ركبنا الثلاجة و خرب ارسال الكنود ....؟!

[بدر العبدالعزيز]

ياشباب انا مسلك للثلاجة و اذا شبكت الثلاجة و بغيت اشغل الكنود يصير فيه راجع بالكنود
لازم اطفي الثلاجة و يضبط الارسال والاستقبال

غيرت سلك الاريل و غيرت الاريل و غيرت محل سلك الاريل

وش الحل ؟

[راعي سهوه]

اتوقع من البطاريه اذا اشتغلت الثﻻجه تسحب كهرب ويضعف الكهرب حق الكنود ويضعف الارسال معه

[بدر العبدالعزيز]

مدري يا راعي سهوه

لان اذا شغلت الثلاجة يصير بالجهاز راجع كهرباء

واذا طفيتها مافيه اي مشكلة

[اثين]

سلك البطارية لازم يكون ٢٥م من البطارية الاساسيه إلى البطارية الاحتياطية

[بدر العبدالعزيز]

يالغالي انا بطارية وحدة فقط

[بارود الصحراء]

أعتقد ان ماله علاقه بالثلاجه بس يمكن الألاك قريبه من بعض ويصير التماس بالكهرباء والله اعلم

[بدر العبدالعزيز]

يابعدي يـ بارود اذا فصلت الثلاجة من السلك الي طالع من البطارية
يصير الجهاز مافية اي مشكلة

واذا شبكت الثلاجة ترجع المشكلة

[بطاقة شحن]

كيف عرفة ان جهازك فيه راجع s.w.r يالغالي ؟

[بدر العبدالعزيز]

اذا شغلت الكنود يصير كن واحد كابس الريشة و ساكت

الابراج تصير فل

[بطاقة شحن]

هذا سلمك الله من الثلاجه فيه تهريب كهرباء انا عندي نفس المشكله في الباترول اذا اشتغلة المراوح تجيني تداخلات ابراج بدون صوت لازم كهربائي محترف انا غيرت الدينمو والكتاوت وراحت ولله الحمد

[أبو dana]

شباب السلام عليكم
لماذا منتدى رابطة ملاك السيارات مغلق

[بطاقة شحن]

عليكم السلام ورحمة الله وبركاته
لسني اعلم

[بدر العبدالعزيز]

بطاقة شحن ؟ اي دينمو والكتاوت ؟

وين ذولي ؟

[بطاقة شحن]

انت وضعك مختلف لازم كهربائي بنسبه لي انا كانة مشكلتي من دينمو المكينه وكتاوت المراوح كان نوعيه تايون والسلام

[بدر العبدالعزيز]

اهاا

الله يعافيك نتظر احد يحل المشكلة اجل

[بدر العبدالعزيز]

نحتاج افادة

[الشيخ الظريف]

يمكن الكهربائي شبك الثلاجه والكنوود بكلبس واحد بالبطاريه000لازم يكون سلك الثلاجه بكلبس وسلك الكنوود بكلبس آخر وكذلك السالب بالمثل

[DBAAS]

شعل الرادي وشغل الثلاجه هل يصير تشويش في الرادي ؟

انتظرك

[اثين]

ورشة سواقي تجد الحل إنشاء الله

[اثين]

تجد الحل عند ورشة سواقي إنشاء الله المهندس فيروز

[بدر العبدالعزيز]

الشيخ الشريف : لا مو موصلت ببعض انا مشيك البطارية

دباس : ابشوف اذا طلعت اصلي شوي واعلمك

اثين : انا ودي اعرف امشكلة ولا هين الورش كثار

[بدر العبدالعزيز]

الشيخ دباس مافيه اي وشوشة بالراديووو ابداً

صااااافي

[DBAAS]

الشيخ دباس مافيه اي وشوشة بالراديووو ابداً

صااااافي



عندي احساس ان المشكله من محول الجهد من ثابت dc الى مترددac

اذا تقدر تجرب التشغيل من سياره اخرى والثلاجه في نفس المكان يكون افضل او توصل للبطاريه مباشره تختصر بقية التجارب,, او اتبع التالي:

جرب توصل البودي مع بعض بودي الثلاجه والسياره بسلك اذا استمر التشويش

جرب تشغيل الثلاجه على كهربا البيت 220 فولت ,والثلاجه في نفس المكان,, اذا استمر التشويش
فاعلم ان التلف في مكثف الكمبروسر او في ملفه الضاغط الداخلي

واذا اختفى التشويش اخبرني وساوافيك بالحل الدائم باذن الله

[بدر العبدالعزيز]

