجيوب والسيارات
================================
مزاد في القصيم ناسي الاسم بالضبط ولكن الموقع بجانب كبري الغماس
يبدأ يوم الاربعاء 1434/5/22هـ
العصر
المزاد منوع

والله يوفق الجميع

[faisal98]

جزاك الله خير اخوي تنومه1 والله يوفقك يارب

[الذيب سرحاني]

تنومه

مزاد الهويش متى هل هو العصر ولا الصباح والشي الثاني سياراتهم وش هي سيارات حكومية ولا شركة ؟

[تنومه1]

مزاد الهويش تقدر تقول 90% سيارات حكوميه
المزاد العصر
وبالنسبه لمزاد القصيم اسمه المركز العربي وبيحرجون بكره على السيارات لانهم اليوم حرجوا فقط على المعدات والمولدات الكهربائيه
والله يوفق الجميع

[تنومه1]

للتوضيح اكثر موقع مزاد الهويش

http://wikimapia.org/#lang=ar&lat=24.642190&lon=46.815531&z=19&m=b

[تنومه1]

الهويش انتهى عصر اليوم

[MUID]

مممممممممممممممممممممممشكور

[ايه احبك]

مشكووووور اخووي تنومة والله يرفع قدرك

[تنومه1]

الله يجزاكم خير جميعاً
وفيه مزادين خلال الاسابيع القادمه اتأكد ان شاء الله من موعدها واعطيكم خبر

[faisal98]

الله يجزاك خير والله يرزقك على قد نيتك يارب

**متابع**

[أبو جراح11]

السلام عليكم
أخوي تويوتا 2010
ياليت تحدد بالضبط تاريخ المزاد الي تقول عنة في شهر 6
أي يوم بالضبط
الله يجزاك خير ويرحم والديك00

[تنومه1]

مزاد شركة الشرق الاوسط بالرياض

ايام : الاحد / الاثنين / الثلاثاء / الاربعاء / الخميس / الجمعة

تاريخ : 4 / 5 / 6 / 7 / 8 / 9 جماد الاخر 1434 هـ

الموافق : 14 / 15 / 16 / 17 / 18 / 19 أبريل 2013

على طريق الدمام بجوار محطة هلا

والله يوفق الجميع

المزاد منوع

[faisal98]

http://www.m5zn.com/newuploads/2013/04/09/png//m5zn_9ab65038cc8a147.png


العنوان :المنطقة الشرقية: الدمام- طريق الدمام بقيق بعد الصناعية الثانية باتجاه بقيق يليها محطة الخالدي للمحروقات بعدها بمسافة 1 كم ساحة المزاد.

الاعلان موجود بجريدة الجزيرة اليوم 28/5/1434هـ

والله يوفق الجميع

[تنومه1]

الله يوفقك يا faisal98

[تويوتا 2010]

السلام عليكم
أخوي تويوتا 2010
ياليت تحدد بالضبط تاريخ المزاد الي تقول عنة في شهر 6
أي يوم بالضبط
الله يجزاك خير ويرحم والديك00

بأذن الله بأحاول أتاكد من التاريخ

وياك وجميع المسلمين

[تنومه1]

مزاد شركة الراجحي للصناعه والتجاره
يوم 1434/6/19هـ
المزاد منوع وفي نفس موقع الشركه بالرياض - السلي

والله يوفق الجميع

[الذيب سرحاني]

مزاد وزارة النقل على 60 سيارة منوعة يوم الأحد تاريخ 1434/6/4 هــ الساعه العاشرة صباحاً

الموقع شرق وزارة التجارة والصناعة عند سكة الحديد

لما تجي الوزارة على يمينك خلك على الخدمة بعد ماينتهي سور الوزاة ادخل يمين تجيك بوابة على اليسار هنا موقع المزاد

لكن ماعندي خبر هل البيع كاش أو بعربون استفسروا قبل تروحون للمزاد


الله يرزق الجميع

[faisal98]

