تم بحمد الله طلب مساعدات بلستن للفورشنر.... [الأرشيف]

مشاهدة النسخة كاملة : تم بحمد الله طلب مساعدات بلستن للفورشنر....

مخاوي 2004

31/12/2012, 08:58 AM

السلام عليكم ورحمه الله وبركاته

حي الله النشاما وكيفكم مع الاجواء الربيعيه الله يتبعها بالسيل ياكريم

المهم:

تم طلب مساعدات بلستن عن طريق صديقي ناصر الله يعافيه من موقع الامزون وفي الموقع اذا اخترت تويوتا يطلع لك بس الاف جي والسيارات المعروفه مثل اللاند والشاص والسيارات القديمه وبعد التقصي ان مساعدات الاف جي تركب على الفورشنر وعلى البرادو وعلى الهايلكس الدفرنسين تم طلبها بـ800 من موقع الامزون وشحنها عن طريق ارمكس 500 تصير كلها 1300 طبعا اثنين قدام بس

طبعا فيه ميزه غير انه غازي ويتحمل وقوي ماشاء الله تقدر ترفع الموتر من الامام بدون كعكات عن طريق المساعد تفك التيله اللي تحت الحلقه حقت الياي وفيه ثلاث مقاسات غير شد البلد ترفع الى 4 او 5 سنتي..

اليكم الصور بسم الله نبدا

http://www.mekshat.com/pix/upload05/images249/mk90522_20121224_220643.jpg

هذي صور لمساعدات بلستن الالمانيه مثل شركه مساعدات سيارات المرسدس مع مساعد شد البلد
http://www.mekshat.com/pix/upload05/images249/mk90522_20121224_220704.jpg

وهذي بغطاها مساعدات غازية قويه مناسبه وممتازة ماشاء الله تبارك الرحمن
http://www.mekshat.com/pix/upload05/images249/mk90522_20121226_091229.jpg

وهذه صوره مع الياي تم طلب طقم يايات قدام ثلاثه سنتي وبالخلف سته سنتي
http://www.mekshat.com/pix/upload05/images249/mk90522_20121226_091835.jpg

وهذا ابوهنود ماقصر يفك المساعدات
http://www.mekshat.com/pix/upload05/images249/mk90522_20121226_100104.jpg

http://www.mekshat.com/pix/upload05/images249/mk90522_20121226_100109.jpg

وهذا بيس حبتين لعيون المنتدى
http://www.mekshat.com/pix/upload05/images249/mk90522_20121226_102152.jpg

وهذي صوره مع مساعدات منور
http://www.mekshat.com/pix/upload05/images249/mk90522_20121226_142038.jpg

طبعا هالصور ماخوذه من النت للتوضيح حطيت جلبتين فقط وحده كبيره واخرا صغير مشابها الربل اللي بالصور
http://www.mekshat.com/pix/upload05/images249/mk90522_20121202_092130.jpg

وتم شراء مساعدات منور خلفيه للفورشنر غازيه طقم 350 الصور مساعد مونور مع مساعد شد البلد وتم تلحيم حلقه مثل مساعد البلد زياده للتناسب مع طول الياي
http://www.mekshat.com/pix/upload05/images249/mk90522_20121226_142043.jpg

صور للتوضيح
http://www.mekshat.com/pix/upload05/images249/mk90522_20121226_142116.jpg

http://www.mekshat.com/pix/upload05/images249/mk90522_20121226_142600.jpg

مساعدات منور بعد التركيب والتوضيح زياده حلقه...
http://www.mekshat.com/pix/upload05/images249/mk90522_20121226_154700.jpg

http://www.mekshat.com/pix/upload05/images249/mk90522_20121226_154707.jpg

الموتر بعد تركيب المساعدات وتم تجربتها ماشاء الله تبارك الرحمن ممتازه وانصح وبقوه بطلبها وشرائها طبعا الموتر مركب الاغراض فيه التاني 85لتر وعزب الشاهي والغداء وشنطه حطب وبعض الاغراض..
http://www.mekshat.com/pix/upload05/images249/mk90522_20121226_174842.jpg

