المساعد الشخصي الرقمي

مشاهدة النسخة كاملة : لاهنتوا يا اخواني ابي االشور ومن شاور ماخاب !؟؟


abdullah-vtc
31/12/2012, 02:48 PM
السلام عليكم ورحمة الله وبركاته .


يا جماعه انا ناوي هالاربعاء ان شاء الله اطلع جهة الدهناء
والفياض اللي حوله وابي لاهنتوا تعطوني خط مسار امشي عليه
علماً اني مواعد اخوياي بيجون من بريده وبنتواعد بالمجمعه
وبننطلق من هناك ..

المطلوب عسى الله يحفظكم ابي تكفون تنصحوني وين اروح
ووش الفياض الزينه اللي ممكن نتنقل بينهن ..

واذا ماعليكم امر تراي مانيب بالحين ما ادل الفياض زين
ياليت بس لو تعطوني جدول امشي عليه وتحددون لي الاماكن
واحداثياتهن ..
ادري والله ان الطلب صعب لكن ان شاءالله ماراح تقصرون ،،،

والله يجزاكم خير ويحفظكم سواءً تفاعلتوا معي والا لا ..


بالنهايه اسف جداً على الاطاله .. وننتظر مشاركاتكم
«نجم الخير»
31/12/2012, 02:50 PM
اكيد انه صعب لان الدهناء طويلة عريضه اي جهه بالدهناء ناوين
«نجم الخير»
31/12/2012, 03:01 PM
كانكم ناوين حول قبه افضل ربيع البريكه لكن فيها ازعاج ماتقدر تنام من المهبل
اما القوعي ربيعها زوين وهادئه

رحلتنا الى : الدهناء _ البريكه _ البستينات _ القوعي _ اكثر من 60 صوره 1434هـ (http://www.mekshat.com/vb/showthread.php?t=553251)
abdullah-vtc
31/12/2012, 03:38 PM
الله يبيض وجهك على سرعة الاستجابه

طال عمرك حنا ماحددنا للحين وين وجهتنا بالضبط
يعني ودنا نبدا مروراً بالدهناء الى الفياض الزينه

والدهناء موب هدفي الاول .. انا ابي الفياض الزينه
اللي حول الدهناء ..

عشان يوم الاربعاء انام بالدهناء والخميس الصبح
نضف العفش ونتجه للفياض بحول الله ..
abdullah-vtc
31/12/2012, 08:55 PM
لا اله الا الله
سيف212
31/12/2012, 09:25 PM
نتمنى نجد إجابة .. يالمكشاتية الكرام

حتى أنا مجهز بخوياي رجال شرواكم ونبي المواقع المربعة الزينة

جزيتم خيراً
عبودي2002
31/12/2012, 10:49 PM
السلام عليكم
خذ المسار وتوكل على الله
النوم في الدهنا يسار بعد ماتتعدا ام الجماجم ب10 كيلو تقريبا ادخلو فبها حتى يجيكم الحطب الزين واجمعو حطبكم بعد فطوركم ومنها حركو للخط من جديد وتعد محطة ام رقيبه وادخل يمين وحط احداثية المنشرحه ومنها الى جغبقا وام غرس ومنها الى الفياض الصغار حول حسنا يمدحونها الشباب الي وصلوها وعليك بسؤال الاخوان هناك عن الفياض الزينه اما عن طريق الايكوم او السؤال والله يوفقكم برحلة توسع صدوركم وعليكم بالنظافه وعدم دخول الفياض الرويانه بالماء واستعدو زين للبرد يقال انه سيكون برد في نهابة الاسبوع على الوسطى
ثوب الدفه
31/12/2012, 11:44 PM
الله يسعدكم وين ما رحتوا ويسهل طريقكم
abdullah-vtc
01/01/2013, 12:33 PM
يامال الغناة واليسر وعسى عمرك طويل اخوي عبودي وان شاء الله
ان هالمخطط زين وبنسويه واشكرك على تفاعلك معي ..


الله يجزاك خير اخوي ثوب الدفه وعسى عمرك طويل
«نجم الخير»
01/01/2013, 12:49 PM
خذ الرابط يفيدك ان شاء الله

http://weather-sa.com/details-110.html
abdullah-vtc
01/01/2013, 01:26 PM
بيض الله وجهك اخوي الغالي وماقصرت والله
يجزاك خير