الله يوفقك يا faisal98

الله يوفق الجميع يارب ويرزقنا ويرزقكم الرزق الحلال الطيب المبارك يارب

[P O W E R]

مزاد شركة الشرق الاوسط بالرياض

ايام : الاحد / الاثنين / الثلاثاء / الاربعاء / الخميس / الجمعة

تاريخ : 4 / 5 / 6 / 7 / 8 / 9 جماد الاخر 1434 هـ

الموافق : 14 / 15 / 16 / 17 / 18 / 19 أبريل 2013

على طريق الدمام بجوار محطة هلا

والله يوفق الجميع

المزاد منوع

أخوي هل فيه سيارات ومتى وقت المزاد الله يحفظك

[تنومه1]

نعم فيه سيارات صغيره ووقته بعد صلاة العصر
والله يوفق الجميع

[نآآآصر]

اللي راح لم المزادات يعطينا العلم عن حقات الرياض وش بها مواتر

[faisal98]

الشرقية

http://www.m5zn.com/newuploads/2013/04/23/jpg//15e67e7944f53e1.jpg

الشرقية

http://www.m5zn.com/newuploads/2013/04/23/jpg//d925319c23aa61c.jpg

الرياض

http://www.m5zn.com/newuploads/2013/04/23/jpg//d13a4a1adfda2d5.jpg


ولاتنسوني من دعوه طيبه في ظهر الغيب وفقنا الله واياكم ورزقنا ورزقكم الرزق الحلال المبارك يارب

[تنومه1]

الله يوفقك يا faisal98

[الضرغامي]

جزاك الله خير

[faisal98]

الله يوفقك يا faisal98




الله يوفق الجميع يارب

[faisal98]

جزاك الله خير


الله يجزاك خير اخوي الضرغامي



تنوية : مزاد الراجحي اللي بالرياض 99% منه معدات

والباقي ونيتات وكم سيارة صغيره

والله يوفق الجميع ويرزقنا ويرزقكم الرزق الحلال الطيب المبارك يارب

[faisal98]

الدمام

http://www.m5zn.com/newuploads/2013/04/27/jpg//e4cb234d5f569ed.jpg

[faisal98]

الرياض


http://www.m5zn.com/newuploads/2013/04/27/jpg//ddc4ef1d20d0269.jpg

[ملك الفكتوريا]

http://wikimapia.org/#lat=24.5726685&lon=46.7319102&z=18&l=10&m=s&v=4

مخرج شارع الفريان على الدايري الجنوبي من تحت الكبري باتجاه الجنوب نهاية الشارع حرف T ثم يسار بعد مصانع الحجر على اليسار

ملاحظه :
فيه هاليومين مزاد في الشرقيه لعبدالله فؤاد لكن ما اعرف الموقع بالضبط


والله كريم ويوفق الجميع




يالغالي أنا عرفت مزاد لعبدالله فؤاد صدفه بالدمام :D

والوصف هو


تمشي مع طريق الظهران الجبيل وكأنك رايح للجبيل وقبل طريق الملك سعود وبعد طريق الملك خالد حاول تدخل الخدمة وتمشي بالخدمة لين تجيك محطة بنزين على يمينك على لفة مخرج الملك سعود
قبل المحطة فيه شارع اربعين تقريبا تدخل معه ويصير طريق الجبيل خلفك وتمشي حتى يجيك أول تقاطع وتأخذ يمين تمشي شوي وتلقى المزاد على يسارك



والوصف الثاني تدخل قبل محطة التلفزيون وتمشي حتى يجيك اجباري يسار وتأخذ يسار وتمشي حتى قبل التقاطع تلقى المزاد على يمينك


الزبدة خلف محطة التلفزيون


إن شاء الله يكون الوصف سهل وواضح واللي يبي توضيح زيادة يبشر

[تنومه1]

عشت يا كنج

[faisal98]

