سوزو تيربو دبل

[السمح]

إخواني .. حياكم الله ..
الحقيقة أنا داخل مزاجي السوزو الغمارتين تيربو ديزل دبل ، وهو يجي فل كامل وعادي لكن الفل منظره وشكله رائع من الداخل والخارج ، ويجي بقوة 100 حصان تيربو .. سألت عنه عند الوكيل وطلبت تجريبه ولكنهم مع الأسف ما عندهم شي للتجريب .. وهذا شي غريب فعلاً :confused:
فقلت ما لي إلا ربعي يعلموني عن علومه .. أبي أعرف وشلون عزمه وقومته والدبل .. وأي معلومة تخص هذا النوع .. عسى الله يخليكم ..

[القماري]

مشرفنا وأستاذنا الغالي السمح يمسيك بالخير والعافية.
ودي وبخاطري أروح وكالة السوزو وأشتري سيارة السوزو الغمارتين تيربو ديزل دبل وأجربها وأعطيك كل علومها (خيرها وشرها) وأبيعها على طول....:D
عيوني السمح أسمح لخوك القماري في ذي المسألة ترى ماعندي علم عن ذي السيارة إلي ودك فيها
لكن وكالة هذى أولها ينعاف تاليها (رجال مثل السمح وده يجرب مايخلونه ... وش ذا البخل والإحتكار ) ترى السوزو سيارة جيده بالحيل بس عيبها الوكيل إلي مايعرف قدر السيارة ومحتكرها وحارم السوق من قطع غيارها .
إن شاء الله الشباب يفيدوك أكثر والسموحة

[السمح]

والله ما قصرت أخوي القماري .. وياليتك الوكيل أو إن الوكيل مثلك .. ;)
كان يمكن هالحين السيارة بالبايكة .. :p
على كل حال كثر خيرك على القراءة والرد ..
وبانتظار خبر عن هالسيارة .. معقولة ما فيه أحد من الأعضاء يعرف عنها شي .. :mad:

[ابو الريم]

الاخ العزيز السمح ....... حياك الله


بالنسبة للسيارة الذي سألت عنها حقيقة مرت علي ولكنها كانت فيها مشكلة في المكينة ....... وصاحبها مبسوط عليها ....... بس فيها امور يجب ان تضعها في الحسبان ....

اولا انسى موضوع العزم ...... فالعزم ضعيف نسبيا في محركات البنزين في هذا النوع من السيارات فما بالك بالديزل ....... الامر الثاني نفس وكالة اسوزو ليست تلك الجودة التي تستطيع الاعتماد عليها عالميا فهي ملك لوكالة جنرال موترز الامريكية وتقنياتها منها ولذلك تكاد تكون من اسوء الشركات اليابانية واقلها مبيعا بعكس مستوبيشي وتويوتا ونيسان وسوباروا ...... الامر الاخير الوكيييييييييييييييل .. وما ادراك ما الوكيل يكرهك السيارة وشوفتها ...... وكيل اسوزو يا السمح تعبان وضعيف وهو شوفة عينك ...... فأنت قبل ما تسأله هل عندك سيارة تجربة اسأله اذا عنده السيارة اصلا ;) ;) ومشكلته الرئيسية هي قطع الغيار ....... فأسعارها غالية ( وبأمكانك ان تجدها ارخص في دول الخليج ولكنه جشع الوكيل غير المبرر ) فضلا عدم توفرها عنده ...


اتمنى ان اكون افدك بما عندي وهنا انا ذكرت السلبيات فقط ولكن الايجابيات تستطيع ان تراها بنفسك وانا اقترح انك تزيدها شوي وتوصل للدتسن ولا الهايلوكس وريح بالك :cool: :cool:


تحياتي ابو الريم ,,,,

[الشبارم]

اخي السمح السلام عليكم و كل عام انت بخير

من ما قراة من الاخوة عن الاسوزو , ان كانك تبي ديزل اقترح عليك تشوف المتسوبيشى غمارتين
الصراحه ما عندي اي معلومه عنه بس اشوفه في الشارع و شكله زين.

