المساعد الشخصي الرقمي

مشاهدة النسخة كاملة : زيت القير للاندكروزر (اتوماتيك)


غالي
30/08/2006, 02:13 AM
السلام عليكم ورحمة الله وبركاته
معليش يااخوان كثرت عليكم اسأله ومواضيع لكن لكي نستفيد في هذا المنتدى الرائع
عندي مشكله ابطرحها عليكم الا وهي:
سيارتي لاندكروزر جي اكس ار 2003 خليجي وارد البازعي
اول ماشريته طبعا جديد كنت ما اعاني من زيت القير ولله الحمد والمنه
لكن اراد ربكم وغيرت زيت القير عند شركة عبداللطيف جميل فرع لكزس طريق الملك فهد
وللاسف من عقبها وهي تجي اوقات تولع عندي لمبة زيت القير
وهذي اللمبه عباره عن تنبيه ان الزيت حار للقير للاسف وتكلفته عندهم مايقارب 1000 ريال مع الفلتر طبعا شغل يدهم فوق 500 ريال علشان زيت قير وفلتره
السؤال هنا :
انا افكر ارجع للبازعي وغير زيت القير عندهم
هل احد يعرف ان زيت المستخدم عند البازعي اثقل من زيت ابو جميل؟؟
والخوفه اني اروح لأي ورشه برا ويدمرونه علي
ابي نصيحتكم يااخوان او احد مرت عليه هالمشكله الحال ماينصبر عليه وخصوصا اسمع الكثير من برا انهم يوظبون قير الاندكروزر والخوفه انه من زيت ابو جميل
استنى منكم الاجابه الكافيه الوافيه وماتقصرون
أخوكم/ غالي^الأثمان :good:
بدون لوحات
30/08/2006, 02:29 AM
انت دخلت الورشه000الوكا له يتم التعبئه من براميل بترومين--------------------------------------------------1- عاير الزيت تلاقاه زايد 2-زيت القير الاصلى تلقاه عند النهدى اواستعل زيت فورد وغيره عند حقين الامريكى
غالي
30/08/2006, 02:39 AM
طيب اخوي بدون لوحات
اول شيء شكرا على هالتنبيه وودي اعايره هالحين
لكن اعاير الزيت وهو مشغل السياره او مطفيها؟؟
قد سمعت عن شيء مثل كذا انه يأثر عليه
وشكرا لك اخوي
المترو
30/08/2006, 02:43 AM
السلام عليكم ورحمة الله وبركاته

اخي الكريم غالي

والله التماتيك ليس لدي معرفه به ولمباته وفلاتره والله لايحدنا عليه

لكن سوف اقول ما اعرف عن القيرات وزيوتها
الزيت الخاص للقير يأتي من المصنع زيت تسعين( 90) وبعد الاستخدام يفضل استبداله بزيت 140 لانه اثقل وخاصه للدفرنسات فقط اما القيرات فتبقى على زيت 90 وهي انوع فيه بترومين وفيه فوكس وكلها جيده

