من عنده معلومات عن الارمادا [الأرشيف]

مشاهدة النسخة كاملة : من عنده معلومات عن الارمادا

الراعي

29/08/2006, 01:42 AM

السلام عليكم ورحمة الله وبركاته
من عنده معلومات وافيه عن الارمادا

anas

29/08/2006, 02:12 AM

اقصر لك الطريق واقول لك انا من المعجبين جدا بهذه السيارة ولكن بعد المعينة وجدتها لا تقبل إلا بنزين اوكتين 95 فصرفت نظر عنها وكما تعلم انه في عام 1427 إن شاء الله سيطبق النظام الجديد في البنزين .
واذا تبغى معلومات وافية من ناحية المواصفات:
من اهمها :
الفرامل abs
ومثبت السرعة
ونظام التحكم بالثبات والاستقرار عند المنعطفات vdc وله زر خاص مدمج في الكونسول الوسطي بالضغط عليه تفصل النظام(off )
نظام الدبل 4h و 4L و AUTO
صناعة امريكية
التعليق مستقل على العجلات الاربع كلها
الدبل ثلاث فئات/1- 125000 ريال 2-127500 زيادة فتحة وحساسات خلفية3- الفل كامل 136000 ذاكرة للمقاعد وسخان للمقاعد والجنوط سداسية الشعاع اما في الفئات السابقة خماسية الشعاع
الماكينة 5.6 لتر 300 حصان حسب موقع ياهو و340 حصان حسب الكاتلوج عندنا
((احس اني ثرثار :D مع السلامة ))

الراعي

29/08/2006, 12:21 PM

الاخ anas
ماقصرت ووفيت وكفيت ويازينها من ثرثره
تحياتي للجميع , , , ,

أبو أسامة

29/08/2006, 12:22 PM

السلام عليكم ورحمة الله وبركاته

أؤيد كلام الأخ أنس في كل ما قال عنها ....... وأضيف عليه أن السياره راسيه بالخط ......... وصرفية البنزين أقل من الاند كروزر والبترول... وتعتبر مساوية للجمس ......... والعزم والله خيالي بدري على الاند أو الجمس أو البترول يجبونه .......لكن عليها ملاحظه وهي بأن فحمات الفرامل ماتطول يعني كل 6 شهور تقريباً ، وقيميت الفحمات في الوكالة على 400 ريال.......

ملاحظه : عندنا المكينه أقوى من أمريكا بأربعين حصان ........ والسبب أنه في أمريكا تطبق أنظمة سلامة البيئة ... وتعمل الشركات بعض الأمور البسيطة من أجل تقليل أنبعاث العادم ...... وذلك يؤدي إلى تقليل عدد الأحصنه ........ بينما في السعوديه لا تطبق هذه الأنظمة ..... وأبشركم شركة نيسان أعلنت أنها راح تضيف على الأنفنتي الكبير والأرماد عشرون حصان إضافيه وذلك في العام 2007 لكن هل ستكون هذه الإضافه عندنا في موديلات 2007 أم 2008 ..........

والسلام عليكم ورحمة الله وبركاته

anas

29/08/2006, 03:40 PM

بما انك يا الراعي اثرت موضوع عن الأرمادا .. باقي ان نسأل هل يوجد احد جرب السيارة في الطعوس ؟
اخي وعزيزي بو اسامة هل صحيح ان الأرمادا اقل صرفية في البنزين من الباترول والجمس علماً بأن الجمس والباترول يستخدم بنزين 91 اما الأرمادا95 ، وأيضا الباترول 4800 لتر 6 سلندر اما الأرمادا 5600 لتر 8 سلندر وأنا بنفسي سألت مندوب المبيعات الخاص بالأرمادا عن صرفية البنزين قال لي أن الأرمادا تصرف اكثر من الباترول .

Abu Saad

29/08/2006, 04:16 PM

السلام عليكم ..

شخصيا ركبت السيارة كذا مرة رائعة وفخمة جدا .

عبينا بانزين من محطات عادية :)

داخليه تحس انك راكب الماني وخصوصا بي ام ...

