رحلتنا ليوم الخيس 14 صفر 1434هـ وما حدث لنا من حراس وزارة الزراعة ..

[بن نويشر]

حيا الله الأخوان تحية طيبة ،،
واسعد الله اوقاتكم بكل خير ،،
موضوعي لا يشمل صور .. فأرجو المعذر
ولكن قصة حدثت لنا يوم الخميس الماضي في الصمان ، فأحببت ان اسردها وارويها لكم يا ساده يا كرام ..

خرجنا في رحلة للصمان مع مجموعة من الأخوان لإستكشاف الفياض ، فمررنا بمغطية العودة وكان ربيعها ضعيف ، ثم توجهنا للفياض المجاورة ألا ان لا شيئ يذكر للربيع.
فقررنا التوجه إلى فيضة (خبراء الظلماء) ،، حيث كانت الفيضة جدا ربيعها زين ويبشر بخير قادم إن شاء الله تعالى ،،،
دخلنا بالفيضة وقررنا الإقامة على طرفها .. سمنا بالله وفرشنا ونزلنا العزب
وما هي ألا دقائق حتى دخل علينا سيارة داتسون غمارتين لا يحمل شعار يقودها رجل كبير في السن ومعه ابنه وطلب منا الحضور له للسيارة ، فعرف نفسه (عنزي) ويحمل بطاقة عمل من وزارة الزراعة وطلب منا مغادرة الفيضة حالاً ولا بيجيك (الجيب) الحين ، مع العلم ان حريمه وعياله في الجانب الآخر من الفيضة ، فقلنا له: طيب ما يخالف بنتغدى ونمشي .
قال: طيب طلعو السيارة برا ولا تشبون نار وزبالتكم كبوها برا .
قلت له: ما يخالف .
وبعد ذلك أتانا جيب اخضر قديم مكتوب عليه وزارة الزراعة يقوده شخص عبوس الوجه سليط اللسان وكأننا جالسين في ارضه !!
مقبل علينا يضرب بواري بشكل مزعج يقول: يالله اطلعوا برا قم انت وياه ...
والمشكلة يالربع ان قيه قطيع من الأغنام داخل الفيضه ونقول له الحين تطردنا والبهايم ما تطرده ، قال: وش دخلك بالهائم ؟؟؟!!! ما عليك منها ..
قلنا له: إن شاء الله يكون خير

الشاهد يالربع وما لكم في الطويلة ، انهم اشغلونا وازعجونا وازعجو الكشاته واي واحد يدخل يطردونه شر طرده (الله حسيبهم) حتى قلعهم الله عنا بروحه من غير رجعه

فحذروهم ... وتبينوا من حقائقهم
ولماذا يتم طردنا من الفياض ؟
وبهذه الطريقة ؟؟
وهل وزارة الزراعة فعلاً لها سلطه بذلك ؟
وهل هؤلاء فعلاً موظفي وزارة الزراعة ؟
وهل هذا اسلوب وزارة الزراعة ؟

[عيد ثاني]

ابن نويشر ..

لا أعتقد بأن وزارة الزراعه مخوله بفعل هذا

في الوضع شك وريبه ...

[ابوقشعان]

حلوووووووووووو
السلام عليكم ورحمة الله وبركاتة
اتمنىء من الادارة المختصة تشبيك الفياض حتى تكون متنزهات طبيعية عامة يستفيد منها الناس .

وتقبلو خالص تحياتناء،،،،...

[أبو يزن1]

الله يعينكم ويعوضكم الله برحله خير منها..
لو جاني اي واحد اولاً اتأكد من بطاقة العمل وثانياً اطلب منه أن يعطيني الامر الذي يطلب مني الخروج من الفيضه..

[ابن عكاش]

الحمدلله على السلام ورحلة ممتعه
اللي اعرفه ان وزارة الزراعة في كل محافظة لديها حماية للشعبان او الفياض وعلى حسب نشاطهم واهتمام المحافظ
لكن الرجال قد يكون مأمور بذلك لأن امير بيخيم فيها في الإجازه فهم يقومون بحمايتها هذه الفترة وقد صارت لنا في الصمان الشرقي عند فياض امهات المصران

[الخادم]

نفس القصه قبل عامين

و بعد التاكد منهم تبين بان حلالهم و لايبون احد بالفيضه الا هم

و طردناهم بعد ما تاكدنا بان ما عندهم اوراق بالمنع و الله يعين بها الديره

[أبو جراح11]

هذا كاني أجيب العلم (( كذوب )) ولا له دخل لآ بزراعة ولا بغيرها
محمية فيها غنم ؟؟؟؟؟؟؟!!!!!!!!!!!!!!!!

