الفزعة ثم الفزعة يا أهل مكشات

[عابد العبدالل]

السلام عليكم و رحمة الله و بركاته

مساء الخير للجميع

...

يا أخوان ابي فزعتكم بخصوص ( فرش النوم )
حاولت اني استفيد من المواضيع الكثيرة بهالخصوص سواء هنا أو في منتدى آخر و لكن للأسف ما طلعت بنتيجة و تشتت فكري

ابي الكلام اللي ما بعده كلام للي جربوا الفرش

وش الأفضل من ناحية الدفى قبل كل شي و بعده الأمور الثانية مثل الوزن و السعر و و و و

مستعد ادفع لحدود 500 ريال أو أكثر بس أبيها تندفع بشي يستاهل و عليه الكلام

أنا محتار بين 4 فرش
الفصول الأربعة _ الصحراء _ الدريويش _ فراش امريكي ( اعتقد اسمه سلمبر جاك )

وين الأفضل بينهن ؟ و إذا فيه فراش آخر أفضل أفيدونا


و الله يجزاكم خير و يوفقكم دنيا و آخره

[الضباوي]

السلام عليكم اخوي الفصول الاربعة ابداع من واقع تجربه
الامريكي ضيق ان دخلت فيه اعرقت وان طلعة راسك برد
عشان كذا اقول افضل شي فرشنا من واقع تجربه تم تجربة
حق الهدف صراحه تعرق من الدفا واذا طلعة راسك جمدة
الفصول الاربعه صارحة تمام

[فاسيلي زايستي]

ياخوي فيه فراش باكستاني اسفنج واللحاف قطن وكله مغطى ببلاستك خفيف من مميزايته:
1-البرد مايدخل عشان البلاستك كنه مشمع
2- مايدخلة الماء
3- خفيف جدا جدا
قد حصلته مع واحد من العيال وسئلته ولايدري من وين لانه لابوه لاكن مامعه شي لاهدف ولاصحراء

[عابد العبدالل]

السلام عليكم اخوي الفصول الاربعة ابداع من واقع تجربه
الامريكي ضيق ان دخلت فيه اعرقت وان طلعة راسك برد
عشان كذا اقول افضل شي فرشنا من واقع تجربه تم تجربة
حق الهدف صراحه تعرق من الدفا واذا طلعة راسك جمدة
الفصول الاربعه صارحة تمام

شكراً لك يا أخي على الرد
الأمريكي اللي اقصده هو حق الهدف سمعت انه ممتاز
لكن انت مجرب و التجربة خير برهان

[عابد العبدالل]

ياخوي فيه فراش باكستاني اسفنج واللحاف قطن وكله مغطى ببلاستك خفيف من مميزايته:
1-البرد مايدخل عشان البلاستك كنه مشمع
2- مايدخلة الماء
3- خفيف جدا جدا
قد حصلته مع واحد من العيال وسئلته ولايدري من وين لانه لابوه لاكن مامعه شي لاهدف ولاصحراء

شكراً لك أخي
وين احصله هذا ؟

[الداهي]

الدريويش وبس

[مالقيت اسم ا]

الدريويش الااول. بعده الفصول الاربعه

[نقطة نظام]

السلام عليكم

شف هالموضوع لاخوي ابومها لعله ان شاء الله يفيدك
انا جربت الامريكي ممتاز الثانيات ماجربتهم

http://www.mekshat.com/vb/showthread.php?t=185190

[عابد العبدالل]

الداهي
ما لقيت اسم

شكراً لكم و انتم مجربين و اكثر مني خبره و حالياً 2 مع الدريويش و 1 مع الفصول الاربعة و 1 يمدح الامريكي

نقطة نظام شكراً لك على رابط الموضوع و لكن هل تنصح بالامريكي

[عواد الشمري2]

عليك بالتنزاني او القاظي قيمته 500 ريال
وذا هبت شماليه خش بوسطه بدون بطنيه وبدون ثوب وحلام سعييده
انا مجربه

[عابد العبدالل]

مشكور يا الجنيدي

[عواد الشمري2]

العفو ياعابد

[جالس لوعدك]

السلام عليكم
تم اقتناء هذي السنه فراش امريكي من الهدف
اسمه \ بق جنسون -30

دافي جدا والنوم فيه مريح
عيوبه \ ماتقدر تسكر على راسك بسحاب ,, لكن شخصيا اعتبرها ميزة
ولا افكر ابدا بالعودة للفرش محليه الصنع

بالتوفيق

[نقطة نظام]

السلام عليكم
تم اقتناء هذي السنه فراش امريكي من الهدف
اسمه \ بق جنسون -30

دافي جدا والنوم فيه مريح
عيوبه \ ماتقدر تسكر على راسك بسحاب ,, لكن شخصيا اعتبرها ميزة
ولا افكر ابدا بالعودة للفرش محليه الصنع