عموما هناك تقرير كامل في الساحات مكتوب عنها مع نزول الارمادا للخليج عام 2005 راح تستفيد منه كثير والصور موجودة في نهاية التقرير وهذا هو الرابط :

http://alsaha2.fares.net/sahat?14@3.iLX7sjGRjXi.1@.1dd7d317

شبح الصحراء

30/08/2006, 10:53 AM

ما ادري احس الأرمادا نازل مرة ويمكن ما ينفع للنفود لأن النفود يحتاج سيارة مرتفعة وهذي ترا نفس مشكلة البليزر مع انه موتر قوي بس مشكلته نازل مرة ولو اشتريت الأرمادا حاول تركب مساعدات علشان ترفعه فوق .
بالنسبة للموضوع اللي انكتب عنه في الساحات يا دودو2 ، فيه واحد شايب بالساحات اسمه ربيع حايل خبرة بالسيارات جرب الأرمادا وبالنهاية سب الموتر لأنه يقول ان الأجزاء الداخلية للموتر تعبانة ، يعني يتهرقل بسرعة .

جلمود 83

30/08/2006, 04:20 PM

اسأل مجرب

بصراحه الارمادا لا يصرف في حاله وحده سوقه بدون عزم كيف وانت واقف سوقه بدلع يعني اذا جيت تمشي دعسع بسيطه ويمشي معك وراح تلاحظ ان ضغط المكينه ارتفاعه بسيطه بس التسارع الين يوصل ال80 سريع وخلك على ال80 ابد و الله راح تلاحظ ان الصرفيه ولا شي

بالنسبه للفرامل هو كان عليه تعديل يعني نزلت فرامل جديده غير الاوله هو في بداياته كانت فيه هذي المشكله

بس بصراحه اثبتوا نيسان انهم انظف بكثير من الامريكي

الراعي

31/08/2006, 03:26 PM

ابشركم توكلت على الله وشريت الارمادا فل كامل بـ 136,600 وبصراحه سياره تفوق الوصف

والشكر لجميع اخواني بهذا المنتدى الرائع والذي يعلم الله انه من افضل المنتديات
لكثره وتنوع المواضيع ومشاركات الاخوان الفعاله والسريعه
والشكر كل الشكر الي القائمين على هذا المنتدى
وتحياتي لكم ,,,,,,,,,,,,,

Abu Saad

31/08/2006, 03:31 PM

الف مبروك .. الله يطعمك من خيرها ويكفيك شرها..
موتر مبارك ان شاء الله.

شبح الصحراء

01/09/2006, 01:35 AM

الف الف مبروك والله يطعمك من خيره ويكفيك شره .

anas

01/09/2006, 01:48 AM

ما شاء الله لا قوة إلا بالله ..ومبارك والله يعطيك من خيره ويكفيك شره.

أبو أسامة

01/09/2006, 02:01 AM

ألف مبروك والله يعطيك خيرها ويكفيك شرها .........زز

أبو أسامة

01/09/2006, 02:04 AM

ألف مبروك والله يعطيك خيرها ويكفيك شرها .........

الراعي

01/09/2006, 08:15 PM

اشكر الجميع والله يبارك فيكم ويوفقكم

تحياتي , , ,

جلمود 83

01/09/2006, 10:12 PM

مبرووووووووووووووووك وخف على الباب الكهرب عاد عرفنا ان عندك باب المقاضي كهرب خخخخخخخخ امزح معك

الله يعطيك خيرها ويكفيك شرها وشر البنقاله و الهنود الي بشوارعنا

غضنفر

02/09/2006, 02:15 AM

مبروك السيارة
الله يعطيك خيرها ويكفيك شرها
نبي منك تقرير مفصل عن السيارة اذا ما عليك امر

تيتشر

03/09/2006, 07:27 AM

اخوي معه واحد شاريه وكاله .. طبعا السياره فيها عرق امريكي
وفيها عيب صارت معاه مرتين انها احيانا ما تشتغل ونشيلها بسطحه للوكاله وصلحوها وصارت مره ثانيه
واستخدام اخوي مره نظيف فما ادري هل هالعيب بالارمادا كلها او هو عيب مصنعي بسياره اخوي

شبح الصحراء

03/09/2006, 08:20 AM

يا عزيزي يا تيتشر الرجال خلاص شرى الموتر ولا للحين ما دريت http://smileys.smileycentral.com/cat/4/4_1_6.gif (http://www.smileycentral.com/?partner=ZSzeb001_ZNxpt135YYSA) .

الراعي

05/09/2006, 03:48 AM

وعد السياره بمكاشيت الشتاء وهل هي سياره تستاهل
واشكر الجميع وبالتوفيق

jaber280

11/09/2006, 10:04 AM

انا عندي ارمادا 2006 صراحة سيارة جميلة وقوية بس صراحة ماتصلح للبر لانها تطب في المطبات بشكل مزعج جدا !!!!