أنا قد صار لي قصة مشابهه ( طالعين نصيد دخل بطليحات بمجراء شعيب
شوي ويجينا ذاك الشايب وماخلا ولا كلمة شينة الا وقالها ثم راح لمعرف هجرة قريبة مننا حوالي 4كيلو وجانا المعرف لحاله
وقال
انتم علامكم على حلال الرجال ترمون علاه ؟؟؟؟؟!!!!!!

وحلال بعد كيلوين عن مكاننا
وما معنا غير سواكتين ضعيفة ماتصيد القميري

فقلت للمعرف
اولآ الرجال كذوب ماقربنا حلالة
ثانيآ بنادقنا ماتوصلة وفتش السيارات قدامك أن لقيت غيرهن تراها لك خذها
وقلت الرجال قال كلام يجلد علية ومنه قال (( يالسرابيت ))وغيرها افنع منها
وحنا نبي نشكي بالمحكمة وعلية يثبت إننا سرابيت أو يجلد
يوم شاف السالفة علية بداء يهدي المشكلة ويقول الرجال ترا مهوب صاحي ؟؟؟؟؟؟
قلت مدامة مهوب صاحي وش تبي انت ؟؟؟ قال انا ظنيت انكم مخطين علاه ؟؟؟؟

وركب دردعة الددسن وطس00


بعض الناس حسود

لو انه وقف وخذ فنجال وقال ترا جلستكم هنا تزعجني كان تركنا المكان له 00

الأمر سهل 00

[الليث الابيض]

ياخي مرات تقول ماودك تدخل بمشاكل ومتاهات مع هالاشكال ومرات تقول ودك توريه العين الحمرا
لكن فك عمرك من هالاشكال ونصاب ولو تبي تستقعد له تتهمه بتمثيل الوزاره ولا أعتقد انها مخوله فعلا تسوي مثل هالامور لاحول ولاقوة الا بالله الحقد والحسد وصل الى هالدرجه عندنا
الله يكافينا الشر

[قدر مكتوب]

اخوي يمنع الناس عن ارض الله ليه , الربيع له وملك لابوه , اتركه عنك ولو طول بالموضوع قله جب جيبك ونطلع للمركز ونشوف , الاشكال هذي لو يحصل انها تسرقك ماقصرت

[Al3rands]

اللهم عافنا

[عاشق الفيضة]

هذه ناس عندهم حلال ولا يبون احد يدخل الفيضه والمشكله انهم لا يحسنون التعامل مع الكشاته ويريدون ان يسيطرون على الفيضه وقد حصل لي من هذه المواقف ولاكن فيه كشاته لا يقومون بنظافة المكان بعد الانتهاء من جلستهم هداهم الله وتكون الفيضه انواع الزبائل وهذا باعتقادي هو السبب الجوهري والرئيسي في التعامل الحاد مع الكشاته وتقبلوا خالص تحياتي

[درجلان الشمال]