يالغالي أنا عرفت مزاد لعبدالله فؤاد صدفه بالدمام :D

والوصف هو


تمشي مع طريق الظهران الجبيل وكأنك رايح للجبيل وقبل طريق الملك سعود وبعد طريق الملك خالد حاول تدخل الخدمة وتمشي بالخدمة لين تجيك محطة بنزين على يمينك على لفة مخرج الملك سعود
قبل المحطة فيه شارع اربعين تقريبا تدخل معه ويصير طريق الجبيل خلفك وتمشي حتى يجيك أول تقاطع وتأخذ يمين تمشي شوي وتلقى المزاد على يسارك



والوصف الثاني تدخل قبل محطة التلفزيون وتمشي حتى يجيك اجباري يسار وتأخذ يسار وتمشي حتى قبل التقاطع تلقى المزاد على يمينك


الزبدة خلف محطة التلفزيون


إن شاء الله يكون الوصف سهل وواضح واللي يبي توضيح زيادة يبشر




هذا اعلان شركة عبدالله فؤاد


http://www.m5zn.com/newuploads/2013/04/28/jpg//08e1a993f0e78b2.jpg

[faisal98]

وهذا اعلان لمزاد الهويش


http://www.m5zn.com/newuploads/2013/04/28/jpg//b4dc75571de395a.jpg

[تنومه1]

مزاد شركة الملتقى ايام 5+6+7 /7/ 1434هـ
منوع ( سيارات صغيره وكبيره +معدات ثقيله +معدات منوعه )
الموقع

http://wikimapia.org/#lat=24.5726685...8&l=10&m=s&v=4

مخرج شارع الفريان على الدايري الجنوبي من تحت الكبري باتجاه الجنوب نهاية الشارع حرف T ثم يسار بعد مصانع الحجر على اليسار
والله يوفق ويرزق الجميع من واسع فضله وعطاءه

[مولع با لصيد]

السلام عليكم بغيت انشد عن مزادات الغربيه لاهنت

[تنومه1]

اذا جاني خبر بنزله بالموقع

[مولع با لصيد]

اذا جاني خبر بنزله بالموقع

يعطيك العافيه وعلى القوه

[f 16]

ماعندكم علم عن مزادات قريبة غير الملتقى

[تنومه1]

الخير جاي بمشيئة الله بس اتأكد من المواعيد

[مولع با لصيد]

الخير جاي بمشيئة الله بس اتأكد من المواعيد
لاهنت اخوي شوفلي مواقع المزادات الحكوميه بالغربيه

[GMC89]

جزاكم الله الف خير والله يبعد عنا الحسد

( حب لاخيك ما تحب لنفسك )

الله يرزق الجمييع

[تنومه1]

مزاد شركة التنادي على موجودات وزارة الدفاع ايام
11+10 /7/ 1434هـ
منوع
الموقع = مجمع الاسكان رقم 1 طريق الخرج
والله يرزق ويوفق الجميع

[GMC89]

اتمنى ان الموضوع يتثبت

[الضرغامي]

أخوي الله يعافيك ممكن وصف مزاد وزارة الدفاع وأي وقت يبكون المزاد

[تنومه1]

الوصف واضح فوق
الوقت بعد صلاة العصر

[تنومه1]

مزاد لشركة الخريف وشركات اخرى بكره الاثنين 1434/8/8هـ - المزاد منوع
طريق الخرج القديم وانت نازل جنوب قبل نفق بترومين على يدك اليسار ساحة التنادي للمزادات العلنية
. أسأل الله ان يوفق الجميع

[تنومه1]

مزاد شركة الراجحي يوم الثلاثاء الموافق 1434/8/16هـ
في موقع شركة الراجحي بالسلي نهاية شارع هارون الرشيد شرق اسكان الجزيره
قلابات بوز - رؤوس تريلات - حديد سكراب - مكيفات - اثاث - بيوت جاهزه (برتبلات ) .
والله يرزق ويوفق الجميع

