فصل الدفع الرباعي اف جي بحائل

[أبوووو سند]

السلام عليكم ورحمة الله وبركاته
بشرى لأهل حائل فيه ورشه بحائل مختصة لفصل الدفع الرباعي لبعض الجيوب مثل الاف جي والفورتشنر أسم الورشه ورشة العفري بالشارع الثالث اسم الميكانيكي مسعود تركي سعره 1500 وشغله ممتاز وكاله
أنا موتري اف جي 2011 قير عايدي وأشغلن الدفع الرباعي المستمر والغيته والله سراحه تغير علي الموتر خف وقوة عزم .. اول كأنك مشغل الدبل . والحين 100%

هذا جوال الميكانيكي . مسعود 0503265909

[ابوسليمان12]

بالرياض يكلف ٦٠٠

[مخ سعودي]

لكن وش الفائده وضع النظام للحفاظ على ثبات السيارة وانا ارى ان الغاءه لاجدوى له وسيسبب ضرر يوم ما كفانا الله وياكم شر النكبات

[hail_ksa]

بالرياض يكلف ٦٠٠


بحايل تشوف الهوايل

الورش والتشاليح وقطع الغيار مايرضون بمكسب أقل من 3 أضعاف

[PATHFINDER 4]

غالي الصراحة في الرياض تركي بالصناعية القديمة خبرة ومتمرس بهالشئ 900 ريال والاخ اللي فوق يقول 600

[المنيعي1]

رأيي وانا ماجربت أن فصل الدفع المستمر مامنه فايدة لأنه حسب مافهمت أنه مايشبك الا أذا طب غراز

[ابونبيل]

^^^^^^
لا غلطان اخوي الدفع الرباعي شغال معك الى 80 نظام الموتر كذا بر ولا زفلت

لاكن جيوب الهونداي وبعض السيارات الامريكيه فيها النظام الي انت تتكلم عنه الى يسمونه دبل تماتيك اذا حس انه يحتاج يشغل من نفسه

[أبوووو سند]

يامرحبا والله بالشباب.. نورتو .. الي يقولون بالرياض تكلف 600 و900 فيه واحد بالصناعيه القديمه يسويه 1400 هو الي مختص ولا يسويها أي واحد والي عندنا بحائل اخذ الفكره منه وانا شفت شغله ميه ميه تغيير قطع وليس توليف ولو ابولف يمكن ع كلامك 600

[XTERRA -2010]

^^^^^^
لا غلطان اخوي الدفع الرباعي شغال معك الى 80 نظام الموتر كذا بر ولا زفلت

لاكن جيوب الهونداي وبعض السيارات الامريكيه فيها النظام الي انت تتكلم عنه الى يسمونه دبل تماتيك اذا حس انه يحتاج يشغل من نفسه

اخي المعلومه هاذي خطأ ان الدفع يستمر الى 80 كنت اعتقد ذالك سابقا وتبين لي غير ذالك

[كومبو]

^^^^^^
لا غلطان اخوي الدفع الرباعي شغال معك الى 80 نظام الموتر كذا بر ولا زفلت

لاكن جيوب الهونداي وبعض السيارات الامريكيه فيها النظام الي انت تتكلم عنه الى يسمونه دبل تماتيك اذا حس انه يحتاج يشغل من نفسه

enrVazZOI8Y

y4patH9jpF0

Jz19iHdBWXU

[صروووف]

عافاك الله أخوي ابو سند
ودي تقولي كيف يفصله هل يلحم الترس التفاضلي حق الدبل عند مخرطه لأن هذي طريقة فصلهم لرباعي والا له طريقه غير
وهل موترك يطلع صوت بعد سرعة160 بعد مافصلته والا لا
ومشكور مقدما

[صروووف]

ودي تفيدنا يابو سند

الله لايهينك لأني حولك بحائل

[كومبو]

عافاك الله أخوي ابو سند
ودي تقولي كيف يفصله هل يلحم الترس التفاضلي حق الدبل عند مخرطه لأن هذي طريقة فصلهم لرباعي والا له طريقه غير
وهل موترك يطلع صوت بعد سرعة160 بعد مافصلته والا لا
ومشكور مقدما

الطريقة إزالة 8 مسننات من الدفرنس أو الدبل

[أبوووو سند]

هلا اخوي صرووووف الموتر سراحه بعد ما فصلته تغير علي واجد صار اللحين خفيف جدا وحتى الدركسون صار خفيف والقومه ماشالله وبالتطعيس يطرب وبالنسبه للتلحيم ما فيه أي تلحيم فقط تغيير قطع . والي يقول انه يشيل ثمان تروس هذا سلمك الله الفورتشنر مو الاف جي.. وأنا ابوافيكم بالصور قريبا انشالله
اخوكم أبوووو سند

[Abo gssar]

في انتظار الصور

[الجوكر حسن]

وعليكم السلام ....


هلا بك والله غالي انا من حائل و بعض المحلات حائل غاليه ومعي جيب فكسار دفع رباعي ويفصل نفسه اذا تعديت 80 ورحت لقصيم فصلته 800 ريال وضبطوه وصار دفع خلفي والرباعي حوله لدبل والحمد الله عزم وخفيف ولي سنتين الى الحين الحمد الله الموتر سليم

وشكرا ......