ياحبيلك مره صارت سالفه لنا وتبي تبرد كبودكم
يوم ثلاثاء طلعنا معنا 2جيب فكس ار توجهنا لفيضه قليب الذيب الشماليه طبعا مهيب محبسه المهم الربيع نصف الجنط ماشالله مااخذنا ساعه ونص الا ويجي جيب شاص ابيض وينزل وينفخ قال انتم ماتشوفون الفيضه مملوكه قلت لمن مملوكه قال لابن دويش قلت اجل اصبر بكلم الامير وبعلمه بالسالفه قال اصبر وش الامير بتتكلمه قلت حنا خويا الامير وهو اللي مرسلنا للفيضه هذي قالوا احجزوها ليوم الخميس وان الصيوانات والمخيم بيجي بكره انشالله بعد العشاء قال اجل اسمع ياللحيه الغانمه الفيضه ملك لكم لاكن بعلمك ليه انحش الناس يقول دبلوا كبودنا الحضران ووصخونا وحرثوا الارض قلت ماعلي منك انت والحضران والبدو اكلم الامير ولاوش العلم قال لا عشاكم الليله هنيا ياصلكم لحدكم قلت مانبي شي طبعا انفخ عشان يخاف ويصدق ويمسك يدي ويجرني بعيد عن ربعي قال انا طالبك ان نقصكم شي ان تعلمني الحين حطب ماء فرش زهاب قلت قلتلك مانبي شي توكل علي الله لاتاخرنا قال طيب بكلمك عن ماضوع انا والله اني اعيل اسره 9اشخاص ولاعندي الا الغنم واباك تدخلي ورقه علي الامير عشان يعاوني بعانيه طيبه وانت اباك تزكيني عنده قلت ابشر بس بشرط لاتجي ولاتقرب للمنطقه ذي الا بعد صلاه العصر يوم الخميس قال تم وابشر وش المطلوب مني قلت اكتب معروضك بااسلوب زين ومتعلم وابد تعال وبدخلك علي الامير ويتشكر مني يوم جاء يركب قال والله ماتشوف اللي ينزل بمحلك بنحشهم عن المنطقه قلت ايه خلاص رح
واستانسنا الثلاثاء والاربعاء ويوم الخميس مشينا الساعه 11 الظهر لحسنا السبق
من له حيله فليحتال اجل مملوكه لابن دويش مشكله بعض الناس يشوه سمعه شخص معروف عنه بالطيب

[درجلان الشمال]

طبعا للحين ماسك المعروض بقليب الذيب يحترين:p

[بن نويشر]

ابن نويشر ..

لا أعتقد بأن وزارة الزراعه مخوله بفعل هذا

في الوضع شك وريبه ...

صدقت .. اضم صوتي لصوتك ..

[بن نويشر]

حلوووووووووووو
السلام عليكم ورحمة الله وبركاتة
اتمنىء من الادارة المختصة تشبيك الفياض حتى تكون متنزهات طبيعية عامة يستفيد منها الناس .


وتقبلو خالص تحياتناء،،،،...

الله يهديك ... هذا الحل في نظرك ...

[بن نويشر]

الحمدلله على السلام ورحلة ممتعه
اللي اعرفه ان وزارة الزراعة في كل محافظة لديها حماية للشعبان او الفياض وعلى حسب نشاطهم واهتمام المحافظ
لكن الرجال قد يكون مأمور بذلك لأن امير بيخيم فيها في الإجازه فهم يقومون بحمايتها هذه الفترة وقد صارت لنا في الصمان الشرقي عند فياض امهات المصران

يروح يتأمر على هله .. ولا ينهر الناس كأنهم عبيد عنده هالمتخلف .. لو لا شنبه كان ما شفته ... :D

[فهد404]

الله يعطيكم العافيه هذا من طيبكم صراحه ارتفع ضغطي وانا اقرء القصه والحمدلله انه ما قابلني ليس شجاعه فيني لكن مدري وش اقول مرتفع ضغطي اعذروني ودي اتكلم بس اخاف من الله بس ودي التكلم ابانفجر فكوني عليه عطني احداثية الروضه تكفى تكفى تكفى

[ABO-NaiF]

زي الاشكال هذي اسفهها

اي زراعه واي كلام فاضي

هذا اللي بقى

[لغف الحمام]

ياابن نويشرهذولا العن من كلب البدوينابح عليك وأذوقفت هج المفروض ماتعطونهم وجه ترك الكلب سنه
تعودين عليهم .
اليوم الثعلب غدا اشجع من الذيب..... للبومه الخرصا صفا الجوونجال .

[سبع البوادي]

هذا تصرف جبان ولا اعتقد ان وزارة الزراعة مخوله لفعل ذلك وان وجد منع صريح فليس بالطريقه التي ذكرت ، حتى لو افترضنا ان كثير من الكشاته لا يحافظ على نظافة المكان فيضطر الى انتحال صفة رسمية لطرد العابثين فهذا عمل مخالف ، والديره ماهي لعب والرياض والفياض من حق الجميع راعي حلال والا راعي كشته او بدوي والا حضري

انصحك اخوي تتجه الى وزارة الزراعه مع احداثية المكان وتخطرهم بذلك للتأكد من الموضوع

لأن انت وسيع صدر لكن غيرك ماعنده تفاهم الله يدفع البلى عن المسلمين وممكن لا قدر الله يصير فيها اشتباك يأدي الى ما لا يحمد عقباه