صوره للمبروك ماشاء الله تبارك الرحمن بالربيع
http://www.mekshat.com/pix/upload05/images249/mk90522_20121227_150426.jpg

وش رايكم بالنصب هع

وهذا رابط لموقع اخر للتوضيح

http://www.shockwarehouse.com/ (http://www.shockwarehouse.com/)

لكن طلبتها انا من موقع الامزون

ارجوا اني افتدكم

دعواتكم لي ولوالدي بالتوفيق والهدايه

اخوكم ابوفـارس

صريح المقال

31/12/2012, 10:20 AM

السلام عليكم ورحمة الله وبركاته :)

ما شاء الله تبارك الرحمن .. الله يعطيك من خيرها ويكفيك شرها ويبارك لك في حلالك ومالك .

مساعدات سمعتها طيبه جداً .. وصار لي فترة أبحث وأجمع التقارير الي تتكلم عنها لأني جالس أمهد لطلبها وتركيبها بإذن الله مستقبلاً :)

تقرير رائع، مفيد، ممتع .. والله يكتب لك أجر العلم النافع الي نشرته وحرصت على توصيله لنا .

ما شاء الله عليك والله لا يضرك .. والله يكثر من أمثالك الحريصين على تقديم العلم النافع بشكل فعلاً مفيد !
صور وأسعار وروابط .. ما خليت لي شي أسأل عنه :)

الله يعافيك ويجزاك خير .

والسلام عليكم ورحمة الله .

rpk

31/12/2012, 10:40 AM

ما شاء الله ركزتها علي الموتر حلوه والكل يمدح هذا المساعد

مخاوي 2004

31/12/2012, 10:44 AM

مخاوي 2004

31/12/2012, 10:46 AM

ما شاء الله ركزتها علي الموتر حلوه والكل يمدح هذا المساعد

هلا بك اخوي

الله يجزاك خير ويرحم والديك

وحيد الدهر

31/12/2012, 01:20 PM

ياخوي المساعد موجود الواحد 150 يركب ترهيم ع اغلب المواتر

وزيت موب غاز

انا مركبها ع هايلكس واحد من العيال مركبها ع باترول واحد ع جكس 2007 ولا عندك احسن منهن بـ300 ريال

صريح المقال

31/12/2012, 02:16 PM

السلام عليكم ورحمة الله :)

وعليكم السلام ورحمة الله

هلا بوك والله ومسهلا اخوي

الله يجزاك خير ويرحم والديك ويوفقك ويستر عليك

بس ترا اخوي الرابط هذا لموقع اخر مالي فيهن اناا واللي طلبنا خويي من موقع الامزون

وسلامتك اسعدني مرورك الله يوفقك:good2:

الله يسلمك وهلا بك :)

آمين وياك وكل مسلم ويجزاك خير على الدعوة الطيبة .

إيه متابع معك بالموضوع وأدري الرابط للتوضيح :)

وهذا أيضاً رابط لموقع آخر للي بيشتري وتقدر تحط مواصفات موترك عشان يعطيك على موديله :
http://www.autoanything.com/suspension-systems/61A5660A0A0.aspx

والسلام عليكم ورحمة الله .

المميـز

31/12/2012, 02:17 PM

:

ماشاء الله تبارك الله

موضوع رائع ومفصل تفصيل حلو

الله يجزاك خير ويعطيك العافيه

كتبت وابدعت ...

:

AMERALNET

01/01/2013, 12:11 AM

ماشاء الله تبارك الرحمان

اهنيك على حسن اختيارك
الله يبارك لك بهن ويكفيك شرهن

محاكيك معه نفس موترك
طلبتهن عن طريق موقع امزون ولاكن اقل سعر منك تقريبا ب 100ريال
كان سعرهن بالموقع 99.95$ بالريال تكون 759.62ريال
وارمكس اخذو علي 450ريال.
تركيبهن بـ 200 ريال
ولاكن نصيحه ياخوااااان بخصوص التركيب لاحد يتعدا الرمايه اللي بالتخصصي اسعر وارخص
ولاني اسوي دعايه لهم لا والله ولاكن هذا الواقع.

