وش الافضل الباترول 98 و فوق او 97 و تحت

[سلسيف]

السلام عليكم ورحمه الله و بركاته
و الله يا اخوان لي فتره طويله و انا ادور على جيب و كنت ناوي على باترول اربع بيبان من الشكل القديم اللي هو 97 و تحت لكن النظيف قليل جدا و اسعارها مبالغ فيها و تعبت وانا ادور لدرجه اني حصلت واحد نظييف مره عند واحد اعرفه زين الموتر معه اكثر من 6سنوات و بديه وكاله لونه ابيض و ممشاه 230 حقيقي وصلته الي 55 و رفض يبيع ومن بعدها كرهتها و قال لي واحد من زملائي بالعمل ليش ما تشتري باترول من موديلات 98 و فوق الى 2001 احسن و اسعارها معقولهو اريح ووووالخ و بدا الرجال يمدح فيهن و انا و الله من اول لو القاها ببلاش :D ما اخذتهن لكن يوم جربت موتر خويي باترول 98 بديت اغير رايي و صرت ادور لهن لكن وانا ادور لهن بالمعارض كل ما اشوف الشكل القديم يفز قلبي و اروح لهن بدون شعور :D و انا الان محتار جدا ابي شوركم مره اقول الشكل القديم ومره اقول الشكل الجديد 98 و فوق و مراات اشطح و اقول بشتري فتك سلق وش الراي يا اخوان و اللي حوله شي نظيف لايبخل علينا و لكم فائق الشكر و الاحترام .

[RW7..ALBDAWA]

والـله ونآ اخوك انآ جربت القديم وجربت الجديد

القديـم من جوى تحس بضيق امآ 98 وطآلع تحسس بوسسع وبعدين اريح من القديم بالخط
القوه لصالح القديم سوآء بالنفود او بالخط
والقديـم فيه انظآف واسعآرهآ معقولــــــه انآ اعرفلـك 92 ذهبي مرشوش كآمل بدون معجون مرفع ومرهم 97 ممشآه بحدود الـ 300 الف دآخليتـــــــه موب جديده الا احسسن من الجديده ان صملت عطيتك رقم رآعيـــــــــــه

وانت صدقني كآن شريت الجديد ونفسك بالقديم صدقني رآح تعييف الجديد وتبيعه لآن نفسك مآهي عليــــــه

لآكن إن كآنك تبي ربع من الجدد مرهم عليه مكينة لكزس شف اعلآني

[Tsaheel_1]

والله انا مثلك لي فتره وانا ادور علي القديم

وكان خبرت شي حوله علي

[سلسيف]

والـله ونآ اخوك انآ جربت القديم وجربت الجديد

القديـم من جوى تحس بضيق امآ 98 وطآلع تحسس بوسسع وبعدين اريح من القديم بالخط
القوه لصالح القديم سوآء بالنفود او بالخط
والقديـم فيه انظآف واسعآرهآ معقولــــــه انآ اعرفلـك 92 ذهبي مرشوش كآمل بدون معجون مرفع ومرهم 97 ممشآه بحدود الـ 300 الف دآخليتـــــــه موب جديده الا احسسن من الجديده ان صملت عطيتك رقم رآعيـــــــــــه

وانت صدقني كآن شريت الجديد ونفسك بالقديم صدقني رآح تعييف الجديد وتبيعه لآن نفسك مآهي عليــــــه

لآكن إن كآنك تبي ربع من الجدد مرهم عليه مكينة لكزس شف اعلآني


هلابك اخوي كم يبي فيه وياليت تنزل لنا صور للموتر ووين موقعه ؟

[NASEER8]

عندي باترول٢٠٠٣ مرشوش حكومي ماشي٢٠٠٠٠٠ مئتان الف

[أبو الحارث 4]

عندي باترول2003 مرشوش حكومي ماشي200000 مئتان الف

لعلك تنزل صورته وكم سيم وحدك.