كفانا الله واياكم شر الأشرار وابعد عنا السفهاء

[CAM 7]

يارجال لايهمونكـ

[بن نويشر]

اشكركم يا اخوان
واشكر لكل من تفاعل مع الموضوع
ولا يخفى عليكم يا ساده ان ما حدث أمر دخيل على مجتمعنا .. ولا بد من الوقوف بحزم وشده امام هؤلاء الدخلاء الصعاليك ، وعلى كل من يواجه امثال هؤلاء عليه اولا بطلب التعريف وابراز كافة كل الوثائق لديه وتصويرها وتصوير السيارة وتصويره هو كذلك .
لا ترضخ له بكل سهوله او تتودد له
انت ابن البلد وهم الدخلاء
لا يوجد ادنى شك على اي فرد ينتمى لهذه الأرض حرصه الشديد على الاماكن الخضراء
والطبيعة الخلابة ، صحيح ان هناك عدم توعيه للكثير من الناس و وزارة الزراعة وهيئة المحافظة على البيئة لديهم قصور في ذلك وواضح فالمنع ليس الحل الوحيد للمحافظة بل المطلوب هو نشر التوعيه بين الناس وزرع الفسائل في الصحراء ومتابعة نموها وترقيمها ووقف الرعي الجائر وغير ذلك من الخطط والطرق والمجربه في الدول المجاورة..


معلومة : احد الحراس شايب يتجاوز عمره السبعين (معقولة موظف في هذا العمر) وبرفقة ابنه والذي لا يتجاوز عمره السابعة عشر وابنه كذلك ينابح ويهدد ..


الله لا يسلط علينا ...
موفقين يا أخوان وما تشوفون شر

[aglanco]

هون عليك يابن نويشر
سفهاء غوغائية من شلة خذوهم بالصوت
والله ماعنده سالفة ولا حد معطيه لاأمر ولاربي قاله
الرجال يبغى ينبسط لوحده ويبغى الناس ماتقرب
للربيع الين يفنى ...
روح وتمشى وطنشهم خله ينابح لوحده الله لايرده
بس اهم شيء نظفوا محلكم
الله يستر عليكم

[شيخ البلوله]

اللي بيسمع نباح ههاﻻشكال والله ماعاد يكشت

اذا شفته عطه العين الحمراء وخله ينقلع باللي مايرده

كدحصلت لنا مرات يجون ينابحون والله انا نطردهم ﻻننانعرف كذبهم

[عبون الجواء]

ياحبيلك مره صارت سالفه لنا وتبي تبرد كبودكم
يوم ثلاثاء طلعنا معنا 2جيب فكس ار توجهنا لفيضه قليب الذيب الشماليه طبعا مهيب محبسه المهم الربيع نصف الجنط ماشالله مااخذنا ساعه ونص الا ويجي جيب شاص ابيض وينزل وينفخ قال انتم ماتشوفون الفيضه مملوكه قلت لمن مملوكه قال لابن دويش قلت اجل اصبر بكلم الامير وبعلمه بالسالفه قال اصبر وش الامير بتتكلمه قلت حنا خويا الامير وهو اللي مرسلنا للفيضه هذي قالوا احجزوها ليوم الخميس وان الصيوانات والمخيم بيجي بكره انشالله بعد العشاء قال اجل اسمع ياللحيه الغانمه الفيضه ملك لكم لاكن بعلمك ليه انحش الناس يقول دبلوا كبودنا الحضران ووصخونا وحرثوا الارض قلت ماعلي منك انت والحضران والبدو اكلم الامير ولاوش العلم قال لا عشاكم الليله هنيا ياصلكم لحدكم قلت مانبي شي طبعا انفخ عشان يخاف ويصدق ويمسك يدي ويجرني بعيد عن ربعي قال انا طالبك ان نقصكم شي ان تعلمني الحين حطب ماء فرش زهاب قلت قلتلك مانبي شي توكل علي الله لاتاخرنا قال طيب بكلمك عن ماضوع انا والله اني اعيل اسره 9اشخاص ولاعندي الا الغنم واباك تدخلي ورقه علي الامير عشان يعاوني بعانيه طيبه وانت اباك تزكيني عنده قلت ابشر بس بشرط لاتجي ولاتقرب للمنطقه ذي الا بعد صلاه العصر يوم الخميس قال تم وابشر وش المطلوب مني قلت اكتب معروضك بااسلوب زين ومتعلم وابد تعال وبدخلك علي الامير ويتشكر مني يوم جاء يركب قال والله ماتشوف اللي ينزل بمحلك بنحشهم عن المنطقه قلت ايه خلاص رح
واستانسنا الثلاثاء والاربعاء ويوم الخميس مشينا الساعه 11 الظهر لحسنا السبق
من له حيله فليحتال اجل مملوكه لابن دويش مشكله بعض الناس يشوه سمعه شخص معروف عنه بالطيب اتفق معك تماما