[faahoodi]

يعطيك العافية

[غازي السهلي]

حسب ماوصلني اليوم الخميس مزاد ببلدية الغاط

ماني متاكد لين اروح اشوف بعيني ماحصلت عنه اي اخبار بالنت

للعلم اللي قريب يتاكد

[غازي السهلي]

تعلن إدارة مستشفى الملك خالد بمحافظة المجمعة


عن إقامة مزاد علني لبيع الرجيع الغير صالح في تمام الساعة التاسعه صباح يوم الأربعاء الموافق 24/8/1434هـ ويكون المزاد في المستشفى خلف المستودعات, وذلك حسب الشروط ألتاليه:-


1- تسديد القيمة مباشره بعد رسو المزاد على المشتري

2- السعي على المشتري نسبة2.5%

3- دفع مبلغ 5000ريال من قبل المشتري.تسلم له بعد اخلاء الموقع

4- إخلاء جميع المواقع من الرجيع في مدة أقصــــــاها أســـــــــبوع

وألا سوف يتم نقل الرجيع على حســـــــــاب المشتري من التأمين

5- المعاينة قبل المزاد بيومين فقط

6- يتم التنسيق مع الموظف/ سعد ألشمري جول رقم( 0563204936)

[غازي السهلي]

مزاد كهرباء الوسطى

يوم الاربعاء 5ذوالقعده 1434

الساعه 8 صباحا

الموقع مستودع المجمعه

كيابل ومحولاات كبيره ومكاءن كهرب ظخمه وغيرها من لوازم الشركه

دمتم بود

[ابولمارالحربي]

سبحان الله وبحمدة سبحان الله العظيم

[غازي السهلي]

مزاد كهرباء الوسطى

يوم الاربعاء 5ذوالقعده 1434

الساعه 8 صباحا

الموقع مستودع المجمعه

كيابل ومحولاات كبيره ومكاءن كهرب ظخمه وغيرها من لوازم الشركه

دمتم بود

الحراج بكره الصباح 8

[تنومه1]

بارك الله فيك يا غازي

[درة العسل]

السلام عليكم ورحمة الله وبركاتة

يوجد مزاد اسبوعي لجمعية البر بغرب الرياض كل يوم سبت بعد صلاة العصر مباشرة وصف الموقع كمايلي:
الرياض ـــ صناعة العاصمة مخرج28 تستمر على طريق الخدمة بأتجاه الجنوب يجيك سوق الهرم على اليمين تروح على طول سيده بعد ثاني محطه ادخل يمين سيده ينحني الخط اجباري يمين تحصل الموقع على يدك اليمين زاوية مع شارع فرعي مستودعات... لاتنسونا من صالح الدعاء ,,,,

[تنومه1]

مزاد الشرق الاوسط على طريق الدمام وانت خارج من الرياض ثاني محطة بنزين اسمها محطة هلا بعدها يمين مباشرة طبعاً المخرج قبل المحطه بنص كيلو تقريباً المزاد يبدأ يوم الثلاثاء الموافق 18/ 11/ 1434هـ بعد صلاة العصر .
معدات ثقيله + سيارات بمختلف الانواع ( مجدد ومفحوص ) + رؤوس تريلات + مواطير كهرب وغيرها كثير .
الله يوفق الجميع للخير والصلاح .

دعواتكم تكفينا

[تنومه1]

دعواتكم تكفينا[/B][/SIZE]

[كم كيلو باقي]

الله يجزاك خير ويكتب اجرك

متى المزاد الله يبارك فيك .. العصر ولا الصبح

[تنومه1]

بعد صلاة العصر

[طعيميس]

متابع
واتمنى من الادارة التثبيت

[تنومه1]

مزاد شركة الربيع السعوديه للاغذيه ( دينات + برادات + ثلاجات +سيارات صغيره + تريلات ).

