ايهما افضل الجيب والا الجمس

[سيف العروبه]

لاهل الخبره والتجربة

اخواني

ارغب في شراء سيارة عائليه

ومحتار بين الجيوب والجموس

وش تنصحوني فيه


وفقكم الله

[راعي المجهم]

تبي نصيحة اخ

سافرنا من الرياض لجدة على جيب جكسار 2008 حسينا بتعب الخط من جد كسر ظهورنا :no2: :no2:

وسافرنا من الرياض لجدة على يوكن 2000 ماحسينا بالتعب ابد :o :o

انصحك بالجمس واحررررص على الدبل الي بدون دبل ماينفع

الراااااااااحة في السيارة مطلب

[G M C 511]

السيارات الامريكية مشهوووره بالراحه

خذ لك جمس والله يوفقك

[0راعي الجبيل0]

تبي الراحة لك وللركاب خذ الجمس والله انه اطلق من اطلق جيب
الجيب مايرتاح الا السائق والبقية من الركاب بعزر

تحياتي
ابوحمدان

[سعيد المعمري]

انصحك بالجيب

لا تتعدا الاندكروزر

[دقله]

دام انه للعائلة لا تتعدى الجمس .

[sameer_1798]

بالبر الجيب بتاكيد اما الخط الجمس

[طير شلوى نجد]

اذا كانت السيارة عائلية اتوقع مافيه سيارة افضل من الجمس اما اذاكانت السيارة لاستخدامات عدة الجيب ماله مثيل تويوتا او نيسان

[التعـ King ـديل]

اذا انت استخدامك للخط اكثر من البر عليك بالجمس واحرص على النظيف محركات

واذا استخدامك بر اكثر من الخط عليك بالجيب وانصحك بالفتك النظيف طير شلوى

[أبوفيصل 2007]

اليوكن عن تجربة للعائلة ماشاء الله تبارك الله سيارة في السفر راحة وتوازن المهم يكون دبل في البيع مرغوب اكثر الجيب افادوك الاخوان ماشاء الله كلام جميل
بالتوفيق وعليك الاستخارة قبل كل شيء وتوكل على الله

[مطر وربيع]

الباترول الجديد اريح من الجمس واجود الجمس كله بلاستك رخيص
وقوي في البر وافخم ...

[المسكون]

أخي العزيز
عن تجربة .. للعائلة لا يوجد أفضل من الجمس
سعة..راحة..أمان بعد الله عز وجل وأنا هنا أتحدث عن الموديلات من 2007 فما فوق
حتى للبر إن كنت من محبي النفود ( الطعوس) فالجمس يفي بالغرض إن كان دبل
وربما تفوق على الجيب !!
أما إن كنت من محبي الأرض الوعرة الصخرية فهنا الجيب أفضل لأنه أكثر قوة كتماسك الديكور وغيره
.
.
.
أرجو أني قد أكون أفدتك وبارك الله لك في سيارتك مقدما

[ربع نيسان91]

الجمس راحه
واقتراح ممكن يعجبك السكويا اسال عنها ناس كثير يمدحونها انا ما جربتها انا مجرب الجمس بس

[الرحال تبوك]

ماعندي كلام ازوده على كلام الاخوان ابد كنت محتار مثلك وبعد مشاورات الحمدلله استخرت واحذت تاهو 2007 على قد دراهمي وخادمني بر وسفر وماني راعي مراقي وتطعيس لاكن تبوك لازم سياره دبل واحب اطلع عليه بران كل مره او مرتين من الشهر
لاكن احرص على المحرك الحديد وابعد عن المحرك الالمنيوم عن تجربه (السرندل المقصود) واتوقع ان 2007 غالبه حديد

[ابوسند9]

اخوي سيف
الشباب ما قصرو
لكن تراى الناس اذواق وفيه ناس مجربه هذا ولا جربت هذاك وانت اللي راح تدفع مبلغ مو سهل وتستعمل فقبل تشتري انصحك تجرب كلا السيارات و لو تستاجر
اونا ارشح الباترول الجديد وهذا كلام زملاء استخدمو اليوكن واللاند
والله يكتب اللي لك فيه خير

[ابوليان0057]

أنا ارشح الجمس

[هاوي الامريكي]

نصيحه كانك تبي موتر بر ومدينه خلك حول الاكسبلور والاكسدبشن تراهن يبضن الوجه لانهن مواتر عائليه ومريحه ومناسبه للبر ونت شوف استخدامك وقارن وحاسب قبل لا تاخذ اي موتر كاان لكن انا اشوف ان الاكسبلور اخف من الاكسدبشن وهو الانسب والله العالم بالتوفيق

[تركي ابوسعود]

اخوي الغالي

شوف الجمس سياره ممتازه ولكن الجيب افضل واحسن
الجمس راحه وقوة ولكن اذا فتح فمه اكل اكل بصراحه وبذات بصيف اجوانا حاره موت بصراحه ماينفع لها 8 سلندر وغير اقتصادي بجميع اموره اذا استخدام يومي ماينفع لك بجوانا الحاره بالمره الامريكي بالحراره انواع التهريبات من صوف خلفيه واماميه بسبب الحراره بصراحه اقولها لك
ولن الجيب 6 سلندر ورح لهلك سياره عائله بمواصفات محرك كامري اقتصادي بكل شي بانزين وجميع مايخصه ومتوفر بي مكان وزمان بعد توفيق الله وانت لك حريت الاختيار

[MGS88]

