حصري: بالصور فصل التراكشن نهائيا في الإكسبلورر عن طريق الفيوز..

[alqassimy]

السلام عليكم ورحمة الله وبركاته


يسعدني ويشرفني انضمامي لهذا المنتدى الشامخ المعطاء اللذي لطالما استفدنا منه الكثير

اخواني انا انضممت لعائلة الفورد قبل مده وجيزه وقد اشتريت اكسبلورر 2010 ولله الحمد

لا اخفيكم معجب جدا في السياره ديره بر بحر قيادتها ممتعه وتجمع بين الحجم الصغير والعائلي

ولكني في الاونه الاخيره ومع اعتدال الجو وبرودته وكثرة الخروج للبر بدات استاء من نطام التراكشن مع العلم اطفائه من زر التراكشن لايفي بالغرض مجرد ان تتعدى السرعه 40 يرجع يشتغل

اصبح يقلقني ويسبب لي التغريز في اكثر من حاله وبدات اكره دخولي بالسياره للبر ولكن بعد قرائة تجارب الشباب اتضح لي ان فصله عن الفيوز سهل ويؤدي الغرض

فلما اردت ذلك بحثت كثيرا ولم اجل تفصيلا بل كلام من هنا وهناك ... فقلت مالها الا الكتالوج جيبوووه <<< خربت خلاص زهقت فصحى هههههههههه

ومالكم بالطويله الزبده قفلت معي وقلت جيب الكتلوج وخويكم عليمي بالانجليزي بس تيسرت الحمد لله وقلت اصور وانزله للشباب في مكشات للي يبي يستفيد


تابعو الصور

http://www.mekshat.com/pix/upload05/images249/mk93074_img_6326.jpg

الفيوز المطلوب ويتضح وصفه بالعامود الايمن وطبعا لازم يفصل ABS معه هالنظامين متلازمين لان عملهم مرتبط ببعض



http://www.mekshat.com/pix/upload05/images249/mk93074_img_6325.jpg



وهنا يتضح مكانه بالعلبه






http://www.mekshat.com/pix/upload05/images249/mk93074_img_6324.jpg

وهذا مكانه في السياره بعد تطبيقه




بعض الملاحظات :

1- يفضل فصله والسياره طافيه
2- انصح بعدم فصله الا اذا بتدخل رمل مسافات طويله
3- خل معك سبير فيوز احتياط
4- بتولع عندك لمبة مانع الانزلاق وال ABS
5- بيجيك تحذير كل شوي يقولك ان نظام التراكشن يحتاج صيانه



تنبيه : فصل الفيوزتحت مسؤليتك الخاصه وانا غير مسؤول عن اي مشاكل تترتب على ذلك لاسمح الله






والسلام خير ختام

[alqassimy]

ماشاء الله 40 مشاهده ولا رد !!!!!!

اللي عنده حل لتنبيه النظام يقولنا برمجه ولا شي مزززززعج

[m3ax]

شخصياً بغيت افصله اكثر من مره لكني في الاخير العن ابليس واخليه مكانه

يمكن لأني ما قد دخلت عليه بر لمسافات طويله ماقد تضايقت منه لأني اكثر طلعاتي للبر تكون تطعيس ولا أماكن وعره وقريبه وأنسم الموتر قبل ما يطب الرمل من 15 الى 20

يمكن اجربها في احد المرات عندي فضول اجرب اداء السيارة من غيره

ربي يوفقك اخوي ..