XTERRA -2010

01/01/2013, 08:31 AM

اخي تدبيل حلقة المساعد احسها خطأ يمكن تتكسر

واذا كان الهدف مساعد طويل شف لك مساعدات استراليه او جبريل

كيف وجه الموتر بالخط ثابت ولا يتمايل ???

صريح المقال

01/01/2013, 08:52 AM

السلام عليكم ورحمة الله وبركاته :)

عذراً على الرد للمرة الثالثة لكن الموضوع يهمني ولاحظت شي بالمساعد لازم أسألك عنه.

أخي الكريم .. المساعد مثل ماهو واضح بالصورة فيه حامل (شيال أو قاعدة) للياي .. لأن موترك أظن مثل موتري يجي الياي بوسط المساعد ( موتري جمس سييرا الشكل الجديد ) .

سؤالي هل القاعدة هذي جايه معه ولا أنت مركبها عليه ؟

لأني بصراحه ماشفت مثل كذا بالمواقع الي دورت فيها المساعد ( سواء الموقع الي أنت ذكرته أو الموقع الي أنا ذكرته بردي السابق) كلهم فيهم المساعد بدون القاعدة هذي ..

وهذي مسويه مشكله لي ولكذا واحد أعرفهم ما يبون يطلبونها من برا عشان مشكلة القاعدة هذي وانه لازم نفك قاعدة المساعد القديم ونكبسها عليها وهذي فيها خطورة من وجهة نظري الخاصة .

وأنا مثل ما ذكرت لك اخوي الموضوع أدرسه من فترة والتقارير الي شفتها قبل موضوعك هذا يركبون القاعدة بأنفسهم عند ورشة تكبسه على المساعد .

أو ان مواترهم ما تحتاج للقاعدة هذي لأن طريقة الياي بوسط المساعد مهيب في كل السيارات .

عشان كذا الله لا يهينك إذا القاعدة جايه على المساعد من بلد .. أرجو منك ولو كلفت عليك تعطيني رابط المساعد من الأماوزن أو الرقم حق المساعد عشان أقدر أبحث عنه نفسه وأشوف إذا يركب على موتري أو لا :)

والله يجزاك خير والله اني منحرج منك لكنك كريم وحنا ان شاء الله نستاهل .

ومانيب مستعجل على الرد وان ما قدرت تراك معذور .

والله يوفقنا جميع لما يحبه ويرضاه .

والسلام عليكم ورحمة الله .

مخاوي 2004

01/01/2013, 01:56 PM

:

ماشاء الله تبارك الله

موضوع رائع ومفصل تفصيل حلو

الله يجزاك خير ويعطيك العافيه

كتبت وابدعت ...

:

الله يجزاك خير وياهلا فيك اخي المميز منورنا الله يعافيك

ماشاء الله تبارك الرحمان

اهنيك على حسن اختيارك
الله يبارك لك بهن ويكفيك شرهن

محاكيك معه نفس موترك
طلبتهن عن طريق موقع امزون ولاكن اقل سعر منك تقريبا ب 100ريال
كان سعرهن بالموقع 99.95$ بالريال تكون 759.62ريال
وارمكس اخذو علي 450ريال.
تركيبهن بـ 200 ريال
ولاكن نصيحه ياخوااااان بخصوص التركيب لاحد يتعدا الرمايه اللي بالتخصصي اسعر وارخص
ولاني اسوي دعايه لهم لا والله ولاكن هذا الواقع.

ياهلا فيك اخوي اسعدني مرورك ومبروك المساعدات الله يطعمك من خيرها ويكفيك شرها

انا ركبتهن كلهن 180 تقريبا

اخي تدبيل حلقة المساعد احسها خطأ يمكن تتكسر

واذا كان الهدف مساعد طويل شف لك مساعدات استراليه او جبريل

كيف وجه الموتر بالخط ثابت ولا يتمايل ???

