تعديل على المكينه

[السناعيس .f16]

السلام عليكم ورحمة الله وبركاته
يا اخوان

انا قدر الله وخبطت المكينه علي هايلوكس دبل2012
رحت ابي اسوي له توضيب قالي المكانيكي لازم
نوسع او نخرط البساتم لمقاس 10 فلذاك يا اخوان حبيت اسال هل اذا حطيت مقاس 10يضر المكينه مثل صرفيت ازيت او بنزين او غيره
فا ابي ردودكم يا اخوان الله لا يهينكم

[x.ls1.x]

لا ماعليه خلاف بس جبلهم شنبر للمقاس نفسه ,, واحرص على الاصلي

[راعي الركيات]

لا مايضر ان شاء الله

[راعي المسرى]

الله يعوضك خير ويستر عليك ويرزقك اللي فيه الخير

لكن 2012 ويحتاج توضيب ... عين ما ذكرت الله

[سيف وقلم]

2012 , ومخبط , شف حاول مع الضمان لعل وعسى.

[السناعيس .f16]

الضمان ماينفع

يا اخوان وين و كيف احصل الشنبر الاصلي
هل يتغير في عزم السياره

و الافضل مقاس الشنبر 10 او 20

[كبسولة2]

التوضيب هو إعادة تجديد المكينة

المكينة شد البلد السلندر فيها ستاندر 0

بعد التوضيبة على حسب الضرر الاحق له ممكن تنخرط 10

التوضيبه الثانية تنخرط 20

الثالثة 40

الرابعة 60

الخامسة تسقط قمصان وتبدأ من 0 من جديد

كل ماتم توسيع السلندر زادت غرفة الاحتراق وتزيد الصرفية للبنزين

[السناعيس .f16]

طيب اخوى يزيد عزم قوة السياره

[التعـ King ـديل]

بيفرق عندك العزم شوي والصرفيه شي بسيط مايذكر

لان مواتر الحكومه وخاصه سيارات الطرد تنخرط 100 علشان كذا تشوف عزمها مجنون بس تشرب بنزين كثير

والدليل شوف الطراد الباجيرو المخروط 100 يجيب المكسيما بالطرد واللومينا اس اس القير العادي زي الحلاوة

[الصقر الاشقر]

اول شي الحمدلله على كل شي
لكن وش المشكله الي خلت الموتر يخبط معك
لان معي اخوه

[السناعيس .f16]

اول شي الحمدلله على كل شي
لكن وش المشكله الي خلت الموتر يخبط معك
لان معي اخوه
اخوى مريت انا ورش مكانيكا
يقولون
ممكن المكينه داخله تراب 40%100
او
المكينه صار فيهاء نقص زيت60%100
اكثر الورش قال نقص
والله اعلم

[السناعيس .f16]

بيض الله وجهيكم يارجال على الردود

[عاشق مطر 2]

نصيحه لتوضب رح لتشليح ودورلك هيلكس 2012او2011وخذ مكينته

[وجعين]

نصيحه لتوضب رح لتشليح ودورلك هيلكس 2012او2011وخذ مكينته

والله رايي من راي اخوي دورلك مكينة بتشليح احسن لك من التوضيب وغثاة وتوقع الفرق بسيط ويمكن يطلع ارخص من التوضيب لو تلقالك 2009 او2010المكينه نفسه (ياولد عمي)

[مخطور]

السلام عليكم ورحمة الله وبركاته

اذا انت ناوي تستخدم وعندك نيه تغير المكينة

انا عندي اقتراح ليش ماتركب له مكينة فورتشنر 6 سلندر

بيكون اقوى ويعيش معك ولا ترجع لك نفس المشكلة الاولة

واسئل اهل التعديل وش يحتاج بالنسبه للقير يتغير ولا يركب الي عندك وهل يتحمل

وتقبل تحياتي

[السناعيس .f16]

اول شي المكينه لو اشتريه من التشليح غاليه بلحيل
حقت الفورتشنر غاليه مراء بعدين اذا ركبته لازم ممكن اغير القير و الدفرنس

وممكن اخذ مكينه تبي تخبط
انا فكرت في 2j
والى كاتبه ربك يبي يصير

[هلي ديزل]

طيب اخوي وش سبب التخبيط؟
هل مشيت عليها بدون زيت او ارتفعت الحرارة؟
لان فيه زيها 2006 تفجر ليل نهار وماشية ماشاء الله

[جي تي]