شف اول شي انا موصل السلك مباشرة من البطارية

و جربت مرة اوصل سلك نحاس من بدي الثلاجة الى بدي السيارة و كل ماحرت السلك النحاس يلعب ابراج الراجع للكنود


و بس

[DBAAS]

طيب ماودك تجرب التشغيل من كهرب البيت والثلاجه في السياره

كذا تكون شغلت الثلاجه بدون تشغيل الانفيرتر

الانفيرتر يقوم بانتاج تردد 60hz ثابته تتوالاه الترانزستورات لتكبير الجهد 12 فولت ثابته الى 220 فولت متغيره لتشغيل الكمبروسر
اذا انجرح سلك بين الانفيرتر والكمبروسر واتصل بالبودي اصدر ترددات غير مرغوب فيها تولد التشويش.
وقد يكون تسرب ماء على الانفيرتر قام بالتوصيل

ننتظر تجربة التوصيل مباشره 220v

[بدر العبدالعزيز]

ابجرب واعلمك يبيلها اجل كم يوم

[بدر العبدالعزيز]

اخوي دباس

توي شبكت الثلاجة من الكهرباء و هي بالسيارة نفس الوضع فيه تداخلات بالكنود

و جربت اني انزله وهي قريبة من الموتر و مشغلها نفس المشكلة !!


وش الحل ؟؟؟

[MOHAID]

سلام
شغل الثلاجة وشغل الكنود
اذا طلع تشويش جرب غير الموجة حقت الكنوود اطلع 25 او 50 فوق العامة وجرب

[بدر العبدالعزيز]

لواطلع ١٠٠٠٠ التدخلات موجودة موجودة

[DBAAS]

يسعد صباحكم استاذي بدر

مازال العمل جاري لتحديد العطل

جرب تشغل الكنود بالقرب من كمبروسر مكيف مثل مكيف شباك يعمل ,

او كمبروسر مكيف اسبلت مثل كمبروسر مكيفات غرف بيع قهوة بارنيز اللي عند المحطات اطلب كوب ميكاتو وافحص التشويش,

او قف بالقرب من بقاله فيها ثلاجات قريبه من الجهاز وافحص التشويش ,

اي خطوه من الخطوات السابقه تكفي فاذا لاحظت تشويش على مستقبل الكنود فاعلم ان المشكله في الكنود وبالتجديد في دائرة الفلاتر !

واذا لم تلاحظ تشويش فاعلم ان المشكله في كبروسر الثلاجه وتستطيع التاكد باحضار جهاز استقبال (مثلا كنود)وتشغيله بالقرب من الثلاجه وملاحظة التشويش

فاذا لاحظته فهذا يؤكد وجود مشكله في الثلاجه قد تكون تلف مكثف الكمبروسر وتلف المكثف يضتح غالبا بوجود تهريب زيت وتستطيع اخذ بياناته لشراء البديل واستبداله بنفسك.


تاكد بان جميع الخطوات السابقه تعتبر صدقه جاريه لنا جميعا فجميعها صحيحيه خاصة اللي ذكروها الاخوان مثل فحص المراوح وتغيير التردد

سوف نستمر حتى الوصول لحل جذري بارك الله فيكم

[hgvfdu]

سلام عليكم
والله الاخوان ما قصرو بس ودي اختصر اجراء أو مرحله من الحل اللي قدمه اخونا دباس
ليش ما تجرب تشغل جهاز كنود غير جهازك اللي فيه المشكله وتشوف اذا صارت نفس المشكله فالخلل من الثلاجة واذا كان الجهاز الجديد ماتأثر فمعناها المشكله في الكنود حقك

[بدر العبدالعزيز]

الله يعافيكم جميعاً و خاصة الدكتور دباس

انا غيرت الكنود بالسيارة و صار نفس المشكلة
و كان ولد عمي قريب مني بالسيارة و لحظت نفس التشويش

و بعدها بفترة اخذت سيارة ولد عمي وابعدت عنهم و لا صار فيه تشويش


والحين ابجرب اني اكون جنب مكيف اوا اسبيلت واعلمك شوي

[بدر العبدالعزيز]

عدنا لكم

توي جربت افصل الثلاجة و اوقف جنب مكيف عادي و اسبلت و زيادة بعد وقفت عند سيارة نادك الي توصل اللبان بحكم انه سيارة تبريد

ماافيه اي تداخلات بالكنود

و شبكت الثلاجة و رجعت المشكلة بجميع التجارب


اخوي دباس ترا التداخلات بدون صوت فقط

زي لما يكون بالكنود راجع ارسال
اوا زي واحد كابس الريشة ولا يسولف

[DBAAS]

شكرا استاذي بدر

تجاربك مثمره بارك الله فيك

نتائج التجارب تشير الى وجود خلل بالثلاجه

ولكشف الخلل لابد من اجراء فحص لدائرة الكمبروسر بالنظر الى توصيلاته والتاكد من عزلها عن البودي وعدم اتصالها به ويجب ان نعلم ان الكمبروسرر يولد حركه اهتزازيه تنتقل الى السلك الموصل فيه فلو صادف وجود قطعه حاده تصتدم بالسلك اثناء اهتزازه سوف يتمزق العازل ويتصل السلك ذو الجهد 220 فولت بالبودي ويتولد تشويش.