الان الراحة متقاربة الى حدما بين الباترول الجديد واللاند والجمس شي اكيد وجرب بنفسك وااكد لك الناس بعضهم يقول هذا افضل وذاك افضل تغيرت الجيوب عن اول
لكن خذ في بالك المواصفات دائما الامريكي يعطيك اكثر بسعر اقل عكس الجيوب اللي يمكن تفرق 30 او 40 الف لتحصل نفس الميزة
وانت استخر وحدد الاشياء المهمه ثم جربها على الواقع واسأل اصحاب المواتر

[كومبو]

لاهل الخبره والتجربة

اخواني

ارغب في شراء سيارة عائليه

ومحتار بين الجيوب والجموس

وش تنصحوني فيه


وفقكم الله

أنصحك بالسكويا سيارة عائلة ورحبة ودبل ومكينة قوية وأريح من اللاند والجمس
جربت جيب اللكزس والفيكسار وأقول ما مثل السكويا

[كومبو]

الان الراحة متقاربة الى حدما بين الباترول الجديد واللاند والجمس شي اكيد وجرب بنفسك وااكد لك الناس بعضهم يقول هذا افضل وذاك افضل تغيرت الجيوب عن اول
لكن خذ في بالك المواصفات دائما الامريكي يعطيك اكثر بسعر اقل عكس الجيوب اللي يمكن تفرق 30 او 40 الف لتحصل نفس الميزة
وانت استخر وحدد الاشياء المهمه ثم جربها على الواقع واسأل اصحاب المواتر

مالك لوى ياخوك
الباترول الجديد عكوس
لكن الجمس واللاند دفرنس
والعكوس أريح بكثير من الدفرنس حسب تجربتي

[الشقردي 999]

انا انصحك تصبر سنه كانك ناوي على الجمس
2014 الشكل الجديد بيسحب البساط من السوق
وبتنزل اسعار 2013

[سعيد العقير]

نصيحة جمس يوكن دبل أو تاهو دبل لا تتعدها سيارات قوية ومريحة وعائلية وسعرها أرخص من الاندكلوزر 100 الف والجمس ماسك سعره في السوق .
عندي يوكن 2006 أستخدمتة الي 2012 وبعته لم أشتكي منه .
والان أخذت يوكن 2012 والله يبارك .
في السفر راحة ما شاء الله
ركبت مع واحد من الزملاء عندة لاندكلوزر 2013 بريمي وسافرنا علية 400 كيلو والله أن ظهري تصلب وتعبت .
جمس جمس لا تتعداه نصيحة

[محمد خماش]

التاهو جميل جدا بس انصحك بالدبل لاني ندمت اني ما اخذت الدبل بعد التغريز في الجموم بالبر وما قدر يطلعني ربع تويوتا الا بشق الانفس

[- النشمي -]

الجمس افضل من الجيب بكل تاكيد

وانا مجرب الاثنين واشوف تفوق واضح للجمس

[نايس × كول]

خذلك جيب نيسان باترول شي في الدرب ومريح

وقت البيع تحصل له زبون

[وهج الحياة]

بالنسبة للراحة فلا شي يقارن الراحة بالسيارات الامريكية اما بالنسبة للقوة فالعضلات الامريكية هي الاقوى ولكن يميز السيارات اليابانية القدرة على التحمل والصبر

[حسين السبيعي]

الله يوفقك في الاختيار ونصحك بسيكويا مريحه في السفر وخذ دبل

[SIF]

سيارة للعائلة
إن كنت راعي بر وتطلع عائلتك للبر شبه اسبوعي فمما لاشك فيه إن خيارك هو الجيب
وإن كنت راعي سفر مع عائلتك وطلعاتك بالبر موسمية وقليلة وجنب الخط الجمس هو خيارك

هذا الشور وباقي عليك الاستخارة ثم العزم

بالتوفيق

[أب رحي]

السلام عليكم ورحمة الله وبركاته


بما انك تبي السياره عائليه الجمس أفضل لك من ناحية الراحة ومن وأوسع من الجيب...
بس المشكلة وقت البيع الجيب التيوتا يكون ماسك سعره بعكس الجمس...

تقبل مروري.

[ابونبيل]

اذا موتر عائله عليك بالجمس الطويل او الاكسبدن السبب الشنطه تغنيك عن السله وتربيط العفش

وانصحك بالاكسبدشن سعر ممتاز ومواصفات قويه

[أبوشهد الخثعمي]

الجيب في البر والجمس في السفر

[sgl2002]

ان بغيت الراحه والقوة فهذا الباترول

ان طلعت عن الخط فلا به اقوى منه
وان مسكته ع الخط فلا هنا اريح منه

[ملك الفكتوريا]

الجمس افضل خاصه الدبل ومن 2009 القير 6 نمر



لكن شوف الاكسبدشن كثير ما كان على بالهم وجربوه واشتروه وتركوا الجمس والجيب



اول شئ شف السيارات وجربها بنفسك انت واهلك واللي ترتاحون له خذه والله يسر لك

[السومر]

الجيب الاندكروزر

[ياكريم رحمتك]

عدد العائلة يحدد النوع
الله يوفقك

[اسبيدر مان]

ان بغيت الراحه والقوة فهذا الباترول

ان طلعت عن الخط فلا به اقوى منه
وان مسكته ع الخط فلا هنا اريح منه

في الصميم
لكن مافيه مانع تشوف الاكسبديشن

[فيصل البهيشي]

فالسفر مافيه مثل الجمس

[GMC 111]

الجمس مايقصر

وموتر ينفع للعائله اكثر من الجيب وارخص قيمه

[صفحة تربوية]

سكويا

أو

تاهو