فزعتكم ياراعين الجيوب النيسان (الفتك) ضروري

[ابو يوسف 2007]

السلام عليكم ورحمة الله وبركاته
سيارتي فتك 2008 قبل فترة بدت تفصل وتشتغل لوحة العدادات لحاله الي هي عداد السرعة والحرارة والضغط وكل الابنصات المهم جلس كم يوم وهو يفصل ويشتغل ثم فصل ولا إشتغل إلى يومك وفصل معه تماتيك قفل الباب يعني اذا قفلت الباب بالرموت مايقفلن واذا قفلت بالمفتاح يقفل بس الي قفلته بالمفتاح والبيبان الثانيه لازم امر عليه واقفله بيدي رحت فحصت كمبيوتر مابين شي ماخليت كهرباي ماجيته الي يقولي الشريحة الخضراء الي وراء العدادت خربانه ويبيلك تشري لوحة جديدة والي يقول الضفيره وكلن يفتي وانا ماادري وش اسوي
الي عنده خلفيه عن الموضوع يفيدني الله يجزاه خير

[ابو يوسف 2007]

الي عنده خبر يفيدنا الله لا يهينه

[sgl2002]

اولا شف السلك اللي طالع من اصبع السالب اللي في البطارية الى البدي

اذا ماكان مشدود بالبدي مضبوط فشده

[ابوماجد-1]

جرب تفصل البطاريه لاجيت ترقد باليل

وركبها الصباح وشوف وان شاء الله يتغير ويرجع طبيعي

[ابوسليم908]

انشاء الله الحل سهل وماراح يكلفك بأذن الله

شف فيه كتاوت في مجموعه الفيوزات تحت الطبلون علي اليسار فك الغطاء بتلاقي كتاوت لونه ازرق ماتشوفه قدامك مباشره لازم تدخل راسك موقعه فوق في الزاويه اليسار لونه ازرق

بدله بجديد ونشاء الله يضبط معك

وذا تبي تتأكد جرب فكك من موتر ثاني فيوز وجربه علي موترك
اذا تبي حق موتري تجرب حنا حاظرين

[ابو يوسف 2007]

الله يجزاكم خير
الكتاوت الزرق بدلتهن ومانفع

[ابوسليم908]

نفس النشكله عندي الطبلون يطفي ويشتغل تطيح انبيرات العدادات كلها رحت لورشه التركي
قام وبدل لي الاكتاوت الازرق وضبط الموتر
قبل مايبدله قام وفصل اصبع البطاريه ثم ركب الجديد ورجع شبك الاصبع وضبط الموتر

[السرحان502]

والله وانا اخوك نفس المشكلة عندي 1998 :(
غيرت أسلاك التأريض وشديت عليها ما نفع با قي الكتاوت
الله ينفع بالاسباب

[بايسن حار]

يبدوا أنها مشكلة كتاوت
تصير هالأمور بالضبط في السفاري ودائما الخلل يكون كتاااااااوت

[ابو يوسف 2007]

الله يعطيكم العافيه
أكثر من كهربائي يقولون انها الشريحه الي لونها أخضر الي من داخل خلف العدادت فكيته عند كهربائي ووداه لفلبيني متخصص في الشرايح قال انه فيها قطعه خربانه ولا موجوده عنده وديناه لفلبيني ثاني قال اصلحه ب ٨٠٠ ريال قلت لا العدادات كامله بالتشليح حول هالسعر
والصراحه اخاف يصير ماعندهم سالفه اروح اشري واحد وابدله باللي عندي وتطلع المشكله ماهي منه

[مقلع الرمث]

وده للكهربائي العثيم ببريده

[السرحان502]

طيب أخوي تظمن لي العثيم علم اني بطق مشوار له من الرياض ؟؟؟ وياليت عندك رقمه

[باترول 4500]

أخوي السرحان أرسلت لك رقم العثيم على الخاص

في فيوز حق الطبلون تأكد منه ،، إفتح علبة الفيوزات وتحصله بثاني عمود من اليسار آخر واحد جرب بدله بين أحد الفيوزات


بالتوفيق إن شاء الله

[التعـ King ـديل]

مشكلتك من العداد يجي فيه زي الشريحه مر على ورشه التركي الظاهر انهم يصلحونها ب 400 او شي زي كذا

[ابو يوسف 2007]

وين ورشة التركي
ورقمه ان حصل الله لا يهينك

[السرحان502]

^
+1

أتمنى يا اخوان منكم الافادة

[تركي9977]

وين ورشة التركي
ورقمه ان حصل الله لا يهينك


السلام عليكم ابو يوسف >>شيك على الخاص

[ابو يوسف 2007]

اخوي تركي الله يرفع قدرك