[v506]

ياحبيلك مره صارت سالفه لنا وتبي تبرد كبودكم
يوم ثلاثاء طلعنا معنا 2جيب فكس ار توجهنا لفيضه قليب الذيب الشماليه طبعا مهيب محبسه المهم الربيع نصف الجنط ماشالله مااخذنا ساعه ونص الا ويجي جيب شاص ابيض وينزل وينفخ قال انتم ماتشوفون الفيضه مملوكه قلت لمن مملوكه قال لابن دويش قلت اجل اصبر بكلم الامير وبعلمه بالسالفه قال اصبر وش الامير بتتكلمه قلت حنا خويا الامير وهو اللي مرسلنا للفيضه هذي قالوا احجزوها ليوم الخميس وان الصيوانات والمخيم بيجي بكره انشالله بعد العشاء قال اجل اسمع ياللحيه الغانمه الفيضه ملك لكم لاكن بعلمك ليه انحش الناس يقول دبلوا كبودنا الحضران ووصخونا وحرثوا الارض قلت ماعلي منك انت والحضران والبدو اكلم الامير ولاوش العلم قال لا عشاكم الليله هنيا ياصلكم لحدكم قلت مانبي شي طبعا انفخ عشان يخاف ويصدق ويمسك يدي ويجرني بعيد عن ربعي قال انا طالبك ان نقصكم شي ان تعلمني الحين حطب ماء فرش زهاب قلت قلتلك مانبي شي توكل علي الله لاتاخرنا قال طيب بكلمك عن ماضوع انا والله اني اعيل اسره 9اشخاص ولاعندي الا الغنم واباك تدخلي ورقه علي الامير عشان يعاوني بعانيه طيبه وانت اباك تزكيني عنده قلت ابشر بس بشرط لاتجي ولاتقرب للمنطقه ذي الا بعد صلاه العصر يوم الخميس قال تم وابشر وش المطلوب مني قلت اكتب معروضك بااسلوب زين ومتعلم وابد تعال وبدخلك علي الامير ويتشكر مني يوم جاء يركب قال والله ماتشوف اللي ينزل بمحلك بنحشهم عن المنطقه قلت ايه خلاص رح
واستانسنا الثلاثاء والاربعاء ويوم الخميس مشينا الساعه 11 الظهر لحسنا السبق
من له حيله فليحتال اجل مملوكه لابن دويش مشكله بعض الناس يشوه سمعه شخص معروف عنه بالطيب

ههههههههه والله منت ببسيط يالشمالي بس كان ما أتعبته يكتب المعروض

[عاشق الصيد 1]

هون عليك يابن نويشر
سفهاء غوغائية من شلة خذوهم بالصوت
والله ماعنده سالفة ولا حد معطيه لاأمر ولاربي قاله
الرجال يبغى ينبسط لوحده ويبغى الناس ماتقرب
للربيع الين يفنى ...
روح وتمشى وطنشهم خله ينابح لوحده الله لايرده
بس اهم شيء نظفوا محلكم
الله يستر عليكم


هذا الكلام اللي يجمد على الشارب

خلك محترم في تعاملك مع الفياض

و خلك جامد و رد عليه و عطه العين الحمراء
وقله أقلب و جهك الفيضة مهيب فيضة أبوك .

[سفير الجزيرة]

اه بس ليتي مكانك لافضحه في اليوتيوب والصحف الالكترونية لين يجيبون خبره ويعاقبونه
ترى يا ناس استغلال الوظيفة لمصلحة خاصة له عقوبة في الدولة كبيرة يمكن الكثير يغفل عنها

لكن وصيتي إذا جاكم مثل هالشكل ، اترك واحد من اخوياك يصوره فيديو ويصور السيارة وتعاملوا معه باسلوب حسن ، بعدها نزلها في اليوتوب وارسل للصحف

صدقني بيروح فيها