طريق الخرج القديم وانت نازل جنوب قبل نفق بترومين على يدك اليسار ساحة التنادي للمزادات العلنية
ويبدأ يوم الاثنين 1434/11/24هـ . أسأل الله ان يوفق الجميع .

[asxz]

هل فيه شروط لدخول المزاد

[تنومه1]

بدون شروط ادخل وزاود مع الناس وانتبه لا تشتري شي قيمته اعلى من السوق خارج المزاد

[al.fars]

مشكور اخوي تنومة مزاد الربيع العصر او الصبح مع الشكر

[تنومه1]

بعد صلاة العصر

[درة العسل]

:good: الله يجزاك خير ويشكر سعيك

[المهاجر انا]

كل الامور تحتاج صبر الله يرزق الجميع ويبارك لهم ويجزاك خير

[مولع با لصيد]

السلام عليكم
يامن عين المزادات بالغربيه يعطينا علومها

[راعي عيده]

السلام عليكم..
حبيت أسأل عن وقت حراج المرور على السيارات اللي في الحجز ..
من عنده علم؟

[عربوق]

السلام عليكم ورحمة الله وبركاتة

وين المزادات معاد لكم حس ركوود

[sultan4f]

يالربع فيه مزادات حكومية قريبة بالرياض

[Sa.Sniper]

نفس السؤال .. وجزاكم الله خير .

[ابو-سعدون]

موفقين جميعااااااااااااااااااااااااااااااااااا

[Sa.Sniper]

مزاد

http://img.tapatalk.com/d/13/11/17/e2uhubyq.jpghttp://img.tapatalk.com/d/13/11/17/nu9aruny.jpg

[راعي الرجم]

جزاكم الله خير
مافيه خبر عن مزادات القصيم سيارات

[Abunorh]

الله يجزاكم خير ويكتب اجركم

[zi1398co]

الله يجزاك خير

[مكشاتنا]

مزاد وزارة المالية - الديوان العام

يوم الاثنين - 26/3/1435 - بعد صلاة العصر

الموقع مستودعات الوزارة - شرق و شمال مجمع وزارة المالية

السيارات اغلبها مرسيدس و كابرس

للاستفسار / 4050000 - تحويلة / 6034 - 6140 - 2811

و الله يوفق الجميع

[abu-turki2009]

http://img1.haraj.com.sa/userfiles30/2013-12-04/529f8c410ef0d.jpg

[lowly]

مافيه مزاد بالقصيم قريب يالربع ..

[هايل العتيبي]

السلام عليكمسمعت فيه مزاد الدفاع المدني في جده
على شاحنات وايتات بوز

[ابوقاسم]

مافيه اعلانات جديدة ؟؟؟؟

[تنومه1]

مزاد شركة الملتقى يوم الخميس ٢٦/١١/١٤٣٦ في الرياض معدات ثقيله وبوكلينات وشيولات وروس تريلات وقلابات سكس وعايدي هينو وسيارات صغيره موديلات حديثه وونشات وكرينات ولواري ومواطير كهرباء عدد كبير من المعروض موديلات حديثه - الموقع جنوب العزيزيه حسب الكروكي
http://wikimapia.org/m/#lat=24.5306987&lon=46.812963&z=19&l=0&m=b
والله يوفق الجميع لما فيه الخير والصلاح

[الحربي حاتم]

المزادات في المنطقة الغربية أوقاتها .

[تنومه1]

مزاد شركة الملتقى بالرياض يوم 29/1/1437الموقع جنوب العزيزيه حسب الكروكي
http://wikimapia.org/m/#lat=24.53069...3&z=19&l=0&m=b
والله يوفق الجميع لما فيه الخير والصلاح=================== مزاد الفوزان يوم 29/1/1437 الرياض - السلي حسب الكروكي. http://wikimapia.org/m/#lat=24.6142315&lon=46.8357171&z=19&l=0&m=b