تم دفع عربون سيارة . وبعد 24 ساعة من الشراء تم اكتشاف مشكلة

[مكشآتي للآخر]

السلام عليكم
إخوآني شريت سيارة ودفعت عربون 5 الاف ريآل.
وطبعآ على كلام رآعيها . طبعا هي بطاقة جمركيه.
يوم جيت له قلت البدي فية شي قال أبد إفحص وين ماتبي..
ومن كلامة حكمت بنظافة الموتر خصوصآ انه ماشي شووي 40 الف ميل
المهم وانا إتوكل على الله .وبالبداية طلب مني عربون 12 الف
لاكن عطيتة انا فقط 5 الاف بعد سحب ودف.. وعطيتة شيك ببآقي المبلغ الي هو 157
لاكن مثل مانتم عآرفين اليوم جمعة والبنوك مقفلة .. وماصرف الشيك للحين
المهم بعد مارجعت للديرة..
كتبت بقوقل واكتشفت الكار فاكس .
وبعد الفحص تبين لي مايلي..


الموتر جايتة صدمة من الامام من دون خروج الاربآق وتم تصديرة الى الامارات.ومن ثم تصليحة.


الان يرجع لي العربون ولا مايرجع ؟؟؟؟



وهل المبلغ فية مناسب ؟؟
لكزس LS 460 L AWD 2007 فيرآني.Full optsin?

[أنفاس رجل]

الشيك يبي يسحبة الصباح أول ماتفتح البنوك

أنت حول المبلغ على حساب ثاني

اتصل على صاحبك صاحب السيارة وبلغة بكل التفاصيل عن الصدمة ...الخ

تأكد من العداد من المحتمل مغير . لان عداد السيارة فية تلاعب كثير

الوكالة أعتقد تطلع العداد الحقيقي . فأذا اثبت ان العداد محرف تستطيع انك تشتكية بأنه خدعك بعد حصولك على اثبات من الوكالة

انا اشوف انك تخسر خمسة الالف اذا مارجعها لك ولا تخسر كامل المبلغ

نصيحة لكل الاخوان لا احد يثق في البائع لأنه من الممكن البائع مخدوع مثلك

انا فحصة سيارتين كنت ابي اشتريها وعلى كلام اصحابها انه ما طقها الشكوش

وبعد الفحص حصلت بلاوي قسم بالله الجهه اليسرى كلها مسمكرة واليمين بوية

بالتوفيق اخوي

[Salamah.y]

دام الرجال قايل لك افحص إذا ً , هو ملزم بإرجاع العربون كـ كلمة رجال ~
لأنه إذا عطاك كلمة و قال افحص , يعني اعطاك احتمال ترجيع السيارة
عند اكتشاف اي خلل , او اي عيب , خفي , غير مذكور بالإتفاق المسبق بينكم

,

برأيي , انك تكلمه و تعلمه بسالفة تقرير الكارفاكس و تشوف رأيه
يمكن هو من نفسه يقول لك رجع الموتر , او يمكن يخصم لك من القيمه

و يستحسن تعرضه على واحد شاطر بالفحص
يبين لك , الى اي مدى متضرر الموتر
إذا كانت الصدمة سطحية , يعني انوار و رفرف و كبوت
ان شاء الله انه سهله و غير مؤثره ,
و احرص على فحص كمبيوتر يبين لك اي خلل بالموتر
سواء ميكانيكي او كهربائي , و تأكد من صحة العداد !!

,

الله يكتب لك اللي فيه الصالح
موووفق ان شاء الله

[مكشآتي للآخر]

يعطيكم العآفية ياإخوآني وانا اليوم بعد صلاة الجمعة ان شاء الله متوجه الى المعرض..
تم الاتصال بالمعرض وقالي تعآل ومايصير خاطرك الا طيب بس مادري هل هو يقصد في الشيك ولا في العربون..
على كلن قرآءة العداد صحيحة لانه تم التشيك عليها عن طريق الكار فاكس وتبين ذآلك.. ولله الحمد لاكن الموتر الله إعلم شنو صدمته


لاكن الي لاحظته انه الاربآق ماطلع.من المحتمل انه السيارة جايتها صدمة اثناء وقوفهآ..

