.# وش الأطعمه المفضلة لـ السلق ..؟ #. [الأرشيف]

مشاهدة النسخة كاملة : .# وش الأطعمه المفضلة لـ السلق ..؟ #.

أبو سيف السيف

30/08/2006, 09:43 AM

السلام عليكم .. صبحكم / مساكم الله بالخير ,,

عادتاً وش تطعم سلقتك .. وش أكلها المفضل ..
وبالنسبة للحليب هل حليب المراعي الطازج زين للسلقة والا حليب خلفات ..

وابى استشيركم .. اللحم البقري اللى ينباع بالاسواق اللى علبته حمرا هل هو مناسب ام لا ..؟؟

والله يعطيكم ألف عافيه

:p

يتيم بلا زايد

30/08/2006, 12:03 PM

السلام عليك يابوسيف السيف احب اقولك اول شي اكل كلاب السلق انواع وعلى حسب يوم عندك مقناص او هدد شارة ظبي انا بختصر بعطيك شي للسلق الي عندك يستفيد ويفيد اول الصبح تعطيه حليب مثل الاكنور او المراعي وتمكسه مع البسكوت الخاص بالكلاب او الخبز البكستاني 00وبنسبه للمساء بعطيك خلطه سهله اتكفي كلابك ثلاث ايام قدام وهو انك اتجيب قدر وسط وتحطه على النار وتضيف فيه كوب ماء ثم تضيف اللحم المفروم اوعلبه واحده فقط اسمها بيديغري بنسبه للعلبه الحمره قصدك السيمبا طبها عنك مامنها فايده ثم اتمكس مع شوي ذره +كوسه+بطاطا+الفاصوليا ونهايه ضيف كوب رز وتخليه يطبخ وبعد مايجهز راح اتشوف كلها اطبخه صارت لحم في لحم 000عش السلق والباقي حطه في الثلاجه وقت تريد اتعشي سخنه شوي وشوف سلقانك بعد شهر وادعييييييييلي 0000

أبو سيف السيف

30/08/2006, 12:26 PM

تسلم والله يا يتيم بلا زايد الله يعطيك ألف عافيه

وراح اجرب طريقتك بأذن الله

تحياتي لكـ

القـــناص

30/08/2006, 01:25 PM

اخوي

خذ باقي غداك وعشاك
وعطه السلق اللي عندك

واذا كان عندك خبز ولا شئ ماتبيه
برضو عطه السلق تراه مفيد

ولا اذا كان عندك سلق واجد
تعامل مع اي مطعم.

عافور

30/08/2006, 01:42 PM

السلام عليكم معك العضو الجديد عافور أنصحك أخوي لاتكثر الحليب للسلق لأنه اذا كثر يجيب لهم أعزك الله والقارئين الاسهال وخا صة لاتكثر اذا كانوا مايجرون ترا عقب يشحمون (يمتنون) طبعا في سلق تمتن بسرعة وفي سلق لا والجرا لاتقطع عنهم الحليب ترا يأثر على نموهم وبالنسبة للأكل خذ من العظامة عقب أكل البيت واذا كان مايكفي شفلك عامل هندي في مطعم بخاري ولا مندي خله يحطلك عظامة عقب الأكل وعطه 50 ريال في الشهر وصح نسيت بالنسبة للحليب عطهم المراعي وهالأنواع ولا يكون طويل الأجل

أبو سيف السيف

30/08/2006, 02:17 PM

الله يجزاك ألف خير اخوي القناص وراح امشي على شورك ولايهون أخوي يتيم بلا زايد

لاهنت وعساك دوم سالم

سندهم

30/08/2006, 02:18 PM

السلام عليكم\ابو سيف كل ماعوت السلق على اكل معين مثل التمر2البن \ واذا طلعت تصيد جرابيع او ارنب عطهم مشوي فقط=اذكر لك في عام 1918 قنصت بربع الخالي انا وشباب معي يوم الارانب واجد ومعي سلق =ذيخ معودة على التمر تسلل الي الخيمة واكل{تمر سكري ضميد} من اجود انواع التمور

أبو سيف السيف

30/08/2006, 02:23 PM

هلا والله أخوي عافور بصراحه هي ماهي عندي والله بس مريت واحد من الشباب وعنده وعمرها 6 شهور السلقه
وقمت اسولف عنكم وعن المنتدي فقال تكفي أسألهم وش الزين واللى ماهو زين للأكل
بالنسبة للحليب على كلامه يقول اعطيها نص العلبه بس..
وراح اطبع له نصايحك ونصايح الشباب ..

لاهنت وعساك دوم سالم

أبو سيف السيف

30/08/2006, 02:25 PM

هلا والله سندهم بس ابى أسألك التمر اقطعه والا احطه بس كذا هي وفصمته

وبالنسبة للبن وشو الزين المراعي حلو

والله يعطيك ألف عافيه ولاهنت يالغلا

تحياتي لك

طلو

30/08/2006, 02:38 PM

السلام ابو سيف الله يعينك علا الغذوة بس لا تغبن بالخبز والتمر لو مايجيه لحم الا مره بالاسبوع اسا ل مجرب

أبو سيف السيف

30/08/2006, 04:07 PM

هلا والله طلوو مشكوره ألف شكر يالغالي على مرورك وعلى ردك

لاهنت وعساك سالم

هاوي الجوف

08/09/2011, 05:10 PM

عليك بحليب الخلفات واي لحم

مجنون سلق12

09/09/2011, 01:51 AM

ياخي اشتر لك علف كلاب royal canin اذا انك ماتقدر تجيها كل يوم وريح راسك وعطها حليب خلفات ولا تكثر لها الحليب عشان ماتسهل اعززكم الله
وخل عندها حوض مليان خبز ناشف وتمرر عشان اذا طقها الجوع تاكل منه

اما اذا انك تجيها كل يوم عطها فالصباح بدري حليب خلفات وفالمساء زود اكلك عظام ولحم وشوية رز

هاوي بندق

09/09/2011, 04:37 AM

جندي في الجيش

09/09/2011, 10:34 AM

عليك باالحليب المعزا الخلفات والاكل رز ودجاج ولا رز ولحم

ابو ثآمر

10/09/2011, 12:29 AM

انتبه من الحليب ترااه مضررررررر للكبار خفف الحليب مره وعليك بالخبز اليابس والتمر لآ صار مع موويه والدجاج لآ بد منه اذاا تبي تسمنهن

امااا اذاا انت راعي طلعااات دائم عليك بعضام الدجاااج وتمر مع مااء وخبز