مدخنة الخيمة بالبيت ماتشفط!!!

[فرخ قطا]

السلام عليكم ورحمة الله وبركاته

مساكم الله بالخير يالربع
ابستفسر عن المدخنة عندنا تثعور الضو ماكنه فيه مدخنه!!
وش المشكله
وسبق وضعت مروحة شفط داخل المدخنة لاكن فقعت
ياليت الي سبق جرب يفيدنا
ولكم جزيل الشكر

[ابولولو]

اخوى لاتصير المروحه مقلوبه وتعكس سحب الهواء

ولاتصير قريبه من النار تراه ماتحمل الحراره وحط لك حديد كورى ازين لك

[المسروحي]

عندي نفس مشكلتك ياليت نلقا حل من خلال موضوعك
ملاحضه ((المدخنة حديد))

[فرخ قطا]

اخوي ابو لولو. المروحه كانت موجوده وانفقعت والحين لاتوجد مروحه

ياليت نلقا حل جذرينعم المدخنه حديد

[ابولولو]

كم المسافه بين النار وفتحت المروحه وحط لك مروحه اصلى كورى

وبعدين عمل المدخه وتصليحه له اساس وان كانه طوب له مقاسات

[الحبييب]

السلام عليكم
انااتوقع انه مدخل الوجار الى الداخل صغير

[ابومشعل3]

اخي 00استخدم مروحة الحقباني حديدتاتا تستخدم في المطاعم ولايهما اي حرارة 00ت4644399شارع التخصصي 0تحياتي

[ع س ل087]

السلام عليكمفية حل للمشكلة مع أنة لا يوجد لدي مدخنة في بيتي لكن هذي الفكرة لا تحتاج حتى مروحة شفط وهذي الفكرة أخذتها عن خالي وهي فكرة جداً ممتازة
الفكرة هي وضع فتحات بالدريل في نفس المدخنة من داخل المجلس في الأعلى قريب السقف بحولي خمس الي عشر فتحات تكون الفتحات كبيرة شي ما
تأكد من ان المدخنة ترتفع عن أعلا نقطة في سقف المجلس لا يقل عن النصف متر وبأذن الله ان مشكلتك تنحل من تجربة سابقة وفية نقطة وضع رداد يفتح ويتسكر من فوق الفتحات
علشان ما يأكل عليك الحطب وبعد ما يجمر تسكر. وأخيرا لزم فتح الباب فتحة صغيرة او الشباك علشان يطلع الدخان


ارجو أني قدمة شي يفيد كم انشأ لله ودمتم سالمين

[مازن النعمان]

السلام عليكم اخوي لو ركبت المروحه الحديد الكوري بعد فتره راح تفقع معك بسبب الحراره لكن في حل افضل وفعال 100% باذن الله قم بتسخين رقبة المشب بالقرب من الوجار لمده خمس دقايق وبمجرد ما تشعل المشب راح تجد ان الدخان يشفط وبسرعه كبيره للخارج

[ابوطلال1418]

تحية طيبة الحل بالحبيب في الغطاء ابو مزلاج (كفرات) إذا سحبته وغطيت فيه النار كأنك مركب عشر مراوح ما شاء الله عليه ولا مروحه ولا غيره مركبه من عشر سنين تقربياً وإذا ما عرفته أتصوره لك إذا شاء المولى

[ROYAL79]

يا ابو طلال ياليت صورة لاهنت انا ما عرفت الي تقصده

[فرخ قطا]

ابو طلال مادري وش تقصد بالضبط

فعلاً ان احتمت المدخنه تشفط
لاكن تشفط ويرجع الدخان
يعين الله

[الكدن1]

ابو طلال مادري وش تقصد بالضبط

فعلاً ان احتمت المدخنه تشفط
لاكن تشفط ويرجع الدخان
يعين الله
مثل ماقالوا الاخوان لازم الهواء داخل المدخنة يسخن لان السحب يعتمد على الطرد العكسي( اذا سخن الهواء صعد الى اعلى)
رجوع الدخان بسبب الرياح الشمالية اذا كانت قوية
شكمان المدخنة لابد ان يكون اعلى من المبنى
هذه تجربتي وملاحظتي

[نسناس ليل]

وعليكم السلام ورحمه الله وبركاته

جميع ما ذكر في الردود يجيب مراعاتها .. بس انا اعطيك فكره يمكن تغيب عن بالك وعن بعض الاعضاء
من واقع خبره ومعرفه في هالامور ولله الحمد .. انصحك تركب مفتاح ((ديمر)) هذا المفتاح يركب للمبات السبوت لايت لرفع وخفض الاضاءه . انا مركبه في المدخنه اكثر من 12 سنوات مميزاته :
1- يخفض قوه سحب الهواء
2- الإرتياح من الصوت المزعج للمروحه
3- راح توفر في شبه النار ،، مثلك عارف قوه المروحه تسبب في اشتعال الحطب وتأكله بشكل سرررريع جداً

المفتاح المقصود مرفق

بالتوفيق للجميع واتمنى دعواتك لنا وجميع المسلمين

http://www.mekshat.com/pix/upload04/images200/mk13657_3splus-10.gif

[فرخ قطا]

جزاكم الله خيرهذي صورة الوجار لمن سأل عنه


http://puu.sh/1JReh

[ابو مشيعل]

مثل مافادك احد الاخوان ومن واقع تجربه في اكثر من مشب مروحة الحقباني الاصليه مافيه مثلها ابدا ، المهم تعلمهم انك بتركبها في مشب وهم نفسهم الحقباني بيقلبون لك نفس المروحه ( يعكسونها ).

[سراي-01]

(كان عندي نفس مشكلتك المدخنه حديد) جبت الحداد وفكها واخذها الورشه وقلت له يزود طول المدخنه لا يقل عن 1متر ,,, ومن بعد الكلام هذا وداعاً للدخان ,,,, اتمنى اني افدتك ....تحياتي للجميع

[ashaleell]

لازم يكون الباب مفتوح حتى يمر التيار الهوائي داخل الغرفة ويخرج مع المدخنة مصطحبا معه الدخان
هذه معادلة معروفه مثلا إذا أغلقت باب الغرفة وفتحت النافذة الهواء لا يدخل إلى الغرفة وإذا دخل بشكل خفيف ولكن عندما تفتح الباب سوف يكون دخول الهواء من النافذة بشكل قوي يعني لازم يكون هناك تفريغ ضغط في الغرفة حتى يمر الهواء بشل مستمر