اذا كانت الاسلاك سليمه 220 ف بين الكبروسر والانفيرتر وبين الكمبروسر وماخذ توصيل 220ف نقوم بفحص المكثف (الكابستور) وبدون توفر جهاز شحن وتفريغ تستطيع ملاحظة تهريب زيت وهذي علامة تلف مكثفات الستارتر في جميع الكمبرستورات مكيف وثلاجه .


الكمبروسر يوجد به ملفات تحول الطاقه الكهربائيه الى طاقه كهرومغنطاسيه (تغطي مجال محيطي قصير)لتقوم بتحريك كتل حديده لينتج طاقه ميكانيكه تحرك بساتم الضاغط (الكمبروسر)اللي يضغط هواء الفريون بين المجمع والمبخر ليوفر البروده الكافيه للثلاجه.

[بدر العبدالعزيز]

الله يعطيك الف عافية يالغالي ماقصرت معي والله
تعبااانك والله



طيب الحل شلون ؟ تراي مع الكهرباء محنا بنعرف بعض ابداً ههههههههه


وين اودي الثلاجة وش اسوي

[الفياض***]

المشكله من الثلاجهه نفسها

واذا هي ثلاجة الرمايه هذي عوايدها

ودها للوكيل ي يغيرها لك او يصلحها

صارت معي نفس حالتك وغيرت كل شي حتى منظم ركبت

وفلتر للكنود لين طابت نفسي

وغيرت الثلاجه وضبط كلش

[DBAAS]

الحل توديها لاقرب مصلح مكيفات يقوم بفحص دائرة الكهرباء ومكثف التشغيل ومن ثم يفصل الدائره بين الكمبروسر والانفيرتره لاحتمال تلف الريلي الفاصل للانفيرتر اثنا توصيل كهربا المنزل 220ف وتقوم بفحص التشويش اذا زال التشويش يفحص الانقيرتر واذا مازال يركز على الكمبروسر والمكثف حتى يصل لنتيجه .

اذا كانت الاسلاك مكشوفه يقوم بعزلها واذا كان المكثف تالف يقوم بتغيره واذا المشكله في الكمبروسر يقوم بفحصه وقياس الضغط لمعادلته, يتم فحص التشويش بعد كل خطوه.

طريقة فحص الملف الداخلي للكمبرسر في هذي الحاله فصل المكثف وضع مقياس المقاومه بين البودي وخطوط التشغيل الـ CوRوS اذا وجد توصيل يعني تلف عازل الملف (سبب التشويش),,,, وفي الحالات الاخرى فحص المقاومه بين الخطوط الثلاثه.

[بدر العبدالعزيز]

الله يجزاك الف خير يالغالي و ماقصرت



اشكرك

[راعي الشلفاء]

السلام عليكم

صارلي نفس المشكله علا قولك راجع غير سلك الكنود الكهرباء حط اصلي وشف الفرق

[أبو نور]

أخي الكريم المشكله واضحه جدا لاشبك الكنود والثلاجه صارت مشكله عندك لانه البطاريه الأضافيه غير متحمله سحب الأمبير للأثنين معا يصبح على البطاريه حمل أضافي فتضعف البطاريه وتنزل قوه الفولت فيها بدلال ماتكون 12فولت تصير 11فولت أو أقل

[أبو نور]

الحل هو تغير الكيبل الواصل بين البطاريات بكيبل لحيم ناعم 150 أمبير أو أكثر ويكون منظم البطاريات أكثر من 200 أمبير تغير البطاريه الأضافيه ببطاريه نوعيه ديب سايكل مثل الأوبتيما الزرقاء أو ديكا أو أوديسي أو أمور أو فيدرل ويكون التوصيل دايركت من الدينمو أللي البطاريه الأضافيه لضمان توصيل الأمبير بكامل وبسرعه عاليه ووضع مفتاح دقمه للتوصيل في حال أنتهاء البطاريه الرئيسيه أو أنتلافها لتشغيل السياره بدون الحاجه للبطاريه الرئيسيه وهذي الطريقه سوف أرسل لك صورها والفيديو