[alqassimy]

حياك الله شاكر لك ردك :)

[ابوسعوداليحيى]

شكرا اخوي اعجبتني مغامرتك و تجربتك :D

لكن عندي سؤال يدور في راسي وش المشاكل اللي واجهتها في البر من التراكشن

انا ضايقني مره يوم دخلت كل شوي يشتغل و يطفى خصوصا مع المشي بالرمل

لكن هل اذا طفيته يفيديني بالتغاريز و الامور ذي


شكرا لك مرة اخرى :good:

[دمع القلب]

معاي اكسبلورر 2009 ووظبت الماكينة قبل 9 شهور والحمدلله ماشي تمام

الكلام انه بعد ماوظبت الماكينة وجيت استلم السيارة كانت لمبة الـ ( تراكشن و ABS ) مولعة
ويعطيني تحذير كل 5 دقايق ( يجب الصيانة الآن )+تحذير بطارية
غيرت البطارية بوحدة جديدة وقلت له يصلحه لي لأنها ماكانت موجودةمن قبل التوضيب

المهم المهندس كان يشتغل في الوكالة وجاب لي فلبينين من الوكالة يبرمجون له وحاولوا مرتين
ولا نفع إلين غير الكمبيوتر على حسابه وصلحت ماعدا تحذير البطارية وتعودت عليه بزر rest

فا أنا استغربت لما قلت إنه من الفيوز بس يعطيك التحذير هذا وما أتوقع إنها فاتت على المهندس
حبيت اطرح تجربتي للتنبيه والله أعلم .

[zayed-911]

الله يعطيك الف عافيه

[اكسبدشن 2012]

ازيدك من الشعر بيت ايضا الاكسبدشن افصله دايم عن طريق علبة الفيوزات، واذا ثولوث الموتر رجعته لأن نظام التراكشن راح يفيدني اذا ثولثت ويعمل مثل الدفلوك

[ابوراكان5532]

الله يعطيك العافيه يالقصيمي وانا من شريت الاكسبلورر 2008 له معاي شهرين حسيت ان اللي بالمنتدى ماتوا ,,,, لكن الحين احس رجعت له الحياة .

لكن سؤال كل من شافني شاري الاكسبلورر يقولي بيعه نصيحه لوجه الله خرباته كثيره والقير مايطول معاك ؟؟؟

تكفووون اللي مستخدم الموتر من فتره طويله يقولي هل هو صحيح هالكلام علماً ان الموتر اللي معاي ماشي الحين 93000 فقط وعاااااجبني مررره

راااايكم يهمني ابيعه وافتك والا اخليه معاي؟

[KAYDHUM]

القصيمي
الله يعطيك العافيه طال عمرك
بس مالاحظت ان فيه ملاحظات ع الموتر اذا فصلته ورجعت ركبته ؟
كاني قريت كلام واحد يقول الدبل الثقيل مايشبك
وان الدفرنس خرب عنده بسبة فصل الفيوز

[ابو ناصر 22]

ابو راكان الموتر يبغاله رجل خفيفه واستخدام شخص واحد وان شاء الله مايجيه الا العافيه موتري ماشي فوق ١٨٠٠٠٠ والحمد لله والشكرله مافيه اي مشاكل ، اذا الموتر نظيف لا تفكر

[alqassimy]

هلا هلا بالشباب معليش مبطي مادخلت ولا شفت الردود

انا الان خلاص مستحييل ادخل رمل الا وفاصل التراكشن الموتر يفرق ١٨٠ درجه

اتاري التراكشن لاعب بحسبتنا لعب

وبالنسبه لملاحظاتي على الموتر ابد بس الازعاج اذا فصلته يصك الرااس تنبيه التراكشن

واذا رجعته يرجع مثل العسل بس احس الفيوز بيخرب من كثر مااطلع فيه لذلك السبير مطلوب :)

[ابوفارس 22]

اكثر جيراني معهم اكسبلورر ماقد اشتكو منه يابو راكان

[moand5]

اسأل مجرب ولا تسال خبير فصلت الفيوز بداية العلل في الدفرنس وها انا أعاني لين اليوم من فصلت هذا الفيوز

[KAHLID2005]

