تركيب زنون لجيب لاند مشورتكم

[تركي ابوسعود]

السلام عليكم
اخواني لدي جيب جي اكس مافيه زنون
وارغب بتركيب زنون نفس شد البلد تبع اجي اكس ار او فكس ار للعالي فقط
وين فيه ويكون مثل شد البلد نفس درجة لون والتحمل والقوه نصيحتكم بالرياض

[البديع 828]

اذا بتختار زنون. ابحث عن اللي يكشح بدون تحميه.
يعني اذا ولعت الزنون علطول يولع بثواني.
لأن اللي بالسوق والرخيص ياخذ عشر ثواني وهو ماشتغل بالعربي دبلة كبد وراح تطفش منه وبالأخير بتنزله لأن فايدة العالي بزنون يحمي بسرعه مو نفس اللي بالسوق المنتشر الحين
وهذا في الغالب الوكاله تحصله
وفيه اعلانات بمواقع عن زنون يشتغل بدون تحميه. انصحك فيه يالغالي لأنه من تجربه

[قطع عشره]

هلابك اخوي عندي زنون محولات اثنين حقت فكسار كان لك نضر راسلني

[قناص 28 عفيف]

ابحث عن محمد ال سلطان في قوقل متخصص بالزنون واحلى زنون لاكشح تقول برق اخذ محولات دنسو الجيل الاول وهذا نادر تحصله

[cavalli]

ابحث عن محمد ال سلطان في قوقل متخصص بالزنون واحلى زنون لاكشح تقول برق اخذ محولات دنسو الجيل الاول وهذا نادر تحصله

عطاك التائه
أنا تعاملت مع الرجل يشهد الله انه كفو في شغله
يرهم لك قطع أصليه ورخيصه ويرسلها لك وانت تروح تركبها بدون تجريح وخربطه

[تركي ابوسعود]

اول حبيت اشكركم كلكم على ردكم

اذا بيرسلها لي وانا الي ابي اركب عز الله الي رحنا ملح مافهم بتركيبها ابدأ والله ماعرف للامور الكهربائيه
يخوان بسئلكم عن الصدام الامامي فاضي احسه كامري مو جيب اركب حقت الونش الديكوريه او دعامة الجي اكس ار وركب الجناح الخلفي واقلبه جي اكس ار

[صديق وفي]

هلابك اخوي عندي زنون محولات اثنين حقت فكسار كان لك نضر راسلني
هلا اخوي بعد اذن تركي ابو السعود اذا ماله رغبة في المحولات اللي عندك انا ابيها وبكم حدك من الاخر انا بالقصيم وانت وين موقعك