بالتوفيق

هذا مو عيب الله يحفضك كل الفرش الامريكيه ماتتسكر مو فوق بس عندك الكيسه حقته غطها عليه عادي .
هذي مو زي فرشنا تقفله من كله جهه وتلعبك الهبايب وانت بوسطه :)
هذا لو تقفله اختنقت

ماذكرتلنا الله يحفضك كم سعره !!
وموصفاته !! لولستر او ريش والطبقه الداخليه وشي !!!
ومالومك يوم تقول ولا افكر ارجع للفرش المحليه ههههههه
انا عندي واحد امريكي ياربي لك الحمد نعمه لايعرفها الا من جربها
والله لقيت واحد البارح قريب من فراشي مو مثله وشريته مع ان فراشي باقي به عمر بس خفت ماحصل بعدين ههههههه اقولك نعمه مايعرفه الا الي جربه

[ابن عكاش]

انا مجرب فراش الصحراء جيد جداً بوليستر مضغوط اول ماتدخل فيه بارد شوي بعدين يدفا ميزته مايدخل عليك برد مع السحابات على اطرافه شفه
عيبه قصير شوي اللي طوله متر وسبعين سنتي وحولها يصلح له
جربته في اجواء تحت الصفر وماخاني
هذا اللي اعرفه والله يدلك

[ثوب الدفه]

شكرا لك وجميع الاخوة اضفتم لي معلومة

[raed]

السلام عليكم
من واقع تجربتي بطنيتين حسب مقاسك انا ماخذ النفرين " الواحد يحب ياخذ راحته بالنوم " من افضل الانواع واقرب محل خيام وقماش تنزاني من النوع الممتاز يخيط كل بطانيه لوحدها بسحاب على التنزاني " للتنظيف والغسيل " ويقفلها لك بسحاب من النوع الممتاز. " على كل هم ادرى بشغلهم " بس وصهم تكون كل بطانية لوحدها ويركب للفراش مشداد طيبه وفصل معاها كيس للحفظ.
لها الان والحمدالله معاي من 5 سنوات لا عرق ولا كتمه .
عيبها الوحيد كبر حجمها فقط من واقع تجربتي . والتكلفها حسب الجوده بس ذيك الايام ما كلفتني 400 ريال

وقبل اسبوع مريت للسنيدي وكان عندهم لباس للبرد وبنفس الوقت يصلح للنوم لانه مبطن
ومر علي خذها وجربها :D :D

[اي-مكشات]

فيه فراش نوم من الرمايه تنزاني قيمته حول 400 ريال من ابدع مايكون.. في البدايه يكون كبير نوعا ما لاكن بعد ماتصفطه اكثر من مره يصير حجمه مناسب جدا.

[سعــود]

مافي مثل برد الشمال عندنا خصوصا بهالايام ومافي كثر طلعتنا فيها عن تجربة اقولها لك وخطيتك برقبتي اذا حصلت عكس هالشي والا لقيت نتائج ماتسرك عليك بفراش الصحراء له معاي سنه وشوي تقريبا والله ياخوي انك بترتاح فيه درجة الحراره عندنا يوم الخميس اللي فات صفر درجه وانا في البر والله اني يوم صحيت لقيته ابيض من فوق حليييييت واني مادريت لهالبرد الا يوم طلعت منه اصلي والحين فيه تخفيض عليه كان فوق 500 والحين 350 فقط وسلامتك

[عابد العبدالل]

السلام عليكم
تم اقتناء هذي السنه فراش امريكي من الهدف
اسمه \ بق جنسون -30

دافي جدا والنوم فيه مريح
عيوبه \ ماتقدر تسكر على راسك بسحاب ,, لكن شخصيا اعتبرها ميزة
ولا افكر ابدا بالعودة للفرش محليه الصنع

بالتوفيق

مشكور لكن كم سعره الأمريكي ؟

[عابد العبدالل]

انا مجرب فراش الصحراء جيد جداً بوليستر مضغوط اول ماتدخل فيه بارد شوي بعدين يدفا ميزته مايدخل عليك برد مع السحابات على اطرافه شفه
عيبه قصير شوي اللي طوله متر وسبعين سنتي وحولها يصلح له
جربته في اجواء تحت الصفر وماخاني
هذا اللي اعرفه والله يدلك

شكراً يا الغالي على هالرد

[عابد العبدالل]

