اهل الخبره بالشروكي .. استفسار بسيط ..

[مكشاتي 2005]

السلام عليكم ورحمة الله وبركاته

اخواني أعضاء مكشات ..

عندي استفسار بخصوص حرارة الشروكي ..

مره تجي النص .. ومره فوق النص .. ومره الربع ..

مع ان سواقتي للموتر راكده جدا .. والأجواء هاليومين بارده ..

وعلى الزفلت .. ولا أطب به نفود أو بر ..


هل الخلل بالبلف .. ام بطرمبة الماء .. ام بخراطيشه

مع العلم أني رحت لمحل متخصص بالأديترات .. ويقول كل شي سليم ..؟؟؟


وأستفسار أخر ... هل حرارة الشروكي لها علاقه بثلاجة المكينه .. لأن مابينها وبين القزوز الا نص سانتي ..؟؟


وشكرا ..

للمعلوميه .. موديل الجيب 96 ..قير تماتيك .. سعودي

[وطني]

يمكن البلف مره يقفل مره يفتح جرب تغير بلف الحرارة ركب بلف كابرس ضغط 165
وتأكد من الرديتر هل هو نظيف

[مكشاتي 2005]

شلت البلف الحمد لله ونزلت الحراره .. وشبكة مروحت المكيف .. وخليتها بفاصل

والحمد لله الامور طيبه

بس باقي المروحه الميكانيكيه ابشيلها .. وبركب نفس مروحة المكيف .. وان شاء الله الأمور طيبه


لاكن به مشكله ثانيه

الدبل لاشبكته ثم جيت افصله .. احيانا لازم ادق ريوس عشان يفصل

هل احد قد حصلت له نفس المشكله .. و وش الحل

وجزاكم الله خيرا

[بين الغضا]

انا نفس مشكلتك بالدبل
ومادري وش الحل صراحه

[هاوي الامريكي]

لا تشيل البلف الافضل تغير البلف وليس ازالته

[خالد بن دعزوز]

السلام عليكم ..

من واقع خبرة 15 سنة بالشيروكي الاوتوماتيك

دبل الشيروكي الاوتوماتيك طبيعي انه مايشبك ولا يفصل الا والسيارة تمشي شوي يا قدام او للخلف ..
واصلا المفروض الدبل تعشقه وانت ماشي وتفصله وانت ماشي لكن بسرعة خفيفة اقل من 60
واما الدبل الثقيل فتشبكه والسيارة واقفة ..
اما الحرارة فهو طبيعي على النص وفوق النص بشوي لان مكينته حديد وله حساس اذا للحرارة يشغل المروحة الكهربائية اذا سخنت ثم تطفي ومع المكيف تشتغل وتطفي اوتوماتيك
اهم شي ان المروحتين تشتغل الميكاينيكية والكهربائية


واي خدمة تحت امرك ..

[محب القلوب]

الدبل يمكن يبيله وزان
او القطع حق الدبل يبيلهم تغيير
انا امس مغير القطع حق شروكي 2000 تماتيك
القطع بـ 50 شقل يد بـ 100

[sadoon]

بالنسبه للدبل مايفصل هذي عاديه اغلب السيارات كذا اولهم الشاص الموديل الجديد لازم ريوس عشان يفصل

والسفاري نفسه اغلبيتهم مايفصل الا بريوس

زيت دبل الشيروكي هو زيت تماتيك احمر على كلام الشركه وكتيب الصيانه الكتيب تقدر تحمله من موقع الشيروكيات على الرابط حسب موديل سيارتك
http://www.xjjeeps.com

[صالح ابو محمد]

بالتوفيق يا الطيب

[فرفووش]

اخوي بالنسبة للبلف انا ماانصحك انك تشيله غيره لبلف كابرس افضل لك

[عادل الحسني]

قروب واتس اب لملاك الشروكي لمن يريد الاضافه ارسال ﻻساله واتس على الﻻقم 0547919090

[وليد99]

لاكن به مشكله ثانيه

الدبل لاشبكته ثم جيت افصله .. احيانا لازم ادق ريوس عشان يفصل

هل احد قد حصلت له نفس المشكله .. و وش الحل

ــــــــــــــــــــــــــــــــــــــ
صباح الخير
حبيت اضيف لكم معلومه ثانيه
اذا الجيب قير عادي
انا صارت معي بس غير اعشق بواحد على شان يفصل
يكون عند مشكله في فحمات القير
او حدا التروس او عصاء القير
وتحياتي لكم

[ابوفهد الشهري]

تحياتي لكم اخواني
استفسار لاهنتوا عندي جيب ليبرتي شروكي توي شاريه وابي رايكم فيه هل قوي في الطعوس وفي الجبال
وهل مشاكله واجد وهل تنصحوني اني احتفض فيه او ابيعه
حيث انني ركبتله انتيك بفلتر رياضي موديل السياره ٢٠٠٤ سبورت

[ابوفهد الشهري]

ابي رد علئ استفساري لاهنتوا

[mohamed alurf]

https://www.google.com/+NorthstarworkshopChryslerDodgeJeepserviceRiyadh

تأخرت عليكم انا جديد في مكشات ومتوهق لا اعرف اسوي مواضيع ولا مشاركات
الحمدلله عرفت وين اكتب الرد وتحياتي للجميع
محمد العرف / فني صيانة جيب ودوج من سنة 1995

[ماجدالمرشدى]

اخوانى السلام عليكم ورحمة اللة وبركاتة
عندى مشكلة بجيب جراند شيروكى موديل 2005 ليمتد سعودى 8 سليندر غيرت قلب طرمبة البنزين وغيرت البواجى ونظفت الشكمان وغيرت طرمبة المياة والى الان نفس العيب السيارة مكتومة ويوجد بها تفتفة ومافيها عزم اوقات تمشى ممتازة واوقات تكتم بالطريق وادعس بنزين ولا تستجيب الا بعد دقيقتين وفحصت اربع مرات كمبيوتر وكل واحد لة سلفة
الاول قالى عندك حساس الزيت وحساس زيت الجير وحساسات دبة التلوث خربانة والثانى قالى طرمبة البنزين ماتقرأ مع الكمبيوتر والثالت قالى كمبيوتر واخر واحد قالى ممكن الكمبيوتر وممكن كتاوت طرمبة البنزين خربانة غير كتاوت المكيف ركبها مكان كتاوت طرمبة البنزين وطرمبة البنزين خلاها مكان المكيف وشغلنا السيارة اشتغلت صافية ولكن المكيف صار حار وثانى يوم اشتغل المكيف افيدونى ياشباب ايش العطل بالضبط يعنى يوم العزم حق السيارة شديد وتانى يوم يقل العزم وعند تشغيل السيارة ماتشتغل من اول مرة تشتغل نصف دقيقة وتبطل الى ان اشغلها وادعس بنزين تشتغل وان قربت على اشارة تحس انها تبغى تطفى على افيدونى ياشباب ايش المشكلة معقولة يكون هذا كلة من الكتاوت