من شاور ما خاب (ادخلو

[أبو عذاب]

السلام عليكم ورحمة الله وبركاته ..!
انا اليوم حجزت لي ددسن 2010
غمارتين سعودي وارد الحمراني
مواصفاته طارة هوا+مكيف+طارة هندل
المهم خذيت الموتر للفحص
وطلعت نسبة المكينة 92%
وماشي 81927 كيلو
والبودي ما طقه شاكوش ماشاء الله تبارك الله
ومحدود ب45
...............
بس فيه شي خايف منه وهو اللي خلاني اسوي الموضوع
اللي هو يوم رفع الموتر حق الفحص لاحظت زيت تحت المكينة
المهم قالي صوفة الزيت
سؤالي هنا..:
هل صوفة الزيت مشكلة كبيرة او عادية مثلها مثل الاقمشه وغيرها..؟!
أرجو المساعده يا اخوان
الموتر بروح انقل ملكيته يوم السبت اذا عيبه بسيط

[(((.ابوتميم .))))]

الصوفة عادي وتعتبر تقريبا قطعه استهلاكيه
تهريب الصوفه بسبب زياده الزيت او من السرعه احيانن
استخر وتوكل على الله

[كبسولة2]

نعم كلام صحيح احد المرات اشترينا موتر جديد ماشي 3000 كيلو

ولقينا تهريب زيوت من تحته راعيه الاول الله يسامحه زود الزيت نصف علبة وتفجرت الصوف !!!

[Magellan]

توكل على الله
بس ترى تصليحها ماكلن يضبطه
تراها صعبة شوي يبيلها فنان يعرف يوزنها مضبوط
واغلب الفاهمين هم سوريين او اتراك ولو اخذ زود

[فيصل البهيشي]

انت متأكد انها صوفة ذا اهم شيء انتبه لا يكون خراب ثاني وقال صوفه ولو طلع الخلل من الصوفه اعتقد سعره زين

[sgl2002]

يمكن ماهو صوفه

ممكن انه غير الزيت ويوم فك السيفون تبقى البقايا

انت اذا خذيتها امغطها مشوار ثم وقفها بمكان نظيف وشف فيه تنقيط او لا


ع العموم هي مشكلة بسيطه وسبب خرابها تزويد الزيت
لان الددسن البخاخ تاخذ ثلاث علب ونص مع السيفون

واكثر البنشريه يحطون ٤