فزعتكم يا شباب لا ظروره

[محمد الضويحي]

السلام عليكم ورحمة الله وبركاته
يا شباب انا شفتلي صوره لروضة ملتقى المقانيص مع خط المنشرحه
بالصمان وبغيت أطلع لها الا يعرف أحداثيتها يفزعلي وأبي اطلعلها من الخفجي منين اروح لها ؟؟




وشكراً لكم ...

[محمد الضويحي]

يااااا عررب وينكم بوه

[East]

يامحمد مسيت بالخير يالشاعر اللي تشتغل في الإمارة

خط المنشرحه يبدأ من اللصافة لين يوصلك ل جغبقا والمنشرحه

ودرب المقانيص يادافع البلا يبدأ من حول الدهنا و يمر على فياض كثيره بالحيل من ضمنهن الحصبيات

يقاطعن حول جغبقا

واحسن واريح طريق اطلع من الخفجي الى طريق النعيريه حفر الباطن واتجه كأنك تبي الحفر وقبل الصداوي بشوي يجيك مفرق يقولك القاعده اطلع مع الخط لين يجيك قبل كبري القاعده ب 45 كم مفرق مناخ على اليسار اطلع لمناخ وبعده للحصبيات ومن ثم الى جغبقا وعنه شرق التقاطع المشهور وبه تفريعات يتقاطعن عند جغبقا

هذا الطريق اغلبه اسفلت

تبي دربن طويل رح للصافه او اللهابه واقطع الصمان الى جغبقا

اللصافه ( اتجه من الخفجي الى النعيريه بعدها اتجه للحفر وادخل مع مفرق القريه العليا بعدها اتجه الى الرفيعه ومن ثم فوق تحت باتجاه الشمال تجيك اللهابه ومن بعدها اللصافه على يسارك ( فيه لوحات ))

ولا من طريق السفانية الى معرج السوبان بعدها باتجاه الجنوب حتى تجي اللصافه على يمينك وبعدها اللهابه


قبل توصل جغبقا تجيك فياض سدر هذه اللي انت تبي

ملاحظة // تراها مسافات داخل الصمان و تحتاج جارمن ان كنت ماتعرف الدروب الرسمية مثلي :good:

[محمد الضويحي]

يعطيك الف عافيه اخوي وبيض الله وجهك

[East]

يعطيك الف عافيه اخوي وبيض الله وجهك

ووجهك

على فكره يالغالي

انا رحت هناك الاسبوع الفائت

الربيع مايشجع

كم فيضة والربيع بسيط

تبي الأفضل رح لجنوب الصمان وشرقه افضل