السلام عليكم

انا عندي اكسبلورر 2006 استخدام

له معي سنتين ونصف ولله الحمد وما شاء الله ما اشتكيت منه ابداًُ

ولكن عندي سؤال

انا سمعت هنا انه يجب تغيير زيت القير كل فتره وانا لم اغيرة منذ اشتريته من سنتين ونصف ولله الحمد لا يوجد ولا مشكلة فيه ما شاء الله

هل لا بد من تغييره

واين ادجد متخصص ممتاز لتغيير الزيت في مدينة جدة (بالرغم من انني خايف من التغيير ليلعب في القير كما سمعت )

وستني اجاباتكم وخبراتكم

[aljawwal13]

زيت القير لو تروح الوكالة تغيره ما عندهم مانع وياخذون عليك لا يقل 300 او اكثر ويشرطون عليك انهم غير مسؤلين اذا خبط القير
- هذي معلومه من موظف في صيانة فورد بأن السيارة اذا ما تغير زيت القير في وقته مثلا الاكسبلورر كل 32 الف كلم ،وبعد كرف للموتر وتجي تغير زيت القير ،راح يخبط لانه متوعد على الزيت االقديم ودرجة لزوجته .

[شرقا111وووي]

زيت القير لو تروح الوكالة تغيره ما عندهم مانع وياخذون عليك لا يقل 300 او اكثر ويشرطون عليك انهم غير مسؤلين اذا خبط القير
- هذي معلومه من موظف في صيانة فورد بأن السيارة اذا ما تغير زيت القير في وقته مثلا الاكسبلورر كل 32 الف كلم ،وبعد كرف للموتر وتجي تغير زيت القير ،راح يخبط لانه متوعد على الزيت االقديم ودرجة لزوجته .


صحيح كلامك وانا سالتهم وقالو لي نفس هالشيء ومواضب على تغيره بس المشكله تاخيرهم وعدم التزامهم للمواعيد مما يكلفك استئجار سياره اخرى

[شرقا111وووي]

والله ماانصح بفك التراكشن لان السياره حساسه جدا

يبقى كلامي مجرد وجهه نظر محتمله الصواب والخطا

[أبو dana]

الله يعطيك العافيه يالقصيمي وانا من شريت الاكسبلورر 2008 له معاي شهرين حسيت ان اللي بالمنتدى ماتوا ,,,, لكن الحين احس رجعت له الحياة .

لكن سؤال كل من شافني شاري الاكسبلورر يقولي بيعه نصيحه لوجه الله خرباته كثيره والقير مايطول معاك ؟؟؟

تكفووون اللي مستخدم الموتر من فتره طويله يقولي هل هو صحيح هالكلام علماً ان الموتر اللي معاي ماشي الحين 93000 فقط وعاااااجبني مررره

راااايكم يهمني ابيعه وافتك والا اخليه معاي؟يابو راكان سبق وأن كتبت في هذا المنتدى أو أحد المنتديات الأخرى بأن أحد الأشخاص يملك فورد إكسبلوررموديل 2006 وإلى الآن معه وماشي حوالي 230000كم
ولم يشتكي منه أبدا ماغير إلا القطع الإستهلاكيه
فقط الإعتيادية
والرجال يكرف الموتر ما يخليبه ديره
لكن الصيانه محافظ عليها مرة وكان منتظم جداً في صيانة الوكالة كل 8000كم إلى أن صار العداد 200000كم
وبعدين سحب على الوكالة وصار يصينه في أحد الورش المتخصصة إلي هي البيان كل 32000كم
والرجال ماشاء الله عليه حافظ إستخدام السيارة عن طريق الكتالوج ورقة ورقة
يعني يا بو راكان لا تخاف الموتر يجمل
بس أهم شي الصيانه وإستخدامه حسب الكتالوج
دليل المالك
ودمت بود

[الحسام79]

طيب بالنسبه لفورد رابتر ممكن مساعده بمكان الفيوز وهل صحيح انه إذا شلت الفيوز يفصل الدفلوك والدفع الرباعي