هذا والله اعلم
غالي
30/08/2006, 02:49 AM
هلا اخوي المترو
المشكله ماادري عن ابو جميل وش حاطلي ذبيت سيارتي عنده الصبح والمغرب رجعت اخذه
ولا كان بالحسبان انها ممكن تصير لي هالسوالف
ابي شوركم علي وش السوات؟؟
هل اغيره من جديد عن البازعي؟
ام اعاير الزيت اشوف تراني ماقد عايرته ابد ولا ادري عنه
وهل ترتفع حرارة الزيت اذا كان الزيت ناقص؟ ام الزيت زائد ؟ ام من نوع الزيت انه خفيف؟
وجزاكم الله الف خير
بدون لوحات
30/08/2006, 03:02 AM
عا ير الزيت والسياره شغا له والقير على بريك اما مذكره المترو ان الزت 90 فهو خاص بلقير الغادى
غالي
30/08/2006, 03:19 AM
توني رحت افحص الزيت وعايرته والسياره شغاله
فيه في عمود العيار حق زيت القير مكتوب (هوت) ( Hot )وهو الاعلى
والزيت واصل فوقه بشوي
وش السوات؟؟
شكلهم زايدينه وهذا السبب والله اعلم :(
aziz2727
30/08/2006, 08:27 AM
شف وانا اخوك
رح للبازعي وكيل السيارة وغير الزيت عنده
انا معي وارد ابو جميل وما اغير الزيت الا في الوكاله حقت ابو جميل
بس واحد قالي وما ادري عن صحت المعلومه ان قيور اللاندكروزر تختلف عن بعضها وخاصه داخل القير في التروس
يعني وارد ابو جميل يختلف عن وارد البازعي وهذا الي فهمته من خويي وما ادري
بس الاحسن انك توديه للبازعي وتستمر معهم .
غالي
30/08/2006, 11:21 PM
الله يجزاك بالجنه اخوي عزيز
فعلا كلمت مهندس في البازعي اليوم الصباح وشرحت له الوضع
وقال شيء طبيعي :( يحتر وتولع اللمبه بس بشرط يكون انك غيرت الفلتر مع الزيت قلت ايه قال لا لاتخاف تولع اللمبه عند مسكة خط طويل او في البر
قلت ياخوك ماكانت تولع عندي وش الطاري :(
قال لين جاء الصبح والموتر بارد عاير الزيت وردلي خبر كانه زايد او نااقص قلت ابشر بعايره ونشوف عسى الله يستر
وجزاكم الله خير جميعا
عمر المختار
30/08/2006, 11:49 PM
مرحبا اخوي الغالي...
حسب المتبع لدينا في الامارات عند فحص الزيت القير الاوتماتيك يجب وضع القير علي R ويكون المحرك شغال..ومن ثم تسحب مقياس ويكون القياس صحيح.. يرجى اتاكد من قياس الزيت 140امبير....يرجي استخدام زيت الوكاله
غالي
31/08/2006, 01:25 AM
هلا باخوي عمر المختار
يعني احطه على الريوس؟؟ @@
شوي لازق موتري بالجدار هههههههههههههههه
قصدك يمكن ال N ؟؟
وشكرا لمرورك
المحدرة
31/08/2006, 01:27 AM
اللمبة طبيعي تولع بعد التغييروخاصة إذا كنت ساحب على الموتر برمل وهذا مايحصل عندي الآن00

تأكد من عيار الزيت سواء ناقص أو زائد00 فإن زاد غيره بزيت وكالة وارتاح ولايغيرون إلا وأنت عندهم تشوف وتعاير00
وانظر لرقم محرك سيارك وإرجع للكتالوج ويعطيك الكمية وهي تقريبآ 6 لترات00


.
غالي
31/08/2006, 01:42 AM
طبيعي؟
الله يبشرك بالخير
وانا مغيره وكاله عند ابو جميل وانا اخوك
الزيت والفلتر
وجزاك الله خير على المعلومات
المنصف
31/08/2006, 10:54 AM
أخوي غالي السلام عليكم ورحمة الله
لاتحتار ولاشي
أولا الوكالة نصابين واللي يغير زيوت فيها عماله ماتفهم شيئ جايبينهم ومعلمينهم على صب الزيت
والدليل انهم مايفهمون أن الزيت زايد عندك وهذا له خطورته على الصوفه والوجيه
اذا بغيت تغير الزيت كل اللي عليك تفتح الكاتالوج وتعرف نوعية الزيت أي رقمه
المكينه مثلاً 20w50 والقيرتلقاه موجود عندك بالكاتالوج
رح لأي بنشري واشتر الزيت منه حسب الكاتالوج وأي زيت يصلح المهم الرقم حسب الكاتالوج
ورح بعدها لأي ميكانيكي وغير الزيت والفلتر عندهم وانت واقف
اما عيار الزيت فهو مهم فعندما تأتي من مشوار وتقف لاتطفئ المحرك وعشق القير بارك
وخله شغال تقريباً اربع دقايق بعدين عاير على الهوت ولايزيد ولا ميللي عن الحد ولكن خله تحت الحد العلوي بشوي
وبهذا اكتسبت خبره وشغل صح وسعر قليل حوالي مائتين ريال
وسلامتك
وانا بالخدمه
غالي
31/08/2006, 02:23 PM
جزاك الله بالف خير وعلى مرورك اخوي المنصف
أبو أسامة
01/09/2006, 01:46 AM
السلام عليكم ورحمة الله وبركاته

أخي الكريم :

كان الله في عونك ................

بالنسبه لمعايرة زيت القير التماتيك فهي بأن تضع القير على الريوس ثم تعاير ............ يعني مر البنشري وخله يعاير القير وأنت حاط على الريوس .......... هذه هي طريقة القياس السليمة .......

والسلام عليكم ورحمة الله وبركاته