[مكشآتي للآخر]

الشيك يبي يسحبة الصباح أول ماتفتح البنوك

أنت حول المبلغ على حساب ثاني

اتصل على صاحبك صاحب السيارة وبلغة بكل التفاصيل عن الصدمة ...الخ

تأكد من العداد من المحتمل مغير . لان عداد السيارة فية تلاعب كثير

الوكالة أعتقد تطلع العداد الحقيقي . فأذا اثبت ان العداد محرف تستطيع انك تشتكية بأنه خدعك بعد حصولك على اثبات من الوكالة

انا اشوف انك تخسر خمسة الالف اذا مارجعها لك ولا تخسر كامل المبلغ

نصيحة لكل الاخوان لا احد يثق في البائع لأنه من الممكن البائع مخدوع مثلك

انا فحصة سيارتين كنت ابي اشتريها وعلى كلام اصحابها انه ما طقها الشكوش

وبعد الفحص حصلت بلاوي قسم بالله الجهه اليسرى كلها مسمكرة واليمين بوية

بالتوفيق اخوي


فكرت إنقل المبلغ لحسآبي الثآني. بنفس البنك واقدر اسويها عن طريق رياض اون لاين
بس خايف انه يروح يبي يصرف الشيك ويحصلة بدون رصيد ويرفع قضية او شي؟؟

[XTERRA -2010]

اخي الله يهديك

كان فحصتها قبل تسلمه الشيك


و الشباب ان شاء الله يفيدونك

[أنفاس رجل]

يجونك الشريطية الحين

عندهم مليون طريقة لتخليصك من مشكلتك

هههههههههههههههههههههههههههههههههههه

[عادل الهلباني]

فكرت إنقل المبلغ لحسآبي الثآني. بنفس البنك واقدر اسويها عن طريق رياض اون لاين
بس خايف انه يروح يبي يصرف الشيك ويحصلة بدون رصيد ويرفع قضية او شي؟؟


اتفق معك بالراي ذ1 بس دام ان الموتر طلع مصدوم .
حول ما راح يجيك اي شي باذن الله .
لن هو اعطك ان الموتر مافيه اي شي ولم فحصت طلع معك شي ثاني ..
فـ كذ1 تقدر تتصرف بـ اي شي يسعدك بسترجع العربون ..
والله يوفك بالسياره الزينه "

العذر على المدخله البسيطه :

[ابو هشام]

اذا قدرت ترجع في البيعه كان بها اذا ما قدرت ارضى بالنصيب لانه مهي نصبه كبيره مثل انك حولت كامل المبلغ لشخص يشتري لك سياره وفقدت المبلغ بالكامل.
وانا مع الاخوان اللي قالو فرغ حسابك واخسر الخمسه

الله يسهل امرك

[ara888]

اخووووي انت اتفقت معه ان السيارة نظيفة وبعدين طلعت مصدووومة يررررحع لك فلووووسك وبالنسبة للكارفااااكس اعتقد انه تقدر تطلع صورة الصدمة وتشووووفها واذا مارجع لك العربووون نززززل من قيمة السيارة لانك مااااخذ السيارة علي انها موووو مصدووومة

[PATHFINDER 4]

اخوي تراهم متشددين في اصدار شيك بدون رصيد انتبه

[التعـ King ـديل]

السلام عليكم ورحمه الله وبركاته

اخوي مكشاتي الرجال اعطاك فرصه للفحص ولكن انت وثقت فيه ولا فحصت الموتر ،، الان البيع وقع وهو يتحمل ذنب كذبه ،، ولكن اذا كان كلامه موثق ان الموتر شرط بديه نظيف واكتشفت غير ذلك يحق لك ارجاع السياره ومطالبته بفلوسك كامله ،، لكن من واقع كلامك انه ماوثق كلامه وان شاء الله انه يخاف الله ويرجع لك فلوسك حتى لو انها بدون توثيق ورقي والله يكتب لك اللي فيه الخير

[أبوعبدالله 90]

السلام عليكم ورحمة الله وبركاته

أخوي هذا غشـ والشرع والحمدلله يحفظ لك حقك هو غبنك في السلعة هذا مايبدوا لي من كلامك

هو قال لك السيارة مافيها شي وقال أفحص العربون إللي عنده هو كحفظ حقه لأن السيارة معاك

توكل على الله ورجع السيارة وأتصل على البنك وقولهم لا تصرفون الشيك بالرقم كذا وكذا حتى تتفاهم مع راعي السيارة

الله يوفقك وأعلم أن كنت على حق الشرع يحفظ حقك لا تخف.....

