الفرق بين موديلات الربع تويوتا ومكينه 2f و3f

[ثورة الشك]

ياجماعه الخير بغيت اسال عن سر رغبه الناس لمديل 97 للجيب الربع

هل اختلاف المكاين ولا ايش لاني ارى الربع 97ارغب من 98رغم انهم نفس الشي

هل المكينه نفسها من 92 الى 2009

ماهو الاختلاف في الموديلات من 92الى 2006

لاني ودي اشري ومحتار وش الفرق بينهم 97غالي بالحيل ماادري ليه

94غالي بالحيل يقولون دبلات اقوى


ياليت خبرانا يوضحن لي الفرق والاختلافات

وش افض المكائن من ناحيه التحمل والقوه هل هي 2f او3f وهل الاخيره كثيره الاعطال

[Salamah.y]

اول شي , الـ 2f , تنزل على الجيوب القديمة من 75 الى 84 , سعتها 4200 و عدد بلوفها 12
اما الـ 3f , نزلت من 85 الى 91 , و توقفت بعدها ~ سعتها 4000 و عدد بلوفها 12
من 92 الى 2009 , اسم المكينه 1fzf و سعتها 4500 وعدد بلوفها 24

الفرق من 92 الى 99 , هذي نظامها كربريتر , و ديلكو و رمزها 1fzf
من 2000 الى 2009 , هذي نظامها بخاخات , و كويلات , رمزها 1fzfe

,

طبعاً كلامي كله فيما يخص الربع !!
إذا انت تبي تشتري ربع , أفضل شي تاخذ من 2000 و فوق
لأنه بخاخ , اصفى و انشط , و تسلم من مشاكل الكربريتر < مع انها قليلة
و الأهم , نظام التعليق الأمامي , يايات يعني اريح من الموديلات 99 و تحت

,

سمعت ان افضل موديل نزل من 92 الى 99 , كان موديل 94
و السبب ان كربريتره , مختلف , و اقوى من باقي الموديلات
حقيقة مادري عن صحة المعلومة , و لكنها مذكورة لي من رجال له خبره بالجيوب

,

اما الافضل من بين مكاين الجيوب المذكورة , فهي اكيد الـ 4500 بخاخ
و عموماً , 2f و 3f و 1fz ,, كلهن مكاين جبارة من ناحية الصبر و قلة الاعطال
اللي يداوم على تغيير الزيت و الفلاتر , شرط تمشي معه فوق الـ 700 بدون اي مشكلة

المعذرة على الاطالة
تحياتي @~

[عبدالله الموسي]

اتكلم عن الاشياء الداخليه اما الشكل الخارجي فهو واضح للجميع ولست بصدد التكلم عنه
من 92 الى 96 نفس بعض قير ومكينه
من 97 الى 99 نفس بعض قير وكينه

اختلاف المويلات الأولى عن الثانية بالقير فقط
الموديلات الأولى لاتقبل الترس الثاني على سرعة فوق 30 / م عندما تكون ماشي بالثالي وتريد ترد بالثاني
واذا قبلت معاك بيكون بالقوه ...

من فوق 97 الى 99 تحسن أداء القير فيها واصبح قوي ويقبل الثاني لو انه يمشي ثمانين...

هالفروقات اكتشفها القوانيص لأنهم هم من يحتاج الترس الثاني في طرد الطرايد

اما عن رغبة 97 عن 98 يعود الى تعود الناس على موديل 97 لأنه كان الموتوفر بالسوق
ذيك الأيام بسوب احتكار الجهات الأمنية وكثير من الشركات لموديل 98 مما تسبب في ارتفاع
سعر 97 ...


من موديل 2000 الى 2006 نفس المحرك والقير ولايوجد فرق
من 2007 الى 2009 نفس المحرك والقير ولايوجد فرق عن اللي قبلهن الا اني اشك ان القير فيه ضعف شوي
بسبب انه تطلع به حنه اذا انجلد الموتر وضعف في صعود المرتفعات لازم ترد بترس ثقيل

اتمنى إني افدتك ولو بشي بسيط

[ابوتركي1010]

اخوي كلها مثل بعض المكائن والدبل والقير من ٩٢ الى ٩٩ تعرف ليه مرغوبه وغاليه في السوق لان تروس الدفرنس والدبل قويه وتتحمل الكرف وكمان وجود السست الاماميه والخلفيه تعطي تحمل أقوى ولي محليها في نظري انا ( صحن الكلتش قووووووي مرة واذا سحبت شي قوي مثل شجرة او سيارة لايمكن تشم منه ريحة كلتش حتى أقوى من صحن كلتش النيسان الربع ) بعكس الموديلات من ألفين ونت طالع كلتشها ضعيف وصراحه كانت الموديلات القديمه سيارتي المفضله علما ان سيارتي زمان ربع تويوتا ٩٨ صراحه قوة بمعنى الكلمة بس يكسر الظهر وحاليا معي سيارة الراحة والرساوة ربع نيسان 97 صراحه رفيق الدرب اذا كنت شباب وسنك تحت الثلاثين انصحك ربع تويوتا موديل ٢٠٠٥ او ٢٠٠٦ لان منت لاقي موديل قديم نظيف مرة واذا لقيت راح تلاقيه قيمتة ستين الف زدها عشرين الف وأخذ ٢٠٠٥ او ٢٠٠٦ هي المرغوبة الحين لادور غيرها اذا تبي الراحة والرساوة خذ نيسسسسسان تحياتي٠٠٠٠٠٠٠٠٠٠٠٠٠٠٠٠٠٠٠٠٠٠٠

