ودنا نشتري كاميرا بالمواصفات التالية ... ممكن المساعدة .. !

[محب الغيم]

إخوتي الكرام ...

نعطيكم السالفة من الآخر ...

الكاميرا للتصوير التوثيقي ( غيوم ، أمطار ، ربيع ) وغير ذلك .

تصوير فيديو + ثابت .

إمكانية تصوير في الليل .

إمكانية تصوير البروق !!

صح ما أفهم في البكسل وما هناك ، لكن أريد صور ممتازة وواضحة قريبة جداً من الواقع ...

البطارية جيدة والذاكرة كذلك أو يتم نقل الصور مباشرة للكمبيوتر هذا أفضل ..

المبلغ المتوفر بعد أن سرق الهوامير دراهمنا دون 1000 ريال

وإن كان لا بد من الزيادة فوق فلا بأس ... !!

[الوشاح]

حياك الله محب الغيم

1000 ريال ماتجيبلك كمره محترمه .. زود 300 ريال واشتر

http://www.dpreview.com/reviews/images/canon_a610.gif

Canon PowerShot A610 (http://www.dpreview.com/reviews/specs/Canon/canon_a610.asp)

كمره ماعليه كلام .. اشتره وبتدعيلي

سعره 1300 ريال


اي استفسار .. حنا بالخدمه

تحيتــي لكـ

[ابو عادل1]

اخي الوشاح
الله يحفظك ويسلمك ندعي لك ولجميع المسلمين بالتوفيق والسداد
لو تفضلت بدون كلافة هل من الممكن بعض التفصيل عن هذه الكمره من حيث المسافات (الزوم) والصفاء وهل تتوفر فيها المواصفات التي يرغبها اخونا محب الغيم
مع الشكروالتقدير

[الوشاح]

ابشر يابو عادل .. تامر امر :)


الكاميرا للتصوير التوثيقي ( غيوم ، أمطار ، ربيع ) وغير ذلك .

تصوير فيديو + ثابت .
الكمرات الرقميه الفتغرافيه ماتصور فديو .. وأن صورة ماتتعدا 5 دقائق




إمكانية تصوير في الليل .


تقريبا اغلب الكمرات ا فيها خاصية التصوير اليلي







إمكانية تصوير البروق !!


اممممم هذي ماتعتمد على الكمره .. تعتمد على المصور
ممكن تسأل تقول فيها تحكم يدوي .. اقولك نعم فيها بعض الخصائص مثل سرعة الغلق وفتحة العدسه
يعني تقدر بعد التدريب تصور البرق





صح ما أفهم في البكسل وما هناك ، لكن أريد صور ممتازة وواضحة قريبة جداً من الواقع ...
الكمره الي ذكرتلك 5 ميقا بكسل .. كافيه جدا
(بعض الشباب يعتقد سبب صفاوة الصور هو البكسل .. وهذا خطأ
هو سبب وفيه اسباب ثانيه مثل حجم السنسور ونوع العدسه )


البطارية جيدة والذاكرة كذلك أو يتم نقل الصور مباشرة للكمبيوتر هذا أفضل ..
بكل اسف البطاريه عاديه AA لاكن تقدر تتفادى المشكله وتشتري بطاريه اعادة الشحن
والذاكره خارجيه ونقل الصور عن طريق الكيبل












المبلغ المتوفر بعد أن سرق الهوامير دراهمنا دون 1000 ريال
الله ينتقم منهم .. لاكن الحين راح زمن الهوامير وجا بدالهم القروبات :)




وإن كان لا بد من الزيادة فوق فلا بأس ... !!
مثل ماذكرت قبل .. زود 300 ريال واشتر كمره تستاهل

إن شالله جاوبت على استفساراتكم اخواني محب الغيم وابو عادل

إذا فيه اي سؤال .. انا بالخدمه

تحيتــي للجميــع

[Abu Saad]

باناسونيك ليومكس حليوه ورخيصة وعدستها المانية سعرها 999 - 5 ميقا بكسل
المواصفات هنا :
http://www.idealo.de/preisvergleich/OffersOfProduct/294452S1-3_-lumix-dmc-fx8-panasonic.html
بتحصلها عند اكسترا .
وعلى فكرة سعرها هذا قبل حوالي 6 شهور يعني اكيد الحين ارخص .
وتصور فيديو عالي الجودة وعلى حسب سعة الذاكرة عندك .
وهذي صورة لها :




http://panasonic.jp/dc/fx9/img/nonflash.jpg


وعلى فكرة الكميرا عدستها المانية شخصيا استعملها ..
وترى ماعندي خبرة بالكميرات اطلاقا ..
ولكن حبيت اعطيك شي انا جربته وماجربت غيره .
يمكن يكون غيره افضل فلذالك لابد من البحث والتقصي وسؤال اهل الخبرة وعدم الاستعجال في الشراء .
والسلام عليكم

[محب الغيم]

يا ولد يا الوشاح !!