[أبو نـآيف]

فكرت إنقل المبلغ لحسآبي الثآني. بنفس البنك واقدر اسويها عن طريق رياض اون لاين
بس خايف انه يروح يبي يصرف الشيك ويحصلة بدون رصيد ويرفع قضية او شي؟؟


حركه ذكية في السابق

لكن الان تعتبر مجرّمة وتعاقب عليه عقوبتن قشرا :D

[ربع نيسان91]

وقف الشيك عن طريق البنك
اول شي تحمي تفسك من العقوبة ثاني شي تحمي دراهمك
يعني لم يروح للبنك يلقى الشيك موقف مو بدون رصيد بس هاذي يبيلك تكون عند باب البنك اول ما يفتح
بنك الرياض يفتح تسعة ونص الصباح الساعة تسة تكون عند الباب
هاذا اشوف انه انسب حل

[راعي المكشايت]

حول المبلغ الي حساب اخر حتى لو تنقص ميه ريال عن المبلغ في الشيك ما راح يقدر صرفه بعدها خذ نسخه من الكارفوكس وتوجه الى شيخ المعارض واشرح له السالفه بالتفصيل وراح يفزعلك حسب الانظمه
لانه معين عن طريق وزاره الداخليه وهو المفوض بحالتك ويوجهك التوجيه الصحيح ونصيحه لا تشتري اي سياره صناعه امريكيه ولو يقول لك انها من الجميح لان الان في ورش تعدل البرمجه من انجليزي الي عربي وتغير الاسطبات وجعلها مطابقه للسعوديه الغش واجد

[التعـ King ـديل]

بخصوص تحويل المبلغ الى حسابي ثاني وبما اني موظف بنك حباله طويله يمديك ترجع حقك

حول ولا تخاف وانتبه تخلي بالحساب لو ريال وراسلني للمزيد بعد ماتحول

بالنسبه للي يقول توقف الشيك حسب الانظمه البنكيه لو وقفت الشيك وجاء المستفيد يصرفه وهو مكتمل الاركان والرصيد يغطي ينسحب دون الرجوع لك

[0راعي الجبيل0]

انسخ رقم الشاصي وحطه بقوقل بيطلع لك مواقع تبيع السيارات المصدومة وبتشوف صورة موترك قبل السمكرة

تحياتي
ابوحمدان

[النبع الصافي]

أبو حمدان
وش الخطة الذكية هذي

[0راعي الجبيل0]

أبو حمدان
وش الخطة الذكية هذي

السيارات المصدومة تعرض في مزادات ويكون لها صور في النت قبل السمكرة
وقبل فترة واحد من اخواني كان في الامارات يدور سيارة استعمال امريكي وانت تعرف طريقة الكشف بالكارفاكس
واذا طلعت مصدومة احط رقم الشاص في قوقل وتطلع المواقع اللي معلنه فيها للبيع
قبل السمكرة وتكون صورها موجودة قبل الاصلاح

تحياتي
ابوحمدان

[مكشآتي للآخر]

ابشركم ولله الحمد الرجال متعآون معـي وماقصررر وبمآ انه كان متعآون وعلى كلامه انه راح مواصفات ومقايس على شان يخلصها لي السبت . وتعب عليها تنازلت عن الف ريآل من العربون والحمد لله الشيك الان معي وتم أتلافه ..


وبالنسبة للفحص تبين لي انه السيارة مستوردة الا الامارات بطريقة التشليح
ولايوجد لها صورة نهائيا


يعطيكم العافيه لكل واحد شـآرك بهالموضوع ..

[fate]

حسن النية في هالزمن غبااء
مع احترامي لك ترى لو رفض انه يرجع العربون له الحق الكامل
لانه قالك قبل ما تسلمه العربون افحص لاكن صار اللي صار
والدنيا دروس والله يعوضك ويرزقكك

[تميم2222]

يرجع مادام انه شرط لك البدي سليم ولقيت فيه صدمه ... ولا تخلي حقك

[رماديات]

مواتر الامارات سكراااااااااااااااااب

[عشانا]

لو لم يرجع لك العربون
قل وانت ساجد اللهم اجعلها في نفسه وفي اولاده

[عبدالرحمن السالم]

ابشركم ولله الحمد الرجال متعآون معـي وماقصررر وبمآ انه كان متعآون وعلى كلامه انه راح مواصفات ومقايس على شان يخلصها لي السبت . وتعب عليها تنازلت عن الف ريآل من العربون والحمد لله الشيك الان معي وتم أتلافه ..