السلام عليكم
من واقع تجربتي بطنيتين حسب مقاسك انا ماخذ النفرين " الواحد يحب ياخذ راحته بالنوم " من افضل الانواع واقرب محل خيام وقماش تنزاني من النوع الممتاز يخيط كل بطانيه لوحدها بسحاب على التنزاني " للتنظيف والغسيل " ويقفلها لك بسحاب من النوع الممتاز. " على كل هم ادرى بشغلهم " بس وصهم تكون كل بطانية لوحدها ويركب للفراش مشداد طيبه وفصل معاها كيس للحفظ.
لها الان والحمدالله معاي من 5 سنوات لا عرق ولا كتمه .
عيبها الوحيد كبر حجمها فقط من واقع تجربتي . والتكلفها حسب الجوده بس ذيك الايام ما كلفتني 400 ريال

وقبل اسبوع مريت للسنيدي وكان عندهم لباس للبرد وبنفس الوقت يصلح للنوم لانه مبطن
ومر علي خذها وجربها :D :D

شكراً لك لكن التفصيل بطريقتك هذي مزعج بعدين خاصة من ناحية الحجم الكبير

[عابد العبدالل]

فيه فراش نوم من الرمايه تنزاني قيمته حول 400 ريال من ابدع مايكون.. في البدايه يكون كبير نوعا ما لاكن بعد ماتصفطه اكثر من مره يصير حجمه مناسب جدا.

شكراً لك لكن وش اسمه الفراش

[عابد العبدالل]

مافي مثل برد الشمال عندنا خصوصا بهالايام ومافي كثر طلعتنا فيها عن تجربة اقولها لك وخطيتك برقبتي اذا حصلت عكس هالشي والا لقيت نتائج ماتسرك عليك بفراش الصحراء له معاي سنه وشوي تقريبا والله ياخوي انك بترتاح فيه درجة الحراره عندنا يوم الخميس اللي فات صفر درجه وانا في البر والله اني يوم صحيت لقيته ابيض من فوق حليييييت واني مادريت لهالبرد الا يوم طلعت منه اصلي والحين فيه تخفيض عليه كان فوق 500 والحين 350 فقط وسلامتك

البرد عندنا بالشمال بالعظم الله يعين
وين القاه فراش الصحراء ؟
و شكراً على الرد

[ابو خالد 111]

السلام عليكم و رحمة الله و بركاته

مساء الخير للجميع

...

يا أخوان ابي فزعتكم بخصوص ( فرش النوم )
حاولت اني استفيد من المواضيع الكثيرة بهالخصوص سواء هنا أو في منتدى آخر و لكن للأسف ما طلعت بنتيجة و تشتت فكري

ابي الكلام اللي ما بعده كلام للي جربوا الفرش

وش الأفضل من ناحية الدفى قبل كل شي و بعده الأمور الثانية مثل الوزن و السعر و و و و

مستعد ادفع لحدود 500 ريال أو أكثر بس أبيها تندفع بشي يستاهل و عليه الكلام

أنا محتار بين 4 فرش
الفصول الأربعة _ الصحراء _ الدريويش _ فراش امريكي ( اعتقد اسمه سلمبر جاك )

وين الأفضل بينهن ؟ و إذا فيه فراش آخر أفضل أفيدونا


و الله يجزاكم خير و يوفقكم دنيا و آخره



اخي الفاضل بخصوص تجربتي انا واعوذ بالله من كلمة انا

جربت فراش الرمايه سعره 370 ريال شريته العام الماضي وطلعت بكل ديره وماشاء الله تبارك الله لا ونست برد ولا حشرات ولا شي

موفق خير

[جالس لوعدك]

هذا مو عيب الله يحفضك كل الفرش الامريكيه ماتتسكر مو فوق بس عندك الكيسه حقته غطها عليه عادي .
هذي مو زي فرشنا تقفله من كله جهه وتلعبك الهبايب وانت بوسطه :)
هذا لو تقفله اختنقت

ماذكرتلنا الله يحفضك كم سعره !!
وموصفاته !! لولستر او ريش والطبقه الداخليه وشي !!!
ومالومك يوم تقول ولا افكر ارجع للفرش المحليه ههههههه
انا عندي واحد امريكي ياربي لك الحمد نعمه لايعرفها الا من جربها
والله لقيت واحد البارح قريب من فراشي مو مثله وشريته مع ان فراشي باقي به عمر بس خفت ماحصل بعدين ههههههه اقولك نعمه مايعرفه الا الي جربه
هلابك وحياك الله
السعر 450

[جالس لوعدك]

مشكور لكن كم سعره الأمريكي ؟

حياك الرحمن
450 الستاندر امريكي منتج من الصين

[ذيبان 2000]

ياشيخ فصل اطلق فراش عند الغرابي ب300

[ذيبان 2000]

ياشيخ فصل اطلق فراش عند الغرابي ب300

[PATROL]

انا جربت فراش الصحراء بعز البرد ولادريت عن البرد مع ان اخويانا اللي معهم فرش ثانيه ذبحهم البرد بس يعيبه شي واحد اللي هو كبر حجمه