[ثورة الشك]

حيالله الشباب

[قناص*07]

ما ازيد على كلام الشباب شيء لانهم كفو و وفو و الله يعطيهم العافيه

[راعي المجهم]

من 92 الى 99 نفس بعض مكينة قير دفرنسات

من 2000 الى 2009 نفس بعض بس بخاخات وياياي امامي

المرغوب من 92 الى 99 كلبريتر وسست امامية

قليل الاعطال في المناطق البعيدة

من 2000 الى 2014

بخاخات وكمبوتر وطرمبة بنزين كهرب وكويﻻت معقد

اذا خرب عليك في منطقة بعيدة وقف ويلزمك سطحة لنقله

واغلب اهل الصيد والقنص ومن يذهبون للربع الخالي يرغبون

القديم لقلة اعطاله وسهولة صيانته ولا يقطع بك في الخﻻء زي البخاخات

[sgl2002]

^^^^


اللي يعيب البخاخات دائما ان طرمبة البنزين كهرباء واذا خربت ماتتصلح


لكن الياباني يعطيك انذار قبل خرابها بضعف العزم والتقطيع ويمشيك

اما التعقيد ماهنا تعقيد الا في المديلات اللي الغت الديلكو هنا يبدا شغل الحساسات والبهذله

[((ابوملاك))]

من 92 الى 99 نفس بعض مكينة قير دفرنسات

من 2000 الى 2009 نفس بعض بس بخاخات وياياي امامي

المرغوب من 92 الى 99 كلبريتر وسست امامية

قليل الاعطال في المناطق البعيدة

من 2000 الى 2014

بخاخات وكمبوتر وطرمبة بنزين كهرب وكويﻻت معقد

اذا خرب عليك في منطقة بعيدة وقف ويلزمك سطحة لنقله

واغلب اهل الصيد والقنص ومن يذهبون للربع الخالي يرغبون

القديم لقلة اعطاله وسهولة صيانته ولا يقطع بك في الخﻻء زي البخاخات

الكلام اللي قلته وخرابات من 2010 وفوق بس

[راعي المجهم]

جربت موديل 2000 وطالع وخربت علي في منطقة بعيدة وبهذلتني بالسحب

والتحميل يدق سلف مايشتغل طلعت الطرنمبة خربانه

واحد الشباب قانص لرملة الربع الخالي بشاص 2006 وتعطل عليه على الاسفلت

طريق حرض قبل دخوله للبر والحمد فككه الله من خرابه داخل الجلد

ووجد حساس البخاخ والكويﻻت عطﻻنه

من 2000 وطالع غدااااااار وعطله عله نحر

يازين الكلبريتر يمشيك بعلته ولا يقطعبك ابد بإذن الله

[sgl2002]

^^^

صدقت ميزة الكلبريتر بجميع المديلات مافيه تعقيد نهائيا

[((ابوملاك))]

جربت موديل 2000 وطالع وخربت علي في منطقة بعيدة وبهذلتني بالسحب

والتحميل يدق سلف مايشتغل طلعت الطرنمبة خربانه

واحد الشباب قانص لرملة الربع الخالي بشاص 2006 وتعطل عليه على الاسفلت

طريق حرض قبل دخوله للبر والحمد فككه الله من خرابه داخل الجلد

ووجد حساس البخاخ والكويﻻت عطﻻنه

من 2000 وطالع غدااااااار وعطله عله نحر

يازين الكلبريتر يمشيك بعلته ولا يقطعبك ابد بإذن الله

خذ نظيف وسو له صيانه ووالله باذن الله ما يغدر اما تاخذ لي مجلود وتجلده وتقول خرب !

[ثورة الشك]

حيالله الشباب

[قناص السلم]

كل ماطورت تويوتا الموديلات زادت تعقيداتها وخراباتها تصعب والله اعلم

[اليامي قطر]

يازين التيوتا

[طالب شايب]

ياخوي من 92 الى 99 كلن نفس المحركات لكن مكينة 4500 كلبليتر لكن الظاهر ان ال97 مرغوب عشان صفيره ..

[د.م.م]

سبحان الله معطين تويوتا اكثر من حقها وبه اطلق واحسن منها

[د.م.م]

اه لو الالماني يصنع جيوب دفع رباعي كي نترك تويوتا����عزالله صناعة وبس