وين احسن محل يركب بطارية

[ابو بنيدر 2]

السلام عليكم

يا اخوان ياليت تفيدونا عن افضل محل في الرياض يركب بطارية اضافية. السيارة نيسان حوض.

[alsarab215]

شارع الامير متعب بالربوة
ورشة الصبي
شغل طيب وسعر معقول ونفسيات حلوة

[ابو بنيدر 2]

الله يعطيك العافية يا السراب لاكن بالله وصفلي لاني توني منتقل للرياض.

Sent from my GT-I9300 using Tapatalk 2

[owwn]

الدفع الرباعي في شارع العروبه

[بن لوبه]

أخي الكريم

وانت بالدائري الشرقي بتجاه الجنوب يجيك مخرج 15
تروح يمين من عند اسواق المجد وتمسك الخدمة ووجهك راح يكون غرب اذا وصلت أول إشارة
تروح يمين مع شارع الامير متعب تجيك الورشه على اليمين بعد اول عمارة

تحياتي لك

ابو عبدالله

[Ra3e]

شارع الامير متعب بالربوة
ورشة الصبي
شغل طيب وسعر معقول ونفسيات حلوة

مايحتاج شغل بضمير فعلاً كانك تقول وكاله ,,

انصحك بالصبي ولاتتعدا والرجال وصفلك ,,

[ابو بنيدر 2]

الله لا يهينكم

والله ماقصرتوا ياشباب

[ابو خالد 111]

أخي الكريم



وانت بالدائري الشرقي بتجاه الجنوب يجيك مخرج 15
تروح يمين من عند اسواق المجد وتمسك الخدمة ووجهك راح يكون غرب اذا وصلت أول إشارة
تروح يمين مع شارع الامير متعب تجيك الورشه على اليمين بعد اول عمارة


تحياتي لك


ابو عبدالله



اخوي / ابو عبدالله

لو تكرمت ممكن تلفون صاحب الورشه وكم السعر المطلوب , وكم يستغرق وقت التركيب

ووش اللي يركبون مع البطاريه الاضافيه ( ماطور هواء - محولات - افياش - لمبات ليد )

وهل شغلهم مثل المنديل ؟؟

شاكر ومقدر

[عبدالرحمن.1]

الصبي لاتتعداه

[شاهين0]

مدح الشباب للمحل شجعني انا بعد عندي شغلات كهربائيه بروح لهم
شكرا شباب

[alsarab215]

جوال المدير احمد الصبي
ونعم الرجل
0503041335

[al3rm]

نعم وأنا أشهد له

ونعم الرجل

[ع س ل087]

السلام عليكم أنا ركبة البطارية الإضافية بنفسي في جمس يوكن ٢٠٠٨ بمنضم رفيق الدرب
ولها اكثر من سبع شهور والحمد لله كل شي تمام بس ركبتها بنفسي ليس من اجل أني اقتصد لكن لكي يكون الشغل عارفة لأني ركبة التوصيلات + سفتي لأي مشكلة لا سمح الله فية فيوز من البطارية الاساسية للبطاريه الفرعية + فيوز من نفس البطارية الفرعية لأي جهز تبي تركبة وهذي العلبة فيها ٦ مخارج وتلقاها عند رفيق الدرب وهذي للامان اما بالنسبة للمحول احترت اركب محول كبير ٤٠٠ وآت وهو موجود لدي او اركب محول متحرك صغير وهذا موجود لدي ١٥٠ وآت وفي النهاية خليته متحرك وخذت اثنين وسعره رخيص جداً
بالمقارن سعرة ٦٥ ريال وهذا افضل لو تعطل واحد الثاني يكون احتياط ولو احتجت جهد اكبر تقدر تركب ٢
تم تمديد سلك من البطارية الإضافية في الامام مشبك ولاعة وفي الشنطة فيش اخر وموجود لدا رفيق الدرب بقيمة ٩ ريال فقط يجي بغطاء زي الوكالة وتم تركيب فيش ولاعة في الكبوت بجنب البطارية الإضافية


ارجوا ان اكون في هذه المشاركة أني قد أوصلة معلومة مفيد

[خوي_الذيب]

حياك اخوي ركبت عند الصبي الاسبوع الماضي...

بطارية إضافية مع المنظم+ ماطور هواء الرماية + تسليك كنود + محول كهرباء مع فيشين بالطبلون + ولاعة إضافية + عدد 2 لمبات كبوت + عدد 2 لمبات سفلية لصنابير مياه الخزان (يمين - يسار) + تركيب عدد 2 صنابير مياه الخزان مع القاعدة (يمين - يسار).

أخلاق وشغل زي العسل :good2::good2:

والتقرير المفصل قريبا إن شاء الله...:)


طبعا الموتر هايلوكس دبل 13

إن ما خاب ظني هذا موقع من خرائط Google ادعسسس هنا (https://maps.google.com.sa/maps?q=24.678593,46.769526&hl=ar&ll=24.678481,46.769231&spn=0.001304,0.002642&num=1&t=h&z=19&iwloc=A)

كنت بركب عند ذئاب الصحراء اللي ب مخرج 17

ابو عبدالعزيز اخلاق سكر بعد :good2::good2:

لكن هونت بسبب فرق السعر الشاسع، بالبطارية الإضافية بس فرق 900ريال

والجودة في القطع لصالح ذئاب الصحراء كما سمعت ممن جربوه

ما ودي احرق التقرير مع السلامه :good2::good2: