المساعد الشخصي الرقمي

مشاهدة النسخة كاملة : هل هناك شحن للسيارات من صلاله الى الرياض؟


Abo ziad
28/08/2006, 02:11 PM
اخواني الكرام : ارجو التكرم بايضاح ما اذا كان يوجد شحن للسيارات من صلالة الى الرياض ؟ واسعار الشحن اذا كان هناك امكانية ؟شكرا لاخواني الكرام !
القصبي
28/08/2006, 06:34 PM
هلا اخوي والله بنسبة للشحن انا ماافهم في الشحن ولا الامور ذي بس
ان شاء الله بيردون عليكم الشباب المتحمسين لخدمة كل واحد يسال فيذا
بروح اصلي المغرب
غالي
29/08/2006, 02:50 AM
ابو زياد
الي اخبره من سنتين مافيه شحن للاسف :( وهذا الخبر من اقاربي رايحين ولالقوا شحن ورجعوا خط
والله اعلم كانهم حطوا هالسنه شحن عاد يفيدونك الشباب
جربوع داعس
29/08/2006, 03:18 AM
هلا اخوي ابو زايد

للاسف مثل ماقال غالي مافي شحن من صلاله الى الرياض حتى السنه هاذي انا توني جاي منها خط يعني بالسياره:) وانا بعطيك نصف حل :D وان شاءالله افيدك......

انا كذا مره شفت سيارات مشحونه تاتي من مسقط الى صلاله وسالت عنها قالولي نعم يوجد شحن بين المدينتين اللي ذكرتها يوجد ايضا شحن من مسقط الى الامارات فقط يعني ماتروح الرياض وانا سالت البسام للشحن وقالي يوجد شحن من الرياض الى الامارات فقط يعني ان شاءالله محلوله تنسق بين البسام للشحن والوكلاء الاخرى

بس على كذا مع تعدد الشحن من وكيل الى وكيل بيكون السعر غالي فنصيحتي وش تبي (بالعنطزه والمنطزه)<<<حقوق الطبع محفوظه:D امسك خط بالسياره واتكل على الله بس انتبه من البقر والبعارين والغبار اللي بالخط اذا كنت بتمشي بالنهار اما بالليل الخط كذا:good: رحت معاه كذا مره مافي لاغبار ولا بعارين بس ولو خذ حذرك

وان شاءالله اكون افدتك واخوتي الاعضاء بفيدونك ان شاءالله اكثر مني
new1
30/08/2006, 07:26 PM
السلام عليكم

يوجد شحن من صلاله الى مسقط ومن مسقط الى الرياض وأعتقد من صلاله الى الرياض

بس مهيب شركات شحن وإنما أفراد

فيه براحه وسط صلاله فيها دينات للشحن سواقينها هنود وباكستان كلمهم وتقاول معهم
والدعوى على الثقه

والله يسهل عليك
راعي الكيف
01/09/2006, 09:17 PM
يابن الحلال ... وليه تشحن ؟؟

ان كان قصدك ضايقن صدرك من الخط ... يخوي لبق موترك ببايكة بيتك ... ورح لمهم واستاجر من سيارتهم ...

ترا ايجار سياراتهم موب غالي ... حدود 250 ريال لليوم ... وزد فوقها 3 ريال تأمين .. عشان سبحان الله يمكن يجي السيارة شي وانت تسوقها

استاجرها وادفع التأمين ... وماجاك علي ..!!

سيارتهم جديدة وقوية ... اعرف عايلتين راحو بذاك استاجروا سيارات على موديلات 2005 و 2006 ... وباترول ولاندكروزر ...

فكر بالموضوع زين وقلبه براسك ... والله اوفر واريح لبالك ... اخاف باتسر تندقش سيارتك اللي شاحنها ولا يتأخر عليك اللي متزهلن لك بها ... ثمن عاد حالة !!!


عسى الله يكتب لك الخير يابعدي ...