وبالنسبة للفحص تبين لي انه السيارة مستوردة الا الامارات بطريقة التشليح
ولايوجد لها صورة نهائيا

يعطيكم العافيه لكل واحد شـآرك بهالموضوع ..


الحمد الله على كل حال ، وزين رجع لك العربون ماقصر والله
خذها قاعده لا تشري شي الا بعد ماتفحص ليطمئن قلبك حتى لو ترا ان السياراه جديده من الداخل والخارج ، افحص عشان تمطئن والله يرزقك باللى احسن منها

[الووتر بوك]

حسب الشروط ماقبل الاتفاق على البيع --- راجع نفسك بدقه قبل تتعب

[abo naser 1]

السيارة الواردة خصوصاً الأمريكي الي مسجل بكارفكس حادث تسجل السيارة تالفة حتى لو السيارة ماتحتاج لا سمكرة ولارش تعديل بسيط

فلك خيار الأرجاع او تفاوضة على تنزيل السعر اذا انت راغب الموتر
التسجيل في موقع كارفكس يعيب السيارة أثناء البيع

[escape_man]

لو لم يرجع لك العربون
قل وانت ساجد اللهم اجعلها في نفسه وفي اولاده

مايجوز وانا اخوك

العيال مايشيلون وزر اهلهم (يخرج الحي من الميت) وايضا (كل نفس بما كسبت رهينة)

هذا من التعدي في الدعاء والمشايخ لهم تفصيل لابد نرجع واياك ونتمعنه جيداً

ابارك لك صاحب الموضوع وطلع الرجال شهم والنوايا يعلمها ربك

[راعي الرود]

استغرب من الناس اللي تشتري سيارات بدون ما يتكلف ويروح يفحصها ؟

الفحص مايكلف 500 ريال ويطلع لك الظاهر والخافي

اما كذا قل به قل به بعدين الواحد يتحسف و يتحسب بعد مادفع دراهمه على سكر في ماء و يمكن الشخص نفس ماكان يدري انها مصدومه و زيك شراها ولا فحص

[بومالك]

وش لك بوجع الراس عسى الله يسلم التأجير المنتهي بالتمليك ريحنا من المستعمل

( خذه قاعد المستعمل النظيف مايطب المعارض يباع بالمجالس )

[مقناص10]

الموضوعقرب سنة عسى سلامات يالشباب ...راحت وانبعت السيارة تلقاها..وطارت الطيور بارزقها

لكن حسبي الله على كل مدلس ..وغشاش

وياخوان ينبغى الحذر لا يغرك طول لحية ولا طول شنب ...خاصة بالمعارض ...ووقت البيع افحص عند واحد واثنين وثلاث وإن قال لك لا ..قاله شكرا ودور غيرها من سيارة ويغرك الكلام اقسم بالله ياعليهم طرق للإقناع ويروح فيها الانسان اللي على نياته وماله فاللف والدوران

وبعد ما تشتري وتلقى الدينا كلها غير ما سمعت دور وقتها حقوق وغيره لأن للأسف لن تجد ..لأن ليس عندنا حقوق للمواطن او المستهلك الغلبان

[ابورايف]

هذه مشكله وللأسف يقع فيها الكثير .. البعض هداهم الله لا يفحص ويأخذ بكلام البائع طبعاً هذا خطأ فادح ..

الأمر الأخر الشيك أذا كان مصدق من البنك فأنك لن تستطيع تحويله أما أذا كان شيك مصرفي عادي فبهذه الحاله تستطيع بعد التحويل تخبر صاحب السياره بالحاصل وهذا مالدي

الله يعطيك خيره ويكفيك شره

[ضاوي البل]

عندك واحد من اثنين
يا ينزلك من سعر الموتر
باللي تتفقون عليه
أو يرجع العربون والشيك لمخالفة السلعة ما قاله صاحبها

[4x4ofroad]

الحمد لله عدت على خير
ونصيحه ابعد عن ال awd