الهايلوكس الغمارة الطويل يشيل أكثر من الشاص ! (موقع الشركة)

[كومبو]

لسلام عليكم ورحمة الله بركاته
يالله حي كلن باسمه


دخلت موقع أبو جميل
تفاجأت أن الهايلوكس الغمارة الطويل يشيل حمولة 1170 كجم
بينما الشاص أبو 11 سسته يشيل حمولة 1135 كجم

http://im24.gulfup.com/Lf4y1.jpg

المصدر
للهلي تويوتا (المملكة العربية السعودية) - هايلكس غمارة 2013 - المواصفات (http://www.toyota.com.sa/specs.asp?model_id=15)
للشاص تويوتا (المملكة العربية السعودية) - لاند كروزر70 2013 - المواصفات (http://www.toyota.com.sa/specs.asp?model_id=18)

هل هذا معقول ؟
http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=9095072)

[سعيد المعمري]

والله شي غريب صدق ؟؟


بس يمكن لان الهايلكس انزل من الشاص يكون في السلامة افضل بالتحميل << مجرد راي غير موكد

[السامي2011]

طيب الناس ليش زعلو على جيب النيسان وحمولته !!

وكانت 1600 !!!

http://www.mekshat.com/vb/showthread.php?t=523120

[مراسيل الوفا]

ولا تنسى الستبنه حقت الهلي تحت والشاص فوق

برضه مجرد رأي

[مافيه]

وانا اخوك اترك عنك هالموقع الفاشل

العلم عندي بما اني من ملاك الشاص وموتري سلق وقايم على هاذي السالفه حق على واحد من الجماعه

مكتوب في الكتلوج الحموله لغاية 4000 كيلو = 4 طن
وحمولة الرفرف من الكتلوج لغاية 2500 كيلو = مايعادل 2 طن و نص

طبعا المسئلة الا الحين كتلوجات والرجال ماصدق قال لين اشوف بعيني واتفقنا على تحميل الموتر شعير ((وزن متعارف عليه)) ومايختلف فيه اثنين واتفقنا عى النقليه تكون من الرياض الى المشاعله بالضبط من حملت عليه مصفر العداد ووقفت بالمزرعه مشيت 178 كيلو

الشاهد وانا اخوك الموتر شلنا عليه 72 كيس بالتمام مايعادل 3600 كيلو لان الكيس الواحد فيه 50 كيلو وبالفعل الموتر شالها من الرياض ونزلها بالمشاعله
للعلم الموتر كان يقدر يشيل زود بس معاد فيه مكان

معلومه الكتاب تبع ربع 2005 بريمي و الموتر الي جربنا عليها الحموله شاص 2011

[كومبو]

والله شي غريب صدق ؟؟


بس يمكن لان الهايلكس انزل من الشاص يكون في السلامة افضل بالتحميل << مجرد راي غير موكد

ممكن كل شيء جايز

مشكور على ردك

[كومبو]

طيب الناس ليش زعلو على جيب النيسان وحمولته !!

وكانت 1600 !!!

http://www.mekshat.com/vb/showthread.php?t=523120

لا ياخوك إذا كان العلم على هاللزقة الزرقاء اللي في شاص النيسان الغمارة
http://im12.gulfup.com/2012-08-15/1345019483561.jpg
فهذي صورة للهايلوكس الغمارتين
http://im16.gulfup.com/K8a71.jpg

[Salamah.y]

مهي معقوله ابداً , و اشوف ان الارقام غير دقيقة
طبعاً بالعقل و بالتجربه , زي ما نشوف و خاصه عند اهل الحلال يوم يحملون شعير
و لا يهونون اهل الحطب ,, بالحمل عطي الله الشاص التويوتا حمّل و دربك خضر بإذن الله

و ترى الدفرنس الخلفي , من اهم الاشياء في التحميل
و مستحيل يكون دفرنس الهايلوكس اقوى من دفرنس الشاص
و الدليل , شف دفرانسات الدينات , وش كبرها ~

,

و اذا الكلام غير منطقي , و تشوف ان الموقع صادق بأرقامه
الميدآن على قولتهم ,, جرّب و تأكد , وعطنا الوكاد من تجربتك

تحياااتي ,, @~

[((ابوملاك))]

يابن الحلال الوكاله وموقعهم اللي لو اجيب بزر يعرف ازين منهم عن سياراتهم انا معي شاص ١١ سسته ويشيل ٤ طن يعني ٤٠٠٠ كيلو جرام

[0راعي الجبيل0]

فيه شغله في حسبة الوزن اللي تتحملها السيارة وقوة الجر ايضا فدائما الارقام اقل من الصحيح لاسباب السلامة والتحكم بالسيارة
والوزن المقترح هو التي تكون في القدرة على التحرك والوقوف المفاجيء بنفس حسبة المسافة للسيارة وهي فاضية ولكن لو تشيل دبل الوزن فالسيارة رايح تشيل وبالراحة ولكن جرب تمسك فرامل للتوقف المفاجيء بتشوف السيارة اخذت ضعف المسافة اللي تحتاجها وعلى هذا الاساس حطوا الارقام هذي
GVW

تحياتي
ابوحمدان

[شاووش]

يارجال كلام فاضي ..
حمل وتوكل على الله

[عآشق الذيب]

الصراحه استغربت ماهي صايرتن الهلي اقوا من الشاص

لكن بشطح فيكم شوي

هذي حمولة الددسن الدبل حقتي حبيت اشارك فيها

http://store2.up-00.com/Nov12/jis10423.jpg

يعني الحمولة 1800 والا كيف ؟



ادري اني شطحت شوي بالموضوع :D لكن ماعليه

[0راعي الجبيل0]

^^^^^^
هذا الوزن اللي يتحمله المحور وهو عبارة عن وزن السيارة + وزن الحمولة

تحياتي
ابوحمدان

[كومبو]

^^^^^^
هذا الوزن اللي يتحمله المحور وهو عبارة عن وزن السيارة + وزن الحمولة

تحياتي
ابوحمدان

يعني ما تقاس عليه الحمولة ؟

لأن الشاص التايوتا 2300 للمحور الخلفي
شاص نيسان 1620 للمحور الخلفي
هلي دبل غمارتين 1600 للمحور الخلفي
سييرا 1500 شاص طويل 1791 للمحور الخلفي
سييرا 2500 شاص طويل 2812 للمحور الخلفي
سييرا 3500 شاص طويل (أربع كفرات) 4456 للمحور الخلفي

الجميع دفرنسين والجميع غمارة إلا الهايلوكس

طيب كيف تقاس الحمولة ؟

وعطنا علم التندرا

[0راعي الجبيل0]

نعم هذا الوزن الاجمالي للقسم الخلفي للسيارة زائدا حمولتها ولو تدخل على مواقع الشركة الاصلي بتحصل تفصيل اكثر ويقولك ان الوزن الفلاني للحمولة والوزن الفلاني للحمولة زائدا الوزن

التندرا ماني متذكر لكن الشاص الطويل يشيل اكثر من القصير كوزن حمولة بحدود 400 كيلو
واتوقع انه يشيل حدود 1200 كيلو كوزن حمولة والمحور يتحمل الى 4000 لانه محسوب معها جر المقطورات ونفس الشي للجمس والشفر والسيارات الامريكية ولكن اليابانية الجر غير محسوبة من ضمن الحسبة فتشوف ارقامها اعلى
لان الامريكان حساباتهم على اساس انك تشيل الحمولة الفلانية زائدا تسحب مقطوره وزنها كذا
فهنا تحتاج محور يتحمل الوزنين للمقطورة وللحمل

تحياتي
ابوحمدان