ابحث عن ورشة تجدد بوية الباترول

[خبايا انسان]

بسم الله الرحمن الرحيم ,,

السلام عليكم ورحمة الله وبركاتة ,,


يا اخوان مريت اليوم ورشة ابو تركي ف الرياض بحي الشفاء ,, وسالتهم عن تجديد بوية موتري الباترول موديل 93 وقالوا لي ب 6000 الاف ريال !! :(

اجل القطع كم بتكلف ؟ ؟


عموما البدي سليم من الصدوم ولا فيه شغل سمكره فقط حرق البويه القديمه ورش بويه جديده ,,

هل احصل ورشة شغلهم ممتاز ومايتجاوز السعر 3000 ريال بالكثير ؟

افيدوني جزاكم الله خير

[خبايا انسان]

للرفع رفع الله مقداركم

[hail_ksa]

أنا دخلت سفاري 95 باب للتجديد بورشه بحايل
لونين أحمر/ذهبي بوية وكالة أصلي + فرن + لون أسود مطفي للشاص والرفارف من داخل
كلف علي 3300 ريال .. مدة الشغل 20 يوم
والربلات والزعانف ووووو يبلها بحدود 1500 إلى 2000


أشوف 6000 مبالغ فيه + سعر القطع
إذا بيكلف كثير بعه وخذ لك انظف منه بالفرق
أما إذا بيكلف من الـ 5000 وتحت مع القطع وموتر تعرف إن ماهي خساره عليه فتوكل على الله واشتغل فيه وجدده ..

[عقووول]

ابشر بسعدك واذا انت من الرياض اتصل علي وادلك على ورشة ترش بوية ورخيصة وبويتهم حلوة

وانا راش سيارتي عندهم بسعر اقل من 3000 ريال وفرن وارسلي رقمك على الخاص

[ابوهَوس]

اهم شي يخوي لاتحرق البويه القديمه، خلهم يصنفرون الموتر ويرشون عليه

انا قد رشيت باترول حرق بـ5500 وبعد سنه ونص طلع الحديد ؟!! ورجعت ورشيته مرره ثانيه

والله يوفقك..

[التعـ King ـديل]

اذا البدي نظيف بس البويه فيها مشكله رش بويه فقط مع صنفره البدي

بالامارات يجددون لك البويه بحدود 2500 - 3000 حسب الصنفره والتعديل

[ربع نيسان91]

ابو تركي غالي بس شغله ممتاز

[خبايا انسان]

يا اخوان الموتر كان حكومي .. وتعرفون رشة الحكومه اي كلام .. ف وش الافضل حرق ولا بدون حرق

[d.27]

اخوي خبايا
السياره تحتاح لحرق بويه اذا كان فيها معجون واجد
اما موترك اذا ما فيه معجون ما يحتاج حرق
صنفره واساس وبويه ...حتى لو انك بتغير لون السياره

[عقووول]

اخوي مدري وش فيك ما ارسلت رقمك

على العموم انا ما اعرف رقم الورشة والوصف صعب كان بدق عليك وبروح معك على سيارتي وانت

على سيارتك لين اوقفك عنده وخليه يخصملك وسعره الاتوقع 2200 او 2500

[خبايا انسان]

اخوي مدري وش فيك ما ارسلت رقمك

على العموم انا ما اعرف رقم الورشة والوصف صعب كان بدق عليك وبروح معك على سيارتي وانت

على سيارتك لين اوقفك عنده وخليه يخصملك وسعره الاتوقع 2200 او 2500
المعذره يا اخي الكريم ,, يوم اني ارسلت المشاركة السابقه كنت داخل من الجوال , وصلك الرقم على الخاص

[خبايا انسان]

يا اخوان رسيت على اني اسوي صنفره للبدي بدال الحرق ,, ومازال البحث عن الورشة الممتازة ,, ويفضل لو احصل بصناعيه حي الشفاء بالرياض لقربها من منزلي ,, شاكر ومقدر لكم

[عقووول]

ابشر اخوي وبدق عليك العصر

[حسين2002]

كثر الله من أمثالك
أخوي / عقوول
والله ييسر أموررك

[الوصالي سامي]

السلام عليكم اخوي عقوول وين موقعها الورشه ذي لا هنت