تكفون شاص نيسان ولا شاص تويوتا

[khalaa2u]

السلام عليكم ابغى من اهل الخبره يفيدوني بالمميزات والعيوب لكل نوع وبعدين تنصحوني بايهم لاتخلوني تكفون وكم سعر الشاص النيسان بالرياض لأنه ماينزل بالشرقيه عندنا :confused: :confused: وتسلمون

[شبح الصحراء]

والله انا ما عندي خبرة بالموضوع ولكن حسب ما سمعت من بعض ربعي ان الشاص النيسان مريح مرة مقارنة بالشاص التويوتا وكل الناس تشتكي من مطناج الشاص التويوتا بس اكثر الناس تمدح الشاص التويوتا لأنه على كلامهم ما يتهرقل ومتين وقليلة مشاكله وقطع غياره ارخص من النيسان . واترك الموضوع لخبراء الشيصان أكيد يفيدونك اكثر .

[غالي]

مالي خبره كافيه
لكن بدون منازع الشاص التويوتا وانت مغمض
مكينه اقوى
حديد اقوى
سعر مابعد البيع مايطيح
شكل احلى ورزه ان ضبطت فيه شيء قليل يكفي جنوط وكفرات بس
بدون منازع تويوتا والي اخبر ان سعره فوق المية الف
والله اعلم

[بن فيصل]

ماعندي خبره كافيه ولكن قاعده عامه تويوتا وبس

[طيرالنوى]

السلام عليكم ياخوي الكريم
اولا الشاص التايوتا بلا منازع مافيه كلام والنيسان حلو ولأخ العزيز الي يقول مطب التايوتا اقشر كلهن المطب واحد وكلهن ياي قدام ورى سست وبعدين التايوتا عزمه ومحركاته افضل من النيسان في التحمل والجور وبعدين يدلك علي السلعه اثمانه .....علي فكرة ترى موتري نيسان

[الدبل الثقيل]

شاص تويوتا بدون منازع قوه وجوده وصلابه وكشخه ويرد قيمه عند بيعه .

[عاشق ربـع]

انا من ناحيتي اخذ الشاص التايوتا وانا مغمض ياخي يكفيك الشكل

قل ربع نيسان اما شاص نيسان ماش مهب ماشية

و الفرق بينهن مثل الفرق بين الربع التايوت والربع النيسان

والله يوفقك

[الاتصال السريع]

ليس هناك وجه للمقارنه

كمن يقارن الصقر بالحداه

طبعا الشاص

[أبو أسامة]

السلام عليكم ورحمة الله وبركاته

أخي الكريم :

شاهدت موضوعك بالأمس ........... لكن لم أكن أريد أن أدر حتى يردوا الشباب .........

وبعد أن ردوا سأقول مالدي ......... بالنسبه للقوه سلملي على النيسان أقوى مكينه ومحركات من شاص التايوتا........ شاص التايوتا مكينته 220حصان ....... بينما شاص النيسان 230 حصان ............
شاص التايوتا أقوى بدي من شاص النيسان ...........
بالنسبه للسعه شاص النيسان أوسع حوض وغماره ......
بالنسبه لتماسك السعر فجميع السيارت تطيح أقيامها لكن التايوتا تطيح أقل من بقية السيارات .......... لا تتكلموا أن التايوتا تمسك قيمتها مثل الشريطيه ........ رح شف شاص التايوتا فل أوبشن تلقاه على 112 ألف وطلع له الوحات ونزله المعارض صدقني ماراح يجيبلك 105 ألآف....... والتايوتا ما يطول إذا بغيت تبيعه لأن له زباين واجد ......
شاص النيسان الفل كامل قيمته تاصل 98 ألف ويوجد به ثلاجه ودركسون هواء وبعض الأشياء الإضافيه التي لست متأكد منها ..... لكنه محدود جداً فخلال هذا العام لم يحضر الوكيل منه إلا حوالي 2 في الرياض كما أظن ......
لكن المنتشر أو الذي يجلبه الوكيل .......... نوعين أما ستاندر بتانكي أو تانكيين ........ أو جي إل بتانكي أو تانكيين والجي إل يكون الدركسون هواء والقزاز أتوماتيك ...... لكن مايجي ثلاجه ..... وهذا قيمته وكاله 89 ألف.......
وإذا طلعت له لوحات ثم نزلته المعارض ماراح يجبلك إلا حوالي مابين 76 إلى 80 ألف ريال........ على حسب أنت مستعجل بالبيعه وإلا ماعليك .......

