المساعد الشخصي الرقمي

مشاهدة النسخة كاملة : اهل الخبره والمجربين للأبواب الكهربائيه ممكن؟؟؟؟


KEA2003
29/08/2006, 11:56 PM
وش افضل نوع بالنسبه للأبواب الكهربائيه (القراش مدخل السياره )
انا شفت كذا نوع بس يعجبك منضره وهو ياكثر ما تدور الصيانه
الي اقصده الي ينفتح بأتجاه الاعلا
القناص
30/08/2006, 12:08 AM
والله انا جربت الزامل وانفال
واعجبني انفال اكثر
انفال اهدأ وافضل صيانه

اهم شي لاتبخل عليه ببخاخ الصدأ 4wd حتى في المناطق الجافه مثل الرياض وضواحيها.
والله الموفق.
الشاقي
30/08/2006, 12:13 AM
انا كنت مركب البراك من حول العشر سنين وما اشتكى
بس اللي عندي (رول)
أبو مسفر
30/08/2006, 01:32 AM
بالنسبة لنا في الدوادمي عندنا الموسى وأنفال فقط
وما شفت أحد مركب أنفال الا ويشكي أما الموسى ما شفت احد اشتكى منهم صيانة ورخيص الرولة عندنا بالدوادمي بـ1700 ريال فقط شامل ريموتين ويقولون عمال الموسى ان فرعهم بالطايفبـ2700 ريال .
لكن الاخ KEA2003 الظاهر أنه ما يسأل عن الشركات هو يسأل عن الأنواع
الرولة عملي جداً وقليل الأعطال لكنه ضعيف .
أما اللي يتسفط من فوق القوة خذ قوة لكنه كثير الاعطال .
جماز
30/08/2006, 09:33 AM
أنا من ناحتي فمركبين عندنا بالبيت البراك والصراحة
له خمس سنوات ما شاء الله ماكد اشتكى بس مره كد
صدمته بالسيارة وكلمة على الصيانه وعلى طول صلحوه..
وسعره 1800 مع التركيب..
أبو سيف السيف
30/08/2006, 09:56 AM
(( البراك )) وبس ماشاء الله حنى عندنا 7 سنوات ولا آحلى ولا شفت منه اى شى

واسعارهم مناسبة جداً ..

تحياتي
راعي الهيجة
30/08/2006, 10:25 AM
السلام عليكم
البراااااااااااااااااااااااااااااك ليش؟
لأن السبرنقات الي تدف الباب عند البراك ثنتين
والمفصلات لكل شريحه من الشرايح في خمس مواقع ثنتين مع الأطراف وثلاث بالوسط
يعني توازن الباب ممتاز
انا مركبه من خمس سنين ومره من العجله صدمته ولا دري أو تأثر
للأمانه تراي انا من القصيم وهو حسسسسسساوي
نمر بن حثلين
30/08/2006, 07:50 PM
عندي انفال شرايح ( فيبر )