لا الله يجزاك خير انا ماجبت شي من راسي دراس الموضوع وسال ناس مجربة ابخص واكبر مني هع واستخرت وتوكلت

المساعد اصلن يجي نفس مقاس شد البلد بس مع الرفع لازم تزوده حلقه ليتناسق مع طول الياي وانا افضل المونور لانها غازيه ومطبها لين مب مثل مساعد الفكسار

والحمدلله الموتر ماسك وجه وتستاهل من يطلبها

السلام عليكم ورحمة الله وبركاته :)

عذراً على الرد للمرة الثالثة لكن الموضوع يهمني ولاحظت شي بالمساعد لازم أسألك عنه.

أخي الكريم .. المساعد مثل ماهو واضح بالصورة فيه حامل (شيال أو قاعدة) للياي .. لأن موترك أظن مثل موتري يجي الياي بوسط المساعد ( موتري جمس سييرا الشكل الجديد ) .

سؤالي هل القاعدة هذي جايه معه ولا أنت مركبها عليه ؟

لأني بصراحه ماشفت مثل كذا بالمواقع الي دورت فيها المساعد ( سواء الموقع الي أنت ذكرته أو الموقع الي أنا ذكرته بردي السابق) كلهم فيهم المساعد بدون القاعدة هذي ..

وهذي مسويه مشكله لي ولكذا واحد أعرفهم ما يبون يطلبونها من برا عشان مشكلة القاعدة هذي وانه لازم نفك قاعدة المساعد القديم ونكبسها عليها وهذي فيها خطورة من وجهة نظري الخاصة .

وأنا مثل ما ذكرت لك اخوي الموضوع أدرسه من فترة والتقارير الي شفتها قبل موضوعك هذا يركبون القاعدة بأنفسهم عند ورشة تكبسه على المساعد .

أو ان مواترهم ما تحتاج للقاعدة هذي لأن طريقة الياي بوسط المساعد مهيب في كل السيارات .

عشان كذا الله لا يهينك إذا القاعدة جايه على المساعد من بلد .. أرجو منك ولو كلفت عليك تعطيني رابط المساعد من الأماوزن أو الرقم حق المساعد عشان أقدر أبحث عنه نفسه وأشوف إذا يركب على موتري أو لا :)

والله يجزاك خير والله اني منحرج منك لكنك كريم وحنا ان شاء الله نستاهل .

ومانيب مستعجل على الرد وان ما قدرت تراك معذور .

والله يوفقنا جميع لما يحبه ويرضاه .

والسلام عليكم ورحمة الله .

هلا فيك اخوي نعم يجي مع المساعد حلقه للياي ومساعدات انا اللي قدام الياي والمساعد سوا

بس مساعدات موتري اطول من مساعد السيرا له مساعدات خاصه هو من نفس الشركه بلستن اطلبها

وهذي صوره للمساعدات حقتي اللي طلبتها والمساعد يجي معه حلقه للياي وصاموله للمساعد

http://www.autoanything.com/suspension-systems/61A5660A0A0.aspx

اسعدني مرورك الله يحييك وجاهزين لاي سوعال هع:D

وسلامتك:good2:

سيف الظفير

02/01/2013, 12:25 AM

الله يمهل لك ويرزقك ويوفقك يالغالي

ولكن مساعدات ليفلز افضل منها بكثير

والله اعلم

مخاوي 2004

02/01/2013, 08:07 AM

الله يمهل لك ويرزقك ويوفقك يالغالي

ولكن مساعدات ليفلز افضل منها بكثير

والله اعلم

اميييين وياك الله يجزاك خير ويرحم والديك يابعد حيي

ننتظر تقريرك باحر من الجمر وبالتوفيق ياغالي:D

اسعدني مرورك المتواضع:good2: