تحويل من البنزين الى ديزل

[باترول - 91]

السلام وعليكم رحمه الله وبركاته




سيارتي باترول 91 كربريتر بانزين وتحتاج الى توضيب

وودي احولها من بنزين الى ديزل واغير المكينة طبعا


فشرايكم بمكاين الديزل في البر و قوتها ؟؟ << ماني راعي مطامر ومراقى

وافضل مكينة ديزل تركب على الباترول ؟

ووشو الاشياء اللى راح اغيرها بعد ما احولها من بنزين الى ديزل ؟

[باوزير]

الافضل ركب 4500 بخاخ سعرها معقول
او مكينة فتك بس غالية
الاثنين يركبون على نفس قواعد المكينة

او مكينة كروزر 4500

[جي تي]

مكينة الديزل زينه في ثلاث امور الاول في (التمشي في النفود) يعني الرقيت مايرقاها الابالقوه والثاني في قطع السيول ازين من البنزين والثالث الصرفيه بس والباقي البنزين افضل من ناحيت التطعيس والمراقى والسرعه والقوه اذا بتغير بتغير ركب
يا مكينة 4500 بخاخ حفت الباترول او اذا عندك ميزانيه ركب 4800 فتك (وانصح بالفتك ) او مكينة لكزس 400 تجي 8 سلندر وقويه وقد ركبت على كثير على الباترولات بس يبلها توليف شوي

[راعي المكشايت]

نصيحه وضب موترك ولا تغير مكينه موترك من بنزين الى ديزل لانها ما راح تزبط معك واحد اخبره حولها من بنزين الى ديزل وشرط على الورشه انها ما تبيع مكينته الاوله لمده ثلاثه شهور وعطوه ضمان

بعد اسبوع كل يوم خراب في خراب الين رجع مكينته الاوله ورجعت امروه مثل اول

[باترول 88]

ابدا ماتحتاج الى مكينه فقط
تشتريها من التشليح تجي وارد اليابان
مايحتاج لا ترهيم ولا شي
وراح تختصر اشياء واجده لان مكينه الديزل فقط لها سلك كهرب واحد يركب بالطرنبه الديزل وتشتغل المكينه
الترهيم فقط الرديتر لان الخراطيش تجي عكس
طبعا انا قد غيرت باترول موديل 90 من بنزيل الى ديزل
مميزاتها
تعبيها فل 20 ريال تمشيك من 450 كيلو الى 500
عزمها على حسب نظافت المكينه والطرنبه وسرعتها تصل الى 160 170
فيها تورك عالي وجبار تسحبلك اي شي وايضا تشغل الدبل مايفرق العزم كثير
وقد جربت باترول عليه مكينه ديزل وعليه هدرز ومراوح وانا معي باترول موديل 2003سلق كلبريتر الفرق كان بسسيط جدا كان صدامه الامامي عند صدامي الخلفي الى سرعه 130
خرابها قليل جدا
ركبتها وجلست مع الوالد الله يحفظه 5 سنوات ومشى فيها فوق 500 الف وسافر فيها الى كل الخليج واليمن وسوريا ولبنان وايضا وصل الي اروبا وهي تركيا ومع حمولات كببيره
وبعدها خبطت وضبناها ب 6 الاف وايضا الوالد ماقصر معها مغطها الى تعدا العداد مليون وبعدها استلمت السياره وحولتها بنزيل ولا زالت مكينه الديزل شغاله وبعتها
ترتفع الحراره الاتش ولا يضرها توقف تبرد وتمشي

وايضا الزيت ماكنا نغيره اذا نقص زودناه

يعيبها صوتها عالي شوي والدخان الاسود

ولاكن ماتقدر تعرف ان المكينه نظيفه ولا لا لان ماعليها ضمان يعني حظك ونصيبك

بالتوفيق ان شاء الله


بالنسبه لي ماعمري شفت مكينه نفس صبرها ابدا ابدا



ا

[abo naser 1]

السلام عليكم


أخوي انا شفتهن با الأمارات ديزل حقت البلد شبه جديدة نطل تشيل با الكريك مكاين كامله بملحقاتها واحتمال الصناعية القديمة تشليح ابو فهد بس أكيد السعر دبل الأمارات وترى مكاين الباترول الديزل جبارة وعملية ما جربته لآكن اشوف من الربع

اتوقع لو تركب معها كوارين ديزل أظن مقاس 8 أفضل تحشره ويشد عزمه

[التعـ King ـديل]

لا ترهم ولا شي مر الصناعيه القديمه تشليح الوفاء ويعطونك مكينه يابانيه وعليها ضمان ب 7000 والتركيب خلال يوم وموترك بيدك ولا تتعبث بالموتر ثم تندم

البنزين مافي مثله ابد مهما كثرت مميزات الديزل

[باترول - 91]

يعطيكم الف عافية وما قصرتوا



فيه تشاليح بالدمام وحوالينها تخبرونها تبيع مكاين وعليها ضماان ؟؟؟