والله إنك ما قصرت ...

لي نزلة لجدة بإذن الله ولعل الله يكرمنا ...

-----------------------------

أبو عادل شكراً لمرورك ومشاركتك الحلوة .

-------------------------------------------

أخوي : دودو

( اسمك يخوف )

شكراً لمرورك

وسنأخذ رأيك في الحسبان

--------------------------

لا مانع نرى مزيد من المشاركات

(( وللناس فيما يعشقون مذاهب ))

[العوشز]

يا شباب أنا ما لي بالكمرات وتصويري لتوثيق الكشتات ونحوه ( أصلا ما أعرف أصور زين )
تكفوون ما فيه حل لقضية البطاريات اللي كل شوي اشحن وبعدها تنتهي ثم اشحن وهكذا
يعني ما فيه كمرة تنشحن عن طريق شاحن السيارة مثلا
أو أي طريقة أخرى غير بطاريات aa
أو على أسوأ احتمال تكون بطاريات بس ما تستهلك طاقة عالية يعني تكفيك البطاريات كم ساعة ما هو دقائق فقط
عذرا على الإطالة
ولم أرد فتح موضوع مستقل لكي تجتمع المعلومات في موضوع واحد

ولا أنسى أنا ما عندي نية أحترف تصوير هاوي كثيرة علي لذلك أبي أرخص كمرة تمشي الحال

والله يرعاكم

[ابو عادل1]

اخوي محب الغيم .... عافاك الله فتحت موضوع يهم الكثيرين ..... حقيقة اختيارك للموضوع جدا موفق

=====================
استاذنا المكرم الوشاح .....وفيت وكفيت اسأل الله ان يجزاك ووالديك احسن الجزاء ...... شرح وافي ومنظم ودقيق لك الشكر الجزيل ....... وعلى مايقال شورك وهداية الله ان شاء الله اني شاري هالكمره

[ظلال الشمس]

الحقيقة حبيت اشارك معكم بالموضوع وهو شيق
الكميرة لاتعدى سوني وخصوصا ان عدساتها كارل زايس
انا شريت لي كميرة هاليومين وهي كالتالي :
sony dsc-n1
شاشة لمس 3انش
mega pixels 8.1
الزوم 3 عادي ، 6 رقمي
iso 800
البطارية ليثيوم
فلاش
كرت ذاكرة يصل حتى 2قيقا
امكانية عرض الصور على شاشة التلفزيون اوالكمبيوتر مدخل USB
تدعم اللغة العربية
إلى غير ذلك من المواصفات
بقي الحين كم السعر ؟
انا شريتها من دبي بـ 1470 ريال ( وسعرها في الرياض يوم اشتريها 2000 ) بدون كرت ذاكرة طبعا
وكرت الذاكرة 1قيقا 194 ريال
علما ان التصوير الفيديو على هالكرت يصل الى 44 دقيقة
وهذي صور لها
الشاشة
http://www.mekshat.com/pix/upload/images19/mk10089_clip_image001.jpg

وهذي صورتها من الأمام
http://www.mekshat.com/pix/upload/images19/mk10089_camera-front-angled.jpg

وهذي صورتها على جنب وتلاحظون البطارية ومكان كرت الذاكرة
http://www.mekshat.com/pix/upload/images19/mk10089_camera-side2.jpg

وهذا حجمها الطبيعي
http://www.mekshat.com/pix/upload/images19/mk10089_camera-inhand.jpg

[محب الغيم]

أخي العوشز

شكراً لمرورك

وإن شاء الله نستفيد جميعاً .


--------------------------------------------------

أخوي ظلال الشمس

ما قصرت على المعلومات الطيبة

وشو له هالفرق بين دبي والرياض حسبنا الله عليهم ؟!