تقصد من يا هلي ديزل:D


والله شف اخوي مقاس 10 مافيه مشاكل لاكن من بيشتغلك لازم يكون الشغل مظبوط لان توضيب مكينه وخرط البساتم مهب سهله وبخصوص الصرفيه بتزيد عليك شوي هي والزيت لان البساتم صارت تاخذ اكثر بنزين وهواء وكهرب وبتوفيق

[هلي ديزل]

هاه؟!كييف؟ :) وااحد من الربع. :)

[abo naser 1]

السلام عليكم

أخوي دامة ما صبر وهو جديد وشد المصنع أجل وش ترجي با التوضيب اخوي المحركات الجديدة الألمنيوم صعب توضيبها لدينا لعدة اسباب فلذلك انصحك تأخذ تشليح واشوف بالقصيم متوفرة البلد لأنهم يفكونها ويركبون لكزس jz2 ولا تتوقع ان الترهيم يبي يصبر أكثر من البلد وخصوصاً اذا هي سيارتك الرسمية

[أبوأسامه...]

السلام عليكم ورحمة الله وبركاته



اذا انت ناوي تستخدم وعندك نيه تغير المكينة


انا عندي اقتراح ليش ماتركب له مكينة فورتشنر 6 سلندر


بيكون اقوى ويعيش معك ولا ترجع لك نفس المشكلة الاولة


واسئل اهل التعديل وش يحتاج

بالنسبه للقير يتغير ولا يركب الي عندك وهل يتحمل


وتقبل تحياتي





بدووون ترهيم تركب مباشر ممكن التعديل بالكراسي بس


اا الي تركب مع ترهيم كمبيوتر النافارا يركبون مكينة حقت اكسيرا

[جي تي]

كلام اخوي مخطور ازين حل تركب مكينة فورتشنر والشغله سهله ولا يبيلها ترهيم

اولا- الورشة الممتازه هي ورشة ابو وليد الصمعاني في القصيم لانه قد ركب على كذا هايلوكس قبل

ثانيا- دورلك فورتشنر مقلوب في التشاليح وخذ منه ( مكينة وظفيره و كمبيوتر والقير ) ((وممكن القير ما تحتاجه لان قير الهايلوكس يتحمل الى 700 حصان تقريبا )) والتعديل الي بيجي ترهيم او تعديل خفيف في كراسي القير والمكينه بس اما الباقي شد بلد واذا تبي تتأكد افتح الكتلوج بتشوف 4 مكاين للهايلوكس

1- المكينه المعروفه 2700 سي سي
2- مكينة 2000 سي سي
3- مكينة الديزل وتجي 2500 وتجي 3000 على ما اذكر
4- ومكينة 4000 سي سي نفس حقت الفورتشنر

والتكلفه بحدود 25 الف تقريبا ماني متأكد مره لاكن الموتر بيطلع خرافي

[PATHFINDER 4]

اللي مخليني اايد كلام الاخوان عن مكينة الفورتشنر هو موترك دبل
لو دفرنس افضل شئ لك مكينة تو جي لكن دبل ومكينة فورتشنر عز الله بيطلع كلام

لو تفكر فيها من ناحية دراهم وتكلفة صحيح التوجي ارخص (8000-10000)
بس ماتدري عن المكينة ووممكن كل شوي طامر للورش

اذا كنت راعي بران وماتبي مشاكل تغثك دور لك مكينة فورتشنر من موديلات 2006 و 2007 وبتحصل شئ نظيف ورخيص موفق

[هاوي الامريكي]

والله شي عجيب تويتا 2012 يخبط مكينه !!! والسبب دخول تراب للمكينه او نقص !!! عجيب امرك يالتويتا الوكاد من رأيي تاخد مكينه 2012 دبل وتركبها وتريح راسك من التوضيب بالتوفيق والسداد

[حسن الجنوب]

السلام عليكم ورحمة الله وبركاته

اذا انت ناوي تستخدم وعندك نيه تغير المكينة

انا عندي اقتراح ليش ماتركب له مكينة فورتشنر 6 سلندر

بيكون اقوى ويعيش معك ولا ترجع لك نفس المشكلة الاولة

واسئل اهل التعديل وش يحتاج بالنسبه للقير يتغير ولا يركب الي عندك وهل يتحمل

وتقبل تحياتي


انا اعرف واحد غير مكينة من 4 الى 6 تدري كم كلفة فوق 10ألاف لانة غير قير وغير اشياء ثانية انا افضل انكـ تأخذ من التشليح نفس المكينة او التوضيب وتحيآآتي للجميع