أما المطب فمطب شاص النيسان أفضل والأخ العزيز طير النوى يقول كلها من قدام ياي ومن ورى سست ..... صح كلامك لكن الددسن ماهي نفس نظام التعليق بالنسبه للهيلكس ...... لكن الددسن أريح مطب ........ والباترول والاند كروزر كلهن يايات قدام ورى لكن الباترول أفضل مطب ..........

قطع الغيار شاص التايوتا أرخص ......... لكن ماهو هاك الرخص الزايد.............

والصرفيه وحده ........ وأسئلوا اللي جرب الأثنين ........ لكن شرط يكون البترول من موديل 2004 وجاي لأنه بخاخ ماقبل 2004 فهو كربريتر ....... وشاص التايوتا من مديل 2000 وجاي لأنه بخاخ ......... ما قبل ال2000 فهو كربريتر .....
لكن إذا تبي تقارن بينهم وهم كلهم كربريتر فأكيد شاص التايوتا أفضل صرفيه .....

بالنسبه للشكل أفضل شاص التايوتا على شاص النيسان .........

...... لكن أنا عني لو أبي أخذ ما أخذت إلا شاص التايوتا ........... لأن الفلوس تهمني .......... ولو أنت شبعان ولا همتك الفلوس خذ النيسان .........

والله يوفقك لما يحبه ويرضاه .................

والسلام عليكم ورحمة الله وبركاته

[برنس777]

أخوي صاحب الموضوع السلام عليكم ورحمة الله وبركاته والسلام موصول لباقي الشباب :
الحقيق أني أضع يدي مع يد أبو أسامه وزياده على كلام أخونا أنه يكفي من سلبيات الشاص فرط كارونه مع الصرفيه الزايدة يعني من القصيم إلى الرياض بسرعة 130 كيلو يروح عليك 90 لتر والعزم حليل ما عليه ( لمعلوميه تراي مستخدم الشاص البانزين 3 سنين والنهايه شرية ونيت 2006 قطع خمس وعشرين مصفح مليت من المطبات والصرفيه والعزم الضعيف ) والسلام ختام

[khalaa2u]

الله لايهينكم جميع ولاكن اللي كلامه اكثر منطقيه اللي هو اخوي أبو اسامه وانا اخر شي افكر فيه البيع لأن الاخوان الشريطيه حتى افضل سيارات العالم يدمرون سعرها في سبيل مربحهم والله يوفق الجميع لما فيه خير وصالح

[العقرب2006]

أنا ملي خبره
ولاكن أضم صوتي مع صوت
الشباب
شاص تيوتا
والسلام 0

[GMC79]

النيسان يجي بمكينة فتك 4800وبقوة280حصان لايعلى عليه

والتايوتا شد ومد

[مكحل الحنشان]

نيسسسسسسسسسسسسسسسسان

[طيرالنوى]

السلام عليكم
اولا يااخوان المسئله مجرد راي وكل واحد يذكر ماواجه من زين وشين انا مجرب الاثنين طبعن النيسان ماهو شاص لاكن الشي
كيف وقناعه وكل واحد له وجهت نظر والعفو علي الاطاله

يامقفا الجمس يامقفا الظرنطه تارغ متورغ علي البلاطي ....جيب لاندكروز يامن شفت خطه رسم ياباني كثر فيه الشخاطي

[abdoallah]

الشاص نيسان اوسع اقوى ازيح توكل على الله ولاتتردد انا عندى شاص 2006 ديزل :) بس ترا مهوب جيدعند الصقوط

[&**البتار**&]

أنا مؤيد لكلام أخونا أبو اسامة شاص نيسان أريح وأقوى من التايوتا لكن عندي اضافة ان النيسان أرسى من التويوتا ولاتصدق اللي يقول ان النيسان يتهرقل بسرعه السيارة على راعيها بس اهم شي لايكثر السواقين لأن لا كثر السواقين أعز السيارة وش ما كانت والدليل على كلامي أكثر جيوب راعين القنص والحماية نيسان مختلفة مابين الربوع والشواصي والصوالين وعلى فكرة ترى موتري تويوتا لكن جربت النيسان
المعذرة على الإطالة

[القناص بالشاص]

الشاصي toyota وبسسسسسسسسسسسسسسسسسسسسسسسسسسسسسسسسسسسسسسسس
لك وللزمن وماسك سعرة0000((يعني شيك))))00000
والامر راجع لك