المساعد الشخصي الرقمي

مشاهدة النسخة كاملة : شوركم يالربع....جيب فورتنر 93..ولا لاند كروزر ديزل...عاجل وضروري


mr.salih
15/12/2012, 02:52 PM
عليكم ورحمة الله وبركاته

يالربع اليوم نزلت المعارض ادور جيب على قد قريشاتي
المهم حصلت ثلاث

الاول جيب فورتنر موديل 93

ابي معلومات عنه هل قطعه مثل الهايلكس وميف عزمه بعد فصل الدبل وكيف تحمله
صراحه الموتر عجبني اذا كان قطعه مثل قطع الهلي ...الرجال طالب فيه 17

الثاني تويوتا لاند كروزر 90 نظييف طالب فيه 22

الثالث لاند كروزر 92 ديزل طالب فيه 30
بس خوفي من الديزل لاخربت مكينته اقعد بها ولا القطع لان الديزل غير منتشر


الشاهد شوركم تكفون انا داخل مزاجي الفورتنر لاني ابي جيب صغير ورخيص بس مدري عن قطعه وخراباته
ولاني طالب فلوسي على قدي اخاف اخذ جيب ثم اتورط بقطعه
وللعلم ابيه استخدام يومي جامعه وبر مهو طعوس لا ديره وخط.....وجميع الجيوب الي تم ذكرها نظيفه.
زمهلاوي
15/12/2012, 03:20 PM
خذ الفور شنر وابعد عن الديزل والله يوفقك
mr.salih
15/12/2012, 05:16 PM
بس كيف قطعه وعزمه...
mr.salih
15/12/2012, 07:06 PM
يالربع ابي الشور لاني ناوي الشراء خلال الاسبوع ذا باذن الله.

على فكرة الديزل ماشي 290...وسقته امس وماشاء الله طيب بس صوت المكينة مشكلة...لكن تهون لان اسعار الجيوب طايره...بس كل من سالت يقول انحش عن الديزل لان محد يعرف له ولا خرب أتورط فيه ومدري ايش مع العلم إن أحد الشباب اشترى ابوه جيب 97 ديزل وماشاء الله كل اسبوع فديره..

والجيب ال90..الأكثر يقول بطه ماينفع بريال.....والفوتشنر موديل 93...نادر اشوفه واخاف اتورط فيه...الشور قبل لايطيح الفاس فالراس......ولان جالس افكر بالبرادو موديل 2000 وتحت بس مدري كم اسعاره.
التمسساح
15/12/2012, 08:06 PM
خذ الصالون ال ٩٠ ولو ان عزمه عزم بطه بس انه افضل من الديزل وافضل من ألفورتشنر
mr.salih
15/12/2012, 08:18 PM
^^
الله يعطيك العافيه ورأي طيب.

تو دق علي خويي وقال حصلت لك باترول 90 بابين مرشوش لانه كان حكومي بس نظظظظظيف يبي فيه 16

مع اني بحاول ابتعد عن النيسان بسبب حرارته مع اني ماقد سقت سيارة من نيسان!
البديع 828
16/12/2012, 12:22 PM
اذا عندك سيارة غيرها للعائلة...
خذ الفورشنر ٩٢ وقيمته جداً رخيص واتركها للبر والمكاشيت
البديع 828
16/12/2012, 12:24 PM
النيسان ابعد عنه اذا مهربد

ياكلك اكل...

لاتضرب الأريا وتشتت روحك
الفورشنر مناسب جداً وراح تدلعه بقطع الغيار لانه تويوتا القديم اللي على اصوله
Salamah.y
16/12/2012, 12:43 PM
من الخيارات المطروحه , افضلهن اللاند التسعين
صح انه ماهو هذاك القوة , من ناحية سرعة و طعوس
و لكنه يعجبك من ناحية قوة تحمل , دفرنساته و قيره و دبله ماعليهن كلام
كذلك سعره طيب جداً جداً , اذا كان نظيف , وهو افضل من الفور رنر
قطعه كله متوفره , سواء اصلي او تجاري او تشليح ~
و منظره ممتاز , اذا كان البدي نظيف , و سالم من الصدوم !!

,

توكل على الله و افحصه , اذا هو سالم من العلل خذه
و عسى الله يبارك لك بمالك @~
خبايا انسان
16/12/2012, 02:36 PM
اخي الكريم ,, بالنسبه للنيسان , انا مجرب ومستخدمة لمدة سنتين موديل 93 , لم اعاني من مشاكل حرارة ولله الحمد ولا مشاكل بالمكينه ولا القير ولا الدفرنسات لانها نظيفه ولله الحمد ,, اذا كانت نظيفة بتمشيك وزود ,,

لاكن الحق ينقال الهربده فيه شي يرفع الضغط والاصوارت وقربعه الديكورات ,, لاكن علاجها تربيط النويصر او ابن مرضاح او اي ورشة تربيط متخصصة ,, وانا من خذيته الى الان ماربطته ماغير اكرفه ف البران ,,

لاكن 30 الف بتجيب لك نيسان نظيف ومربط ومجهز للبر وباذن الله بيعجبك