[سلسيف]

تم شراء باترول 99 بابين خليجي ذهبي و ادعو لنا بالبركه
بس عندي سؤال لاهل الخبره ودي افك رفارفه و اركب جنوط هلل و كفرات شواهين تتوقعون شكله بيضبط ؟

[التعـ King ـديل]

مانصحك تفك الرفارف ولكن ركب هلل تجاري مبرز يفي بالغرض

[Salamah.y]

ماشاء الله , عسى ربي يبارك لك و يكفيك شره
ما يصلح بدون رفارف , شكله قبيح بيكون , خصوصاً ان لونه ذهبي

الباترول حلاته بجنوطه الأصليات العراض , سواء الألمنيوم او الحديد

موووفق ان شاء الله ,, @~

[باترول للأبد]

مبروك عليك الموتر ومدري شنو الحلو في التسليق أذا الموتر شد بلد سلق مب مشكله بس دامه وكاله برفارف خله كذا

[abo naser 1]

السلام عليكم

مبروك الله يطعمك من خيرة ويكفيك شرة مع البالون بدون فك الرفرف حلو كشكل بغض الطرف عن عيوبها الكثيرة وانا لم استخدمها نهائياً

وهذي للي مايعرف الفروقات من الأخوان من تجربة الأثنين

من 88-97
يتفوق في خفة الوزن بحدود 300 كيلو وهذا سبب فرق العزم
وذف وخفيف وممتع بالقيادة خصوصاً بالبر والزحمة عدا الخط
الشكل يعتبر أفضل من الي بعدة لدى البعض
قوة الصدامات ودعاميتها
المحرك 4200 منها كربريتر وبخاخ حسب الموديل والفئة

من 98-2001
الديلكو أكتروني وهاذي ميزة كبيرة لصفاوة المحرك والفكة من البليتين
يتفوق بقوة الديكورات الداخلية والمقاعد وجلد الأبواب والزجاج عكس القديم
لايوجد تهريب هواء في الخط بالمقارنة بالقديم
الرساوة أفضل من القديم
وطبعاً أقل قرقعة من القديم لجودة الديكور والجلد
المحرك 4200 كربريتر و 4500 كربريتر وهو الأفضل و4500 بخاخ حسب الموديل والفئة

[محسن اليامي]

الله يكفيك شره ويطعمك من خيره

ياااارجال والله انها مبروكات عندي 98 ولا احلى منه ماشاءالله تبارك الله

[ربع نيسان91]

الله يبارك لك في ما خذيت

[سلسيف]

الله يجزاكم بالخير و شاكر لكم هذا الشعور الطيب
شوركم و هدايه الله ما ني فاك الرفارف بس امس اتصلت على واحد من اخوياي بالشرقيه المهم من ضمن السوالف قلت له بركب جنوط هلل و قال لا ركب جنوط هايلكس دبل 2003 احسن من الهلل على الباترول 99 وش الراي يا اخوان ؟؟

[تميم2222]

كلهاااااااا منتازه ... بس الجديد اوسع غماره من الاول

[طواش]

القديم اصمل ال 98 يقولون تسمع صوت الطبلون ودوم تتعطل الكهربا والموتر ثقيل مهوب مثل 97
المهم بالبركه

[قناص في البر]

الله يعطيك خيره ويكفيك شرهـ والف مبروك
انا عندي 2005 4 ابواب فتك ولا احلى
لكني رجعت وشريت 95 فل سوبر سفاري .. لاني هاويه هاوي الشكل القديم وكلها الان موجوده معي واهتمامي في 95 اكثر يا حبنيٌ له شكله رزهـ وقوي مابه شي مشاء الله تبارك الرحمن

[ابوعبدالله 93]

ركب جنط هلل فضي ودنلوب حجري والله ان يطلع مجنون

[أسير المساري]

لالالالالالالالالالالالالاتشري موديلات 98 99 200

اما اشتر من 97 وتحت أو اشتر من 2001 وفوق

مكينة 4500 انحششش عنها انا مجرب شريته 98 بسم راعيه وكاله وماشي 80 الف وخبط علي مرتين

[باترول للأبد]

الرجال شرا موتر وخلص أقرو الموضوع زين