اخوك

الشبـــــــــــــــارم:cool:

[العـــــطاف]

فيه مشكله ملحوضه بالسوزو وهي اذت واحد من الشباب وخلته يبيع سيارته بخساره خياليه لموتر جديد . الى وهي انها طامنه (اي الموتر قريب من الارض) , ما يصلح حق مطامر ومناقز :D :D ماغير يحك بلجروف والقشع .
هذا الي افادن به خويي صاحب الموتر .:p

[السمح]

ابو الريم :
ما قصرت وكلامك على العين .. بس معظم النقاط السلبية التي أوردتها كانت عن الوكيل .. هذا من ناحية والناحية الثانية أنا أسأل عن ديزل وأنت وجهتني للسيارات البنزين ( الدتسن والهايلكس ) وعلى حد علمي القاصر إنه ما يوجد ديزل تيربو دتسن أو بنزين .. وبعدين ترى شركة سوزو حسب موقعهم في النت يقولون إنهم رواد صناعة مكائن الديزل في العالم ... تحراهم صادقين أو ما عندهم سنع .. فائدة جيدة في كلامك أخوي ابو الريم وهي غلاء قطع الغيار .. أشكرك يابعدي على التجاوب وهذه المعلومات ..

==============

الشبارم :
مشكور على المشاركة والنصيحة .. والحقيقة إني يجب أن أقارنها بالمتسوبيشي لأنها الوحيدة من بين هذه الفئة التي تجي بالمواصفات اللي أنا أبي .. عشت وما قصرت يالغالي ..

===============

العـــــطاف :
هلا بك وغلا .. صادق أنا أشوف السوزو العادي شكله واطي وخاصة من الأمام ، ولكن السيارة اللي أنا أسأل عنها لا يمكن أن تكون واطية فهي مرتفعة بشكل مناسب وقريب من الدتسن الدبل .. كفرات وجنوط عريضة .. مرة أخرى أنا أسأل عن : ديزل تيربو دبل غمارتين ... كثر خيرك على المعلومة ...

[ابو الريم]

صحيح اخوي السمح ......... اكبر مشكلة في هذه السيارة الوكالة ............. ولا هي ( كسيارة ) افضل من غيرها وكما تفضلت وذكرت ان اقرب سيارة لها المستوبيشي ............. ومعظم الشاحنات ( دينات ) الاسوزوا والمستوبيشي يتشابهون مع بعض في اشياء كثيرة حتى التفاصيل ........ يعني المحركات شبيهه ببعض وقطعها تركب على بعض ......... بس الوانيتات ما عندي خلفية :( :( :(
وهذا العيب ( الوكالة ) شيء مهوب سهل ........... فهناك سيارات ممتازة ورائعة ولكن بسبب الوكيل السيء تكون فاشلة في دولنا وناجحه في اخرى واكبر مثال على ذلك ( الساب ) سيارة فخمة ورائعة واللي يجربها ما يركب غيرها ولكنها ؟!!! وايضا البيجوا - الفولفوا - الاودي - الدوج وغيرها الكثير وانا اقصد ب

[المستشار الخبير]