من ثلاث سنوات تقريبا
خربت علي السبرنقتين الي فوق وحده منهم انقصت وجابو غيره

وطبعا لابد كل مده تسلك المجرى بباخ الصدى مثل ما قال لك القناص خصوصا بعد العج
الربذي
30/08/2006, 08:06 PM
هلا بك انا عندي انفال يفتح الى الاعلى
له اربع سنوات خرب قبل شهرين انكسرت الي تحرك الزنجير ومع تركيبها 180 ريال وصيانه شركة انفال عندنا بحائل روعه اكلم عليهم وبس اجي القاهم عند الباب
ومره ماكو احد بالبيت وكلمتهم وصلحوا
لكن مع عدم التشحيم يطلع له صوت قوي واقوى تحمل من الروله بس الروله اهداء وهو اقوى واحسن منظر
الروله واحد دف عليها خويه وطلعت من مجاريها
الربذي
30/08/2006, 08:09 PM
ياليت تفيدونا وش اللي اسلك ممكن تشرحون اكثر
الكلاسك
31/08/2006, 03:09 AM
الموضوع باختصار:
الروله: / صيانه اقل / تحمله للصدمات ضعيف/ شكل غير جميل / يعيش طويلا/ ويتحمل من ناحية كثرة الاستخدام
المنزلق ( الشرائح ) يحتاج صيانه اكثر / يتحمل صدمات اقوى / شكل أجمل / عمره قصير / لا يتحمل الاستخدام المتكرر
وسلامتكم
KEA2003
31/08/2006, 03:30 AM
جزاكم الله خير
والله مشكله الشكل الزين راعي خرابات ولا يعيش
والعملي ابو الكده شكله شين ولا يتحمل الصدمات يعني اي واحد يجي يدفه بالسياره يطلعه من المجرى ويدخل يسوي الي يبي
:( والحل
بس الي ابي اتأكد منه هل الرول ضعفه يكمن (حلوه يكمن صح ) :o عند وضعية الاغلاق الكامل او الجزئي ام
الامران سيان (اقوى من الي قبله)
ولدزيد
31/08/2006, 03:54 AM
السلام
يالغالي انا مركب اللي يتسفط فوق وصراحة تعبان لاخر درجه اما البيت الثاني مركب له رول ولا اروع ماتعطل ولا مره
انا مركبه عند انفال وصراحه تعامل زفت وعمالهم ازفت ونصيحه اخو لاخوه لا تركب الا الموسى لانه مجرب عند قريب لي وخذه رول
بيرق العزة
31/08/2006, 10:01 AM
روال الموسى ممتاز له سنتين والحمد لله ماشي معي ولا فيه فرق مع الي يرتفع المربعات قوة وانظباط ولا له صوت الا صوت خفيف مع اني ماحطيت بخاخ الصداء ولا له اي مشاكل ولله الحمد وانصحك خذ الموسى الرول واترك عنك هالموديلات الجديد مشاكلها كثيرة ودراهمها كثيرة بعد بس شكلها ممتاز .......... انفال ممتاز بعد واشوف عند الجيران عدة شركات واكثرها الروووووول ولا به مشاكل عندهم ابد
الربذي
31/08/2006, 11:09 AM
هلا بكم ماعليش ياخيي كيا بس اقرق
فعلا مثل ماقالو الاخوان انا استعمالي له قليل حشمه يعني لان كانت عندي سياره ثانيه اوقفه خارج البيت وعند ماسلت الاردني هناك اردني وسواداني السوداني اروع من الرائع اما الاردني !!!!!(كلمه محذوفه )
سالني قلي صارك سنتين مركبه قلت لا اربع قال عادي هي كل سنتين تنكسر وهي الي فوق السياره اذا دخلتهل وهي اعلى شي زي المكره مسننه وصغيره تتحرك ويدور عليها الزنجير فعلا اعتقد انه غير عملي يعني كل سنتين يبيله حوالى 400 ريال ويقولي ولو شلون تبي تستعمل بلاش
اما الرولـــــــــــــــــــــــــــــــــــــــــــــ ــــــــــــــــــــــــــــــــــــــوله
فيه بيت كبير وهناك اربع سيارات خارجه وحده داخله وحده باليوم ممكن يفتح ويسكر 16 مره اقل شي ومع ذلك ثلاث سنين ولا خرب ولا مره
لو لوحدك يمكن مع الصيانه 6سنوات ولاتغير فيه ولا حاجه بس مره جاء عجاج وطلع الروله وحاس ابوه
بس مثل مقال اخونا الكلاسك
طيب ليش متستعمل الكراج بالباب القديم ابة درفتين وتستعمل اذرعه تفتحه وتسكره تومتكيا اذا رخصت اذكرغاليه ومن احسن مايكون بس يكون بطي شوي عند جاري بس تمام يكون البيت بامان ولامان من الله
او تخليه يسحب على جنب يعني على بكرات مثل فتح الدريشه حقت البيت ترا اقوى
بس اغلى لكن تبي المكده وارخص والشكل القبيح عليك باروله
تبي الشكل الوذف وقطعه مصممه تخرب كل ثلاث سنوات 200 ريال
KEA2003
01/09/2006, 04:15 AM
اعتمد الروله وعلى بركة الله بشوف السعر بين البراك والموسى بس
اما انفال مره وديت الوالده لناس ويعد ما طلعت السياره عيا ينزل واروح واجيب كرسي وافصل الكهرب واعشق الذراع وانزله بيدي ... ويا حبيلكم كلكم على تفاعلكم:)
جلمود 83
01/09/2006, 10:11 PM
انا عن نفسي مخلين الباب الحديد ومركب له اذرعه ومشتري راسي قوي ويتحمل صدمات ( رغم اني ما صدمته ) ما شاء الله كثير الي يصدمون بيبان الكراج المسكين المهم حبيبي انا يمكن اكلمهم مره في السنه عشان التشحيم بس انت ما تبي نفس الباب صح