السلاااااااام عليكم
اخوي السمح
ايسوزو كي بي البيك أب ممتاااااااااااازة بالذات المواصفات الي ذكرت
ارتفاع معقول جيد على الخط وفي البر بعكس الهايلكس الدبل رفعة خطر شويييييي
ومن ناحية الجودة والتماسك فهو افضل من الداتسون وحول الهايلكس بل اريح مركب منه
والديزل التيربو عزمة قوي جدااااااااااااااااااااااااا انا خويي معة واحد 2002 دفع خلفي وقاومتة بداتسون بنزين ويتماشا معه
وبالفعل ايسوزو افضل شركة يابانية في الديزل حسب تقييم جي دي باور وتقييم مجلة موتور تريند بل افضل من بعض الشركات الاوربية
الناس تقول ان الديزل عزمة ضعيف خطاااااااااااااااااا بل البنزين الناس تظن ان العزم هو السرعة أو التسارع والعزم هو القوة مضروبة في طول الذراع والذراع اطول في محركات الديزل اما ان كنا نتكلم عن السرعة فالعملية عكسية تماما اي ان السرعة تتوافق عكسيا مع العزم في المحركات لذلك تشاهد عدد لفات المحرك الديزل تصل احياننا في العداد الخاص بها الى 4000 لفه بعدها تبداء منطقة الخطر الحمراء بالله عليك لو ان البنزين اعلى عزم ليششششششش ما تكون الشاحنات الضخمة بنزين ليش ماتكون البواخر وناقلات النفط بنزين وعلى فكرة ترى اكبر محرك ديزل في العالم......هيونداي طولة 12متر
وعرضة7 متر وارتفاعة10 متر وقدرته الحصانية700000حصان ومضخة الديزل بحجم محرك شاحنة!!!!! وصدق يركب على ناقلات نفط ضخمة جدااااا ونحن نضحك عليهم ولم نصنع جنط وترى كوريا الجنوبية امبراطورية تصنيع السفن والناقلات والشركة التي تلي هيونداي شركة سامسونج للصناعات الثقيلة

المهم السيارة ما فيها عيب لكن سيارات كثيرة يعيبها وكيلها والايسوزو يمكن منها انا مادري والله عن قطعها بس تاكد من قطع الغياااااار وطبيعي قطع محرك الديزل اكثر سعر لكن بدون بواجي نسبة العطل تقل يعني تقل التوهيقات وتذكر ان الي تصرفه على المحرك الديزل توفره اضعاف من قلة استهلاك الديزل

وللمعلومية ترى الديزل مايدخن بالشكل الي عندنا أصلا يدخن خفيف عند التسارع او التباطؤ اولا الديزل المستخدم عندنا في السيارات الصغيرة والشاحنات مايناسبها لانه خاص بمحطلت توليد الطاقة ومضخات المياة يعني للمحركات الي سرعتها ثابتة

يعني لراعي البر ممتاز له جداااااااااا

والله اعلم

[السمح]

مشكور أخوي المستشار الخبير على هالمعلومات القيمة ..
والحقيقة أنها أضافت إلى بعض المعلومات التي جمعتها حتى الآن ، ولا أخفيك أن كلامك يتطابق مع أكثر من شخصين يعرفون هذه السيارة ، فقط حبيت أن أسأل هل صحيح إنها ما تمشي إلا 400 كيلو بتانكيها .. أم لا ؟؟

[او صهيب]

توكل على الله واشتر
وعلمنا لولقيت مستعمل ونظيف
ووين يوجد الجديد في غير الوكالة
رغم انوجوده قليلحسب علمي والله يوفقك

[أبو سهيل]

عزيزي السمح :
انصحك بالبعد عن الإسوزو ..
أنا عندي الآن واستخدمتها من خمس سنوات ..
هي فعلاً جيده في سعرها .. خصوصاً المستخدم ..
لكن مشكلتها في قطع الغيار .. غير متوفرة .. وإذا لقيتها غالية بعد ..
احتجت لمبة خاصة بالإسوزوا في الطبلون لفيتها كل فروع الوكيل في الرياض ما لقيتها ..
ويقول مادري تلقاها ولا لا !! يعني دور في التشليح إذا فيه أسوزو مشلحة ..
خرب علي الدينمو لقيته في الوكالة بـ ( 1200) ريال بينما الماركات الأخرى بـ (200) ريال فقط ..
وعليك القياس ..
بالنسبة للتانكي إنا عندي بنزين وهو فعلاً صغير يمشي "250:350"كم على المزفلت .. حسب الحمولة والهواء !!!!!!